KOKARBOKSILAZI GIDROXLORID inyeksiya uchun eritma 50mg/2ml N10

Инструкция KOKARBOKSILAZI GIDROXLORID inyeksiya uchun eritma 50mg/2ml N10

• Qadoqda soni

  10

• Umumiy ma'lumot

  KOKARBOKSILAZI GIDROXLORID inyeksiya uchun eritma 50mg/2ml N10 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA KOKARBOKSILAZЫ GIDROXLORID COCARBOXYLASYe HYDROCHLORIDYe   Preparatning savdo nomi: Kokarboksilazы gidroxlorid Ta‘sir etuvchi modda (XPN): kokarboksilaza gidroxloridi Dori shakli: in‘eksion eritma tayyorlash uchun liofilizat. Tarkibi: 1 ampula yoki flakon quyidagilarni saqlaydi: faol modda:  50 mg kokarboksilaza gidroxloridi; yordamchi modda: natriy karbonati. Ta‘rifi: oq rangli, biroz o‘ziga xos hidli, gigroskopik, g‘ovak massa. Farmakoterapevtik guruhi: metabolik jarayonlarni to‘g‘rilovchi vosita. ATX kodi: A11DA. Farmakologik xususiyatlari Farmakodinamikasi Kokarboksilaza modda almashinuv jarayonlarini boshqaruvchi fermentlarning oqsilsiz tarkibiy qismi (kofermenti) dir. Organizmda tiamindan uni fosforlanishi natijasida hosil bo‘ladi. Ayniqsa uglevodlar almashinuvida, xususan, ketokislotalarning (pirouzum, α-ketoglyutar va boshqa) oksidlanishli dekarboksillanishida, shuningdek glyukozaning parchalanishini pentozofosfat yo‘lida muhim rol o‘ynaydi. Organizmda sut va pirouzum kislotalarning darajasini pasaytiradi, glyukozaning o‘zlashtirilishini, nerv to‘qimasini trofikasini yaxshilaydi, yurak-qon tomir tizimining faoliyatini normallashishiga yordam beradi. Kokarboksilaza V1 gipovitaminozi va avitaminozini davolash uchun qo‘llanmaydi, chunki uning biologik xususiyatlari tiaminning xususiyatlari bilan to‘liq to‘g‘ri kelmaydi. Farmakokinetikasi Organizmda to‘planmaydi. Siydik bilan chiqariladi. Qo‘llanilishi Kelib chiqishi diabetik bo‘lgan asidoz; jigar va diabetik koma, prekomatoz holatlar; jigar va buyrak yetishmovchiligi; o‘pka-yurak yetishmovchiligidagi nafas asidozi, qon aylanishining surunkali yetishmovchiligi, ekstrosistoliya, paroksizmal taxikardiya, xilpillovchi aritmiya va ritmning boshqa buzilishlari bilan kechuvchi yurak kasalliklari, tarqoq sklerozning yengil shakllari, preeklampsik holatlar va eklampsiya, periferik nevritlar, uglevodlar almashinuvini yaxshilashni talab qiluvchi turli patologik jarayonlar.   Qo‘llash usullari va dozalari Odatda majmuaviy davolashning komponenti sifatida qo‘llanadi. Mushak ichiga, kam hollarda – teri ostiga yoki vena ichiga yuboriladi. Yuborishdan oldin ampulaning ichidagisi 2 ml in‘eksiya uchun suvda eritiladi. Vena ichiga oqim bilan yuborish uchun hajmni 10-20 ml yetkazish, tomchilab yuborganda esa, 0,9% li natriy xloridi eritmasi yoki 5% li glyukoza eritmasini qo‘shib, 200-400 ml ga yetkazish kerak. Yuborish uchun doza kasallikning xarakteri va pasient holatining og‘irligini hisobga olib, shaxsiy ravishda belgilanadi. Kattalarga sutkada 50-100 mg dan bir marta yuboriladi. Davolash kursi 15-30 kun. Zarurati bo‘lganida (diabetik komada) ko‘rsatilgan doza 1-2 soatdan keyin takroran yuborilishi mumkin. Keyinchalik tutib turuvchi davolashga o‘tiladi – 50 mg dan sutkada 1 marta. O‘tkir buyrak va/yoki jigar yetishmovchiligida sutkada 3 marta 100-150 mg (4-6 ml) dan vena ichiga oqim bilan yoki tomchilab (5% li glyukoza eritmasida) 100-150 mg (4-6 ml) dan 1-1,5 oy davomida yuboriladi. Bolalarga teri ostiga yoki mushak ichiga yuboriladi: tug‘ilganidan boshlab hayotining uch oyligigacha – 25 mg dan sutkada 1 marta; 4 oylikdan 7 yoshgacha – 25-50 mg sutkada 1 marta, 8-18 yoshda – 50-100 mg sutkada 1 marta. Zarurati bo‘lganida ko‘rsatilgan sutkalik dozalarni ikki qabulga bo‘lib yuborish mumkin. Nojo‘ya ta‘sirlari Immun tizimi tomonidan: allergik reaksiyalar, shu jumladan yuqori sezuvchanlik reaksiyalari bo‘lishi mumkin. Simptomlari qichishishdan, teri toshmasidan, eshakemidan to anafilaktik shokkacha bo‘lishi mumkin; vena ichiga yuborilganda – in‘eksiya joyida giperemiya, qichishish, shish bo‘lishi mumkin.   Qo‘llash mumkin bo‘lmagan holatlar Kokarboksilazaga yuqori sezuvchanlik.   Dorilarning o‘zaro ta‘siri. Kokarboksilaza yurak glikozidlarining kardiotonik ta‘sirini kuchaytiradi va ularning o‘zlashtirilishini yaxshilaydi. Nomutanosiblik. Tayyorlangan eritmani boshqa dori vositalari bilan qo‘llash mumkin emas. Faqat o‘ramiga joylangan erituvchi ishlatilsin.   Maxsus ko‘rsatmalar Majmuaviy davolashni o‘tkazishda kokarboksilazani yurak glikozidlarining kardiotonik ta‘sirini kuchaytirish xususiyatini hisobga olish lozim. Xilpillovchi aritmiyada preparatni vena ichiga yuborish mumkin emas. Homiladorlik yoki emizish davrida qo‘llanishi. Kokarboksilaza gidroxloridini homiladorlarni davolash uchun yoki emizish davrida qo‘llashning samaradorligi va xavfsizligi aniqlanmagan, shuning uchun preparatni bu davrda buyurish tavsiya qilinmaydi. Bolalar. Tug‘ilganidan boshlab qo‘llanadi. Preparat vena ichiga qo‘llanmaydi. Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir etish qobiliyati. Tekshirilmagan. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.   Dozani oshirib yuborilishi Nojo‘ya reaksiyalari yaqqolroq shaklda ko‘rinishida namoyon bo‘ladi. Preparatni qo‘llashni to‘xtatish, nafasni va yurak-tomir tizimining faoliyatini me‘yorlashtirishga qaratilgan simptomatik davolash tavsiya qilinadi.   Chiqarilish shakli 50 mg dan preparat ampulalarda. 2 ml dan erituvchi ampulalarda. 5 yoki 10 preparatli ampuladan qutida, yoki 5 yoki 10 preparatli ampulalar va 5 yoki 10 erituvchili ampulalar qutida. Saqlash sharoiti Yorug‘lik ta‘siri himoyalash uchun original o‘ramida, 25oS dan yuqori bo‘lmagan haroratda saqlansin. Yaroqlilik muddati 3 yil. Dorixonalardan berish tartibi Resept bo‘yicha. Ulashish: