INTETRIKS kapsulalar N20

Инструкция INTETRIKS kapsulalar N20

• Qadoqda soni

  20

• Umumiy ma'lumot

  INTETRIKS kapsulalar N20 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA INTETRIKS® INTETRIKS   Preparatning savdo nomi: Intetriks® Dori shakli: kapsulalar Tarkibi: Bir kapsula quyidagilarni saqlaydi: faol moddalar: tilbroxinol – 200 mg, tilixinol – 50 mg, tilixinol N-dodesilsulfat* – 50 mg; yordamchi moddalar: laktoza, makkajo‘xori kraxmali; jelatin kapsulaning tarkibi: korpusi: titan dioksidi (Ye 171), jelatin; kapsula qopqoqchasi: azorubin (Ye 122), indigotin (Ye 132), titan dioksidi (Ye 171), jelatin; * N-dodesilsulfat = laurilsulfat Ta‘rifi: Oq rangli tiniq bo‘lmagan korpusli va to‘q-qizil rangli tiniq bo‘lmagan qopqoqchali №1 qattiq jelatin kapsulalar. Kapsula ichidagisi – kulrang-sariq rangli zichlashgan mikrokristall kukun. Farmakoterapevtik guruhi: Protozoylarga qarshi preparatlar. Gidroksixinolin hosilalari. ATX kodi: R01AA05 Farmakologik xususiyatlari Farmakodinamikasi Intetriks® kontakt amyobalarga qarshi preparat bo‘lib hisoblanadi. Intetriks® Entamaeba histolitica under minuta trofozoitlari va sistalarga qarshi samarali. Farmakokinetikasi Preparat peroral qo‘llanilganda ichak shilliq qavati tomonidan ahamiyatsiz darajada so‘riladi, bu ichak bo‘shlig‘ida samarali konsentrasiyani tutib turish imkonini beradi. Qo‘llanilishi Kattalardagi ichak amyobiazi: to‘qima amyobisidlari bilan majmuaviy davolash tarkibida; diagnostika qilingan amyobiazning simptomsiz holatlarini monoterapiyasida qo‘llanadi. Qo‘llash usuli va dozalari Ichga buyuriladi. 2 kapsuladan ertalab va kechqurun (ya‘ni kuniga 4 kapsula) buyuriladi. Kapsulani butunligicha, ovqatlanishni boshida, yetarli miqdordagi suv bilan qabul qilinadi. Davolash kursi – 10 kunni tashkil qiladi. Nojo‘ya ta‘sirlari Tez-tez: qon zardobida transaminazalar darajasini oshishi (ularning ko‘pchiligi simptomsiz va preparat bekor qilingandan keyin pasayadi). Kam hollarda: allergik reaksiyalar: eshakemi, Kvinke shishi; teri reaksiyalari: permanent pigmentasiyalanuvchi eritema. Uzoq vaqt qabul qilganda ayrim hollarda ko‘ruv nervining periferik neyropatiyasi haqida xabar berilgan. Qo‘llash mumkin bo‘lmagan holatlar preparatning komponentlariga individual yuqori sezuvchanlik; bolalar va 18 yoshgacha bo‘lgan o‘smirlarda qo‘llash mumkin emas. Dorilarning o‘zaro ta‘siri Intetriks® ni gidroksixinolinlar saqlovchi preparatlar bilan bir vaqtda buyurish mumkin emas. Maxsus ko‘rsatmalar So‘nggi tadqiqotlar sog‘lom ko‘ngillilarda Intetriks® transaminazalar darajasini oshishining sababchisi ekanligini tasdiqladi, ular o‘rtacha, simptomsiz va qaytuvchan hisoblanadi. Shunday qilib, transaminazalar darajasi oshgan hollarda, ayniqsa sariqlik holatida preparat bilan davolash to‘xtatilishi kerak. Periferik neyropatiya yuzaga kelishi xavfi tufayli, Intetriks® ni uzoq vaqt qo‘llash maqsadga muvofiq emas. Intetriks® azorubin bo‘yovchisi (Ye 122) saqlaydi, u allergik reaksiyalarni qo‘zg‘atishi mumkin. Intetriks® laktoza saqlaydi. Galaktozani o‘zlashtiraolmaslik, laktaza tanqisligi yoki galaktoza malabsorbsiyasi yoki glyukoza malabsorbsiyasi (kam uchraydigan nasliy kasallik) bo‘lgan pasientlarda preparatni qo‘llash tavsiya etilmaydi. Homiladorlik va laktasiya davri Hozirgi vaqtda tug‘ma nuqsonlar yoki fetotoksiklik rivojlanishi potensial xavfini baholash uchun yetarli ma‘lumotlar yo‘q. Shunday qilib, homiladorlik va laktasiya davrida Intetriks® ni qo‘llash tavsiya etilmaydi. Dori vositasini transport vositalarini yoki potensial xavfli mexanizmlarni boshqarish qobiliyatiga ta‘sirining o‘ziga xosligi Ta‘sir ko‘rsatmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin. Dozani oshirib yuborilishi Dozani oshirib yuborilishi zardobdagi transaminazalar faolligini oshishi, shuningdek qon ivishi ko‘rsatkichlarini (protrombin darajasini) o‘zgarishi bilan kechadi. Bu ko‘rsatkichlarni nazorat qilish kerak. Chiqarilish shakli 10 kapsuladan polivinilxlorid plyonka va alyumin folgali kontur uyali o‘ramga joylanadi. 2 kontur uyali o‘ramdan davlat va rus tillaridagi qo‘llash bo‘yicha yo‘riqnomasi bilan karton qutiga joylanadi. Saqlash sharoiti 25°S dan yuqori bo‘lmagan haroratda. Yaroqlilik muddati 3 yil.   Dorixonalardan berish tartibi Resept bo‘yicha. Ulashish: