YUNIDON tabletkalari N100

Инструкция YUNIDON tabletkalari N100

• Qadoqda soni

  100

• Umumiy ma'lumot

  YUNIDON tabletkalari N100 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA YUNIDON UNIDON   Preparatning savdo nomi: Yunidon Ta‘sir etuvchi modda (XPN): Parasetamol, kofein Chiqarilish shakli: plyonka qobiq bilan tabletkalar Tarkibi: 1 tabletka quyidagilarni saqlaydi: Faol moddalar: Parasetamol – 650 mg, kofein – 55 mg. Yordamchi moddalar: mikrokristall sellyuloza, kalsiy digidrofosfati, makkajo‘xori kraxmali, natriy metilparagidroksibenzoati, natriy propilparagidroksibenzoat, magniy stearati, gidroksipropilmetilsellyuloza, talk, aerosil, natriy kraxmalglikolyati, natriy kroskarmelloza. Qobiq tarkibi: gidroksipropilmetilsellyuloza, titan dioksidi, talk, izopropil spirti, metilenxlorid, kanakunjut moyi. Ta‘rifi: Oq rangli, kapsulasimon shaklli, qobiq bilan qoplangan tabletkalar. Farmakoterapevtik guruhi: Analgetik-antipiretik. ATX kodi: N02VE01   Farmakologik xususiyatlari Parasetamol, og‘riqni qoldiruvchi va isitmani tushiruvchi ta‘sirga ega. Parasetamolni ta‘siri asosan markaziy mexanizmga ega, prostaglandinlar sintezida qatnashuvchi siklooksigenaza fermentini qaytuvchan ingibisiya qiladi. Parasetamolni isitmani tushiruvchi ta‘siri, termoregulyasiyaning gipotalamik markazlariga to‘g‘ridan-to‘g‘ri ta‘siri bilan bog‘liq, buning natijasida qon-tomirlarni kengayishi va ter ajralib chiqishini kuchayishi tufayli, issiqlik ajralib chiqishi kuchayadi. Og‘riqni qoldiruvchi ta‘siri og‘riq sezuvchanligini bo‘sag‘asiga bevosita ta‘siri bilan chaqirilgan. Kofein parasetamolning og‘riq qoldiruvchi ta‘sirini kuchaytiradi, shuningdek tetiklik hissini beradi. Farmakokinetikasi Parasetamol me‘da-ichak yo‘llarida tez va deyarli to‘liq so‘riladi. Parasetamol organizmning ko‘pchilik suyuq muhitlarida bir tekis taqsimlanadi va oqsillar bilan kuchsiz bog‘lanadi. Parasetamol faqat buyrak orqali bog‘langan metabolitlari ko‘rinishida chiqariladi. Kofein ichga qabul qilinganidan so‘ng tez so‘riladi va organizm bo‘ylab yaxshi tarqaladi. Plazmadagi maksimal konsentrasiyaga bir soatdan so‘ng erishiladi, yarim chiqarilish davri 3,5 soatni tashkil qiladi. Qo‘llanilishi Bosh og‘rig‘i, migren, tish og‘rig‘i, mushaklar og‘rig‘i, menstrual og‘riq, mushak-skelet og‘riqlarni yo‘qotish uchun, shuningdek isitmada qo‘llanadi. Qo‘llash usuli va dozalari Tabletkalar peroral qabul qilinadi. Kattalar va 12 yoshdan oshgan bolalar uchun: 1-2 tabletkadan kuniga 3-4 marta buyuriladi. Maksimal sutkalik doza 8 tabletka yoki shifokor ko‘rsatmasi bo‘yicha. Nojo‘ya ta‘sirlari Preparat odatda tavsiya etilgan dozalarda yaxshi o‘zlashtiriladi. Ko‘ngil aynishi, epigastral sohada og‘riq, terini qizarishi, terida nuqtali toshmalar ko‘rinishidagi allergik reaksiyalar. Kvinke shishi, xansirash, ko‘p terlash, arterial qon bosimini pasayishi (xatto shok holatigacha) ko‘rinishidagi giperreaktiv holatlar ta‘riflangan. Qon manzarasi o‘zgarishi mumkin – trombositopeniya, leykopeniya, ba‘zida agranulositoz, pansitopeniya, metgemoglobinemiya, anemiya. Allergik reaksiyalarga moyil shaxslarda bronxospazm kuzatilishi mumkin («aspirinli» astma). Odatdagi dozalarni juda uzoq muddat qabul qilish yoki juda yuqori dozalarni qabul qilish, jigar va buyrakning og‘ir shikastlanishiga olib kelishi mumkin.   Qo‘llash mumkin bo‘lmagan holatlar Parasetamolga, kofeinga yoki preparatning har qanday boshqa komponentlariga o‘ta yuqori sezuvchanlik. 12 yoshgacha bo‘lgan bolalarda qo‘llash mumkin emas. Dorilarning o‘zaro ta‘siri Bir vaqtda metoklopramid va domperidon qo‘llanilganda parasetamolning so‘rilish tezligi oshishi va xolestiramin bilan qo‘llanganda kamayishi mumkin. Varfarin va boshqa kumarinlarning antikoagulyant ta‘siri parasetamol davomli va muntazam qo‘llanganida qon ketishini oshishini xavfi bilan kuchayishi mumkin; preparat nomuntazam qabul qilinganida ko‘rsatiladigan samara ahamiyatsiz. Maxsus ko‘rsatmalar Preparat buyrak va jigar faoliyatining jiddiy buzilishlari bo‘lgan bemorlarga ehtiyotkorlik bilan buyuriladi. Dozaning oshirib yuborilishi havfi jigarning alkogolli nosirroz kasali holatida yuqori bo‘ladi. Preparatni qabul qilganda choy va kofeni haddan tashqari iste‘mol qilishdan saqlanish kerak. Buyurilgan dozani oshirish mumkin emas. Bir vaqtda tarkibida parasetamol saqlovchi boshqa preparatlarni qabul qilish ma‘qul emasligidan bemorlar xabardor bo‘lishlari kerak. Simptomlarning uzoq vaqt davom etsa shifokorga murojaat qilish kerak. Homiladorlik va laktasiya davrida qo‘llanishi. preparatni shifokorning tavsiyasidan tashqari homiladorlik va laktasiya davrida qabul qilish mumkin emas. Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.   Dozani oshirib yuborilishi Parasetamol: Parasetamol 10 g yoki undan ko‘prok qabul qilinganida kattalarda jigarni shikastlashi mumkin. Uzoq vaqt karbamazepin, fenobarbital, fenitoin, primidon, rifampisin yoki jigar fermentlarini rag‘batlantiruvchi boshqa preparatlarni yoki muntazam alkogolni haddan tashqari ko‘p iste‘mol qilayotgan bemorlarda parasetamolni 5 g dan yoki undan ko‘proq qabul qilish jigarning shikastlashiga olib kelishi mumkin. Dozani oshirib yuborish simptomlari birinchi 24 soatda oqarish, ko‘ngil aynishi, qusish, ishtahaning yo‘qolishi, qorin bo‘shlig‘ida og‘riqlar bilan namoyon bo‘ladi. Kofein: Kofeinning dozasi oshirib yuborilishini oqibati epigastral sohasida og‘riq, qusish, diurez, taxikardiya yoki yurak aritmiyasi, markaziy nerv tizimining ta‘sirlanishi bo‘lishi mumkin. Kofeinning dozasi oshirib yuborilganida simptomatik va tutib turuvchi davolash o‘tkaziladi.       Saqlash sharoiti Quruq, yorug‘likdan himoyalangan joyda, 250S dan yuqori bo‘lmagan haroratda saqlanadi. Chiqarilishi shakli 4 tabletkadan kontur uyasiz o‘ramda. Yaroqlilik muddati 4 yil. Dorixonalardan berish tartibi Resept bilan. Ulashish: