AVILAN L inyeksiya uchun eritma 2ml N5

Инструкция AVILAN L inyeksiya uchun eritma 2ml N5

• Dori shakli

  2 мл дан 5 ампула тиббиётда қўлланилишига доир йўриқномаси билан бирга картон қутида.

• Qadoqda soni

  5

• Dozirovkasi

  Препарат мушак ичига чуқур юборилади. Оғир оғриқ синдромида кунига 2 мл дан 5-7 кун, кейин ҳафтасига 2 мл 2-3 марта 2 ҳафта давомида. Давомийлиги касаллик белгилари оғирлигига қараб шифокор томонидан белгиланади, лекин 2 ҳафтадан ошмаслиги керак. Даволашни қўллаб-қувватлаш учун даволашни ичиш учун дори шаклида давом эттириш тавсия этилади.  

• Dori vositalarining o'zaro ta'siri

  Тиамин таркибида сулфит бўлган эритмаларда тўлиқ парчаланади. Левадопа витамин В6 терапевтик дозалар таъсирини камайтиради. Бошқа витаминлар витамин В1 парчаланиши маҳсулотлари иштирокида инактивацияга учраши мумкин. Д-пенилламин, циклосеринлар билан ўзаро таъсири бӯлиши мумкин. Тиамин оксидловчи ва редуцияловчи моддалар билан мос келмайди: симоб хлорид, йодид, карбонат, ацетат, танин кислотаси, темир-аммиакли селитра, шунингдек натрий фенобарбитал, рибофлавин, бензилпенициллин, декстроза ва метабисулфит. Мис тиаминнинг емирилишини тезлаштиради; бундан ташқари тиамин pH қийматлари ошганда (3 дан ортиқ) ўз таъсирини йўқотади. Витамин В12 оғир металл тузлари билан мос келмайди. Бир вақтнинг ӯзида парентерал юборилган лидокаин ва эпинефрин ёки норепинефрин юрак томонидан ножӯя таъсирларни юзага келтириши мумкин. Сулфаниламидлар билан ўзаро таъсирга киришиши мумкин. Маҳаллий анестетиканинг дозаси ошганда адреналин ёки норадреналинни қўшимча равишда қўллаш керак эмас.

• Qo'llanilishi mumkin bo'lmagan holatlar

  препаратнинг таркибий қисмларига юқори сезувчанлик - тромбоэмболия - эритремия - эритроцитоз - декомпенсацияланган юрак етишмовчилигининг оғир ва ўткир шакллари - юрак ўтказувчанлигининг оғир бузилиши - ҳомиладорлик ва лактация даврлари - 18 ёшгача бўлган болалар ва ўсмирларда қўллаш мумкин эмас.  

• Maxsus saqlash sharoitlari

  Ёруғликдан ҳимояланган жойда, 25°С дан юқори бўлмаган ҳароратда сақлансин. Болалар ололмайдиган жойда сақлансин. Яроқлилик муддати Ишлаб чиқарилган кундан бошлаб 3 йил. Яроқлилик муддати ўтгач қўлланилмасин.

• Maxsus shartlar

  Препаратни қўллашдан олдин, лидокаинга индивидуал сезгирлик учун тери тестини ўтказиш керак, бу ҳолат (препаратга сезгирлик юқори бӯлса) инъекция жойининг шишиши ва қизариши билан кечади. Лидокаиннинг тез сўрилиши тизимли салбий реакцияларга олиб келиши мумкин, шунинг учун препарат аста-секин мушак ичига киритилиши керак, препаратнинг тасодифий томиричига киритилмаслигига эътибор берилиши керак. Авилан-Л бензил спиртини ўз ичига олади. Препаратни унинг таркибидаги бензил спирти туфайли болаларга буюриш мумкин эмас. Камдан кам ҳолларда В6 витаминининг ортиқча кунлик дозалари (500 мг ёки ундан ортиқ 5 ой давомида) периферик ҳиссий нейропатияга олиб келади, бу одатда препарат юборилиши тугаганидан кейин йўқолади. Витамин В12 псориаз билан оғриган беморларга мумкин эмас, у касаллик белгилари ёмонлашувига олиб келиши мумкин. Пиридоксин гидрохлорид акне кўринишини қўзғатиши мумкин. Препаратни қўллаш пайтида В витаминлари бўлган поливитаминларни қабул қилиш тавсия этилмайди. Препаратнинг транспорт воситасини ёки бошқа хавфли механизмларни бошқариш қобилиятига таъсири хусусиятлари: транспорт воситалари ҳайдовчилари ва потенциал хавфли механизмлар билан ишлайдиган шахслар томонидан препаратни қўллаш бўйича огоҳлантиришлар ҳақида маълумот йўқ.

• Nojo'ya samaralari

  - аллергик реакциялар (қичишиш шаклидаги тери реакциялари, тошмалар) - терлашнинг ортиши - тахикардия - ҳуснбузар - нафас олишнинг қийинлашуви - Квинке шиши - анафилактик шок - аритмия, брадикардия, бош айланиши, тиришиш, кўнгил айниши жуда тез парентерал юбориш ҳолатларида бўлиши мумкин.

• Farmakokinetikasi

  Комбинацияланган поливитаминли препарат. Препаратнинг таъсири унинг таркибидаги моддаларнинг хусусиятлари билан белгиланади. Тиамин гидрохлорид (витамин В1) - нерв импулсини ўтказишда иштирок этади. Биологик фаол тиаминдифосфат (кокарбоксилаза) ва тиаминтрифосфат (ТТР) шаклланиши билан организмда витамин В1 фосфорилланади. Тиаминдифосфат коэнзим сифатида нерв тўқимасининг метаболик жараёнларида муҳим аҳамиятга эга бўлган, синапсларда нерв импулсининг ўтказилишига таъсир этувчи углеводлар алмашинувининг муҳим функцияларида иштирок этади. В1 витамини етишмаганда тўқималарда метаболитлар, биринчи навбатда сут ва пируват кислоталари тўпланади, бу эса турли патологик ҳолатлар ва асаб тизимининг бузилишларига олиб келади. Пиридоксин гидрохлорид (витамин В6) - оқсиллар, углеводлар ва ёғлар алмашинувига таъсир этиб, у қон ҳосил бӯлиши ҳамда марказий ва периферик нерв системасининг нормал фаолияти учун зарур. У марказий асаб тизимида синаптик ӯтказувчанлик, томозланиш жараёнларини таъминлайди, нерв қобиғининг бир қисми бўлган сфингозинни ташишда ва катехоламинлар синтезида иштирок этади. Цианокобаламин (витамин В12) - нуклеотидлар синтезида иштирок этади, эпителий ҳужайраларининг нормал ўсиши ва ривожланиши ҳамда гемапоэзда муҳим омил ҳисобланади; шунингдек у фолий кислотаси алмашинуви ва миелин синтези учун зарур. Лидокаин маҳаллий анестетик таъсирга эга, потенциал боғлиқ натрий каналларини блоклайди, бу сезгир нервларнинг тугунларида импулслар ҳосил бўлишига ва нерв толалари бўйлаб импулслар ўтказилишига тўсқинлик қилади.

• Farmakodinamikasi

  Тиамин гидрохлорид мушак ичига юборилгандан сўнг тез ва тўлиқ сўрилади. У барча органлар ва тўқималар бўйлаб етарлича тенг тақсимланади. Миокард, скелет мускуллари, асаб тўқимаси ва жигарда тиаминнинг миқдори бу тузилмалар томонидан тиаминнинг кўпайиши туфайли юқори бўлади. Препарат жигарда метаболланади ва буйраклар томонидан тахминан 8-10% ўзгаришсиз чиқарилади. Тиаминнинг биологик ярим парчаланиши 0,35 соат. Ёғларда чекланган эриши туфайли организмда тиаминнинг тўпланиши содир бўлмайди. Витамин В6 пиридоксал-5-фосфатда фосфорилланади ва оксидланади. Қон плазмасида пиридоксал-5-фосфат албуминга боғланади. Ҳужайра мембранасидан ўтиш учун албуминга боғланган пиридоксал-5-фосфат ишқорий фосфатаза билан пиридоксалгача гидролизланади. Витамин В12 парентерал юборилгандан сўнг транспорт оқсил комплексларини ҳосил қилиб, жигар, суяк илиги, ва бошқа пролифератив органлар томонидан тез сўрилади. Витамин В12 ўтга киради ва ичак-жигар циркуляциясида иштирок этади. Витамин В12 йўлдош орқали ўтади. Лидокаин мушак ичига юборилганда тўқималарнинг бир оз ишқорий муҳитида тез гидролизланади ва қисқа яширин даврдан кейин 1-1,5 соат таъсир қилади. Қондаги оқсил билан боғланиши 60-80% ни ташкил этади. Биотрансформация - жигарда 90% фаол метаболитлар (моноэтилглицинексилидид, глицинексилидид)гача содир бӯлади. Буйраклар томонидан метаболитлар 10%гача чиқариб ташланади.  

• Dozani oshirib yuborilishi

  Симптомлари: препаратнинг ножўя таъсирлари белгиларининг кучайиши. Даволаш: симптоматик даволаш.