FEROMINA sirop

Инструкция FEROMINA sirop

• Dozirovkasi

  Ichga buyuriladi. Kattalarga 1 choy qoshiqdan kuniga 3 marta; 12 yoshdan 17 yoshgacha bo'lgan o'smirlarga 1 choy qoshiqdan kuniga 2 marta; 6 yoshdan 11 yoshgacha bo'lgan bolalarga ½ choy qoshiqdan kuniga 2 marta buyuriladi.

• Dori vositalarining o'zaro ta'siri

  Preparat temir saqlaydi, shuning uchun tetratsiklin guruhi antibiotiklari va mikroblarga qarshi vositalar – ftorxinolon hosilalari bilan birga qo'llanganda, oxirgilarni me'da-ichak yo'llaridan so'rilishi sekinlashadi. Tarkibiga alyuminiy, kalьtsiy, magniy kiruvchi antatsid preparatlarni, shuningdek kolestiraminni bir vaqtda qo'llanganda, preparatning tarkibiga kiruvchi temirni so'rilishini sekinlashishi yuz beradi.

• Qo'llanilishi mumkin bo'lmagan holatlar

  Gemoxromatoz, gemosideroz, gemolitik (nasliy va orttirilgan) va temir tanqisligi bilan bog'liq bo'lmagan boshqa anemiyalar, jigar sirrozi, preparatning komponentlariga yuqori sezuvchanlikda qo'llash mumkin emas.

• Maxsus shartlar

  Me'da va o'n ikki barmoq ichakning yara kasalligida, enteritda, yarali kolitda ehtiyotkorlikka amal qilish lozim. Temir glyukonati qabul qilinganda ahlatni qora rangga bo'yalishi kuzatiladi, lekin bu klinik ahamiyatga ega emas.

• Nojo'ya samaralari

  Allergik reaktsiyalar bo'lishi mumkin.

• Farmakodinamikasi

  Temir glyukonati past ionlanish konstantasi hisobiga peroral qabul qilinganda yuqori biokiraolishlikka ega. Asosan o'n ikki barmoq ichakda va och ichakning proksimal qismida so'riladi. 90% dan ortig'i qon plazmasi oqsillari (asosan globulin) bilan bog'lanadi. Ferritin yoki gemosiderin ko'rinishida gepatotsitlarda va retikuloendotelial tizimida to'planadi, ozgina miqdori – mioglobin ko'rinishida mushaklarda to'planadi.

• Dozani oshirib yuborilishi

  Simptomlari: ko'ngil aynishi, qorinda og'riqlar, qusish, diareya, bosh aylanishi, holsizlik, terini oqarishi yoki sianoz, ongni chalkashishi, giperventilyatsiya simptomlari, arterial gipotenziya. Davolash: spetsifik davolashni o'tkazishgacha me'da – ichak yo'lidan preparatni chiqarilishi bo'yicha choralar (qusishni chaqirish, me'dani yuvishni o'tkazish) keyinchalik ichga sut, xom tuxum buyurish kerak, ko'rsatmalar bo'yicha – simptomatik davolashni o'tkazish kerak.  Spetsifik davolashni temirni bog'lab oluvchi xelatlarni hosil qiluvchi vositalar - deferoksaminni (temir bilan kompleks birikma hosil qiladi) ichga va parenteral ravishda buyurish bilan o'tkaziladi.