DAPORIN tabletkalari 60mg N3

Инструкция DAPORIN tabletkalari 60mg N3

• Dori shakli

  Плёнка қобиқ билан қопланган таблеткалар. 3 таблетка блистерда. 1 ёки 2 блистер қўллаш бўйича йўриқномаси билан бирга картон қутига жойланган.

• Qadoqda soni

  3

• Dozirovkasi

  Препарат ичга қабул қилинади. Таблеткани бутун ҳолида, камида тўлиқ бир стакан сув билан ютиш керак. Препаратни овқатланишдан қатъий назар қабул қилиш мумкин. 18 ёшдан 64 ёшгача бўлган эркаклар Барча эркаклар учун тавсия этилган доза 30 мг ни ташкил этади; бу доза режалаштирилган жинсий алоқадан 1-3 соат олдин қабул қилинади. 30 мг дозани самараси етарли бўлмаганида ва яхши ўзлаштирилганида уни 60 мг гача ошириш мумкин. Тавсия этилган максимал қабул қилишлар сони 24 соатда бир марта. Муддатидан олдин кузатиладиган эякуляцияни даволаш учун Дапорин препаратини буюрган шифокор, пациент биринчи 4 ҳафта даволангандан сўнг ёки 6 дозасини қабул қилганидан сўнг препаратни қўллашдан кутиладиган ҳавф ва фойдани баҳолаши керак ва кейинчалик Дапорин препарати билан даволаш мақсадга мувофиқлигини ҳал қилиш учун ҳавф-фойда нисбатини аниқлаши керак. 65 ёшдан ошган пациентлар Ушбу пациентлар гуруҳида препаратни қўллаш самарадорлиги ва ҳавфсизлиги аниқланмаган. Буйрак фаолиятини бузилиши бўлган пациентлар Буйрак фаолиятини енгил ёки ўртача даражада бузилиши бўлган пациентлар учун препаратнинг дозасига тузатиш киритиш талаб этилмайди, аммо эҳтиёткорлик билан қўллаш тавсия этилади. Буйрак фаолиятини оғир даражадаги бузилиши бўлган пациентларга препаратни қўллаш тавсия этилмайди. Жигар фаолиятини бузилиши бўлган пациентлар Жигар фаолиятини енгил даражада бузилиши бўлган пациентлар учун препаратнинг дозасига тузатиш киритиш талаб этилмайди. жигар фаолиятини ўртача ва оғир даражада бузилиши (Чайлд-Пью шкаласи бўйича В ва С синфлар) бўлган пациентларга препаратни қўллаш мумкин эмас. CYP2D6 изоферментининг фаоллиги паст бўлган пациентлар, CYP2D6 изоферментининг фаол ингибиторлари билан бир вақтда қабул қилиш CYP2D6 изоферментининг фаоллиги паст бўлган шахсларга ёки Дапорин препарати билан бир вақтда CYP2D6 изоферментининг фаол ингибиторларини қабул қилаётган пациентларга Дапорин препаратининг дозаси 60 мг гача оширилганида эҳтиёткорликка риоя қилиш керак. CYP3A4 изоферментининг фаол ёки ўртача фаол ингибиторларини қабул қилаётган пациентлар CYP3A4 изоферментининг фаол ингибиторларини бир вақтда қабул қилиш мумкин эмас. Дапорин препаратини CYP3A4 изоферментининг ўртача фаол ингибиторлари билан бир вақтда қабул қилганда препаратнинг дозасини 30 мг гача пасайтириш керак.

• Dori vositalarining o'zaro ta'siri

  СҚҚСИ ва моноаминоксидаза ингибиторларини бир вақтда қабул қилган пациентларда жиддий, баъзида ўлим билан якунланган реакциялар, шу жумладан гипертермия, мушаклар ригидлиги, миоклонус, вегетатив нерв тизимини ҳаётий муҳим аъзолар фаолиятининг кўрсаткичларини тез ўзгариши билан кечувчи беқарорлиги, шунингдек руҳий ҳолатини ўзгариши, шу билан бирга делирий ҳамда комагача зўрайиб борувчи кучли қўзғалишлар ривожланганлиги таърифланган. Бу реакциялар СҚҚСИ қабул қилишни яқинда тўхтатган ва МАО ингибиторлари билан даволанишни бошлаган пациентларда кузатилган. Баъзи ҳолларда симптомлари ҳавфли нейролептик синдромни эслатган. Ҳайвонларда СҚҚСИ ва МАО ингибиторларини бирга қўллаш вақтида олинган маълумотлар, ушбу препаратлар артериал босимни синергик ошириши ва хулқ-атворни қўзғалувчан қилиши мумкин деб тахмин қилинади. Шунинг учун Дапорин препаратини МАО ингибиторлари билан бир вақтда ва уларни қўллаш тўхтатилганидан сўнг 14 кун давомида қабул қилиш мумкин эмас. Аналогик ҳолат, МАО ингибиторларини Дапорин препаратини қўллаш тўхтатилганидан сўнг 7 кун давомида қабул қилиш мумкин эмас. Тиоридазин QTc оралиғини узайтиради, бу юрак қоринчалари аритмияси билан кечади. CYP2D6 ферментини сусайтирадиган, Дапорин туридаги препаратлар, эҳтимол, тиоридазиннинг метаболизмини тормозлайди. Бунинг оқибатида чақириладиган тиоридазиннинг даражасини ошиши QTc оралиғини узайишини кучайтиришини кутиш мумкин. Дапорин препаратини тиоридазин препарати билан бир вақтда ва уни қўллаш тўхтатилганидан сўнг 14 кун давомида қабул қилиш мумкин эмас. Аналогик ҳолат, тиоридазин препаратини Дапорин препаратини қабул қилиш тўхтатилганидан сўнг 7 кун давомида қабул қилиш мумкин эмас. Дапорин препаратини серотонинергик препаратлар (шу жумладан МАО-ингибиторлари, L-триптофан, триптанлар, трамадол, линезолид, СҚҚСИ, серотонин ва норадреналинни қамраб олинишини ингибиторлари, литий ва далачой препаратлари (Hypericum perforatum)) билан бир вақтда қўллаш серотонинергик ножўя самараларнинг учраш тезлигини ошириши мумкин. Дапорин препаратини бошқа СҚҚСИ, МАО-ингибиторлари ва бошқа серотонинергик препаратлари билан бир вақтда ва ушбу препаратларни қўллаш тўхтатилганидан сўнг 14 кун давомида қабул қилиш мумкин эмас. Аналогик ҳолат, ушбу препаратларни Дапорин препаратини қўллаш тўхтатилганидан сўнг 7 кун давомида қабул қилиш мумкин эмас. Муддатидан олдин эякуляция кузатиладиган пациентларда Дапорин препаратини марказий нерв тизимига таъсир қилувчи препаратлар билан бир вақтда қўллаш ўрганилмаган. Ушбу препаратларни бир вақтда қабул қилиш зарурати туғилганида эҳтиёткорликка риоя қилиш керак. CYP2D6, CYP3A4 ва ФМ01 изоферментларининг ингибиторлари дапоксетиннинг клиренсини камайтириши мумкин. Дапорин препаратини CYP3A4 изоферментининг фаол ингибиторлари, масалан, кетоконазол, итраконазол, ритонавир, саквинавир, телитромицин, нефазодон, нелфинавир ва атазанавир билан бир вақтда қўллаш мумкин эмас. CYP3A4 изоферментининг ўртача фаол ингибиторларини, масалан, эритромицин, кларитромицин, флуконазол, ампренавир, фосампренавир, апрепитант, верапамил ёки дилтиазем билан бир вақтда қўллаш, айниқса CYP2D6 изоферментининг фаоллиги паст бўлган пациентларда дапоксетин ва дезметилдапоксетиннинг тизимли таъсир даражасини аҳамиятли ошириши мумкин. Тадалафил дапоксетиннинг фармакокинетикасига таъсир қилмаган. Силденафил дапоксетиннинг AUC ва Сmах бироз оширган, бу клиник жиҳатдан аҳамиятсиз ҳисобланади. ФДЭ-5 ингибиторларини қабул қилаётган пациентларда ортостатик гипотонияга толерантлик паст бўлганлиги туфайли, Дапорин препаратини уларга эҳтиёткорлик билан буюриш керак. α-адреноблокаторларни қабул қилаётган пациентларда ортостатик гипотонияга толерантлик паст бўлганлиги туфайли, Дапорин препаратини уларга эҳтиёткорлик билан буюриш керак. Дапоксетин CYP2D6 изоферменти томонидан метаболизмга учрайдиган бошқа препаратларнинг қон плазмасидаги концентрациясини ошириши мумкин. Буни клиник аҳамияти катта эмас. Дапорин препарати варфарин препаратини узоқ муддат қабул қилаётган пациентларга буюрилганида эҳтиёткорликка риоя қилиш тавсия этилади. Этанол ва Дапорин препаратини бир вақтда қабул қилиш бош айланиши, уйқучанлик, рефлексларни секинлашиши, фикрлашни ўзгариши каби нохуш реакцияларнинг учраш тезлиги ва оғирлигини кучайтиради. Алкоголни Дапорин препарати билан мажмуада қўллаш ҳам нейрокардиоген ножўя самаралар, хусусан, хуш кетишлар сонини ошириши мумкин, бу кутилмаган жароҳатлар ҳавфини оширади. Шунинг учун Дапорин препарати билан даволаниш вақтида алкогол қабул қилишдан сақланиш керак.

• Qo'llanilishi mumkin bo'lmagan holatlar

  •       дапоксетин гидрохлоридига ёки препаратнинг ёрдамчи моддаларидан бирортасига ўта юқори сезувчанлик; •       яққол ифодаланган юрак касалликлари (масалан, NYHA бўйича II-IV синф юрак етишмовчилиги), доимий кардиостимулятор бўлмаганида юрак ўтказувчанлигини бузилиши (атриовентрикуляр ўтказувчанликни 2-3 даражадаги блокадаси ёки синус тугунини сустлиги синдроми), яққол ифодаланган юрак ишемик касаллиги ёки юракнинг клапан аппаратини шикастланиши); •       моноаминооксидаза ингибиторлари (МАО-И) бир вақтда қабул қилиш ва уларни қўллаш тўхтатилганидан сўнг 14 кун давомида қабул қилиш (аналогик ҳолатда, МАО-И препаратни қабул қилиш тўхтатилганидан сўнг 7 кун давомида қабул қилиш мумкин эмас); •       тиоридазин препаратини бир вақтда ва уни қўллаш тўхтатилганидан сўнг 14 кун давомида қабул қилиш (аналогик ҳолат, препаратни қабул қилиш тўхтатилганидан сўнг 7 кун давомида тиоридазинни қабул қилиш мумкин эмас); •       серотонинни қайта қамраб олинишини ингибиторларини (серотонинни қайта қамраб олинишини селектив ингибиторлари – СҚҚСИ), норадреналин ва трициклик антидепрессантлар ва серотонинергик таъсирга эга бўлган бошқа препаратлар (масалан, L-триптофан, триптанлар, трамадол, линезолид, литий), далачой (Hypericum perforatum) препаратларини бир вақтда қабул қилиш ва ушбу препаратларни қўллаш тўхтатилганидан сўнг 14 кун давомида қабул қилиш (аналогик ҳолат, препаратни қабул қилиш тўхтаилганидан сўнг 7 кун давомида ушбу препаратларни қабул қилиш мумкин эмас); •       CYP3A4 изоферментининг фаол ингибиторлари, масалан, кетоконазол, итраконазол, ритонавир, саквинавир, телитромицин, нефазодон, нелфинавир, атазанавир ва бошқалар билан бир вақтда қабул қилиш; •       жигар фаолиятини ўртача ва оғир даражадаги бузилишлари (Чайлд-Пью шкаласи бўйича В ва С синф); •       18 ёшгача бўлган болаларга қўллаш мумкин эмас.

• Maxsus saqlash sharoitlari

  25°С дан юқори бўлмаган ҳароратда сақлансин. Яроқлилик муддати 3 йил.

• Maxsus shartlar

  Препарат фақат муддатидан олдин эякуляция кузатиладиган эркаклар учун мўлжалланган. Муддатидан олдин эякуляция кузатилмайдиган эркакларда препаратни қўллаш ҳавфсизлиги аниқланмаган, эякуляцияни кечикиши юзасидан маълумотлар йўқ. Эректил дисфункцияси бўлган, фосфодиэстераза ингибиторларининг 5 турини (ФДЭ-5) қабул қилаётган пациентлар Дапорин препаратини қабул қилишлари мумкин эмас. Юрак ва қон-томирларни органик касалликлари (масалан, юракдан қонни отилиб чиқишини обструкцияси, юракнинг клапан аппаратини шикастланиши, уйқу артерияси стенози, коронар артерияни атеросклерози) бўлган пациентларда юрак касалликлари ва бошқа касалликлар оқибатида хушдан кетишларнинг нохуш юрак-қон томир оқибатларини ривожланиш ҳавфи юқори бўлади. Бироқ ҳозирги вақтда, ушбу ҳавф юрак-қон томир касалликлари бўлган пациентларда вазовагал хушдан кетишларга тарқалиш ёки тарқалмаслигини аниқлаш учун маълумотлар етарли эмас. Клиник тадқиқотларда ортостатик гипотонияни ривожланиш ҳоллари таърифланган. Шифокор, кузатилиши мумкин бўлган продромал симптомлар, масалан пациент ўрнидан турганидан сўнг енгил бош айланиши пайдо бўлганида, зудлик билан ётиш керак, бунда бош танадан пастроқда бўлиши керак ёки бошни тиззалар орасига тушириб ўтириши ва симптомлар ўтиб кетгунича шундай ҳолатда қолиши керакли юзасидан пациентга олдиндан ахборот бериши керак. Бундан ташқари, пациент узоқ муддат ётганидан ёки ўтирганидан сўнг ўрнидан тўсатдан туришидан сақланиш кераклиги юзасидан пациентга ахборот бериш керак. Қон-томирларни кенгайтирувчи препаратлар (масалан, α-адреноблокаторлар, нитратлар, ФДЭ-5 ингибиторлари) ни қабул қилаётган пациентларда препаратнинг ортостатик таъсирига толерантлиги паст бўлиши мумкинлиги туфайли, уларга Дапорин препаратини эҳтиёткорлик билан буюриш керак. Қисқа муддатли тадқиқотларда тарқоқ депрессия ва бошқа руҳий бузилишлари бўлган болалар ва ўсмирларда антидепрессантлар, шу жумладан СҚҚСИ ўз жонига қасд қилиш ва суиқасдлик фикрлари пайдо бўлиш ҳавфини плацебога нисбатан кўпроқ оширган. 24 ёшдан ошган катталарда бундай самара аниқланмаган. Ананмнезида мания/гипомания ёки биполяр бузилишлари бўлган пациентларга Дапорин препаратини қўллаш мумкин эмас. Ушбу касалликларнинг симптомлари пайдо бўлганида препаратни қабул қилишни тўхтатиш керак. СҚҚСИ тиришиш бўсағасини пасайтириш ҳусусияти борлиги туфайли, ностабил тутқаноқ билан хасталанган пациентларга Дапорин препаратини буюришдан сақланиш керак, тиришишлар пайдо бўлганида препаратни бекор қилиш керак. Назоратли тутқаноқ билан хасталанган пациентларни яхшилаб кузатиш тавсия этилади. Дапорин препаратини қўллашни бошлашдан олдин пациентда депрессиянинг белгилари ва симптомлари бўлганида ташхис қўйилмаган депрессив бузилишлар борлигини истисно қилиш учун текширув ўтказиш керак. Дапорин препаратини антидепресантлар, шу жумладан СҚҚСИ ва серотонин ҳамда норадреналинни қайта қамраб олинишини ингибиторлари билан бир вақтда қабул қилиш мумкин эмас. Дапорин препарати билан даволашни бошлаш учун депрессия ёки ҳавотирликни даволашни тўхтатиш тавсия этилмайди. Препарат руҳий бузилишлар (масалан, шизофрения ёки дапрессия) ни даволаш учун мўлжалланмаган, шундай касалликлар билан хасталанган эркакларга уни қўллаш мумкин эмас, чунки бунда депрессиянинг симптомларини кучайишини истисно қилиш мумкин эмас. Безовталикни чақирадиган ҳар қандай фикрлар ёки ҳиссиётлар пайдо бўлганида зудлик билан шифокорга хабар бериш керак. Дапорин препарати билан даволаниш вақтида депрессиянинг белгилари ва симптомлари пайдо бўлганида, препаратни бекор қилиш керак. Дапорин препаратини қабул қилган пациентларда продромал симптомлар, шу жумладан кўнгил айниши, бош айланиши / бошда енгиллик ҳисси ва терлаш кузатилган. Дапорин препарати билан даволаниш вақтида продромал симптомлар ёки уларсиз кечувчи хушдан кетиш ҳолати ривожланиши мумкинлиги юзасидан пациентлар огоҳлантирилган бўлишлари керак. Пациент хушидан кетиб, йиқилганида жиддий жароҳатлар олиш ҳавфини пасайтириш учун продромал белгилар ва симптомларни аниқлаш ва етарли миқдорда сув истеъмол қилишни муҳимлиги юзасидан шифокор пациентга ахборот бериши керак. Кузатилиши мумкин бўлган продромал симптомлар пайдо бўлганида, пациент зудлик билан ётиши керак, бунда бош танадан пастроқда бўлиши керак ёки бошни тиззалар орасига тушириб ўтириши ва симптомлар ўтиб кетгунича шундай ҳолатда қолиши керак. Хушдан кетиш ёки марказий нерв тизими томонидан бошқа самаралар пайдо бўлганида потенциал ҳавфли жароҳатлардан, шу жумладан автомобилни бошқариш ва ҳавфли механизмларни бошқаришдан сақланиш кераклиги юзасидан пациентни огоҳлантириш керак. Дапорин препаратини алкоголь билан бирга қабул қилиш нейрокардиоген ножўя самаралар, шу жумладан хушдан кетишни кучайтириши мумкин, бу кутилмаган жароҳатлар ҳавфини оширади; шунинг учун препарат билан даволаниш вақтида пациентларга алкоголь истеъмол қилишдан сақланишни тавсия этиш керак. Препарат CYP3A4 изоферментининг ўртача фаол ингибиторлари (эритромицин, кларитромицин, флуконазол, ампренавир, фосампренавир, апрепитант, верапамил, дилтиазем) билан бир вақтда қабул қилинганида препаратнинг дозасини 30 мг гача пасайтириш, эҳтиёткорлик билан қўллаш керак. CYP2D6 изоферментининг фаол ингибиторларини қабул қилаётган пациентларга ва CYP2D6 изоферментининг фаоллиги паст бўлган пациентларга препаратнинг дозаси 60 мг гача оширилганида эҳтиёткорликка риоя қилиш тавсия этилади, чунки бунда препаратнинг тизимли таъсир қилиш даражасига мувофиқ равишда препаратнинг дозасига боғлиқ нохуш кўринишларини учраш тезлиги ва оғирлиги ошиши мумкин. СҚҚСИ қўлланганида қон кетиш ҳоллари таърифланган. Дапорин препарати тромбоцитларнинг фаолиятига таъсир қилувчи препаратлар (масалан, атипик нейролептиклар, фенотиазинлар, ацетилсалицил кислотаси, ностероид яллиғланишга қарши воситалар (НЯҚВ), антикоагулянтлар) билан бир вақтда қабул қилинганида, шунингдек анамнезида қон кетишлари ёки қон ивиши тизимини бузилишлари бўлган пациентларга қўлланганида эҳтиёткорликка риоя қилиш тавсия этилади. Буйрак фаолиятини оғир даражадаги бузилишлари бўлган пациентларга препаратни қўллаш тавсия этилмайди, буйрак фаолиятини ўртача ва енгил даражада бузилишлари бўлган пациентларга препаратни эҳтиёткорлик билан қўллаш керак. Бекор қилиш синдроми Сурункали депрессив бузилишларни даволаш учун узоқ муддат қўлланаётган СҚҚСИ бирдан бекор қилинганида қуйидаги симптомлар: кайфиятни пасайиши, таъсирчанлик, қўзғалувчанлик, бош айланиши, сезувчанликни бузилишлари (масалан, электроток урганда кузатиладиган ҳиссиёт кўринишидаги парестезиялар), ҳавотирлик, онгни чалкашиши, бош оғриғи, летаргия, эмоционал беқарорлик, уйқусизлик, гипоманияга олиб келиши юзасидан маълумотлар мавжуд. Ҳомиладорлик ва лактацияда қўлланиши Препарат аёлларда қўллаш учун мўлжалланмаган. Педиатрияда қўлланиши Дапорин препаратини 18 ёшгача бўлган пациентларга қўллаш мумкин эмас. Автотранспортни ҳайдаш ва механизмларни бошқариш қобилиятига таъсири Дапоксетин препаратини қабул қилганда бош айланиши, диққатни бузилиши, хушдан кетиш, кўришни ноаниқлиги, уйқучанлик ҳоллари таърифланган. Жароҳатларни олиш мумкин бўлган ҳолатлардан, шу жумладан автомобилни ҳайдаш ва ҳавфли механизмларни бошқаришдан сақланиш кераклиги юзасидан пациентни огоҳлантириш керак. Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.  

• Nojo'ya samaralari

  Клиник тадқиқотларда тез-тез кузатилган ва препаратнинг дозасига боғлиқ бўлган қуйидаги ножўя таъсирлари: кўнгил айниши (дапоксетиннинг 30 мг ва 60 мг дозаси қабул қилинганида мувофиқ 11,0% ва 22,2%), бош айланиши (5,8% ва 10,9%), бош оғриғи (5,6% ва 8,8%), диарея (3,5% ва 6,9%), уйқусизлик (2,1% ва 3,9%), толиқиш (2,0% ва 4,1%) қайд этилган. Препарат билан даволашни бекор қилиш талаб этилган энг кўп ножўя кўринишлар кўнгил айниши (2,2% пациентларда) ва бош айланиши (1,2%) бўлган. Ножўя самараларни учраш тезлигини қуйида келтирилган кўрсаткичлари қуйидаги тарзда аниқланган: жуда тез-тез (≥ 1/10); тез-тез (≥ 1/100, < 1/10); тез-тез эмас (≥ 1/1000, < 1/100); кам ҳолларда (≥ 1/10000, < 1/1000). Руҳий бузилишлар: тез-тез – ҳавотирлик, ажитация, безовталик, одатда кузатилмайдиган тушлар кўриш, либидони пасайиши; тез-тез эмас – депрессия, депрессив кайфият, эйфория ҳолати, кайфиятни ўзгарувчанлиги, асабийлик, бефарқлик, апатия, онгни чалкашиши, дезориентация, патологик фикрлаш, соматосенсор амплификация, уйқуни бузилиши, бошланғич уйқусизлик, оралиқ уйқусизлик, тунги даҳшатлар, бруксизм, либидони йўқолиши, аногразмия. Марказий нерв тизими томонидан: жуда тез-тез – бош айланиши, бош оғриғи; тез-тез – уйқучанлик, диққатни жамлашни бузилиши, тремор, парестезия; тез-тез эмас – хушдан кетиш (шу жумладан вазовагал хушдан кетиш), постурал бош айланиши, акатизия, таъм билишни бузилиши, ҳаддан ташқари уйқучанлик, летаргия, седатив ҳолат, онгни сусайиши; кам ҳолларда – жисмоний ҳаракатларда бош айланиши, тўсатдан ухлаб қолиш; Кўриш аъзолари томонидан: тез-тез – кўришни ноаниқлиги; тез-тез эмас – мидриаз, кўз соҳасида оғриқ, кўришни бузилиши. Эшитиш аъзолари ва лабиринт томонидан: тез-тез – қулоқларни шанғиллаши; тез-тез эмас – вертиго. Юрак-қон томир тизими томонидан: тез-тез – қизиб кетиш ҳисси; тез-тез эмас – синус тугуни фаоллигини тўхташи, синусли брадикардия, тахикардия, артериал босимни пасайиши, систолик гипертензия, қизиб кетиш ҳисси. Нафас тизими томонидан: тез-тез – бурунни битиши, эснаш. Меъда-ичак йўллари томонидан: жуда тез-тез – кўнгил айниши; тез-тез – диарея, қусиш, қабзият, қорин соҳасида оғриқ, диспепсия, метеоризм, меъда соҳасида дискомфорт ҳисси, қоринни дам бўлиши, оғизни қуриши; тез-тез эмас – қорин соҳасида дискомфорт, эпигастрийда дискомфорт. Тери ва тери ости тўқималари томонидан: тез-тез – гипергидроз; тез-тез эмас – қичишиш, совуқ тер чиқиши. Репродуктив тизими томонидан: тез-тез – эректил дисфункция; тез-тез эмас – эякуляцияни бўлмаслиги, оргазмни издан чиқиши, шу жумладан эркакларда аноргазмия, эркакларда жинсий аъзоларни парестезияси. Умумий ўзгаришлар: тез-тез – ҳолсизлик, таъсирчанлик; тез-тез эмас – астения, қизиш ҳисси, ҳавотирлик ҳисси, лоҳаслик, маст бўлиш ҳисси. Лаборатор кўрсаткичларни ўзгариши: тез-тез – артериал босимни ошиши; тез-тез эмас – юрак қисқаришлари сонини ошиши, диастолик артериал босимни ошиши, ортостатик артериал босимни ошиши. Айрим ножўя самараларни таърифи Онгни йўқолиши, брадикардия ёки синус тугуни фаолиятини тўхташи билан кечувчи хушдан кетишлар холтер мониторинги ўтказилган пациентларда кузатилган ва клиник тадқиқотларда қайд этилган. Ушбу нохуш кўринишлар препаратни қўллаш билан боғлиқ сифатида баҳоланган. Кўпчилик ҳолларда препаратни қабул қилгандан сўнг биринчи 3 соат давомида, биринчи дозаси қабул қилингандан сўнг кузатилган ёки тиббий муолажалар (қон олиш, тана ҳолатини ўзгариши, артериал босимни ўлчаш) оқибатида ассоциацияланган. Продромал симптомлар кўпинча хушдан кетишларга олиб келган. Хушдан кетиш ва продромал симптомларни учраш тезлиги препаратнинг дозасига боғлиқ бўлган, препаратни катта дозаларда қабул қилган пациентларда намойиш этилган. Препарат бекор қилинганидаги самаралари Сурункали депрессив бузилишларни даволаш учун узоқ муддат қўлланаётган серотонинни қайта қамраб олинишини селектив ингибиторлари (СҚҚСИ) тўсатдан бекор қилинганида қуйидаги симптомлар: дисфория ҳолати, таъсирчанлик, ажитация, бош айланиши, сенсор бузилишлар (масалан, парестезия), ҳавотирлик, онгни чалкашиши, бош оғриғи, летаргия, эмоционал лабиллик, уйқусизлик ва гипомания кузатилган. Ҳавфсизликни ўрганиш натижалари, препарат 62 кун давомида қўлланганидан сўнг бекор қилинганида енгил ва ўртача даражадаги бош айланиши ва уйқусизлик кўринишидаги бекор қилиш симптомларини ривожланиш тезлиги юқорироқ бўлишини кўрсатди.

• Farmakokinetikasi

  Муддатидан олдин кузатиладиган эякуляцияда дапоксетиннинг таъсир механизми нейронлар томонидан серотонинни қайта қамраб олинишини тозмозланиши ва кейинчалик пре- ҳамда постсинаптик рецепторларига нейромедиаторларнинг таъсирини кучайиши билан боғлиқ деб тахмин қилинади. Эякуляцияни механизми асосан симпатик нерв тизими томонидан бошқарилади. Постганглионар симпатик нерв толалари уруғдонлар, уруғ йўллари, простата бези, уретра ва қовуқ мушакларини иннервация қилади, эякуляцияга эришиш учун уларнинг координацион қисқаришларини чақиради. Дапоксетин эякуляция рефлексига таъсир кўрсатиб, оралиқдаги ганглий мотонейронларининг рефлектор импульсациянинг яширин даврини узайтиради ва давомийлигини қисқартиради. Эякуляцияни ишга туширувчи стимул орқа миядаги рефлектор маркази томонидан бошқарилади, бош миянинг устуни орқали бош миядаги бир неча ядролар, шу жумладан преоптик ва паравентрикуляр ядролар томонидан назорат қилинади.

• Farmakodinamikasi

  Сўрилиши Дапоксетин тез сўрилади, ва қон плазмасида максимал концентрациясига (Сmах) препарат қабул қилинганидан сўнг 1-2 соатдан кейин эришади. Мутлоқ биокираолишлиги 42% (15-76% диапазонида) га тенг. Дапоксетин оч қоринга 30 мг ва 60 мг дозаларда оғиз орқали бир марта қабул қилинганидан сўнг қон плазмасида фаол модданинг максимал концентрацияси мувофиқ 297 нг/мл (1,01 соатдан кейин) ва 498 нг/мл (1,27 соатдан кейин) ни ташкил этади. Ёғли овқат қабул қилиш дапоксетиннинг Сmах ўртача даражада (10% га) камайтиради ва AUC (“концентрация-вақт” эгри чизиғи остидаги майдон) ва қон плазмасида максимал концентрацияга эришиш вақтини 12% га оширади. Бироқ бунда дапоксетинни сўрилиш даражаси ўзгармайди. Бу ўзгаришлар клиник жиҳатдан аҳамиятга эга эмас. Дапорин препаратини овқатланишдан қатъий назар қабул қилиш мумкин. Тақсимланиши In vitro шароитларида дапоксетиннинг 99% дан кўпроқ қисми плазма оқсиллари билан боғланади. Фаол метаболити – дезметилдапоксетин – плазма оқсиллари билан 98,5% га боғланади. Дапоксетин бутун организм бўйлаб 162 л ўртача мувозанатли тақсимланиш ҳажми билан тез тақсимланади. Метаболизми In vitro шароитларида ўтказилган тадқиқотлар, дапоксетин кўпгина жигар ва буйрак ферментлари, айниқса CYP2D6, CYP3A4 ва буйракдаги флавин сақловчи монооксигеназа (ФМ01) ферментлари томонидан метаболизмга учрайди деб тахмин қилиш имконини беради. 14С-дапоксетиннинг метаболизми ўрганилган клиник тадқиқот вақтида дапоксетин перорал қабул қилинганидан сўнг асосан N-оксидланиш, N-деметилланиш, нафтогуруҳини гидроксилланиши, глюкуронизацияси ва сульфогуруҳини бирикиши орқали фаол метаболизмга учраган. Перорал қабул қилинганидан сўнг жигарда тизимолди метаболизм белгилари аниқланган. Қон плазмасида айланиб юрувчи асосий компонентлари интакт дапоксетин ва дапоксетин-N-оксида бўлган. In vitro шароитларида ўтказилган тадқиқотларда дапоксетин-N-оксидини фаол эмаслиги аниқланган. Бундан ташқари, дапоксетиннинг қонда айланиб юрувчи метаболитларини умумий миқдоридан 3% дан камроқ миқдорда дезметилдапоксетин ва дидезметилдапоксетин метаболитлари аниқланган. In vitro шароитларида ўтказилган тадқиқотларда, дезметилдапоксетин фаоллиги бўйича дапоксетин билан бир хил, дидезметилдапоксетиннинг фаоллиги эса дапоксетинга нисбатан тахминан 2 марта камлиги аниқланган. Боғланмаган дезметилдапоксетиннинг экспозицияси (AUC ва Сmах) боғланмаган дапоксетиннинг экспозициясидан мувофиқ 50% ва 23% ни ташкил этган. Чиқарилиши Дапоксетиннинг метаболитлари асосан сийдик билан конъюгатлар кўринишида чиқарилади. Ўзгармаган фаол модда сийдикда аниқланмайди. Дапоксетин тез чиқарилади, буни препаратнинг дозаси қабул қилинганидан сўнг 24 соатдан кейин қон плазмасида модданинг концентрациясини пастлиги (максимал концентрациясидан 5% дан ҳам кам) далолат беради. Ҳар куни қабул қилинганида организмда фаол моддани тўпланиши минимал даражада. Перорал қабул қилинганида якуний ярим чиқарилиш даври тахминан 19 соатни ташкил этади. Айрим пациентлар тоифасида препаратнинг фармакокинетикаси Ирқ Дапоксетинни 60 мг дозада бир марта қабул қилиш европаликлар, негроид ирқига мансуб шахслар, лотин америкаликлар ва осиёлик шахсларда препаратнинг фармакокинетик кўрсаткичларида статистик ишонарли фарқлар аниқланмаган. Европаликлар ва японияликларда дапоксетиннинг фармакокинетикасини қиёслаш японияликларда тана вазнини камлиги туфайли Сmах ва AUC (“концентрация-вақт” эгри чизиғи остидаги майдон) қийматлари юқорироқ (10-20% га) эканлигини кўрсатди. Янада юқорироқ тизимли таъсир даражаси клиник самарасида аҳамиятли фарқларни чақириши номаълум. Кекса (65 ёш ва ундан катта) ёшдаги пациентлар Дапоксетинни 60 мг дозада бир марта қабул қилиш соғлом кекса ёшдаги эркаклар ва нисбатан ёшроқ эркакларнинг фармакокинетик кўрсаткичлари (Сmах, AUCinf (“концентрация-вақт” эгри чизиғи остидаги майдон), Тmах) аҳамиятли даражадаги фарқлар аниқланмаган. Дапоксетиннинг ўртача AUCinf қиймати ва якуний ярим чиқарилиш даври кекса ёшдаги эркакларда нисбатан ёшроқ эркакларга нисбатан мувофиқ равишда 12% ва 46% га юқори бўлган. Буйрак фаолиятини бузилиши Дапоксетинни 60 мг дозада бир марта қабул қилиш буйрак фаолиятини енгил даражада (креатинин клиренси минутига 50 мл дан 80 мл гача), ўртача даражада (креатинин клиренси минутига 30 мл дан 50 мл гача) ва оғир даражада (креатинин клиренси минутига 30 мл дан кам) бўлган пациентларда дапоксетиннинг креатинин клиренси ва Сmах ёки AUCinf ўртасида боғлиқлик аниқланмаган. Буйрак фаолиятини оғир даражадаги бузилиши бўлган пациентларда дапоксектиннинг AUC буйрак фаолияти нормал бўлган пациентларга нисбатан тахминан 2 марта юқори бўлган. Буйрак фаолиятини оғир даражадаги бузилиши бўлган пациентларда препаратни қўллаш юзасидан маълумотлар чекланган. Гемодиализга муҳтож бўлган пациентларда дапоксетиннинг фармакокинетикаси ўрганилмаган. Жигар фаолиятини бузилиши Жигар фаолиятини енгил даражада бузилиши бўлган пациентларда дапоксетин ва дезметилдапоксетиннинг фармакокинетикаси ўзгармаган. Жигар фаолиятини ўртача даражада (Чайлд-Пью бўйича В синф) бўлган пациентларда боғланмаган дапоксетиннинг Сmах ва AUC (“концентрация-вақт” эгри чизиғи остидаги майдон) мувофиқ равишда 55% ва 120% га ошган. Дапоксетиннинг боғланмаган фаол фракциясини Сmах ўзгармаган, AUC эса 2 марта ошган. Жигар фаолиятини оғир даражадаги бузилиши бўлган пациентларда боғланмаган дапоксетиннинг Сmах ўзгармаган, боғланмаган дапоксетиннинг AUC эса 3 мартадан кўпроқ қийматга ошган. Фаол фракциясининг AUC ҳам бир неча марта ошган. CYP2D6 полиморфизми Дапоксетин 60 мг дозада бир марта қабул қилинганидан сўнг қон плазмасидаги концентрацияси CYP2D6 изоферментининг фаоллиги паст бўлган пациентларда, CYP2D6 изоферментининг фаоллиги юқори бўлган пациентлардагига нисбатан юқори (Сmах тахминан 31% га, AUCinf – тахминан 36% га) бўлган. Аналогик ҳолат, CYP2D6 изоферментининг фаоллиги паст бўлган пациентларда дезметилдапоксетиннинг Сmах 98% га ошган, AUCinf эса – 161% га ошган. Дапоксетиннинг ўртача якуний ярим чиқарилиш даври CYP2D6 изоферментининг фаоллиги паст бўлган пациентларда, CYP2D6 изоферментининг фаоллиги юқори бўлган пациентлардагига нисбатан 2,4 соатга узайган. Дапоксетиннинг фаол фракциясини Сmах 46% га, AUC эса 90% га ошган. Бундай ошиш препаратнинг дозасига боғлиқ нохуш кўринишларни ривожланиш тезлиги ва оғирлик даражасини кучайиши билан намоён бўлиши мумкин. CYP2D6 изоферментининг фаоллиги паст бўлган пациентларда препаратни қўллаш ҳавфсизлиги дапоксетиннинг метаболизмини тормозлаши мумкин бўлган бошқа дори воситалар, хусусан CYP3A4 изоферментининг фаол ва ўртача фаол ингибиторларини бир вақтда қабул қилганда шубҳа туғдириши мумкин. CYP2D6 изоферментининг фаоллиги жуда юқори бўлган пациентларнинг қон плазмасида дапоксетина ва дезметилдапоксетиннинг концентрациясини пасайиши кутилади.

• Dozani oshirib yuborilishi

  Клиник тадқиқотларда дозани ошириб юборилиш ҳоллари таърифланмаган. Препаратни 240 мг дозада (2 дозага бўлиб, 3 соатлик оралиқ билан) қабул қилиш кутилмаган нохуш кўринишларни чақирмаган. Умуман олганда, СҚҚСИ нинг дозасини ошириб юборилиш симптомлари серотонинергик реакциялар, шу жумладан уйқучанлик, меъда-ичак бузилишлари (кўнгил айниши, қусиш), тахикардия, тремор, қўзғалиш ва бош айланишидан иборат. Препаратнинг дозаси ошириб юборилганида зарурат бўлганида стандарт тутиб турувчи даволаш ўтказиш керак. Препаратни плазма оқсиллари билан аҳамиятли даражада боғланганлиги ва дапоксетин гидрохлоридини тақсимланиш ҳажми катта бўлганлиги туфайли, жаддалаштирилган диурез, диализ, гемоперфузия ва қон қуйиш самарали бўлиш эҳтимоли кам. Специфик антидоти номаълум.

• Umumiy ma'lumot

  DAPORIN tabletkalari 60mg N3 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA DAPORIN DAPORIN Preparatning savdo nomi: Daporin Ta‘sir etuvchi modda (XPN): dapoksetin Dori shakli: plyonka qobiq bilan qoplangan tabletkalar. Tarkibi: Har bir plyonka qobiq bilan qoplangan tabletka quyidagilarni saqlaydi: faol modda: 30 mg yoki 60 mg dapoksetin (dapoksetin gidroxloridi shaklida); yordamchi moddalar: laktoza monogidrati, mikrokristall sellyuloza, natriy kroskarmelloza, suvsiz kolloid kremniy dioksidi, magniy stearati; qobig‘ining tarkibi: kulrang opadri® II 32K275005 (gipromelloza, laktoza monogidrati, titan dioksidi, triasetin, temir (II,III) oksidi, temir (III) oksidi, temir (II) oksidi). Ta‘rifi: Daporin 30 mg: dumaloq, bir tomoni qavariq, boshqa tomoni yassi, qavariq tomonida uchburchakni ichida “30” gravirovkasi bo‘lgan, och kulrang rangli plyonka qobiq bilan qoplangan tabletkalar. Daporin 60 mg: dumaloq, bir tomoni qavariq, boshqa tomoni yassi, qavariq tomonida uchburchakni ichida “60” gravirovkasi bo‘lgan, och kulrang rangli plyonka qobiq bilan qoplangan tabletkalar. Farmakoterapevtik guruhi: muddatidan oldin kuzatiladigan eyakulyasiyani davolash uchun vosita. ATX kodi: G04BX14 Farmakologik xususiyatlari Muddatidan oldin kuzatiladigan eyakulyasiyada dapoksetinning ta‘sir mexanizmi neyronlar tomonidan serotoninni qayta qamrab olinishini tormozlanishi va keyinchalik pre- hamda postsinaptik reseptorlariga neyromediatorlarning ta‘sirini kuchayishi bilan bog‘liq deb taxmin qilinadi. Eyakulyasiyani mexanizmi asosan simpatik nerv tizimi tomonidan boshqariladi. Postganglionar simpatik nerv tolalari urug‘donlar, urug‘ yo‘llari, prostata bezi, uretra va qovuq mushaklarini innervasiya qiladi, eyakulyasiyaga erishish uchun ularning koordinasion qisqarishlarini chaqiradi. Dapoksetin eyakulyasiya refleksiga ta‘sir ko‘rsatib, oraliqdagi gangliy motoneyronlarining reflektor impulsasiyaning yashirin davrini uzaytiradi va davomiyligini qisqartiradi. Eyakulyasiyani ishga tushiruvchi stimul orqa miyadagi reflektor markazi tomonidan boshqariladi, bosh miyaning ustuni orqali bosh miyadagi bir necha yadrolar, shu jumladan preoptik va paraventrikulyar yadrolar tomonidan nazorat qilinadi. Farmakokinetikasi So‘rilishi Dapoksetin tez so‘riladi, va qon plazmasida maksimal konsentrasiyasiga (Smax) preparat qabul qilinganidan so‘ng 1-2 soatdan keyin erishadi. Mutloq biokiraolishligi 42% (15-76% diapazonida) ga teng. Dapoksetin och qoringa 30 mg va 60 mg dozalarda og‘iz orqali bir marta qabul qilinganidan so‘ng qon plazmasida faol moddaning maksimal konsentrasiyasi muvofiq 297 ng/ml (1,01 soatdan keyin) va 498 ng/ml (1,27 soatdan keyin) ni tashkil etadi. Yog‘li ovqat qabul qilish dapoksetinning Smax o‘rtacha darajada (10% ga) kamaytiradi va AUC (“konsentrasiya-vaqt” egri chizig‘i ostidagi maydon) va qon plazmasida maksimal konsentrasiyaga erishish vaqtini 12% ga oshiradi. Biroq bunda dapoksetinni so‘rilish darajasi o‘zgarmaydi. Bu o‘zgarishlar klinik jihatdan ahamiyatga ega emas. Daporin preparatini ovqatlanishdan qat‘iy nazar qabul qilish mumkin. Taqsimlanishi In vitro sharoitlarida dapoksetinning 99% dan ko‘proq qismi plazma oqsillari bilan bog‘lanadi. Faol metaboliti – dezmetildapoksetin – plazma oqsillari bilan 98,5% ga bog‘lanadi. Dapoksetin butun organizm bo‘ylab 162 l o‘rtacha muvozanatli taqsimlanish hajmi bilan tez taqsimlanadi. Metabolizmi In vitro sharoitlarida o‘tkazilgan tadqiqotlar, dapoksetin ko‘pgina jigar va buyrak fermentlari, ayniqsa CYP2D6, CYP3A4 va buyrakdagi flavin saqlovchi monooksigenaza (FM01) fermentlari tomonidan metabolizmga uchraydi deb taxmin qilish imkonini beradi. 14S-dapoksetinning metabolizmi o‘rganilgan klinik tadqiqot vaqtida dapoksetin peroral qabul qilinganidan so‘ng asosan N-oksidlanish, N-demetillanish, naftoguruhini gidroksillanishi, glyukuronizasiyasi va sulfoguruhini birikishi orqali faol metabolizmga uchragan. Peroral qabul qilinganidan so‘ng jigarda tizimoldi metabolizm belgilari aniqlangan. Qon plazmasida aylanib yuruvchi asosiy komponentlari intakt dapoksetin va dapoksetin-N-oksida bo‘lgan. In vitro sharoitlarida o‘tkazilgan tadqiqotlarda dapoksetin-N-oksidini faol emasligi aniqlangan. Bundan tashqari, dapoksetinning qonda aylanib yuruvchi metabolitlarini umumiy miqdoridan 3% dan kamroq miqdorda dezmetildapoksetin va didezmetildapoksetin metabolitlari aniqlangan. In vitro sharoitlarida o‘tkazilgan tadqiqotlarda, dezmetildapoksetin faolligi bo‘yicha dapoksetin bilan bir xil, didezmetildapoksetinning faolligi esa dapoksetinga nisbatan taxminan 2 marta kamligi aniqlangan. Bog‘lanmagan dezmetildapoksetinning ekspozisiyasi (AUC va Smax) bog‘lanmagan dapoksetinning ekspozisiyasidan muvofiq 50% va 23% ni tashkil etgan. Chiqarilishi Dapoksetinning metabolitlari asosan siydik bilan kon‘yugatlar ko‘rinishida chiqariladi. O‘zgarmagan faol modda siydikda aniqlanmaydi. Dapoksetin tez chiqariladi, buni preparatning dozasi qabul qilinganidan so‘ng 24 soatdan keyin qon plazmasida moddaning konsentrasiyasini pastligi (maksimal konsentrasiyasidan 5% dan ham kam) dalolat beradi. Har kuni qabul qilinganida organizmda faol moddani to‘planishi minimal darajada. Peroral qabul qilinganida yakuniy yarim chiqarilish davri taxminan 19 soatni tashkil etadi. Ayrim pasientlar toifasida preparatning farmakokinetikasi Irq Dapoksetinni 60 mg dozada bir marta qabul qilish yevropaliklar, negroid irqiga mansub shaxslar, lotin amerikaliklar va osiyolik shaxslarda preparatning farmakokinetik ko‘rsatkichlarida statistik ishonarli farqlar aniqlanmagan. Yevropaliklar va yaponiyaliklarda dapoksetinning farmakokinetikasini qiyoslash yaponiyaliklarda tana vaznini kamligi tufayli Smax va AUC (“konsentrasiya-vaqt” egri chizig‘i ostidagi maydon) qiymatlari yuqoriroq (10-20% ga) ekanligini ko‘rsatdi. Yanada yuqoriroq tizimli ta‘sir darajasi klinik samarasida ahamiyatli farqlarni chaqirishi noma‘lum. Keksa (65 yosh va undan katta) yoshdagi pasientlar Dapoksetinni 60 mg dozada bir marta qabul qilish sog‘lom keksa yoshdagi erkaklar va nisbatan yoshroq erkaklarning farmakokinetik ko‘rsatkichlari (Smax, AUCinf (“konsentrasiya-vaqt” egri chizig‘i ostidagi maydon), Tmax) ahamiyatli darajadagi farqlar aniqlanmagan. Dapoksetinning o‘rtacha AUCinf qiymati va yakuniy yarim chiqarilish davri keksa yoshdagi erkaklarda nisbatan yoshroq erkaklarga nisbatan muvofiq ravishda 12% va 46% ga yuqori bo‘lgan. Buyrak faoliyatini buzilishi Dapoksetinni 60 mg dozada bir marta qabul qilish buyrak faoliyatini yengil darajada (kreatinin klirensi minutiga 50 ml dan 80 ml gacha), o‘rtacha darajada (kreatinin klirensi minutiga 30 ml dan 50 ml gacha) va og‘ir darajada (kreatinin klirensi minutiga 30 ml dan kam) bo‘lgan pasientlarda dapoksetinning kreatinin klirensi va Smax yoki AUCinf o‘rtasida bog‘liqlik aniqlanmagan. Buyrak faoliyatini og‘ir darajadagi buzilishi bo‘lgan pasientlarda dapoksektinning AUC buyrak faoliyati normal bo‘lgan pasientlarga nisbatan taxminan 2 marta yuqori bo‘lgan. Buyrak faoliyatini og‘ir darajadagi buzilishi bo‘lgan pasientlarda preparatni qo‘llash yuzasidan ma‘lumotlar cheklangan. Gemodializga muhtoj bo‘lgan pasientlarda dapoksetinning farmakokinetikasi o‘rganilmagan. Jigar faoliyatini buzilishi Jigar faoliyatini yengil darajada buzilishi bo‘lgan pasientlarda dapoksetin va dezmetildapoksetinning farmakokinetikasi o‘zgarmagan. Jigar faoliyatini o‘rtacha darajada (Chayld-Pyu bo‘yicha V sinf) bo‘lgan pasientlarda bog‘lanmagan dapoksetinning Smax va AUC (“konsentrasiya-vaqt” egri chizig‘i ostidagi maydon) muvofiq ravishda 55% va 120% ga oshgan. Dapoksetinning bog‘lanmagan faol fraksiyasini Smax o‘zgarmagan, AUC esa 2 marta oshgan. Jigar faoliyatini og‘ir darajadagi buzilishi bo‘lgan pasientlarda bog‘lanmagan dapoksetinning Smax o‘zgarmagan, bog‘lanmagan dapoksetinning AUC esa 3 martadan ko‘proq qiymatga oshgan. Faol fraksiyasining AUC ham bir necha marta oshgan. CYP2D6 polimorfizmi Dapoksetin 60 mg dozada bir marta qabul qilinganidan so‘ng qon plazmasidagi konsentrasiyasi CYP2D6 izofermentining faolligi past bo‘lgan pasientlarda, CYP2D6 izofermentining faolligi yuqori bo‘lgan pasientlardagiga nisbatan yuqori (Smax taxminan 31% ga, AUCinf – taxminan 36% ga) bo‘lgan. Analogik holat, CYP2D6 izofermentining faolligi past bo‘lgan pasientlarda dezmetildapoksetinning Smax 98% ga oshgan, AUCinf esa – 161% ga oshgan. Dapoksetinning o‘rtacha yakuniy yarim chiqarilish davri CYP2D6 izofermentining faolligi past bo‘lgan pasientlarda, CYP2D6 izofermentining faolligi yuqori bo‘lgan pasientlardagiga nisbatan 2,4 soatga uzaygan. Dapoksetinning faol fraksiyasini Smax 46% ga, AUC esa 90% ga oshgan. Bunday oshish preparatning dozasiga bog‘liq noxush ko‘rinishlarni rivojlanish tezligi va og‘irlik darajasini kuchayishi bilan namoyon bo‘lishi mumkin. CYP2D6 izofermentining faolligi past bo‘lgan pasientlarda preparatni qo‘llash havfsizligi dapoksetinning metabolizmini tormozlashi mumkin bo‘lgan boshqa dori vositalar, xususan CYP3A4 izofermentining faol va o‘rtacha faol ingibitorlarini bir vaqtda qabul qilganda shubha tug‘dirishi mumkin. CYP2D6 izofermentining faolligi juda yuqori bo‘lgan pasientlarning qon plazmasida dapoksetina va dezmetildapoksetinning konsentrasiyasini pasayishi kutiladi. Qo‘llanilishi Preparat 18 yoshdan 64 yoshgacha bo‘lgan erkaklarda muddatidan oldin kuzatiladigan eyakulyasiyani davolash uchun mo‘ljallangan. Qo‘llash usuli va dozalari Preparat ichga qabul qilinadi. Tabletkani butun holida, kamida to‘liq bir stakan suv bilan yutish kerak. Preparatni ovqatlanishdan qat‘iy nazar qabul qilish mumkin. 18 yoshdan 64 yoshgacha bo‘lgan erkaklar Barcha erkaklar uchun tavsiya etilgan doza 30 mg ni tashkil etadi; bu doza rejalashtirilgan jinsiy aloqadan 1-3 soat oldin qabul qilinadi. 30 mg dozani samarasi yetarli bo‘lmaganida va yaxshi o‘zlashtirilganida uni 60 mg gacha oshirish mumkin. Tavsiya etilgan maksimal qabul qilishlar soni 24 soatda bir marta. Muddatidan oldin kuzatiladigan eyakulyasiyani davolash uchun Daporin preparatini buyurgan shifokor, pasient birinchi 4 hafta davolangandan so‘ng yoki 6 dozasini qabul qilganidan so‘ng preparatni qo‘llashdan kutiladigan havf va foydani baholashi kerak va keyinchalik Daporin preparati bilan davolash maqsadga muvofiqligini hal qilish uchun havf-foyda nisbatini aniqlashi kerak.   65 yoshdan oshgan pasientlar Ushbu pasientlar guruhida preparatni qo‘llash samaradorligi va xavfsizligi aniqlanmagan. Buyrak faoliyatini buzilishi bo‘lgan pasientlar Buyrak faoliyatini yengil yoki o‘rtacha darajada buzilishi bo‘lgan pasientlar uchun preparatning dozasiga tuzatish kiritish talab etilmaydi, ammo ehtiyotkorlik bilan qo‘llash tavsiya etiladi. Buyrak faoliyatini og‘ir darajadagi buzilishi bo‘lgan pasientlarga preparatni qo‘llash tavsiya etilmaydi. Jigar faoliyatini buzilishi bo‘lgan pasientlar Jigar faoliyatini yengil darajada buzilishi bo‘lgan pasientlar uchun preparatning dozasiga tuzatish kiritish talab etilmaydi. jigar faoliyatini o‘rtacha va og‘ir darajada buzilishi (Chayld-Pyu shkalasi bo‘yicha V va S sinflar) bo‘lgan pasientlarga preparatni qo‘llash mumkin emas. CYP2D6 izofermentining faolligi past bo‘lgan pasientlar, CYP2D6 izofermentining faol ingibitorlari bilan bir vaqtda qabul qilish CYP2D6 izofermentining faolligi past bo‘lgan shaxslarga yoki Daporin preparati bilan bir vaqtda CYP2D6 izofermentining faol ingibitorlarini qabul qilayotgan pasientlarga Daporin preparatining dozasi 60 mg gacha oshirilganida ehtiyotkorlikka rioya qilish kerak. CYP3A4 izofermentining faol yoki o‘rtacha faol ingibitorlarini qabul qilayotgan pasientlar CYP3A4 izofermentining faol ingibitorlarini bir vaqtda qabul qilish mumkin emas. Daporin preparatini CYP3A4 izofermentining o‘rtacha faol ingibitorlari bilan bir vaqtda qabul qilganda preparatning dozasini 30 mg gacha pasaytirish kerak. Nojo‘ya ta‘sirlari Klinik tadqiqotlarda tez-tez kuzatilgan va preparatning dozasiga bog‘liq bo‘lgan quyidagi nojo‘ya ta‘sirlari: ko‘ngil aynishi (dapoksetinning 30 mg va 60 mg dozasi qabul qilinganida muvofiq 11,0% va 22,2%), bosh aylanishi (5,8% va 10,9%), bosh og‘rig‘i (5,6% va 8,8%), diareya (3,5% va 6,9%), uyqusizlik (2,1% va 3,9%), toliqish (2,0% va 4,1%) qayd etilgan. Preparat bilan davolashni bekor qilish talab etilgan eng ko‘p nojo‘ya ko‘rinishlar ko‘ngil aynishi (2,2% pasientlarda) va bosh aylanishi (1,2%) bo‘lgan. Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan: juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000). Ruhiy buzilishlar: tez-tez – xavotirlik, ajitasiya, bezovtalik, odatda kuzatilmaydigan tushlar ko‘rish, libidoni pasayishi; tez-tez emas – depressiya, depressiv kayfiyat, eyforiya holati, kayfiyatni o‘zgaruvchanligi, asabiylik, befarqlik, apatiya, ongni chalkashishi, dezorientasiya, patologik fikrlash, somatosensor amplifikasiya, uyquni buzilishi, boshlang‘ich uyqusizlik, oraliq uyqusizlik, tungi dahshatlar, bruksizm, libidoni yo‘qolishi, anograzmiya. Markaziy nerv tizimi tomonidan: juda tez-tez – bosh aylanishi, bosh og‘rig‘i; tez-tez – uyquchanlik, diqqatni jamlashni buzilishi, tremor, paresteziya; tez-tez emas – xushdan ketish (shu jumladan vazovagal xushdan ketish), postural bosh aylanishi, akatiziya, ta‘m bilishni buzilishi, haddan tashqari uyquchanlik, letargiya, sedativ holat, ongni susayishi; kam hollarda – jismoniy harakatlarda bosh aylanishi, to‘satdan uxlab qolish; Ko‘rish a‘zolari tomonidan: tez-tez – ko‘rishni noaniqligi; tez-tez emas – midriaz, ko‘z sohasida og‘riq, ko‘rishni buzilishi. Eshitish a‘zolari va labirint tomonidan: tez-tez – quloqlarni shang‘illashi; tez-tez emas – vertigo. Yurak-qon tomir tizimi tomonidan: tez-tez – qizib ketish hissi; tez-tez emas – sinus tuguni faolligini to‘xtashi, sinusli bradikardiya, taxikardiya, arterial bosimni pasayishi, sistolik gipertenziya, qizib ketish hissi. Nafas tizimi tomonidan: tez-tez – burunni bitishi, esnash. Me‘da-ichak yo‘llari tomonidan: juda tez-tez – ko‘ngil aynishi; tez-tez – diareya, qusish, qabziyat, qorin sohasida og‘riq, dispepsiya, meteorizm, me‘da sohasida diskomfort hissi, qorinni dam bo‘lishi, og‘izni qurishi; tez-tez emas – qorin sohasida diskomfort, epigastriyda diskomfort. Teri va teri osti to‘qimalari tomonidan: tez-tez – gipergidroz; tez-tez emas – qichishish, sovuq ter chiqishi. Reproduktiv tizimi tomonidan: tez-tez – erektil disfunksiya; tez-tez emas – eyakulyasiyani bo‘lmasligi, orgazmni izdan chiqishi, shu jumladan erkaklarda anorgazmiya, erkaklarda jinsiy a‘zolarni paresteziyasi. Umumiy o‘zgarishlar: tez-tez – holsizlik, ta‘sirchanlik; tez-tez emas – asteniya, qizish hissi, havotirlik hissi, lohaslik, mast bo‘lish hissi. Laborator ko‘rsatkichlarni o‘zgarishi: tez-tez – arterial bosimni oshishi; tez-tez emas – yurak qisqarishlari sonini oshishi, diastolik arterial bosimni oshishi, ortostatik arterial bosimni oshishi. Ayrim nojo‘ya samaralarni ta‘rifi Ongni yo‘qolishi, bradikardiya yoki sinus tuguni faoliyatini to‘xtashi bilan kechuvchi xushdan ketishlar xolter monitoringi o‘tkazilgan pasientlarda kuzatilgan va klinik tadqiqotlarda qayd etilgan. Ushbu noxush ko‘rinishlar preparatni qo‘llash bilan bog‘liq sifatida baholangan. Ko‘pchilik hollarda preparatni qabul qilgandan so‘ng birinchi 3 soat davomida, birinchi dozasi qabul qilingandan so‘ng kuzatilgan yoki tibbiy muolajalar (qon olish, tana holatini o‘zgarishi, arterial bosimni o‘lchash) oqibatida assosiasiyalangan. Prodromal simptomlar ko‘pincha xushdan ketishlarga olib kelgan. Xushdan ketish va prodromal simptomlarni uchrash tezligi preparatning dozasiga bog‘liq bo‘lgan, preparatni katta dozalarda qabul qilgan pasientlarda namoyish etilgan. Preparat bekor qilinganidagi samaralari Surunkali depressiv buzilishlarni davolash uchun uzoq muddat qo‘llanayotgan serotoninni qayta qamrab olinishini selektiv ingibitorlari (SQQSI) to‘satdan bekor qilinganida quyidagi simptomlar: disforiya holati, ta‘sirchanlik, ajitasiya, bosh aylanishi, sensor buzilishlar (masalan, paresteziya), havotirlik, ongni chalkashishi, bosh og‘rig‘i, letargiya, emosional labillik, uyqusizlik va gipomaniya kuzatilgan. Havfsizlikni o‘rganish natijalari, preparat 62 kun davomida qo‘llanganidan so‘ng bekor qilinganida yengil va o‘rtacha darajadagi bosh aylanishi va uyqusizlik ko‘rinishidagi bekor qilish simptomlarini rivojlanish tezligi yuqoriroq bo‘lishini ko‘rsatdi. Qo‘llash mumkin bo‘lmagan holatlar dapoksetin gidroxloridiga yoki preparatning yordamchi moddalaridan birortasiga o‘ta yuqori sezuvchanlik; yaqqol ifodalangan yurak kasalliklari (masalan, NYHA bo‘yicha II-IV sinf yurak yetishmovchiligi), doimiy kardiostimulyator bo‘lmaganida yurak o‘tkazuvchanligini buzilishi (atrioventrikulyar o‘tkazuvchanlikni 2-3 darajadagi blokadasi yoki sinus tugunini sustligi sindromi), yaqqol ifodalangan yurak ishemik kasalligi yoki yurakning klapan apparatini shikastlanishi); monoaminooksidaza ingibitorlari (MAO-I) bir vaqtda qabul qilish va ularni qo‘llash to‘xtatilganidan so‘ng 14 kun davomida qabul qilish (analogik holatda, MAO-I preparatni qabul qilish to‘xtatilganidan so‘ng 7 kun davomida qabul qilish mumkin emas); tioridazin preparatini bir vaqtda va uni qo‘llash to‘xtatilganidan so‘ng 14 kun davomida qabul qilish (analogik holat, preparatni qabul qilish to‘xtatilganidan so‘ng 7 kun davomida tioridazinni qabul qilish mumkin emas); serotoninni qayta qamrab olinishini ingibitorlarini (serotoninni qayta qamrab olinishini selektiv ingibitorlari – SQQSI), noradrenalin va trisiklik antidepressantlar va serotoninergik ta‘sirga ega bo‘lgan boshqa preparatlar (masalan, L-triptofan, triptanlar, tramadol, linezolid, litiy), dalachoy (Hypericum perforatum) preparatlarini bir vaqtda qabul qilish va ushbu preparatlarni qo‘llash to‘xtatilganidan so‘ng 14 kun davomida qabul qilish (analogik holat, preparatni qabul qilish to‘xtailganidan so‘ng 7 kun davomida ushbu preparatlarni qabul qilish mumkin emas); CYP3A4 izofermentining faol ingibitorlari, masalan, ketokonazol, itrakonazol, ritonavir, sakvinavir, telitromisin, nefazodon, nelfinavir, atazanavir va boshqalar bilan bir vaqtda qabul qilish; jigar faoliyatini o‘rtacha va og‘ir darajadagi buzilishlari (Chayld-Pyu shkalasi bo‘yicha V va S sinf); 18 yoshgacha bo‘lgan bolalarga qo‘llash mumkin emas. Dorilarning o‘zaro ta‘siri SQQSI va monoaminoksidaza ingibitorlarini bir vaqtda qabul qilgan pasientlarda jiddiy, ba‘zida o‘lim bilan yakunlangan reaksiyalar, shu jumladan gipertermiya, mushaklar rigidligi, mioklonus, vegetativ nerv tizimini hayotiy muhim a‘zolar faoliyatining ko‘rsatkichlarini tez o‘zgarishi bilan kechuvchi beqarorligi, shuningdek ruhiy holatini o‘zgarishi, shu bilan birga deliriy hamda komagacha zo‘rayib boruvchi kuchli qo‘zg‘alishlar rivojlanganligi ta‘riflangan. Bu reaksiyalar SQQSI qabul qilishni yaqinda to‘xtatgan va MAO ingibitorlari bilan davolanishni boshlagan pasientlarda kuzatilgan. Ba‘zi hollarda simptomlari havfli neyroleptik sindromni eslatgan. Hayvonlarda SQQSI va MAO ingibitorlarini birga qo‘llash vaqtida olingan ma‘lumotlar, ushbu preparatlar arterial bosimni sinergik oshirishi va xulq-atvorni qo‘zg‘aluvchan qilishi mumkin deb taxmin qilinadi. Shuning uchun Daporin preparatini MAO ingibitorlari bilan bir vaqtda va ularni qo‘llash to‘xtatilganidan so‘ng 14 kun davomida qabul qilish mumkin emas. Analogik holat, MAO ingibitorlarini Daporin preparatini qo‘llash to‘xtatilganidan so‘ng 7 kun davomida qabul qilish mumkin emas. Tioridazin QTc oralig‘ini uzaytiradi, bu yurak qorinchalari aritmiyasi bilan kechadi. CYP2D6 fermentini susaytiradigan, Daporin turidagi preparatlar, ehtimol, tioridazinning metabolizmini tormozlaydi. Buning oqibatida chaqiriladigan tioridazinning darajasini oshishi QTc oralig‘ini uzayishini kuchaytirishini kutish mumkin. Daporin preparatini tioridazin preparati bilan bir vaqtda va uni qo‘llash to‘xtatilganidan so‘ng 14 kun davomida qabul qilish mumkin emas. Analogik holat, tioridazin preparatini Daporin preparatini qabul qilish to‘xtatilganidan so‘ng 7 kun davomida qabul qilish mumkin emas. Daporin preparatini serotoninergik preparatlar (shu jumladan MAO-ingibitorlari, L-triptofan, triptanlar, tramadol, linezolid, SQQSI, serotonin va noradrenalinni qamrab olinishini ingibitorlari, litiy va dalachoy preparatlari (Hypericum perforatum)) bilan bir vaqtda qo‘llash serotoninergik nojo‘ya samaralarning uchrash tezligini oshirishi mumkin. Daporin preparatini boshqa SQQSI, MAO-ingibitorlari va boshqa serotoninergik preparatlari bilan bir vaqtda va ushbu preparatlarni qo‘llash to‘xtatilganidan so‘ng 14 kun davomida qabul qilish mumkin emas. Analogik holat, ushbu preparatlarni Daporin preparatini qo‘llash to‘xtatilganidan so‘ng 7 kun davomida qabul qilish mumkin emas. Muddatidan oldin eyakulyasiya kuzatiladigan pasientlarda Daporin preparatini markaziy nerv tizimiga ta‘sir qiluvchi preparatlar bilan bir vaqtda qo‘llash o‘rganilmagan. Ushbu preparatlarni bir vaqtda qabul qilish zarurati tug‘ilganida ehtiyotkorlikka rioya qilish kerak. CYP2D6, CYP3A4 va FM01 izofermentlarining ingibitorlari dapoksetinning klirensini kamaytirishi mumkin. Daporin preparatini CYP3A4 izofermentining faol ingibitorlari, masalan, ketokonazol, itrakonazol, ritonavir, sakvinavir, telitromisin, nefazodon, nelfinavir va atazanavir bilan bir vaqtda qo‘llash mumkin emas. CYP3A4 izofermentining o‘rtacha faol ingibitorlarini, masalan, eritromisin, klaritromisin, flukonazol, amprenavir, fosamprenavir, aprepitant, verapamil yoki diltiazem bilan bir vaqtda qo‘llash, ayniqsa CYP2D6 izofermentining faolligi past bo‘lgan pasientlarda dapoksetin va dezmetildapoksetinning tizimli ta‘sir darajasini ahamiyatli oshirishi mumkin. Tadalafil dapoksetinning farmakokinetikasiga ta‘sir qilmagan. Sildenafil dapoksetinning AUC va Smax biroz oshirgan, bu klinik jihatdan ahamiyatsiz hisoblanadi. FDE-5 ingibitorlarini qabul qilayotgan pasientlarda ortostatik gipotoniyaga tolerantlik past bo‘lganligi tufayli, Daporin preparatini ularga ehtiyotkorlik bilan buyurish kerak. α-adrenoblokatorlarni qabul qilayotgan pasientlarda ortostatik gipotoniyaga tolerantlik past bo‘lganligi tufayli, Daporin preparatini ularga ehtiyotkorlik bilan buyurish kerak. Dapoksetin CYP2D6 izofermenti tomonidan metabolizmga uchraydigan boshqa preparatlarning qon plazmasidagi konsentrasiyasini oshirishi mumkin. Buni klinik ahamiyati katta emas. Daporin preparati varfarin preparatini uzoq muddat qabul qilayotgan pasientlarga buyurilganida ehtiyotkorlikka rioya qilish tavsiya etiladi. Etanol va Daporin preparatini bir vaqtda qabul qilish bosh aylanishi, uyquchanlik, reflekslarni sekinlashishi, fikrlashni o‘zgarishi kabi noxush reaksiyalarning uchrash tezligi va og‘irligini kuchaytiradi. Alkogolni Daporin preparati bilan majmuada qo‘llash ham neyrokardiogen nojo‘ya samaralar, xususan, xush ketishlar sonini oshirishi mumkin, bu kutilmagan jarohatlar havfini oshiradi. Shuning uchun Daporin preparati bilan davolanish vaqtida alkogol qabul qilishdan saqlanish kerak. Maxsus ko‘rsatmalar Preparat faqat muddatidan oldin eyakulyasiya kuzatiladigan erkaklar uchun mo‘ljallangan. Muddatidan oldin eyakulyasiya kuzatilmaydigan erkaklarda preparatni qo‘llash havfsizligi aniqlanmagan, eyakulyasiyani kechikishi yuzasidan ma‘lumotlar yo‘q. Erektil disfunksiyasi bo‘lgan, fosfodiesteraza ingibitorlarining 5 turini (FDE-5) qabul qilayotgan pasientlar Daporin preparatini qabul qilishlari mumkin emas. Yurak va qon-tomirlarni organik kasalliklari (masalan, yurakdan qonni otilib chiqishini obstruksiyasi, yurakning klapan apparatini shikastlanishi, uyqu arteriyasi stenozi, koronar arteriyani aterosklerozi) bo‘lgan pasientlarda yurak kasalliklari va boshqa kasalliklar oqibatida xushdan ketishlarning noxush yurak-qon tomir oqibatlarini rivojlanish havfi yuqori bo‘ladi. Biroq hozirgi vaqtda, ushbu havf yurak-qon tomir kasalliklari bo‘lgan pasientlarda vazovagal xushdan ketishlarga tarqalish yoki tarqalmasligini aniqlash uchun ma‘lumotlar yetarli emas. Klinik tadqiqotlarda ortostatik gipotoniyani rivojlanish hollari ta‘riflangan. Shifokor, kuzatilishi mumkin bo‘lgan prodromal simptomlar, masalan pasient o‘rnidan turganidan so‘ng yengil bosh aylanishi paydo bo‘lganida, zudlik bilan yotish kerak, bunda bosh tanadan pastroqda bo‘lishi kerak yoki boshni tizzalar orasiga tushirib o‘tirishi va simptomlar o‘tib ketgunicha shunday holatda qolishi kerakli yuzasidan pasientga oldindan axborot berishi kerak. Bundan tashqari, pasient uzoq muddat yotganidan yoki o‘tirganidan so‘ng o‘rnidan to‘satdan turishidan saqlanish kerakligi yuzasidan pasientga axborot berish kerak. Qon-tomirlarni kengaytiruvchi preparatlar (masalan, α-adrenoblokatorlar, nitratlar, FDE-5 ingibitorlari) ni qabul qilayotgan pasientlarda preparatning ortostatik ta‘siriga tolerantligi past bo‘lishi mumkinligi tufayli, ularga Daporin preparatini ehtiyotkorlik bilan buyurish kerak. Qisqa muddatli tadqiqotlarda tarqoq depressiya va boshqa ruhiy buzilishlari bo‘lgan bolalar va o‘smirlarda antidepressantlar, shu jumladan SQQSI o‘z joniga qasd qilish va suiqasdlik fikrlari paydo bo‘lish havfini plaseboga nisbatan ko‘proq oshirgan. 24 yoshdan oshgan kattalarda bunday samara aniqlanmagan. Ananmnezida maniya/gipomaniya yoki bipolyar buzilishlari bo‘lgan pasientlarga Daporin preparatini qo‘llash mumkin emas. Ushbu kasalliklarning simptomlari paydo bo‘lganida preparatni qabul qilishni to‘xtatish kerak. SQQSI tirishish bo‘sag‘asini pasaytirish hususiyati borligi tufayli, nostabil tutqanoq bilan xastalangan pasientlarga Daporin preparatini buyurishdan saqlanish kerak, tirishishlar paydo bo‘lganida preparatni bekor qilish kerak. Nazoratli tutqanoq bilan xastalangan pasientlarni yaxshilab kuzatish tavsiya etiladi. Daporin preparatini qo‘llashni boshlashdan oldin pasientda depressiyaning belgilari va simptomlari bo‘lganida tashxis qo‘yilmagan depressiv buzilishlar borligini istisno qilish uchun tekshiruv o‘tkazish kerak. Daporin preparatini antidepresantlar, shu jumladan SQQSI va serotonin hamda noradrenalinni qayta qamrab olinishini ingibitorlari bilan bir vaqtda qabul qilish mumkin emas. Daporin preparati bilan davolashni boshlash uchun depressiya yoki havotirlikni davolashni to‘xtatish tavsiya etilmaydi. Preparat ruhiy buzilishlar (masalan, shizofreniya yoki dapressiya) ni davolash uchun mo‘ljallanmagan, shunday kasalliklar bilan xastalangan erkaklarga uni qo‘llash mumkin emas, chunki bunda depressiyaning simptomlarini kuchayishini istisno qilish mumkin emas. Bezovtalikni chaqiradigan har qanday fikrlar yoki hissiyotlar paydo bo‘lganida zudlik bilan shifokorga xabar berish kerak. Daporin preparati bilan davolanish vaqtida depressiyaning belgilari va simptomlari paydo bo‘lganida, preparatni bekor qilish kerak. Daporin preparatini qabul qilgan pasientlarda prodromal simptomlar, shu jumladan ko‘ngil aynishi, bosh aylanishi / boshda yengillik hissi va terlash kuzatilgan. Daporin preparati bilan davolanish vaqtida prodromal simptomlar yoki ularsiz kechuvchi xushdan ketish holati rivojlanishi mumkinligi yuzasidan pasientlar ogohlantirilgan bo‘lishlari kerak. Pasient xushidan ketib, yiqilganida jiddiy jarohatlar olish havfini pasaytirish uchun prodromal belgilar va simptomlarni aniqlash va yetarli miqdorda suv iste‘mol qilishni muhimligi yuzasidan shifokor pasientga axborot berishi kerak. Kuzatilishi mumkin bo‘lgan prodromal simptomlar paydo bo‘lganida, pasient zudlik bilan yotishi kerak, bunda bosh tanadan pastroqda bo‘lishi kerak yoki boshni tizzalar orasiga tushirib o‘tirishi va simptomlar o‘tib ketgunicha shunday holatda qolishi kerak. Xushdan ketish yoki markaziy nerv tizimi tomonidan boshqa samaralar paydo bo‘lganida potensial havfli jarohatlardan, shu jumladan avtomobilni boshqarish va xavfli mexanizmlarni boshqarishdan saqlanish kerakligi yuzasidan pasientni ogohlantirish kerak. Daporin preparatini alkogol bilan birga qabul qilish neyrokardiogen nojo‘ya samaralar, shu jumladan xushdan ketishni kuchaytirishi mumkin, bu kutilmagan jarohatlar xavfini oshiradi; shuning uchun preparat bilan davolanish vaqtida pasientlarga alkogol iste‘mol qilishdan saqlanishni tavsiya etish kerak. Preparat CYP3A4 izofermentining o‘rtacha faol ingibitorlari (eritromisin, klaritromisin, flukonazol, amprenavir, fosamprenavir, aprepitant, verapamil, diltiazem) bilan bir vaqtda qabul qilinganida preparatning dozasini 30 mg gacha pasaytirish, ehtiyotkorlik bilan qo‘llash kerak. CYP2D6 izofermentining faol ingibitorlarini qabul qilayotgan pasientlarga va CYP2D6 izofermentining faolligi past bo‘lgan pasientlarga preparatning dozasi 60 mg gacha oshirilganida ehtiyotkorlikka rioya qilish tavsiya etiladi, chunki bunda preparatning tizimli ta‘sir qilish darajasiga muvofiq ravishda preparatning dozasiga bog‘liq noxush ko‘rinishlarini uchrash tezligi va og‘irligi oshishi mumkin. SQQSI qo‘llanganida qon ketish hollari ta‘riflangan. Daporin preparati trombositlarning faoliyatiga ta‘sir qiluvchi preparatlar (masalan, atipik neyroleptiklar, fenotiazinlar, asetilsalisil kislotasi, nosteroid yallig‘lanishga qarshi vositalar (NYAQV), antikoagulyantlar) bilan bir vaqtda qabul qilinganida, shuningdek anamnezida qon ketishlari yoki qon ivishi tizimini buzilishlari bo‘lgan pasientlarga qo‘llanganida ehtiyotkorlikka rioya qilish tavsiya etiladi. Buyrak faoliyatini og‘ir darajadagi buzilishlari bo‘lgan pasientlarga preparatni qo‘llash tavsiya etilmaydi, buyrak faoliyatini o‘rtacha va yengil darajada buzilishlari bo‘lgan pasientlarga preparatni ehtiyotkorlik bilan qo‘llash kerak. Bekor qilish sindromi Surunkali depressiv buzilishlarni davolash uchun uzoq muddat qo‘llanayotgan SQQSI birdan bekor qilinganida quyidagi simptomlar: kayfiyatni pasayishi, ta‘sirchanlik, qo‘zg‘aluvchanlik, bosh aylanishi, sezuvchanlikni buzilishlari (masalan, elektrotok urganda kuzatiladigan hissiyot ko‘rinishidagi paresteziyalar), havotirlik, ongni chalkashishi, bosh og‘rig‘i, letargiya, emosional beqarorlik, uyqusizlik, gipomaniyaga olib kelishi yuzasidan ma‘lumotlar mavjud. Homiladorlik va laktasiyada qo‘llanishi Preparat ayollarda qo‘llash uchun mo‘ljallanmagan. Pediatriyada qo‘llanishi Daporin preparatini 18 yoshgacha bo‘lgan pasientlarga qo‘llash mumkin emas. Avtotransportni haydash va mexanizmlarni boshqarish qobiliyatiga ta‘siri Dapoksetin preparatini qabul qilganda bosh aylanishi, diqqatni buzilishi, xushdan ketish, ko‘rishni noaniqligi, uyquchanlik hollari ta‘riflangan. Jarohatlarni olish mumkin bo‘lgan holatlardan, shu jumladan avtomobilni haydash va havfli mexanizmlarni boshqarishdan saqlanish kerakligi yuzasidan pasientni ogohlantirish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Klinik tadqiqotlarda dozani oshirib yuborilish hollari ta‘riflanmagan. Preparatni 240 mg dozada (2 dozaga bo‘lib, 3 soatlik oraliq bilan) qabul qilish kutilmagan noxush ko‘rinishlarni chaqirmagan. Umuman olganda, SQQSI ning dozasini oshirib yuborilish simptomlari serotoninergik reaksiyalar, shu jumladan uyquchanlik, me‘da-ichak buzilishlari (ko‘ngil aynishi, qusish), taxikardiya, tremor, qo‘zg‘alish va bosh aylanishidan iborat. Preparatning dozasi oshirib yuborilganida zarurat bo‘lganida standart tutib turuvchi davolash o‘tkazish kerak. Preparatni plazma oqsillari bilan ahamiyatli darajada bog‘langanligi va dapoksetin gidroxloridini taqsimlanish hajmi katta bo‘lganligi tufayli, jaddalashtirilgan diurez, dializ, gemoperfuziya va qon quyish samarali bo‘lish ehtimoli kam. Spesifik antidoti noma‘lum. Chiqarilish shakli Plyonka qobiq bilan qoplangan tabletkalar. 3 tabletka blisterda. 1 yoki 2 blister qo‘llash bo‘yicha yo‘riqnomasi bilan birga karton qutiga joylangan. Saqlash sharoiti 25°S dan yuqori bo‘lmagan haroratda saqlansin. Yaroqlilik muddati 3 yil. Dorixonalardan berish tartibi Resept bo‘yicha beriladi. Ulashish: