SPEMAN FORTE tabletkalari N100

Инструкция SPEMAN FORTE tabletkalari N100

• Qadoqda soni

  100

• Umumiy ma'lumot

  SPEMAN FORTE tabletkalari N100 qo'lanishi bo'yicha ko'rsatmalar Speman® preparatini tibbiyotda qo‘llash bo‘yicha YO‘RIQNOMA   Qayd etish raqami: Savdo nomi: Speman Dori shakli: Tabletkalar Tarkibi: Spemanning har bir tabletkasi quyidagilarni saqlaydi: Faol komponentlar: Kukunlar: 65 mg uxlatadigan vitaniya ildizi (Withania somnifera), 32 mg uzun bargli asterkant urug‘i (Astercantha longifolia), 16 mg kompas latuk urug‘i (Lactuca scariola), 16 mg baxmal qichishtiruvchi loviya urug‘i (Mucuna pruriens), 16 mg mozaikali oltin (Suvarnavang). Ekstraktlar: 32 mg chiroyli argireya ildizi (Argyreia speciosa), 32 mg yerbag‘rli temirtikan mevalari (Tribulus terrestris), 32 mg to‘rsimon leptadeniya poyasi (Leptadenia reticulate), 16 mg marvarid parmeliya qavati (Parmelia perlata). Yordamchi moddalar: magniy stearati, mikrokristall sellyuloza, krospovidon, natriy karboksimetilsellyuloza, aerosil (kolloid kremniy dioksidi). Ta‘rifi: Dumaloq, ikki yoqlama qavariq, och-jigarrangdan to‘q-jigarranggacha rangli dog‘lari bo‘lgan tabletkalar. Farmakoterapevtik guruhi: O‘simliklardan olingan prostataning xavfsiz giperplaziyasini davolash uchun vosita. ATX kodi: G04BX. Farmakologik ta‘siri: Tabletkalarning tarkibiga kiruvchi o‘simliklarning ta‘sir etuvchi moddalari spermatogenezni rag‘batlantiradi, spermatoidlarning faolligini oshiradi, spermaning yopishqoqligini pasaytiradi, prostata bezidagi dimlanish ko‘rinishlarini kamaytiradi, prostata bezini xavfsiz kattalashishida dizurik buzilishlarning yaqqollik darajasini kamaytiradi. Qo‘llanilishi: Prostata bezining xavfsiz giperplaziyasini simptomatik davolash uchun oligospermiyada spermatozoidlarning xarakatchanligi pasayganida qo‘llanadi.   Qo‘llash mumkin bo‘lmagan holatlar: Preparatning alohida komponentlariga yuqori sezuvchanlikda qo‘llash mumkin emas. Qo‘llash usuli va dozalari. Ichga buyuriladi. Prostata bezini xavfsiz kattalashishi: dastlab 2 tabletkadan kuniga 2-3 marta, keyinchalik erishilgan samarani bir maromda saqlab turuvchi dozagacha kamaytiriladi. Oligospermiya: 2 tabletkadan kuniga 3 marta 4-6 oy davomida buyuriladi. Nojo‘ya ta‘sirlari: Allergik reaksiyalar bo‘lishi mumkin. Dozani oshirib yuborilishi: Hozirgi vaqtgacha dozani oshirib yuborilishi to‘g‘risida ma‘lumotlar yo‘q. Boshqa dori vositalari bilan o‘zaro ta‘siri: Oligospermiyada «Tenteks forte» preparati bir vaqtda ishlatilganida davolash samarasi oshadi. Chiqarilish shakli: Tabletkalar; 100 tabletkadan plastmassa flakonda, har bir flakon tibbiyotda qo‘llash bo‘yicha yo‘riqnoma bilan birga karton qutida. Saqlash sharoiti: Quruq joyda, +10°S dan +30°S gacha bo‘lgan haroratda saqlansin. Bolalar ololmaydigan joyda saqlansin. Yaroqlilik muddati: Ishlab chiqarilgan sanadan boshlab 3 yil. O‘ramida ko‘rsatilgan yaroqlilik muddati o‘tgach ishlatilmasin. Dorixonalardan berish tartibi Shifokor reseptisiz. Ulashish: