MEDOTILIN inyeksiya uchun eritma 4ml 1000mg/4ml N3

Инструкция MEDOTILIN inyeksiya uchun eritma 4ml 1000mg/4ml N3

• Qadoqda soni

  3

• Umumiy ma'lumot

  MEDOTILIN inyeksiya uchun eritma 4ml 1000mg/4ml N3 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA MEDOTILIN MEDOTILIN   Preparatning savdo nomi: Medotilin Ta‘sir etuvchi modda (XPN): xolin alfosserati Dori shakli: in‘eksiya uchun eritma Tarkibi: 1 ampula quyidagilarni saqlaydi: faol modda: xolin alfosserati (xolin alfosserati gidrati shaklida) – 1000 mg; yordamchi moddalar: in‘eksiya uchun suv. Ta‘rifi: tiniq, rangsiz yoki och sariq rangli eritma. Farmakoterapevtik guruhi: Nerv tizimiga ta‘sir etuvchi boshqa vositalar. Markaziy ta‘sirga ega xolinomimetiklar. ATX kodi: N07AX02 Farmakologik hususiyatlari Medotilin – asosan markaziy nerv tizimi (MNT) ga ta‘sir etuvchi markaziy xolinomimetik bo‘lib, tarkibida 40,5% metabolik himoyalangan xolin saqlaydi. Xolin alfosserati organizmda bosh miyadagi fermentlar ta‘sirida xolinga va gliserofosfatgacha biotransformasiyaga uchraydigan alfosseratga parchalanadi. Xolin asetilxolinni sintezida ishtirok etib, nerv impulslarini o‘tkazadi va bosh miyaning faoliyatini yaxshilaydi, shuningdek gliserofosfat neyronlarning membranalaridagi fosfaditilxolinni o‘tmishdoshi hisoblanadi. Medotilin bosh miya travmatik shikastlanganida bosh miyada qon oqimini yaxshilaydi, metabolik jarayonlarni kuchaytiradi, bosh miyadagi retikulyar formasiyaning tuzilishini faollashtiradi va ongni tiklaydi. Neyronlarning membranalarini fosfolipid tarkibini o‘zgarishi va xolinergik faollikni o‘zgarishi kabi involyusion psixoorganik sindromning omillariga profilaktik va muvofiqlashtiruvchi ta‘sir ko‘rsatadi. Farmakokinetikasi Medotilin gematoensefalik to‘siq orqali oson o‘tadi, asosan bosh miyada (qon plazmasidagi konsentrasiyasining 45%), shuningdek jigarda va o‘pkada to‘planadi. Organizmdan chiqarilishi, asosan uglerod dioksidi shaklida o‘pkalar orqali (85%) amalga oshadi, qolgan qismi buyraklar va ichak orqali chiqariladi. Qo‘llanilishi asosan bosh miyaning ustunini shikastlanishi bilan kechuvchi bosh miya jarohatlarini o‘tkir davri (shu jumladan, ongni buzilishi, koma holati); bosh miyada qon aylanishi ishemik tipda (o‘tkir va tiklanish davri) va gemorragik tipda (tiklanish davri) buzilishi; degenerativ hamda involyusion psixoorganik sindromlar va xotirani buzilishi, ongni chalkashishi, dezorientasiya, motivasiya, tashabbuskorlik va diqqatni jamlash qobiliyatini pasayishi bilan xarakterlanadigan, fikrlash faoliyatini birlamchi hamda ikkilamchi buzilishlari kabi serebrovaskulyar yetishmovchilikni oqibatlari; emosional va xulq-atvorni o‘zgarishlari: emosional labillik, yuqori ta‘sirchanlik, qiziqishni yo‘qolishi; qarilik psevdomelanxoliya; multiinfarkt demensiyada qo‘llanadi. Qo‘llash usuli va dozalari Preparat mushak ichiga va vena ichiga yuborish uchun mo‘ljallangan. O‘tkir holatlarda mushak ichiga sutkada 1 g (1 ampula) dozada yoki vena ichiga – sutkada 1 g dan 3 g gacha buyuriladi. Vena ichiga yuborilganida 1 ampulaning ichidagisi (4 ml) 50 ml fiziologik eritmada suyultiriladi; infuziya tezligi minutiga 60-80 tomchini tashkil etadi. Davolashning davomiyligi odatda 10 kunni tashkil etadi, ammo zarurat bo‘lganida davolashni ijobiy dinamika paydo bo‘lgunicha davom ettirish mumkin. Nojo‘ya ta‘sirlari Ko‘ngil aynishi (dofaminergik jarayonlarni rag‘batlanishi natijasida), allergik reaksiyalar bo‘lishi mumkin. Uzoq muddat qo‘llanganida, odatda preparat yaxshi o‘zlashtriladi. Qo‘llash mumkin bo‘lmagan holatlar preparatning komponentlariga o‘ta yuqori sezuvchanlik; homiladorlik va laktasiya davrida qo‘llash mumkin emas. Dorilarning o‘zaro ta‘siri Medotilin preparatini boshqa dori vositalari bilan o‘zaro ta‘siri ta‘riflanmagan. Maxsus ko‘rsatmalar Homiladorlik va laktasiya davrida qo‘llanishi Preparatni homiladorlikda qo‘llash mumkin emas. Davolanish vaqtida emizishni to‘xtatish kerak. Pediatriyada qo‘llanishi Bolalarda Medotilinni qo‘llash tajribasi mavjud emas. Avtotransportni haydash va mexanizmlarni boshqarish qobiliyatiga ta‘siri Medotilin pasientning avtomobilni boshqarish va potensial havfli faoliyat turlarini bajarish qobiliyatiga ta‘sir qilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Dozasi oshirib yuborilganida preparatning dozasi kamaytirilganidan yoki davolash to‘xtatilganidan so‘ng o‘tkinchi ko‘ngil aynishi kuzatiladi. Chiqarilish shakli In‘eksiya uchun eritma. 4 ml dan 3 rangsiz shisha ampula kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan. Saqlash sharoiti Yorug‘likdan himoyalangan joyda, 25oS dan yuqori bo‘lmagan haroratda saqlansin. Yaroqlilik muddati 4 yil. Dorixonalardan berish tartibi Resept bo‘yicha beriladi. Ulashish: