BILOBIL FORTE kapsulalar 80mg N20

Инструкция BILOBIL FORTE kapsulalar 80mg N20

• Qadoqda soni

  20

• Umumiy ma'lumot

  BILOBIL FORTE kapsulalar 80mg N20 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA BILOBIL® forte BILOBIL® forte   Preparatning savdo nomi: BILOBIL® forte Ta‘sir etuvchi modda (XPN): Ginkgo Biloba barglarining quruq ekstrakti Dori shakli: kapsulalar Tarkibi: Har bir kapsula quyidagilarni saqlaydi: faol modda: 80 mg Ginkgo biloba L barglarining (Ginkgo barglari) ekstrakti (35-67:1), bu quyidagilarga muvofiq keladi: 17,6-21,6 mg flavon glikozidlari ko‘rinishidagi flavonoidlar, 2,24-2,72 mg A, V, s ginkgolidlari va 2,08-2,56 mg bilobalid, ekstragent – aseton 60% v/v. yordamchi moddalar: kukunlash bilan quritilgan suyuq glyukoza, laktoza monogidrati, makkajo‘xori kraxmali, talk, suvsiz kolloid kremniy dioksidi, magniy stearati, kapsula qobig‘i: temir (II,III) oksidi, temir (III) oksidi, titan dioksidi, azorubin bo‘yovchisi (Ye122), jelatin. Ta‘rifi: pushti rangli kapsula. Kapsula ichida to‘qroq rangli ko‘rinarli zarrachali ochdan to‘q-jigarranggacha bo‘lgan kukun saqlanadi. Qumoqlar bo‘lishiga yo‘l qo‘yiladi. Farmakoterapevtik guruhi: o‘simliklardan olingan angioprotektor vosita. ATX kodi: N06DX02. Farmakologik xususiyatlari Bilobil® forte kapsulalari qon tomir devorini mustahkamlanishi va elastikligini oshishiga yordam beruvchi ginkgo biloba barglari ekstraktining biologik faol moddalari (flavon glikozidlar, terpen laktonlar) saqlaydi, qonning reologik xususiyatlarini yaxshilaydi va buning natijasida mikrosirkulyasiya, bosh miya va periferik to‘qimalarni kislorod va glyukoza bilan ta‘minlanishi yaxshilanadi. Preparat xujayralarda moddalar almashinuvini normallashtiradi, eritrositlar agregasiyasiga to‘sqinlik qiladi, trombositlar faollashuvi omilini tormozlaydi. Qon tomir tizimiga dozaga bog‘liq ravishda boshqaruvchi ta‘sir ko‘rsatadi, mayda arteriyalarni kengaytiradi, venalarning tonusini oshiradi, qon tomirlarni qon bilan to‘lishini boshqaradi. Qo‘llanilishi Diqqatni pasayishi, xotirani susayishi, intellektual qobiliyatlarni pasayishi, qo‘rquv, xavotirlik, uyquni buzilishi bilan kechuvchi turli etiologiyali dissirkulyator ensefalopatiya (insult, bosh miya jarohati, keksalik yoshi); periferik qon aylanishi va mikrosirkulyasiyani buzilishi (shu jumladan, oyoqlar arteriopatiyasi), Reyno sindromi; neyrosensor buzilishlar (bosh aylanishi, quloqlarda shang‘illash, gipoakuziya); sariq dog‘ni keksalik davridagi degenerasiyasi; diabetik retinopatiyada qo‘llanadi. Qo‘llash usuli va dozalari Preparat 1 kapsuladan kuniga 2 marta (ertalab va kechqurun) ichga buyuriladi. Kapsulalarni oz miqdordagi suv bilan qabul qilish kerak. Davolash kursi kamida 3 oyni tashkil qiladi. Yaxshilanishning birinchi belgilari odatda 1 oydan keyin namoyon bo‘ladi. Shifokor bilan maslahatlashgandan keyin takroriy kursni o‘tkazish mumkin. Nojo‘ya ta‘sirlari Allergik reaksiyalar (teri toshmasi, qichishish), me‘da-ichak yo‘llari faoliyatini buzilishi (dispepsiya), bosh og‘rig‘i. Qo‘llash mumkin bo‘lmagan holatlar Preparatning komponentlariga yuqori sezuvchanlik, qon ivishini pasayishi, eroziv gastrit, me‘da va o‘n ikki barmoq ichak yara kasalligi, bosh miyada qon aylanishini o‘tkir buzilishlari, o‘tkir miokard infarkti, arterial gipotenziya, bolalar, homiladorlik va laktasiya davrida qo‘llash mumkin emas. Dorilarning o‘zaro ta‘siri Asetilsalisil kislotasi yoki antikoagulyantlarni doimiy ravishda qabul qiladigan pasientlarga Bilobil® forte preparatini qo‘llash tavsiya etilmaydi. Maxsus ko‘rsatmalar Preparatning tavsiya etilgan dozalarini oshirish mumkin emas. Preparatni homiladorlik va emizish davrida qo‘llanishi Bilobil® forteni homiladorlik va emizish davrida buyurish tavsiya etilmaydi. Bilobil® forte kapsulalarni ovqat va ichimliklar bilan birga qabul qilish mumkin. Bilobil® forte kapsulalarni alkogolli ichimliklar bilan birga qabul qilish tavsiya etilmaydi. Preparat bolalar ololmaydigan joyda saqlansin va yaroqlilik muddati o‘tganidan so‘ng qo‘llanilmasin. Dozani oshirib yuborilishi Bilobil® forte preparatining dozani oshirib yuborilishi holatlari haqida hozirgi vaqtgacha xabar berilmagan. Chiqarilish shakli 80 mg dan kapsulalar, 10 kapsuladan blisterda. 2 yoki 6 blister qo‘llash bo‘yicha yo‘riqnomasi bilan karton qutiga joylanadi. Saqlash sharoiti 25oS dan yuqori bo‘lmagan haroratda, namlikdan himoyalangan joyda saqlansin. Yaroqlilik muddati 3 yil. Dorixonalardan berish tartibi Shifokor reseptisiz. Ulashish: