INNOFER eritma 100mg/5ml N5

Инструкция INNOFER eritma 100mg/5ml N5

• Qadoqda soni

  5

• Dozirovkasi

  Yuborilishi Innofer faqat vena ichiga – asta-sekin oqim bilan yoki tomchilab, shuningdek dializ tizimining venoz sohasiga yuboriladi va mushak ichiga yuborish uchun mo'ljallanmagan. Preparatning butun terapevtik dozasini bir lahzada yuborishga yo'l qo'yilmaydi. Preparatning birinchi terapevtik dozasini yuborishdan oldin sinama – dozani buyurish kerak. Agarda kuzatish davri davomida o'zlashtiraolmaslikni ko'rinishlari paydo bo'lsa, preparatni yuborishni darhol to'xtatish kerak. Ampulani ochishdan oldin unda cho'kma va shikastlanishlar bo'lishi ehtimolini ko'zdan kechirish kerak. Faqat jigarrang rangli, cho'kmasiz eritmani ishlatish mumkin. Tomchilab yuborish AB ni yaqqol pasayishi va eritmani vena qon tomiri atrofidagi bo'shliqqa tushish xavfini kamaytirish uchun, preparatni infuziya holida tomchilab yuborish avzaldir. Bevosita infuziya qilishdan oldin preparatni natriy xloridining 0,9% eritmasida 1:20 nisbatda suyultirish kerak, (masalan – 1 ml (20 mg temir) 20 ml natriy xloridining 0,9% eritmasida suyultiriladi). Olingan eritma quyidagi tezlik bilan yuboriladi: 100 mg temir – kamida 15 minut davomida; 200 mg temir 30 minut davomida, 400 mg temir – 2,5 soat davomida; 500 mg temir – 3,5 soat davomida yuboriladi. Tana vazniga 7 mg temir/kg ni tashkil qiluvchi, o'zlashtira olinadigan maksimal bir martalik dozani, preparatning umumiy dozasidan qat'iy nazar, minimum 3,5 soat davomida yuborish kerak. Preparatning terapevtik dozasini birinchi marta tomchilab yuborish oldin sinama-dozani yuborish kerak. Kattalar va tana vazni 14 kg dan ortiq bo'lgan bolalarga 20 mg temir va tana vazni 14 kg dan kam bo'lgan bolalarga kundalik dozaning yarmini (1,5 mg temir/kg) 15 minut davomida yuborish kerak. Noxush ko'rinishlar bo'lmaganida, eritmaning qolgan qismini tavsiya etilgan tezlikda yuborish kerak. Oqim bilan yuborish Preparatni, shuningdek suyultirilmagan eritma ko'rinishida vena ichiga asta-sekin minutiga 1 ml preparati (20 mg temir) tezlikda (norma) yuborish ham mumkin, ya'ni 5 ml preparati (100 mg temir) minimum 5 minutda yuboriladi. Preparatning maksimal hajmi 1 in'ektsiyaga 10 ml preparati (200 mg temir) dan oshmasligi kerak. Preparatning terapevtik dozasini birinchi marta oqim bilan yuborishdan oldin sinama-dozani buyurish kerak – 1 ml preparati (20 mg temir) kattalar va tana vazni 14 kg dan ortiq bolalarga va tana vazni 14 kg dan kam bo'lgan bolalarga kundalik dozaning yarmi (1,5 mg temir/kg) 1-2 minut davomida yuboriladi. Keyingi 15 minut kuzatuv davomida noxush ko'rinishlar bo'lmasa, eritmaning qolgan qismini tavsiya etilgan tezlikda yuborish kerak. In'ektsiyadan so'ng bemorga ma'lum vaqt davomida qo'lini yozilgan holatda tutib turish tavsiya etiladi. Dializ tizimiga yuborish Preparatni vena ichiga in'ektsiya qilish uchun ta'riflangan qoidalarga qat'iy amal qilgan holda, dializ tizimining venoz sohasiga bevosita yuborish mumkin. Dozani hisoblash: Preparatning dozasi organizmdagi temirning umumiy tanqisligiga muvofiq formula bo'yicha individual ravishda hisoblanadi: Temirning umumiy tanqisligi, (mg) = tana vazni, (kg) × (Hb normal darajasi – bemorning Hb darajasi), (gl) × 0,24* + zahiradagi temir, mg. Tana vazni 35 kg dan kam bo'lgan bemorlar uchun: Hb normal darajasi = 130 g/l, zahiradagi temirning miqdori = tana vazniga 15 mg/kg. Tana vazni 35 kg dan ortiq bo'lgan bemorlar uchun: Hb normal darajasi = 150 g/l, zahiradagi temirning miqdori = 500 mg. * Koeffitsiyent 0,24 = 0,0034 × 0,07 × 1000 (Hb dagi temirning miqdori = 0,34%; qonning hajmi = tana vaznidan 7%; 1000 koeffitsiyenti = “g” dan “mg” ga o'tkazish) Preparatning yuborilishi temirning yig'indi tanqisligi (mg) kerak bo'lgan umumiy hajmi (ml) = --------------------------------------------------- 20 (mg/ml) Jadval: Davolash uchun preparatning umumiy hajmi Тана вазни, кг Препаратни даволаш учун кумулятив терапевтик дозаси Hb 60 г/л Hb 75 г/л Hb 90 г/л Hb 105 г/л мг Fe мл мг Fe мл мг Fe мл мг Fe мл 5 160 8 140 7 120 6 100 5 10 320 16 280 14 240 12 220 11 15 480 24 420 21 380 19 320 16 20 640 32 560 28 500 25 420 21 25 800 40 700 35 620 31 520 26 30 960 48 840 42 740 37 640 32 35 1260 63 1140 57 1000 50 880 44 40 1360 68 1220 61 1080 54 940 47 45 1480 74 1320 66 1140 57 980 49 50 1580 79 1400 70 1220 61 1040 52 55 1680 84 1500 75 1300 65 1100 55 60 1800 90 1580 79 1360 68 1140 57 65 1900 95 1680 84 1440 72 1200 60 70 2020 101 1760 88 1500 75 1260 63 75 2120 106 1860 93 1580 79 1320 66 80 2220 111 1940 97 1660 83 1360 68 85 2340 117 2040 102 1720 86 1420 71 90 2440 122 2120 106 1800 90 1480 74 Umumiy terapevtik doza ruxsat etilgan maksimal bir martalik dozadan yuqori bo'lganida, preparatni bo'lib yuborish tavsiya etiladi. Agar preparat bilan davolash boshlanganidan so'ng 1-2 haftadan keyin, gematologik ko'rsatkichlarni yaxshilanishi yuz bermasa, dastlabki tashxisni qayta ko'rib chiqish kerak. Qon yo'qotilganidan yoki autologik qon topshirilganidan keyin temirning miqdorini to'ldirish uchun dozani hisoblash: Preparatning dozasi quyidagi formula bo'yicha hisoblanadi: Agar yo'qotilgan qonning miqdori ma'lum bo'lsa: 200 mg temirni vena ichiga yuborish (10 ml preparati) 1 birlik qonni (Hb kontsentratsiyasi = 150 g/l bo'lgan 400 ml qon) quyganda kuzatilgani kabi Hb kontsentratsiyasini oshishiga olib keladi. To'ldirish kerak bo'lgan temirning miqdori (mg) = yo'qotilgan qon miqdorini birligi × 200 yoki Preparatning kerakli hajmi (ml) = yo'qotilgan qon miqdorini birligi × 10. Hb darajasi pasayganida:, agar temir zahirasini to'ldirish talab qilinmasa, dastlabki formuladan foydalaning. O'rnini to'ldirish kerak bo'lgan temirning miqdori (mg) = tana vazni, (kg) × 0,24 × (normal Hb darajasi – bemorning Hb darajasi), g/l. Masalan: tana vazni 60 kg, Hb tanqisligi = 10 g/l temirning kerakli miqdori × 150 mg preparatining kerakli hajmi = 7,5 ml. Standart dozalash: Kattalar va keksa yoshdagi bemorlarga – 5-10 ml preparati (100-200 mg temir) gemoglobinning darajasiga qarab haftada 1-3 marta yuboriladi. Bolalar 3 yoshgacha bo'lgan bolalarda preparatni qo'llash bo'yicha faqat cheklangan ma'lumotlar mavjud. Qolgan yoshdagi bolalar uchun tavsiya etilgan doza 1 kg tana vazniga 0,15 ml preparat (3 mg temir) dan ko'p emas, gemoglobinning darajasiga qarab haftada 1-3 marta yuboriladi. Maksimal o'zlashtira olinadigan bir martalik doza: Kattalar va keksa yoshdagi bemorlar: Oqim bilan yuborish uchun: 10 ml preparati (200 mg temir), yuborishning davomiyligi kamida 10 minut; Tomchilab yuborish uchun ko'rsatmalarga qarab bir martalik doza 500 mg temirga yetishi mumkin. Ruxsat etilgan maksimal bir martalik doza 1 kg tana vazniga 7 mg temirni tashkil qiladi va haftada bir marta yuboriladi, lekin u 500 mg temirdan oshmasligi kerak. Preparatni yuborish vaqtini va suyultirish usulini “Qo'llash usuli va dozalari” bo'limidan qarang. Preparatni bir shpritsda faqat steril fiziologik eritma bilan aralashtirish mumkin. Vena ichiga yuborish uchun hech qanday boshqa eritmalarni va terapevtik preparatlarni qo'shishga ruxsat berilmaydi, chunki pretsipitatsiya va/yoki boshqa farmatsevtik o'zaro ta'sir qilish xavfi bor. Shisha, polietilen va polivinilxloriddan tashqari boshqa metariallardan bo'lgan konteynerlar bilan mutanosibligi o'rganilmagan.

• Dori vositalarining o'zaro ta'siri

  Preparat temirning ichga qabul qilish uchun mo'ljallangan dori shakllari bilan bir vaqtda buyurilmasligi kerak, chunki temirni me'da-ichak yo'llaridan so'rilishini kamayishiga yordam beradi. Temirning peroral preparatlari bilan davolashni oxirgi in'ektsiyadan so'ng kamida 5 kun o'tgach boshlash mumkin.

• Qo'llanilishi mumkin bo'lmagan holatlar

  Preparatni quyidagi hollarda qo'llash mumkin emas: temir tanqisligi bilan bog'liq bo'lmagan anemiya; organizmda temirning miqdori oshganida (gemosideroz, gemoxromatoz) yoki uning utilizatsiya jarayonlarini buzilishi bo'lganida; preparatga yoki uning komponentlariga yuqori sezuvchanlik bo'lganida; homiladorlikni I uch oyligida qo'llash mumkin emas. Ehtiyotkorlik bilan Bronxial astma, ekzema, polivalent allergiya, temirning parenteral yuboriladigan boshqa preparatlariga allergik reaktsiyalari bo'lgan bemorlarga va zardobning temirni bog'lab olish hususiyati past bo'lgan va/yoki folat kislotasi tanqisligi bo'lgan shaxslarga, preparatini ehtiyotkorlik bilan buyurish kerak. Shuningdek jigar yetishmovchiligi, o'tkir yoki surunkali infektsion kasalliklari bo'lgan bemorlarga va qon zardobidagi ferritinning ko'rsatkichlari yuqori bo'lgan shaxslarga temir preparatlarini yuborishda ehtiyotkorlik talab qilinadi, chunki parenteral yuborilayotgan temir bakterial yoki virusli infektsiya mavjud bo'lganida noxush ta'sir ko'rsatishi mumkin.

• Maxsus saqlash sharoitlari

  Quruq, yorug'likdan himoyalangan joyda, 30°C dan yuqori bo'lmagan haroratda saqlansin. Muzlatilmasin. Preparat bolalar ololmaydigan joyda saqlansin. Yaroqlilik muddati 3 yil. Yaroqlilik muddati tugaganidan so'ng ishlatilmasin

• Maxsus shartlar

  Preparat faqat anemiya tashxisi tegishli laborator ma'lumotlar (masalan, zardob ferritini yoki gemoglobin va gemotokritning darajasi, eritrotsitlarning miqdori va ularning ko'rsatkichlari – eritrotsitlarning o'rtacha hajmi, eritrotsitdagi gemoglobinning o'rtacha miqdori yoki eritrotsitdagi gemoglobinning o'rtacha kontsentratsiyasini aniqlash natijalari) bilan tasdiqlangan bemorlarga buyurilishi kerak. Temirning vena ichiga yuboriladigan preparatlari allergik yoki anafilaktoid reaktsiyalarni chaqirishi mumkin, ular hayot uchun potentsial xavfli bo'lishi mumkin. Preparatni yuborish tezligiga qat'iy rioya qilish kerak (preparat tez yuborilganida AB pasayishi mumkin). Nojo'ya ta'sirlarini yanada ko'proq rivojlanish chastotasi (ayniqsa – AB pasayishi), ular shuningdek og'irroq ham bo'lishi mumkin, dozani oshirilishi bilan assotsiatsiyalanadi. Shunday qilib, “Qo'llash usuli va dozalari” bo'limida keltirilgan preparatni yuborilish vaqtiga, xatto agar bemor preparatni maksimal o'zlashtira olinadigan bir martalik dozada olmayotgan bo'lsa ham, qat'iy rioya qilinishi kerak. Temir dekstraniga yuqori sezuvchanlik reaktsiyalariga ega bo'lgan bemorlarda o'tkazilgan tadqiqotlar, preparat bilan davolash fonida asoratlarning yo'qligini ko'rsatdi. Preparatni vena qon tomiri atrofidagi bo'shliqqa kirishidan saqlanish kerak, chunki preparatni tomir tashqarisiga tushishi to'qimalarning nekroziga va terining jigarrang rangga bo'yalishiga olib keladi. Ushbu asorat rivojlanganida organizmdan temirni chiqarilishini tezlashtirish uchun va uni atrofdagi to'qimalarga yanada o'tishini oldini olish uchun, in'ektsiya joyiga geparin saqlovchi preparatlarni qo'yish tavsiya etiladi (gelь yoki surtma ishqalamasdan yengil harakatlar bilan surtiladi). Konteyner birinchi marta ochilganidan keyingi yaroqlilik muddati: Mikrobiologik nuqtai nazardan preparatni darhol ishlatish kerak. Fiziologik eritma bilan suyultirilganidan keyingi saqlash muddati: Preparat suyultirilganidan so'ng kimyoviy va fizik barqarorligi xona haroratida 12 soatni tashkil etadi. Agar preparat suyultirilganidan keyin darhol ishlatilmagan bo'lsa, saqlash sharoiti va muddatiga iste'molchi javob beradi, u har qanday holatda, agar suyultirish nazoratli va kafolatlangan aseptik sharoitlarda bajarilgan bo'lsa, xona haroratida 3 soatdan oshmasligi kerak,.Avtomobilni haydash va mexanizmlar bilan ishlash qobiliyatiga ta'siri Preparatning avtomobilni haydash va mexanizmlar bilan ishlash qobiliyatiga noxush ta'sir ko'rsatish ehtimoli kam.

• Nojo'ya samaralari

  Hozirgi vaqtda preparatni yuborish bilan bog'liq bo'lgan vaqtinchalik va mumkin aloqador quyidagi noxush ko'rinishlar ma'lum. Barcha simptomlar juda kam kuzatilgan (rivojlanish tez-tezligi 0,01% dan kam va 0,001% ga teng yoki ko'proq). Nerv tizimi tomonidan: bosh aylanishi, bosh og'rig'i, xushdan ketish, parasteziyalar. Yurak qon-tomir tizimi tomonidan: yurak urishini his etish, taxikardiya, arterial bosimni pasayishi, kollaptoid holatlar, qizib ketish hissi, yuzni qizib ketishi, periferik shishlar. Nafas a'zolari tomonidan: bronxospazm, hansirash. Me'da-ichak yo'llari tomonidan: qorinda tarqoq og'riqlar, epigastral sohasida og'riq, diareya, ta'm bilishni buzilishi, ko'ngil aynishi, qusish. Teri koplamalari tomonidan: eritema, qichishish, toshma, pigmentatsiyani buzilishi, kuchli terlash. Tayanch-harakat apparati tomonidan: artralgiya, belda og'riq, bo'g'imlarning shishi, mialgiya, qo'l-oyoqlarda og'riq. Immun tizimi tomonidan: allergik anafilaktoid reaktsiyalar, shu jumladan yuzni, xiqildoqni shishi. Umumiy xarakterga ega bo'lgan buzilishlar va in'ektsiya joyidagi reaktsiyalar: asteniya, ko'krakda og'riq, ko'krakda og'irlik hissi, xolsizlik, periferik shishlar, yuborilgan joyda og'riq va shish (ayniqsa, preparat qon-tomir tashqarisiga tushganida), lohaslik hissi, oqarish, tana haroratini oshishi, et uvishishi bo'lishi mumkin.

• Farmakodinamikasi

  100 mg temir saqlovchi preparati vena ichiga bir marta yuborilganidan keyin, temirning o'rtacha 538 mmolь maksimal kontsentratsiyasiga, in'ektsiya qilinganidan so'ng 10 minut o'tgach erishiladi. Markaziy kameraning taqsimlanish hajmi zardob hajmiga deyarli butunlay mos keladi (taxminan 3 l). Yarim chiqarilish davri taxminan 6 soat. Barqaror holatdagi taqsimlanish hajmi taxminan 8 litrni tashkil qiladi (bu temirni organizmning suyuq muxitlarida past taqsimlanishini ko'rsatadi). Temir saxaratining turg'unligi transferringa nisbatan pastligi tufayli, temirni raqobatli almashinuvi transferrinni foydasiga kuzatiladi. Natijada 24 soat davomida taxminan 31 mg temir olib o'tiladi. In'ektsiya qilingandan keyingi birinchi 4 soat davomida buyraklar orqali temirni chiqarilishi temirning umumiy klirensidan 5% dan kamroq qismini tashkil etadi. 24 soat o'tgach zardobdagi temirning darajasi dastlabki (yuborilishigacha bo'lgan) qiymatiga qaytadi va taxminan 75% saxaroza qon-tomirlar xavzasini tark etadi.

• Dozani oshirib yuborilishi

  Dozani oshirib yuborilishi, gemosiderozning belgilari bilan namoyon bo'luvchi, temirning miqdorini o'tkir oshishini chaqirishi mumkin. Dozasi oshirib yuborilganida simptomatik vositalarni va agar zarurati bo'lsa, temirni bog'lovchi moddalarni (xelatlar) qo'llash, masalan vena ichiga deferoksaminni yuborish tavsiya etiladi.