VOBILON kapsulalar 40mg N30

Инструкция VOBILON kapsulalar 40mg N30

• Dori shakli

  Капсулалар. 10 капсуладан блистерда. 3 ёки 6 блистер тиббиётда қўлланилишига доир йўриқномаси билан бирга картон қутига жойланган.

• Qadoqda soni

  30

• Dozirovkasi

  Вобилон овқатланишдан қатъий назар ичга қабул қилинади. Капсулаларни кўп бўлмаган миқдордаги суюқлик билан бутунлигича ютиш керак. Деменция синдромлари (шу жумладан Альцгеймер типидаги бирламчи дегенератив деменция, қон-томирлар деменцияси ёки аралаш шакли): катталарга: Вобилон 40 мг препарати 1-2 капсуладан кунига 3 марта ёки Вобилон 80 мг препарати 1 капсуладан кунига 2-3 марта ёки Вобилон 120 мг препарати 1 капсуладан кунига 2 марта (эрталаб ва кечқурун) буюрилади. Периферик окклюзион артериопатия: катталарга: Вобилон 40 мг препарати 1 капсуладан кунига 3 марта ёки Вобилон 80 мг препарати 1 капсуладан кунига 2 марта (эрталаб ёки кечқурун), ёки Вобилон 120 мг препарати 1 капсуладан кунига 1 марта (эрталаб) ёки 2 марта (эрталаб ва кечқурун) ёки Вобилон 160 мг препарати 1 капсуладан кунига 1 марта (эрталаб) буюрилади. Бош айланиши / вертиго ва қулоқларда шовқин каби нейросенсор бузилишлар: катталарга: Вобилон 40 мг препарати 1 капсуладан кунига 3 марта ёки Вобилон 80 мг препарати 1 капсуладан кунига 2 марта (эрталаб ёки кечқурун), ёки Вобилон 120 мг препарати 1 капсуладан кунига 1 марта (эрталаб) ёки 2 марта (эрталаб ва кечқурун) ёки Вобилон 160 мг препарати 1 капсуладан кунига 1 марта (эрталаб) буюрилади. Яхшиланишнинг биринчи белгилари одатда даволаш бошланганидан сўнг 1 ойдан кейин пайдо бўлади. Узоқ муддатли самарага эришиш учун, айниқса бу кекса пациентларга тавсия этилган, даволаш курсини камида 3 ой ўтказиш керак. Такрорий даволаш курсини шифокор билан маслаҳатлашгандан кейин ўтказиш мумкин. Бош айланиши ва қулоқлардаги шовқинни даволашда давомийлиги 6-8 ҳафтадан ортиқ даволаш қўшимча даволаш самарасини бермайди  

• Dori vositalarining o'zaro ta'siri

  Вобилон препаратини қуйидаги препаратлар билан бир вақтда қабул қилиш тавсия этилмайди: -     қон ивишини камайтирувчи препаратлар (кумарин антикоагулянтлари, ацетилсалицил кислотаси ва бошқа ностероид яллиғланишга қарши препаратлар). Ушбу препаратлар билан бир вақтда даволаш, қон ивиши вақтини узайиши туфайли, қон кетишини ривожланиш ҳавфини ошириши мумкин. Вобилон препаратини қуйидаги препаратлар билан бир вақтда қўллаш алоҳида эҳтиёткорликни талаб этади: -    тиришишга қарши препаратлар (масалан, вальпроат, фенитоин). Ушбу препаратларни бирга қабул қилиш тиришиш бўсағасини пасайтириши ва тутқаноқ ҳуружини ривожланиш эҳтимолини ошириши мумкин. In vitro шароитида гинкго билоба баргларининг қуруқ экстракти CYP2C ферментлари иштирокида кечадиган тиришишга қарши воситаларнинг метаболизмини аҳамиятли даражада оширади. -    цитохром Р450 ферментлар тизими иштирокида метаболизмга учрайдиган препаратлар. Тадқиқот натижаларига асосланиб, гинкго билоба экстрактини цитохром Р450 ферментлар тизими иштирокида метаболизмга учрайдиган препаратлари билан ўзаро таъсирини бутунлай истисно қилиш мумкин эмас.

• Qo'llanilishi mumkin bo'lmagan holatlar

  -     препаратнинг таъсир этувчи моддасига ёки ёрдамчи моддаларидан бирортасига юқори сезувчанлик; -     бош мияга қон қуйилишларида препаратни қўллаш мумкин эмас.

• Maxsus saqlash sharoitlari

  Намликдан ҳимояланган жойда 25оС дан юқори бўлмаган хароратда сақлансин. Болалар ололмайдиган жойда сақлансин! Яроқлилик муддати Ишлаб чиқарилган санадан бошлаб 3 йил. Яроқлилик муддати тугаганидан сўнг қўлланилмасин

• Maxsus shartlar

  Вобилон капсулаларини қабул қилишни бошлашдан олдин, “Қўлланилиши” бўлимида келтирилган симптомлар специфик даволашни талаб этувчи бошқа асосий касалликнинг натижаси эмаслигига ишонч ҳосил қилиш керак. Депрессив кайфият ёки тез-тез бош айланиши ва қулоқларни шанғиллаши умуман олганда сабабини аниқлашни талаб этади. Ўта юқори сезувчанлик реакцияси ривожланганида капсулаларни қабул қилишни тўхтатиш керак. Жарроҳлик аралашувидан олдин пациент, Вобилон капсулаларини қабул қилаётганлиги ҳақида шифокорни хабардор қилиш керак. Спонтан қон кетишлари (геморрагик диатез) га мойиллиги бўлган пациентлар ва қон ивишига қаршилик қилувчи препаратларни қабул қилаётган пациентлар Вобилон капсулалари билан даволанишни бошлашдан олдин шифокор билан маслаҳатлашишлари керак. Ҳомиладорлик ва лактация даврида қўлланиши Ҳомиладорликда ва лактация даврида препаратни қўллаш бўйича клиник маълумотларнинг миқдори етарли бўлмаганлиги сабабли, препаратни қўллаш тавсия этилмайди. Ҳайвонларда ўтказилган тадқиқотлар репродуктив токсикликка нисбатан бевосита ёки билвосита таъсир қилишини кўрсатмайди. Педиатрияда қўлланиши Препаратни болаларда қўллаш ҳавфсизлиги юзасидан маълумотларнинг ҳажми чекланганлиги туфайли, ушбу пациентлар гуруҳида қўллаш тавсия этилмайди. Автотранспортни ҳайдаш ва механизмларни бошқариш қобилиятига таъсири Вобилон препарати автотранспортни ҳайдаш ва психомотор реакцияларнинг юқори тезлигини талаб этувчи механизмларни бошқариш қобилиятига таъсир қилмайди ёки аҳамиятсиз даражада таъсир қилади. Шу сабабли препаратни қабул қилиш вақтида автотранспорт воситасини бошқаришда ва ҳаракатланадиган механизмлар билан ишлашда эҳтиёткорликка риоя қилиш керак.

• Nojo'ya samaralari

  Нохуш реакцияларни учраш тезлигини аниқлаш: жуда тез-тез (≥ 1/10), тез-тез (≥ 1/100, аммо <1/10), тез-тез эмас (≥ 1/1000, аммо < 1/100), кам ҳолларда (≥ 1/10000, аммо < 1/1000), жуда кам ҳолларда (< 1/10000), учраш тезлиги номаълум (мавжуд маълумотлар асосида учраш тезлигини баҳолаш имкони йўқ). Ҳар бир гуруҳда нохуш реакцияларни учраш тезлиги уларнинг аҳамиятлилигини камайиши тартибида келтирилган. Нерв тизими томонидан: жуда кам ҳолларда – бош оғриғи. Меъда-ичак йўллари томонидан: жуда кам ҳолларда – кўнгил айниши, диарея, меъдани тўлиб кетиши ҳисси. Қон-томирлари томонидан: жуда кам ҳолларда – меъда-ичакдан қон кетишлари*, бош мияга қон қуйилиши*, кўзларга қон қуйилиши*. Иммун тизими томонидан: жуда кам ҳолларда – аллергик реакциялар (терини қичишиши, қизариши, шиши). *антикоагулянтлар билан ёндош даволанганда ушбу нохуш реакцияларни ривожланиш эҳтимоли юқори бўлади. Шубҳа қилинган нохуш реакциялар бўйича хабарлар Дори воситаси рўйхатдан ўтказилгандан кейин шубҳа қилинган нохуш реакциялар бўйича хабарлар муҳим ҳисобланадилар. Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида, Миллий фармакологик назорат тизимига мувофиқ хабар беришингизни сўраймиз.

• Farmakokinetikasi

  Препарат, асосий фаол компонентлари бўлиб флавоноид гликозидлари ва терпен лактонлари (гинкголидлар ва билобалидлар) ҳисобланган гинкго билоба баргларининг стандартлаштирилган экстрактини сақлайди. Вобилон антиоксидант, қон-томирларни кенгайтирувчи, ишемияга қарши, шишга қарши, антиагрегант, диуретик ва нейропротектив таъсир кўрсатади, шунингдек митохондриал нафасга таъсир қилади ва қон-томирларнинг тонусини бошқаради. Препаратнинг вазоактив самараси унинг фосфодиэстераза ферментининг фаоллигини сусайтириш хусусиятига асосланган, бунинг натижасида қон-томирларнинг силлиқ мушаклар қаватидаги ҳужайраларда циклик гуанозинмонофосфат (цГМФ) ни тўпланиши юз беради, ва цитоплазмада кальций ионларининг концентрациясини камайиши ҳисобига ҳужайраларнинг қисқарувчанлик фаоллиги камаяди. Препарат эндотелиал релаксация қилувчи омилнинг (кўпроқ даражада капиллярлар ва веналарнинг деворларидаги омиллларга нисбатан артерияларнинг деворларидаги омилларини) синтезини кучайишига ёрдам беради. Препаратнинг фаол компонентлари қон-томирларнинг тонусини пасайтиради, қон оқимини яхшилайди, шу жумладан церебрал ва буйраклардаги қон оқимини яхшилайди. Препаратнинг антиагрегант таъсир механизми тромбоцитларни фаоллаштирувчи факторнинг фаоллигини сусайиши билан боғлиқ. Гингко билоба экстрактининг фаол компонентлари қоннинг реологик ҳусусиятларини яхшилайди, тромбоцитлар ва эритроцитлар агрегациясини пасайтиради, тромблар ҳосил бўлишини олдини олади ва артерия ва артериолаларнинг тонусини ошишига ёрдам берувчи медиаторларни ажралиб чиқишини камайтиради. Препаратнинг антиоксидант самараси гинкго билоба экстрактининг фаол компонентларини турли таъсир механизмлари ҳисобига амалга ошади, флаваноид гликозидлар эса эркин радикалларнинг миқдорини пасайтирадилар, аскорбин кислотасини парчаланишини ва адреналинни оксидланишини олдини олади. Гингко билоба экстрактининг фаол компонентлари супероксиддисмутаза ферментининг фаоллигига ўхшаш фаолликка эга. Флавоноид гликозидлар билан бир қаторда, стандартлаштирилган гинкго билоба экстрактининг таркибига терпеноидлар, селен, мис, марганец, магний, фосфор ва калий киради, улар шунингдек яққол ифодаланган антиоксидант хусусиятларга эга. Препаратнинг ишемияга қарши таъсири гипоксия шароитларида митохондрияларнинг нафас фаоллигини оширишга асосланган. Экстрактнинг таркибига кирувчи билобарид митохондриялардаги ген экспрессиясини ошишига, мРНК нинг даражасини ошишига ва цитохром-С-оксидазанинг фаоллигини ушлаб туришга ёрдам беради. Шунингдек билобалид гипоксия шароитларида ҳужайраларда АТФ нинг даражасини нормал даражада ушлаб туришга ёрдам беради. Препарат шунингдек нейропротектив ҳусусиятларга эга, оксидланиш шикастланишлари оқибатида чақирилган спонтан апоптоз ва апоптозни ривожланиш ҳавфини камайтиради. Препаратнинг апоптозга қарши таъсири NMDA-рецепторларини фаоллашувини пасайиши ва кальцийга боғлиқ апоптоз механизмларига таъсири ҳисобига амалга ошади деб ҳисобланади. Бундан ташқари, препарат углеводлар алмашинувини нормаллашишига ёрдам беради, хусусан глюкозани утилизациясини нормаллашиши ҳисобига унинг алмашинувини бошқаради. Препарат норадреналин, серотонин ва дофаминни алмашинувига таъсир қилади, бунинг ҳисобига антидепрессант таъсир кўрсатади. Гинкго билоба экстрактининг ноотроп самараси унинг холинергик тизимини фаоллаштириш хусусияти билан боғлиқ. Препарат шунингдек сийдик ҳайдовчи ва нефропротектив самараларга эга. Препаратнинг диуретик самараси унинг фаол компонентларини буйракларда қон оқимини яхшилаш ва калавалар фильтрацияси тезлигини ошириш хусусиятларига асосланган. Нефропротектив таъсир механизми липидларни пероксидли оксидланишини пасайиши билан боғлиқ, бунинг оқибатида буйрак ҳужайраларини шикастланиши пасаяди. Гинкго билоба протеинурияни пасайишига ёрдам беради, шунингдек бошқа буйрак найчалари функциясини бузилишларининг яққоллигини камайтиради. Гингко билоба баргларининг қуруқ экстрактини самарадорлиги деменция, цереброваскуляр етишмовчилик, периферик артерияларни окклюзион касалликлари, сенсор бузилишлар (вертиго, қулоқларда шовқин) ва кўриш фаолиятини қон томир касалликлари оқибатида бузилишлари бўлган пациентларда рандомизацияланган клиник тадқиқотларда намойиш этилган.

• Farmakodinamikasi

  Перорал қабул қилинганида флавоноид гликозидлар ингичка ичакда сўриладилар. Қон плазмасида максимал концентрациясига 2 соатдан кейин эришади, ярим чиқарилиш даври 2-4 соатни ташкил этади. Флавоноидларнинг бутун ҳажми 24 соатдан кейин чиқарилади. 120 мг гинкго билоба баргларининг қуруқ экстракти қабул қилинганидан кейин А гинкголидининг биокираолишлиги 80%, В гинкголидиники – 88% ва С гинкголидиники – 79% ни ташкил этади. Ярим чиқарилиш даври В гинкголиди учун тахминан 9,5 соатдан 10,6 соатгача бўлган муддатни ва А гинкголиди ва билобалиди учун 3,2 соатдан 4,5 соатгача бўлган муддатни ташкил этади. Гинкго билоба экстрактини тақсимланиши бўйича ўтказилган экспериментал тадқиқотлар уни кўз, гипоталамус, гиппокамп, пўстлоқ қисми ва йўл-йўл тана (стриатум) га жуда яқинлигини намойиш этган.

• Dozani oshirib yuborilishi

  Ҳозирги вақтда Вобилон препаратининг дозасини ошириб юборилиш ҳолатлари хақида хабар берилмаган. Интоксикация гинкго билоба экстракти етарли даражада тозаланмаганида ёки экстрактнинг катта миқдори қўлланганида кузатилиши мумкин.    

• Umumiy ma'lumot

  VOBILON kapsulalar 40mg N30 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA VOBILON VOBILON Preparatning savdo nomi: Vobilon Ta‘sir etuvchi modda (XPN): Ginkgo biloba. Dori shakli: kapsulalar. Tarkibi: Har bir kapsula quyidagilarni saqlaydi: f faol modda: ginkgo biloba barglarini standartlangan quruq ekstrakti – 80 mg; 80 mg ekstrakt 19,2 mg ginkgoni flavonon glikozidlari va 4,8 mg terpen laktonlari (ginkgolidlar va bilobalidlar) ni saqlaydi. yordamchi moddalar: suvsiz kalsiy gidrofosfati, suvsiz kolloid kremniy dioksidi, magniy stearati. kapsula qobig‘ini tarkibi: titan dioksidi, temir (II,III) oksidi, temir (II) oksidi, azorubin, jelatin. Ta‘rifi: tarkibida yanada to‘qroq rangli ko‘zga ko‘rinadigan zarrachalari bo‘lgan och jigarrangdan to‘q jigarrang ranggacha bo‘lgan kukun saqlovchi, №1 o‘lchamli jigarrang rangli qattiq jelatin kapsulalar. Farmakoterapevtik guruhi: demensiyani davolash uchun qo‘llanadigan preparatlar. ATX kodi: N06DX02 Farmakologik hususiyatlari Vobilon – o‘simliklardan olingan preparat bo‘lib, tarkibida bosh miya va periferik qon aylanishini yaxshilaydigan ginkgo biloba ekstraktini saqlaydi. Ekstraktdagi biologik faol moddalar (flavonon glikozidlari, terpen laktonlari) qon-tomirlar devorining elastikligini oshishiga va mustahkamlanishiga yordam beradi, qonning reologik hususiyatlarini yaxshilaydi. Preparatni qo‘llash mikrosirkulyasiyani yaxshilanishiga olib keladi, bosh miya va periferik to‘qimalarni kislorod va glyukoza bilan ta‘minlanishini oshiradi. Hujayralarda moddalar almashinuvini normallashtiradi, eritrositlar agregasiyasiga to‘sqinlik qiladi, trombositlar agregasiyasini ingibisiya qiladi. Kichik arteriyalarni kengaytiradi, venalarning tonusini oshiradi, qon-tomirlarni qon bilan to‘yinishini boshqaradi. Ginkgo biloba ekstraktining tarkibi ko‘p komponentli bo‘lganligi sababli, uning farmakokinetik ko‘rsatkichlarini baholash qiyin. Qo‘llanilishi diqqat va /yoki xotirani pasayishi, intellektual hususiyatlarni buzilishi, xavotirlik, qo‘rquv hissi, uyquni buzilishlari bilan kechuvchi turli etiologiyali dissirkulyator ensefalopatiya (insult, bosh miya jarohatlari, keksalik yoshi); demensiya, shu jumladan Alsgeymer kasalligida; yosh shaxslarda xotira va diqqatni yaxshilash uchun; periferik qon aylanishini va mikrosirkulyasiyani buzilishlari (shu jumladan oyoqlarni arteriopatiyasi), Reyno sindromi; neyrosensor buzilishlar (bosh aylanishi, quloqlarni shang‘illashi, gipoakuziya); sariq tanani qarilikdagi degenerasiyasi; diabetik retinopatiyada qo‘llanadi. Qo‘llash usuli va dozalari Vobilon ichga ovqat vaqtida yoki ovqatdan keyin qabul qilinadi. Kapsulalarni butun holda, katta bo‘lmagan miqdordagi suv bilan yutish kerak. Demensiyada: 1 kapsuladan sutkada 3 marta qabul qilinadi. Periferik qon aylanishi va mikrosirkulyasiyani buzilishlarida: 1-2 kapsuladan sutkada 3 marta qabul qilinadi. Bosh aylanishi, quloqlarni shang‘illashi, uyquni buzilishlarida: 1 kapsuladan sutkada 2 marta (ertalab va kechqurun) qabul qilinadi. Boshqa holatlarda: 1 kapsuladan sutkada 2 marta qabul qilinadi. Davolash kursi kamida 3 oyni tashkil etadi. Yaxshilanishni birinchi belgilari odatda 1 oydan keyin namoyon bo‘ladi. Nojo‘ya ta‘sirlari Vobilon yaxshi o‘zlashtiriladi, nojo‘ya samaralar kam rivojlanadi. Ovqat hazm qilish tizimi tomonidan: dispeptik buzilishlar, ko‘ngil aynishi. Markaziy nerv tizimi tomonidan: bosh og‘rig‘i, bosh aylanishi. Allergik reaksiyalar: teri toshmasi, qichishish. Boshqalar: qon ivishini pasayishi (uzoq muddat qo‘llanganidan so‘ng) bo‘lishi mumkin. Qo‘llash mumkin bo‘lmagan holatlar qon ivishi past bo‘lganida; eroziv gastrit; me‘da va o‘n ikki barmoq ichak yara kasalligi; bosh miyada qon aylanishini o‘tkir buzilishlari; o‘tkir miokard infarkti; arterial gipotenziya; bolalar; preparatning komponentlariga yuqori sezuvchanlikda qo‘llash mumkin emas. Dorilarning o‘zaro ta‘siri Vobilon preparatini asetilsalisil kislotasi yoki antikoagulyantlar bilan bir vaqtda qo‘llash tavsiya etilmaydi. Maxsus ko‘rsatmalar Preparatning tavsiya etilgan dozalarni oshirish mumkin emas. Homiladorlik va laktasiyada qo‘llanishi Homiladorlik va laktasiya davrida preparatni qo‘llash tavsiya etilmaydi. Avtotransportni haydash va mexanizmlarni boshqarish qobiliyatiga ta‘siri Vobilon avtotransport vositalarini boshqarish yoki yuqori reaksiyalar tezligini talab etuvchi boshqa texnik vositalarni ishlatish qobiliyatiga ta‘sir ko‘rsatmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Hozirgi vaqtda Vobilon preparatining dozasini oshirib yuborilish hollari yuzasidan xabarlar berilmagan. Chiqarilish shakli 10 kapsula blisterda. 3 blister qo‘llash bo‘yicha yo‘riqnomasi bilan birga karton qutiga joylangan.   Saqlash sharoiti Quruq joyda, 25oS dan yuqori bo‘lmagan xaroratda saqlansin. Yaroqlilik muddati 3 yil. Dorixonalardan berish tartibi Reseptsiz. Ulashish: