TERBIZID krem 1% 10g

Инструкция TERBIZID krem 1% 10g

• Dori shakli

  Крем 1% 20 г алюмин тубада. Алюмин туба қўллаш бўйича йўриқномаси билан бирга картон қутида.

• Dozirovkasi

  Фақат сиртга қўллаш учун. Катталар ва 12 ёшдан ошган болаларга қўлланилишига боғлиқ ҳолда суткада 1 ёки 2 марта буюрилади. Препаратни қўйишдан олдин терининг шикастланган жойларини тозалаш ва қуритиш керак. Крем юпқа қават қилиб терининг шикастланган ва атрофидаги соҳаларига қўйилади ва бироз ишқаланади. Бичилиш билан бирга кечувчи инфекцияларда (сут безларининг ости, бармоқларнинг оралари, думбалар ораси, чов соҳаси), крем қўйилган жойларни дока билан, айниқса кечасига ёпиш мумкин. Даволашнинг ўртача давомийлиги: -   оёқ панжалари, тана, болдирларнинг дерматомикозлари- суткада 1 марта 1 ҳафта; -   терининг кандидози- суткада 1-2 марта 1-2 ҳафта; -   ранг-баранг темиратки- суткада 1-2 марта 2 ҳафта. Одатда бир неча кун давомида симптомларнинг енгиллашиши юз беради. Номунтазам даволаш ёки даволашни муддатидан олдин тўхтатиш қайталанишига олиб келиши мумкин. Агарда даволаш бошланганидан кейин бир неча ҳафта ўтгач яхшиланиш белгилари аниқланмаса, ташҳисни тасдиқлаш керак. Кекса ёшли пациентларда дозани тўғрилашнинг зарурати йўқ.

• Dori vositalarining o'zaro ta'siri

  Тербизид учун қандай-бўлмасин дориларнинг ўзаро таъсири номаълум.

• Qo'llanilishi mumkin bo'lmagan holatlar

  -       препаратнинг компонентларига юқори сезувчанлик. -       12 ёшгача бўлган болаларда қўллаш тавсия қилинмайди. -       ҳомиладорларга шифокорнинг қатъий буюртмаларига кўра буюрилади. Препаратни жигар ва/ёки буйрак етишмовчилиги бўлган сурункали алкоголизмли беморларга, суяк кўмигида қон яратилишини сусайиши, ўсмалар, моддалар алмашинуви касалликлари, оёқ-қўллардаги томирларининг окклюзион касалликларида, болалик ёшида (клиник тажрибаларнинг етарлича йўқлиги туфайли) эҳтиёткорлик билан буюрилади.

• Maxsus saqlash sharoitlari

  Қуруқ ёруғдан ҳимояланган жойда 25°С дан юқори бўлмаган ҳароратда сақлансин. Препарат болалар олаолмайдиган жойда сақлансин. Яроқлилик муддати 3 йил. Яроқлилик муддати ўтгач ишлатилмасин.

• Maxsus shartlar

  Препаратни кўзга тушишидан сақланиш керак. Крем тасодифан кўзга тушганида уларни дарҳол оқар сувда ювиш керак. Тербизид билан даволанишда қайта инфекцияланиш (ички кийим, пойафзал орқали) эҳтимолини олдини олиш учун гигиенанинг умумий қоидаларига риоя қилиш керак. Препаратнинг таркибига кирувчи цетостеарил спирти, локал ножўя самараларга (масалан, контакт дерматитга) олиб келиши мумкин. Ўта юқори сезувчанлик реакциялари пайдо бўлганида даволашни тўхтатиш керак. Автотранспортни ҳайдаш ва механизмларни бошқариш қобилиятига таъсири Препарат автотранспортни ҳайдаш қобилиятига, шунингдек диққатни юқори жамлаш билан боғлиқ бўлган ишларни бажаришга таъсир қилмайди. Ҳомиладорлик ва лактация даврида қўлланиши Ҳомиладорлик даврида Тербизидни қўллашнинг клиник тажрибаси чекланганлиги туфайли, препаратни фақат она учун кутилаётган ижобий самара, ҳомила учун потенциал хавфдан юқори бўлган ҳолда қўллаш мумкин. Тербинафин кўкрак сути билан чиқарилади, шунинг учун препаратни буюришнинг зарурати бўлганида эмизишни тўхтатиш керак. Педиатрияда қўлланиши Ушбу препаратни 12 ёшгача бўлган болаларда қўллаш тавсия қилинмайди.

• Nojo'ya samaralari

  Қўйилган жойда қизариш, қичишиш ёки ачишиш ҳисси, бироқ бу кўринишлар камдан-кам даволашни тўхтатишга олиб келади. Кам: аллергик реакциялар, уларнинг ривожланиши даволашни тўхтатишни талаб қилади.  

• Farmakokinetikasi

  Тербинафин кимёвий томондан аллиламин бўлиб, замбуруғларга қарши кенг таъсир доирасига эга. Таъсир механизми замбуруғларнинг ҳужайра мембранасида стеринлар биосинтезини эрта босқичларида специфик сусайтирилиши билан боғлиқ. Бу эргостериннинг танқислигига ва скваленни ҳужайра ичида тўпланишига олиб келади, оқибатда замбуруғ ҳужайрасининг ўлишини чақиради. Тербинафиннинг таъсири замбуруғ ҳужайраларининг мембраналарида скваленэпоксидазани ингибиция қилиш йўли билан амалга оширилади. Бу фермент цитохром Р450 тизимига кирмайди, шунинг учун Тербизид гормонлар ва бошқа дори воситаларининг метаболизмига таъсир қилмайди. Тербинафин дерматофитлар, ачитқисимон ва моғор замбуруғларига, айрим диморф замбуруғларга таъсир кўрсатади. Паст концентрацияларда дерматофитларга (Trychophyton rubrum, Trychophyton mentagrophytes, Trychophyton verrucosum, Trychophyton violaceum, Trychophyton tonsurans, Microsporum canis, Epidermophyton floccosum), моғор замбуруғларига (шу жумладан Aspergillus, Cladosporium, Scopulariopsis brevicaulis) га нисбатан фунгицид фаолликка эга. Candida уруғи (асосан Candida albicans) ачитқи замбуруғларига таъсири замбуруғнинг турига қараб фунгицид ёки фунгистатик бўлиши мумкин. Тербинафин маҳаллий қўлланганида шунингдек Pityrosporum orbiculare (Malassezia furfur)-кепакланувчи темиратки (ранг-баранг) га нисбатан ҳам фаол.

• Farmakodinamikasi

  Препарат сиртга қўлланганида терининг дермал қавати орқали тез ўтади ва липофил мугуз қаватида тўпланади. Тербинафин шунингдек ёғ безлариннг секретига ўтади, бу соч фолликулаларида ва тирноқларда юқори концентрацияларни ҳосил бўлишига олиб келади. Дозанинг 5% дан камроғи сўрилади, шунинг учун тербинафиннинг тизимли қон оқимига абсорбцияси озгина.

• Dozani oshirib yuborilishi

  Дозани ошириб юборилиши эҳтимоли кам, фақат таъсодифан ичга қабул қилинганида бўлиши мумкин. Симптомлари: бош оғриғи, кўнгил айниши, меъдада оғриқ ва бош айланиши. Даволаш: фаоллаштирилган кўмирни буюриш ва меъдани ювиш, зарурати бўлганида симптоматик тутиб турувчи даволашни қўллаш.