ANASEP gel 5g N50

Инструкция ANASEP gel 5g N50

• Qadoqda soni

  50

• Umumiy ma'lumot

  ANASEP gel 5g N50 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA ANASEP® ANASEP® Preparatning savdo nomi: Anasep® Ta‘sir etuvchi modda (XPN): metronidazol Dori shakli: gel Tarkibi: Gelning har bir grammi quyidagilarni saqlaydi: faol modda: metronidazol benzoati 10 mg metronidazolga ekvivalent; yordamchi moddalar: xlorgeksidin glyukonat eritmasi, karbomer, propilenglikol, gliserol, natriy saxarini, mentol, izopropil spirti, chinnigul moyi, dietanolamin, benzil spirti, setamakrogol – 1000, tozalangan suv. Ta‘rifi:, polilaminadlangan tubalarga to‘ldirilgan nim tiniq gel. Farmakoterapevtik guruhi: Stomatologiyada qo‘llanadigan vosita. ATX kodi: A01AB17 Farmakologik xususiyatlari Og‘iz bo‘shlig‘ining infeksion-yallig‘lanish kasalliklarini davolash va oldini olish uchun mikroblarga qarshi majmuaviy preparatdir. Preparatning ta‘siri uning tarkibiga kiruvchi komponentlarning xususiyatlariga bog‘liq. Metronidazol anaerob mikroorganizmlarning hujayra ichki transport proteinlarining 5-nitroguruhi hisobiga biokimyoviy jihatdan qaytariladi. Metronidazolning biokimyoviy jihatdan qaytarilgan 5-nitroguruhi mikroorganizmlarning hujayralaridagi DNK bilan o‘zaro ta‘sirlashib, nuklein kislotalari sintezini ingibisiya qiladi, bakteriyalarni o‘limiga olib keladi, parodont kasalliklarini chaqiruvchi anaerob bakteriyalar: Porphyromonas gingivalis, Prevotella intermedia, Fusobacterium fusiformis, Wolinella recta, Eikenella corrodens, Borrelia vincenti, Bacteroides melaninogenicus, Selenomonas spp ga nisbatan faol. Metronidazolga aerob mikroorganizmlar va fakultativ anaeroblar sezgir emas, ammo aralash mikroflora (aeroblar va anaeroblar) bo‘lganida, metronidazol oddiy aeroblarga qarshi samarali antibiotiklar bilan sinergik ta‘sir ko‘rsatadi. Xlorgeksidin – keng ta‘sir doirali antiseptik, bakterisid ta‘sirga ega. Grammusbat va grammanfiy mikroorganizmlarning vegetativ shakllariga, shuningdek achitqilar, dermatofitlar va lipofil viruslarga nisbatan faol. Farmakokinetikasi Gel qo‘llanganidan keyin so‘rilishi minimal darajada. Qon plazmasida preparatning faqat juda oz miqdori aniqlanadi.   Qo‘llanilishi Parodont va og‘iz bo‘shlig‘i shilliq qavatining infeksion-yallig‘lanish kasalliklari: o‘tkir va surunkali gingivit; o‘tkir va surunkali parodontit; o‘smirlar parodontiti; gingivit bilan asoratlangan parodontoz; aftoz stomatit; og‘iz bo‘shlig‘i shilliq qavatini protezlarni taqib yurish oqibatida yallig‘lanishi; postekstraksion alveolit (tish olib tashlangandan keyin tish o‘rnini yallig‘lanishi); periodontit, periodontal abssess (majmuaviy davolash tarkibida); infeksion xarakterga ega bo‘lgan tish og‘rig‘ida qo‘llanadi; og‘iz bo‘shlig‘idagi badbo‘y hidni bartaraf etadi; tishlardagi karashni bartaraf qiladi. Qo‘llash usuli va dozalari Mahalliy, faqat stomatologik qo‘llash uchun mo‘ljallangan. Bir tishni o‘rab turuvchi milk sohaga surtiladigan doza no‘xatdek o‘lchamga ega tomchini tashkil etadi. Kattalar va 6 yoshdan oshgan bolalarga milkni yallig‘lanishida (gingivit) gel milk sohasiga kunga 2 marta qo‘yiladi, gelni yuvib tashlash tavsiya etilmaydi. Gel qo‘yilgandan keyin 30 minut davomida suyuqlik ichish va ovqatlanishdan saqlanish kerak. Davolash kursining davomiyligi o‘rtacha 7-10 kunni tashkil etadi. Parodontitda tish toshlari olib tashlangandan keyin parodontal cho‘ntaklar gel bilan ishlov beriladi va milk sohasiga gel bilan applikasiya qilinadi. Ekspozisiya vaqti – 30 minutni tashkil qiladi. Muolajalar soni kasallikning og‘irligiga bog‘liq. Keyinchalik gelni kuniga 2 marta 7-10 kun davomida, milk sohasiga qo‘yib, gel applikasiyasini pasientning o‘zi mustaqil bajarishi mumkin. Aftoz stomatitda gel og‘iz bo‘shlig‘i shilliq qavatining shikastlangan sohasiga kuniga ikki marta 7-10 kun davomida qo‘yiladi. Surunkali gingivit va parodontitni zo‘rayishini oldini olish uchun gel milk sohasiga kuniga 2 marta 7-10 kun davomida qo‘yiladi. Profilaktik davolash kursi yiliga 2-3 marta o‘tkaziladi. Tish olib tashlangandan keyin postekstraksion alveolitni oldini olish uchun tish o‘rni gel bilan ishlov beriladi, so‘ngra gel ambulator ravishda kuniga 2-3 marta 7-10 kun davomida qo‘llanadi.   Nojo‘ya ta‘sirlari Gel mahalliy qo‘llanganida tizimli nojo‘ya ko‘rinishlarni rivojlanishi xavfi kam, ammo ba‘zida: bosh og‘rig‘i, allergik reaksiyalar (teri toshmasi, qichishish, eshakemi) kuzatilishi mumkin. Qo‘llash mumkin bo‘lmagan holatlar Metronidazol, xlorgeksidin, shuningdek nitroimidazol hosilalarini individual o‘zlashtira olmaslikda. Dori vositasining tarkibiga kiruvchi har qanday komponentini o‘zlashtira olmaslikda. 6 yoshgacha bo‘lgan bolalarda qo‘llash mumkin emas. Dorilarning o‘zaro ta‘siri Tavsiya etilgan dozalarda mahalliy qo‘llanganida gelni boshqa dori vositalari bilan tizimli o‘zaro ta‘siri aniqlanmagan.   Maxsus ko‘rsatmalar Gelni qo‘llash tishlarni gigienik tozalash o‘rnini bosmaydi, shuning uchun davolash kursi davomida tishlarni tozalash davom ettirilishi kerak. Homiladorlik va laktasiya Homiladorlikning birinchi uch oyligida homilador ayollarga preparatni buyurish tavsiya etilmaydi. Laktasiya davrida emizishni to‘xtatish masalasini hal qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin. Dozani oshirib yuborilishi Mahalliy qo‘llanganda dozani oshirib yuborilishi ehtimoli kam. Chiqarilish shakli 20 g polilaminlangan tubada. 5 g sashe/ tubada.   Saqlash sharoiti Salqin va qorong‘i joyda, 25°S dan yuqori bo‘lmagan haroratda saqlansin. Yaroqlilik muddati 3 yil.   Dorixonalardan berish tartibi Reseptsiz. Ulashish: