KALIYA XLORID konsentrat 10ml 4% N10

Инструкция KALIYA XLORID konsentrat 10ml 4% N10

• Dori shakli

  Инфузия учун эритма тайёрлаш учун концентрат. 5 мл ва 10мл дан ампулаларда.

• Qadoqda soni

  10

• Dozirovkasi

  Оқим билан юбориш мумкин эмас! Препаратни вена ичига томчилаб, фақат концентратни изотоник эритма олингунга қадар (калий хлоридни эритмаси 0,4% дан кўп эмас) суюлтирилгандан кейин томчилаб юборилади. Вена ичига томчилаб юбориш учун натрий хлоридни 500 мл 0,9% ли изотоник эритмасида ёки 5% ли декстроза эритмасида калий хлориди 2,5 г гача бўлган ҳисобдаги эритмани тайёрлаш мумкин. Гипокалиемияни даволашни бошида декстроза эритмаси қўлланмайди, чунки у қонда калийни концентрациясини пасайишига олиб келиши мумкин. Бир вақтда бир инфузияда 100 мл дан кўп бўлмаган тайёрланган эритмани юборилади. Зарур бўлса эритмани такроран қуйиш мумкин, лекин умумий суткалик дозадан тайёрлаб қўйилган калий хлоридни 0,4% концентрацияли эритмаси 300-500 мл дан ошиб кетмаслиги керак. Вена ичига томчилаб (минутига 20-30 томчидан) юборилади. Дозалари: Катталарда: Максимал юбориладиган калийнинг концентрацияси 40 ммоль/л ни (3 г калий хлоридни) ташкил қилади. Максимал юбориш тезлиги: ·               соатига калийни 20 ммоль гача (соатига 1,5 г калий хлоридни); ·               агар қон плазмасида калийни концентрацияси 2 ммоль калий/л дан кам бўлса, инфузия тезлиги соатига 40 ммоль (3 г калий хлорид) етиши мумкин. Максимал суткалик доза: кг тана вазнига 2-3 ммоль калийгача (кг тана вазнига 0,15-0,22 г калий хлориди). Болалар: ·               янги туғилган чақалоқлар ва 10 ёшгача бўлган болалар: кг/тана вазнига 0,5-1 ммоль (калий хлориди кг тана вазнига 0,037-0,075 г), суткалик максимал доза: суткада 30 ммоль калий (2,25 г калий хлориди); ·               10 ёшдан ошган болалар: юбориладиган калийнинг максимал концентрацияси 10-20 ммоль/л ни ташкил этади, максимал суткалик доза суткада 40 ммоль (3 г калий хлориди). Максимал юбориш тезлиги: ·               янги туғилган чақалоқлар: соатига 0,5-1 ммоль калий/кг (соатига 0,037-0,075 г калий/кг); ·               болалар: соатига 0,3-0,5 ммоль калий/кг; (соатига 0,022-0,037 г калий/кг). Калий танқислигини даволаш учун доза қон плазмасида электролитларнинг амалдаги концентрациясига ва кислота-асос ҳолати кўрсаткичларига мувофиқ танланиши керак. Ўртача, симптомсиз калий танқислигини даволаш учун доза ва қонда калийни концентрациясини аниқланганда тутиб турувчи терапиядаги доза: Ўртача калий танқислигини тузатиш учун ва тутиб турувчи даволашда калийнингзарурий миқдори қуйидаги формула бўйича ҳисоблаб чиқилиши мумкин: Талаб қилинадиган К+ммоль миқдори = (МТ*[кг] х 0,2)** х 2 х (қон плазмасида К+мақсадли концентрация *** - қон плазмасидаги К+амалдаги концентрация [ммоль/л]) қаерда: *МТ = тана вазни; ** Қиймат ҳужайра ичидаги суюқлик ҳажмини ифодалайди; *** қон плазмасида К+мақсадли концентрацияси 4,5 ммоль/л.га тенг бўлиши керак. Эктопик аритмияни профилактика қилиш ва даволаш учун қутбловчи аралашма қўлланади: декстрозанинг 500 мл 5%-10% ли эритмасида 2-2,5 г калий хлориди бўлган эритмага (3-4 г қуруқ декстрозага глюкозага) 1 ТВ ҳисобида қисқа таъсирли инсулин қўшилади. Ҳосил бўлган эритма минутига 20-30 томчи тезлик билан вена ичига томчилаб юборилади. Эритмани юбориш тезлиги соатига 1,5 г дан ошмаслиги керак. Оғир гипокалиемия ёки кетоацидозда эритмани юқорироқ тезлик билан юбориш керак бўлиши мумкин бўлиб, бу мажбурий ЭКГ-мониторинг ўтказилиши билан бирга олиб борилиши керак.

• Dori vositalarining o'zaro ta'siri

  Калий тежовчи диуретиклар (шу жумладан, триамтерен, спиронолактон, амилорид) билан бир вақтда юбориш калий ионларини буйрак экскрециясини пасайиши ҳисобига оғир гиперкалиемияга олиб келиши мумкин. Ангиотензин-ўзгарувчи фермент ингибиторлари – гиперкалиемия ривожланиш хавфи мавжуд, чунки ангиотензин-ўзгарувчи фермент ингибиторлари альдостерон секрециясини пасайтиради, бу организмда калийни тутилишига олиб келади. Бета-адреноблокаторлар шошилинч вена ичига калийни қон зардобидаги калийни максимал концентрациясини ҳам, унинг дастлабки даражага қайтиши учун керакли вақтни ҳам оширади. Ностероид яллиғланишга қарши дори воситалари билан – буйракларда простагландинлар синтезини сусайтирилгандан сўнг иккиламчи гиперальдостеронизмни ривожланиши оқибатида гиперкалиемияни ривожланиши хавфи мавжуд. Гепарин альдостерон синтезини пасайтиради, бу, айниқса, мавжуд буйрак етишмовчилиги ёки организмдан калийни экскрециясини ёмонлаштирадиган бошқа ҳолатларда гиперкалиемия ривожланишига олиб келиши мумкин. Бир вақтнинг ўзида юрак гликозидларини қабул қилаётган оғир ва тўлиқ юрак блокадасига бўлган беморларда калий препаратларини юбориш тавсия этилмайди. Бундай беморларда гипокалиемияни тузатиш учун калий препаратларини қўлланилган ҳолатда синчков мониторингини ўтказиш талаб қилинади. Инсулин, натрий гидрокарбонат билан бир вақтда қўллаш қон зардобида калийнимиқдорини пасайтиради. Таркибида калий сақлаган ёки гиперкалиемияни ривожланишига мойиллик яратувчи қуйидаги дори воситалари: ·               алискирен, ·               ангиотензин II рецепторлари антагонистлари, ·               циклоспорин, ·               такролимускалий препаратлари билан бир вақтда қўлланганда калийни тўпланиб қолишига олиб келиши мумкин. Вена ичига юбориш учун қуйидаги эритмалар билан фармацевтик мутаносиб: ·               Рингер инъекция учун эритмаси глюкоза (декстроза) эритмаси билан мажмуада; ·               Рингер лактат эритмаси инъекция учун глюкоза (декстроза) эритмаси билан мажмуада; ·               Рингер лактат инъекция учун эритмасидаги5% глюкоза (декстроза) эритмаси; ·               натрий хлорид билан мажмуада глюкоза (декстроза) эритмаси; ·               натрий хлориднинг 0,9% эритмасидаги 5% глюкоза (декстроза) эритмаси; ·               инъекция учун сувдаги 2,5%, 5%, 10%, 20% глюкоза (декстроза) эритмалари; ·               Рингер инъекция учун эритмаси; ·               Рингер лактат инъекция учун эритмаси; ·               0,45%, 0,9%, 3% натрий хлорид эритмалари Таркибида қуйидагиларни сақлаган эритмалар билан аралаштирилганда фармацевтик номутаносиб: ·               амикацин сульфати, ·               амфотерицин В, ·               амоксициллин натрий, ·               бензилпенициллин, ·               диазепам, ·               добутамин гидрохлориди, ·               эрготамин тартрати, ·               цисилантин ва маннитол биланбўлган этопозид, ·               метилпреднизолон натрий сукцинати, ·               фенитоин натрий, ·               прометазин гидрохлориди, ·               натрий нитропруссиди, ·               стрептомицин сульфати, ·               маннитол, ·               таркибида соя мойи ва лецитин сақлаган стерил ёғли эмульсия (ушбу рўйхат тўлақонли эмас).  

• Qo'llanilishi mumkin bo'lmagan holatlar

  ·               препаратнинг компонентарига ўта юқори сезувчанлик; ·               ўткир ва сурункали буйрак етишмовчилиги; ·               турли этиологияли гиперкалиемия ёки гиперхлоремия; ·               тўлиқ атриовентрикуляр ёки қоинчалар ичи блокадаси; ·               қоринчалар фибрилляцияси; ·               буйрак усти бези етишмовчилиги; ·               адреногенитал синдроми билан боғлиқ гипоальдостеронизм; ·               ўткир дегидратация, гипонатриемия билан бўлган гиповолемия; ·               ацидоз; ·               калий тузлари ва калий тежовчи диуретиклар билан ёндош даволаш; ·               тўқималарни экстенсив парчаланиши (шу жумладан оғир куйишларда); ·               иссиқ тиришишлар; ·               калийни юборилишига юқори сезувчанлик билан кечадиган холатлар (шу жумладан наслий эпизодик адинамия ёки туғма парамиотония) да қўллаш мумкин эмас. Эҳтиёткорлик билан: I-II даражали атриовентрикуляр блокада, юрак етишмовчилиги, ўроқсимон ҳужайрали анемия, калийни чиқарилишини бузилиши билан бирга кечадиган касалликлар ва ҳолатлар, шу жумладан сурункали буйрак етишмовчилиги, буйрак усти безини етишмовчилиги. Юрак гликозидлари, альдостерон антагонистлари, ангиотензин-ўзгарувчи ферменти ингибиторлари, такролимус, циклоспорин, узоқ таъсирга эга гепарин, суксаметоний ёки потенциал нефротоксик дори препаратлари (ностероид яллиғланишга қарши дори препаратлари, периферик таъсир кўрсатувчи анальгетиклар) қабул қилаётган пациентларда эҳтиёткорлик билан қўллаш лозим.

• Maxsus saqlash sharoitlari

  Қуруқ, ёруғликдан ҳимояланган, болалар ололмайдиган жойда 25°C дан юқори бўлмаган ҳароратда сақлансин. Яроқлилик муддати 2 йил. Ўрамида кўрсатилган яроқлилик муддати тугагандан сўнг ишлатилмасин.

• Maxsus shartlar

  Даволаш даврида дори воситасини юбориш вақтида қон зардобида калий концентрациясини мониторинг қилиш ва дозага ўз вақтида тузатиш киритиш керак. Бундан ташқари (айниқса, юрак, буйрак касалликлари ёки ацидоз бўлганида), кислота-ишқор мувозанатини, зардоб электролитларини, ЭКГ ва беморни клиник аҳволини назорат қилиш тавсия этилади. Гиперкалиемия тез ривожланади ва симптомсиз кечади, ҳамда потенциал ички юрак ўтказувчанлигини блокадасига ва ўлим ҳолатига олиб келиши мумкин. Гиперкалиемиянинг эрта аломатлари – гипотонус ва қўл-оёқларни парестезиясидан иборат. Гиперкалиемияни даволаш оғир гиперкалиемияга йўл қўймаслик мақсадида калий тузлари ва калий тежовчи диуретикларни бир вақтда юбориш билан амалга оширилмаслиги керак. Юрак блокадалари билан бирга кечадиган касалликларда калий препаратлари билан даволаш ўтказилмаслиги керак, чунки бу блокада даражасини ошириши мумкин. Кислота-ишқор холатини ўзгариши қон пламасида калий концентрациясига таъсир кўрсатади. Қандли диабети бўлган пациентларда кетоацидозни компенсациясида, шунингдек декстроза/қисқа таъсирли инсулинни юборганда калийга бўлган эхтиёж ошади. Даволашнинг дастлабки босқичида глюкоза билан бир вақтда юборилишдан сақланиш керак, чунки бу калий концентрациясининг кейинги пасайишига сабаб бўлиши мумкин. Препаратни фақат вена ичига юборилишини таъминлаш керак, чунки вена атрофига юбориш тўқималарни некрозини чиқарилиши мумкин. Кичик диаметрли венага калий хлориди юборилганда дори воситаси юборилган жойда оғриқ билан кечиши мумкин. Эритмани фақат агар у тиниқ ва ампула шикастланмаган бўлса қўллаш керак. Препаратни фақат инфузия учун мутаносиб эритма билан суюлтирилган ҳолда қўлланиши керак. Автотранспортни бошқариш ва бошқа механизмлар билан ишлашда реакция тезлигига таъсир қили қобилияти Препарат билан даволаш даврида транспортни воситаларини бошқаришда ва юқори диққат концентрациясини ва тезкор психомотор реакцияларни талаб қиладиган потенциал хавфли фаолият турлари билан шуғулланишда эҳтиёткорликка риоя этиш керак. Препарат болалар ололмайдиган жойда сақлансин ва яроқлилик муддати ўтгандан кейин қўлланилмасин. Препаратни бевосита ампула очилгандан сўнг суюлтириш керак. Дори воситасини суюлтирилганда асептика қоидаларига қатъий риоя қилиш талаб этилади. Микробиологик хавфсизлик нуқтаи - назаридан суюлтирилган, дори воситаси зудлик билан ишлатилиши керак. Ампула фақат бир марта қўллаш учун мўлжалланган. Препаратнинг ишлатилмай қолган қисми йўқ қилиниши керак.

• Nojo'ya samaralari

  Нохуш таъсирлар мутлоқ ёки нисбий дозани ошириб юборилиш ва/ёки ҳаддан ташқари юқори тезликда инфузия қилинган ҳолатдагина гиперкалиемия симптомлари кўринишида ривожланиши мумкин. Нохуш реакцияларнинг ривожлаништез-тезлиги дозага боғлиқ. Юрак-қон томир тизими томонидан бузилишлари: артериал босимини пасайиши, аритмия, тўлиқ АВ-блокадани пайдо бўлгунига қадар, артриовентрикуляр ўтказувчанлигини секинлашиши, юрак уришини тўхташи (дозани ошириб юборилганда). Нерв тизими томонидан бузилишлари: толиқиш, мушак кучсизлиги, онгни чалкашиши, парестезия. Меъда-ичак йўллари томонидан бузилишлар: кўнгил айниши, қусиш, диарея, метеоризм, абдоминал оғриқ. Бошқалар: ацидоз, гиперхлоремия, гиперкалиемия, аллергик реакциялар.

• Farmakokinetikasi

  Калий ҳужайра ичи бўшлиғидаги муҳим катион ҳисобланади, организмдаги мавжуд калийнинг умумий миқдорини тахминан 98% ҳужайра ичидаги суюқликда бўлади. Калий ҳужайранинг электрокимёвий жараёнларида, шунингдек углевод ва оқсил алмашинувида иштирок этади. Гликоген ва оқсил синтези вақтида калий ҳужайралар томонидан истеъмол қилинади, бу субстратларни парчаланиш жараёнида калий ажралиб чиқади (тахминан 1 г гликогенга 0,4-1 ммоль калий ва тахминан 1 г чиқариладиган азот 2-3 ммоль калий). Терапевтик самараси Перорал қабул қилиш (ёки энтерал юбориш) мумкин бўлмаган ёки етарли бўлмаганда калий танқислигини олдини олиш ёки даволаш вена ичига юбориш учун калий хлориди эритмаларининг терапевтик самаралари бўлиб ҳисобланади. Калийга бўлган суткалик эҳтиёж кг тана вазнига тахминан 1-1,5 ммоль ни ташкил қилади. Калий танқислиги буйрак орқали чиқарилишини ошиши, меъда-ичак йўллари орқали йўқотилишини ошиши, масалан қусиш, диарея ёки оқма яралар орқали, ҳужайра ичида истеъмол қилинишини ошиши, масалан ацидозни даволаш ёки декстроза ва инсулинни юборишда, шунингдек калийни етарли даражада истеъмол қилинмаганлигида чиқарилиши мумкин. Гипокалиемия мушак холсизлиги, меъда-ичак йўлларининг силлиқ мушакларини атонияси (қабзиятдан ичак тутилишигача), буйракнинг сийдикни концентрациялаш қобилиятини йўқотилиши, ЭКГ даги ўзгаришлар ва юрак аритмиялари билан кечади.

• Farmakodinamikasi

  Сўрилиши Дори препарати вена ичига юборилганлиги туфайли, унинг биокираолишлиги 100% ни ташкил қилади. Тақсимланиши Калий ва хлор ионлари организмнинг умумий қон оқимига тушади. Калийнинг концентрацияси ва қон плазмасининг кислота-ишқор мувозанати ўзаро бир бири билан боғлиқ. Алкалоз кўпинча гипокалиемия билан ацидоз эса – гиперкалиемия билан кечади. Ацидозда калийнинг қон плазмасидаги норма чегарасидаги концентрацияси калий танқислигини кўрсатади. Калийнинг ҳужайра ичидаги концентрацияси тахминан 140-150 ммоль/л ни ташкил этади. Калийнинг қон плазмасидаги концентрацияси норма чегарасида 3,5 дан 5 ммоль/л ни ташкил қилади. Чиқарилиши Калий асосан сийдик билан буйраклар орқали (тахминан 90%), тахминан 10% организмдан меъда-ичак йўллари орқали чиқарилади. Ҳатто калий танқислиги ҳолатларида суткада 10-50 ммоль калий буйраклар орқали чиқарилади.

• Dozani oshirib yuborilishi

  Симптомлари: экскретор механизми бузилиши ёки калийни вена ичига ҳаддан ташқари тез юбориш фатал гиперкалиемияга (мушак гипотонуси, оёқ-қўлларни парестезияси, атриовентрикуляр ўтказувчанликни секинлашиши, аритмия, юракни тўхтаб қолиши) олиб келиши мумкин. Гиперкалиемиянинг эрта клиник аломатлари, одатда, қон зардобида калий ионларининг концентрациялари 6 ммоль/лдан юқори ҳолатларда пайдо бўлади: Т тишчасини уткирлашиши, энг кўп V2-V4 кўкрак оралиқларида, Р тишчасини йўқолиши, ST сегментини пасайиши, QT интервалини узайиши, QRS комплекси кенгайиши. Гиперкалиемиянинг янада оғирроқ симптомлари – мушаклар фалажлиги ва юрак тўхтаб қолиши – қон зардобида калий ионлари концентрациялари 9-10 ммоль/л ҳолатларида ривожланади. Даволаш: калий хлориди инфузиясини дархол тўхтатиш. Ичга ёки вена ичига – натрий хлориди эритмаси; вена ичига 300-500 мл 5% декстроза эритмаси (1 л га қисқа таъсирли 10-20 ТБ инсулин билан); зарур бўлганда ацидозда гемодиализ ва перитонеал диализ ёрдамида Юрак гликозидлари билан даволанаётган беморларда гиперкалиемияни даволашда қон зардобидаги калий концентрациясининг тез пасайиши дигиталис интоксикациясига олиб келиши мумкин. Дозани ошириб юборилишида дозани даволашда узлуксиз ЭКГ-мониторингини ўтказиш, вақти-вақти билан қон зардобидаги креатинин, мочевина ва электролитларни аниқлаш, калий концентрациясини назорат қилиш керак (зарур бўлганда, ҳар 2-3 соатда), симптомсиз беморларни 6 соат мобайнида кузатиш керак.

• Umumiy ma'lumot

  KALIYA XLORID konsentrat 10ml 4% N10 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA KALIYA XLORID POTASSIUM CHLORIDE   Preparatning savdo nomi: Kaliya xlorid Ta‘sir etuvchi modda (XPN): kaliy xlorid Dori shakli: in‘eksiya uchun eritma tayyorlash uchun konsentrat Tarkibi: faol modda: 400 mg kaliy xloridi; yordamchi modda: in‘eksiya uchun suv Ta‘rifi: tiniq, rangsiz suyuqlik. Farmakoterapevtik guruhi: mineral preparat, mikroelement ATX kodi: B05XA01 Farmakologik xususiyatlari Kaliy xlorid eritmasi – bu kaliy tanqisligining o‘rnini qoplash maqsadida vena ichiga infuziyalar uchun mo‘ljallangan (faqat tegishli ravishda suyultirilgandan keyin) konsentrasiyalangan eritma; metabolik jarayonlarni, shu jumladan suv-elektrolit muvozanatini muvofiqlashtiradi, hujayra ichidagi osmotik bosimni tutib turadi. Farmakokinetikasi Kaliy asosan xujayra ichki kationidir (xujayra ichki suyuqligidagi uning konsentrasiyasi 160 mekv/l ni tashkil qiladi). Uglevodlarning utilizasiyasida va oqsil sintezida, shuningdek nerv o‘tkazuvchanligida va mushaklar, yurak mushaklarini qisqarishida ishtirok qiladi. Xlorid asosiy =ujayra tashqi anionidir, natriyning metabolizmi bilan uzviy bog‘liq, xloridlarning konsentrasiyasini o‘zgarishi kislota-ishqor muvozanatida aks etadi. Kaliyning taxminan 80-90% o‘zgarmagan holda siydik bilan chiqariladi, izlari ahlatda aniqlanadi va ozgina miqdori – terda aniqlanadi. Kaliy buyraklar orqali nisbatan tez chiqariladi, shuning uchun ochlikda yoki kaliyning miqdori kam bo‘lgan parhezda uni tugashi tez yuz beradi. Kaliy yoki xloridlarning yetishmovchiligi ularning o‘zaro tanqisligiga olib keladi. Qo‘llanilishi Turli genezli gipokaliemiya, shu jumladan qusish, diareya va hokazolar bilan bog‘liq; Yurak ritmini buzilishi, yurak glikozidlari va diuretiklar yuborilganidan keyingi intoksikasiyalarda qo‘llanadi.   Qo‘llash usuli va dozalari Qo‘llashdan oldin kaliy xloridi eritmasi katta miqdordagi suyuqlik bilan, ayniqsa agar yumshoq konteynerlar yoki sumka turidagi konteynerlar ishlatilayotgan bo‘lsa, erituvchi bilan to‘liq aralashguncha suyultirilishi kerak. Doza va yuborish tezligi alohida pasientning holatiga bog‘liq. Agar qon plazmasidagi kaliyning darajasi 2,5 mekv/l dan ortiq bo‘lsa, unda 40 mekv/l konsentrasiyaga erishguncha kaliyni soatiga 10 mekv tezlikda yuborish mumkin. Sutkalik doza 200 mekv dan oshmasligi kerak. Shoshilinch holatlarda (qon plazmasida kaliyning darajasi 2,0 mekv/l dan kam bo‘lganida va EKG dagi o‘zgarishlarda yoki yurak mushagining falajida) kaliy xloridi yuborilishi mumkin, lekin juda ehtiyotkorlik bilan, soatiga 40 mekv tezlikda, albatta EKG ni monitoringi sharoitida. Bunday hollarda sutkalik doza 400 mekv/l ni tashkil qilishi mumkin. Kritik holatlarda kaliy xloridi dekstroza saqlovchi eritmalarga qaraganda ko‘proq tuzli eritmalarda (agar bunga qarshi ko‘rsatma bo‘lmasa) buyurilishi mumkin, chunki oxirgisi qon plazmasida kaliyning darajasini kamaytirishi mumkin. Nojo‘ya ta‘sirlari Ovqat hazm qilish a‘zolari tomonidan: ko‘ngil aynishi, qusish, qorinda og‘riq, diareya. Me‘da va ingichka ichakning, ba‘zida qon ketishi, perforasiya bilan kechuvchi, keyinchalik strikturalarni shakllanishi bilan yarali shikastlanishlari to‘g‘risida xabarlar bor. Nerv tizimi tomonidan: kaliyli intoksikasiya belgilari – qo‘l va oyoqlarda paresteziyalar, arefleksiya, ongni chalkashishi. Yurak-qon tomir tizimi tomonidan: gipotenziya, aritmiyalar, yurak blokadasi, elektrokardiografik buzilishlar, yurakni to‘xtashi. Boshqalar: mushak va umumiy holsizlik, yuborish joyida mahalliy reaksiyalar. Nojo‘ya samarasi paydo bo‘lganda infuziyani to‘xtatish, bemorning holatini baholash, tegishli terapevtik qarshi choralarni ko‘rish va qolgan eritmani keyinchalik ekspertiza uchun saqlab qo‘yish kerak. Qo‘llash mumkin bo‘lmagan holatlar Buyraklarning chiqarish funksiyaini buzilishi, yurakning to‘liq blokadasi; Turli etiologiyali giperkaliemiyada qo‘llash mumkin emas. Kaliy xloridini homiladorlikda ehtiyotkorlik bilan qo‘llash kerak. Homiladorlik vaqtida qo‘llashning zarurati tug‘ilganida, ona uchun kutilayotgan foydani va homila uchun potensial xavfni baholash kerak; laktasiya davrida emizishni to‘xtatish to‘g‘risidagi masalani hal qilish kerak. Kaliy xloridini bolalarda qo‘llashning samaradorligi va xavfsizligi aniqlanmagan.   Dorilarning o‘zaro ta‘siri Kaliy xloridi kaliy tejovchi diuretiklar va AAF ingibitorlari bilan bir vaqtda qo‘llanganida giperkaliemiyani rivojlanish xavfi oshadi (plazmada kaliyning darajasini nazorat qilish kerak). Kaliy preparatlarining ta‘siri ostida yurak glikozidlarining nojo‘ya ta‘siri kamayadi, yurakka xinidinning ta‘siri, shuningdek yurak-qon tomir tizimiga dizopiramidning noxush ta‘siri kuchayadi. Maxsus ko‘rsatmalar Kaliy xloridi bilan davomli parenteral davolashda bemorning holatini klinik baholash va laborator ko‘rsatkichlar nazoratini vaqti-vaqti bilan o‘tkazish kerak. Suyuqlik balansi, elektrolitlarning konsentrasiyasi, kislota-ishqor muvozanatining o‘zgarishini monitoringi kerak. Normal konsentrasiyalarni ahamiyatli siljishi, qo‘shimcha elektrolit qo‘shimchalarni ishlatishni yoki elektrolitlardan holi bo‘lgan dekstroza eritmasini qo‘llashni talab qilishi mumkin, unga zarurati bo‘lganida elektrolitlar qo‘shilishi mumkin. Kaliy preparatlari bilan davolashda, davolash boshlangunicha, ayniqsa angishvonagul preparatlarini qabul qilayotgan bemorlarda elektrokardiogrammalarning seriyalarini ko‘rsatkichlariga amal qilish kerak. Kaliy xlorid eritmasini yurak kasalliklari bo‘lgan, ayniqsa buyrak kasalliklari bilan birga bemorlarda ehtiyotkorlik bilan qo‘llash kerak, bunday hollarda yurakni monitoringi kerak. Dekstroza saqlovchi eritmalar qandli diabetning klinik va subklinik ko‘rinishlari va glyukozaga buzilgan tolerantligi bo‘lgan bemorlarda ehtiyotkorlik bilan qo‘llanishi kerak. Avtotransportni boshqarish va mexanizmlar bilan ishlash qobiliyatiga ta‘siri to‘g‘risida xabar berilmagan. Preparat bolalar ololmaydigan joyda saqlansin va yaroqlilik muddati o‘tgach ishlatilmasin. Dozani oshirib yuborilishi Parenteral davolash vaqtida doza oshirib yuborilgan hollarda infuziyani darhol to‘xtatish va bemorning holatini baholash, qon plazmasida kaliyning darajasini kamaytirish uchun tegishli terapevtik muvofiqlashtirish choralarni ko‘rish kerak. Davolash: Vena ichiga 10% li yoki 20% li dekstroza eritmasini, har 20 g dekstrozaga 10 birlik insulin bilan soatiga 300 dan 500 ml gacha yuboriladi. Ichga qo‘llash yo‘li bilan yoki natriy yoki ammoniyning kation-almashuvchi qatroni bilan ho‘qna ko‘rinishida kaliyni so‘rilishini va o‘rnini bosishni ta‘minlash kerak. Gemodializ yoki peritoneal dializni o‘tkazish. Kaliy saqlovchi mahsulotlar yoki dorilarni ishlatishga yo‘l qo‘yilmaydi. Biroq, digitalizasiya hollarida qon plazmasida kaliyning konsentrasiyasini tez kamayishi angishvonagulning zaharli samaralarini chaqirishi mumkin. Chiqarilish shakli 10 ml dan ampulalarda. 10 ampuladan qo‘llash bo‘yicha yo‘riqnomasi bilan birga karton qutida joylaniladi.   Saqlash sharoiti Quruq, yorug‘likdan ximoyalangan joyda, 250S dan yuqori bo‘lmagan haroratda saqlansin. Suyultirilgan eritma 24 soat davomida ishlatilishi kerak. Yaroqlilik muddati 3 yil. Dorixonalardan berish tartibi Resept bo‘yicha.   Ulashish: