SIPROSIN 500 tabletkalari 500mg N10

Инструкция SIPROSIN 500 tabletkalari 500mg N10

• Qadoqda soni

  10

• Umumiy ma'lumot

  SIPROSIN 500 tabletkalari 500mg N10 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA SIPROSIN CIPROCIN Preparatning savdo nomi: Siprosin Ta‘sir qiluvchi modda (XPN): siprofloksasin Dori shakli: qobiq bilan qoplangan tabletkalar. Tarkibi: Har bir 250 m gli tabletka saqlaydi: faol modda: 250 mg siprofloksasinga ekvivalent bo‘lgan siprofloksasin gidroxloridi; yordamchi moddalar: tozalangan talk, magniy stearati, mikrokristall sellyuloza, makkajo‘xori kraxmali, natriy kraxmal glikolyati. qobig‘ining tarkibi: Insta moist shield aqua – II (polivinil spirti, polietilenglikol, talk, titan dioksidi), tozalangan suv. Har bir 500 mg li tabletka saqlaydi: faol modda: 500 mg siprofloksasinga ekvivalent bo‘lgan siprofloksasin gidroxloridi; yordamchi moddalar: tozalangan talk,  magniy stearati, mikrokristall sellyuloza, makkajo‘xori kraxmali, natriy kraxmal glikolyati. Qobig‘ining tarkibi: Insta moist shield aqua – II (polivinil spirti, polietilenglikol, talk, titan dioksidi), tozalangan suv. Ta‘rifi: oq, uzunchoq shaklli, ikki tomonlama qavariq, bir tomonida “CIPROCIN-250” yoqi “CIPROCIN-500” gravirovkasi bo‘lgan plyonka qobiq bilan qoplangan tabletkalar. Farmakoterapevtik guruhi: antibakterial sintetik vosita (ftorxinolonlar guruhi). ATX kodi: S01MA02   Farmakologik xususiyatlari Ftorxinolonlar guruhiga mansub keng ta‘sir doirasiga ega mikroblarga qarshi preparat. Bakterisid ta‘sir ko‘rsatadi. Preparat bakteriyalarning bakterial DNK-girazasini ingibisiya qiladi va buning natijasida bakteriyalarda DNK va oqsil sintezi buziladi. Siprofloksasin ko‘payotgan mikroorganizmlarga ham, tinch bosqichdagi mikroorganizmlarga ham ta‘sir qiladi. Siprofloksasinga grammanfiy aerob bakteriyalar – enterobakteriyalar (Escherichia coli, Salmonella spp., Shigella spp., Citrobacter spp., Klebsiella spp., Enterobacter spp., Proteus mirabilis, Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, Vibrio spp., Yersinia spp.), boshqa grammanfiy bakteriyalar (Haemophilus spp., Pseudomonas aeruginosa, Moraxella catarrhalis, Aeromonas spp., Pasteurell multocida, Plesiomonas shigelloides, Campylobacter jejuni, Neisseria spp.,) ba‘zi xajayra ichki qo‘zg‘atuvchilari – Legionella pneumophila, Brucella spp., Chlamydia trachomatis, Listeria monocytogenes, Mycobacterium tuberculosis, Mycobacterium kansasii, Corynobacterium diphtheriae sezuvchan. Grammusbat aerob bakteriyalar – Staphylococcus spp. (Staphylococcus aureus, Staphylococcus haemolyticus, Staphylococcus hominis, Staphylococcus saprophyticus), Streptococcus spp. (Streptococcus pyogenes, Streptococcus agalactiae). Metisillinga chidamli ko‘pgina stafilokokklar siprofloksasinga ham chidamli. Streptococcus pneumoniae, Enterococcus faecalis, Mycobacterium avium-intracellulare bakteriyalarining sezuvchanligi – o‘rtacha darajada (ularni bartaraf qilish uchun yuqori konsentrasiyalar talab qilinadi). Preparatga rezistent mikroorganizmlar: Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asteroides. Treponema pallidum ga nisbatan preparatning ta‘siri yetarli o‘rganilmagan. Farmakokinetikasi Peroral qabul qilinganida me‘da-ichak yo‘llaridan (asosan o‘n ikki barmoq ichak va ingichka ichak) tez so‘riladi. Biokiraolishliligi – 50-85%. 250, 500, 750 va 1000 mg peroral qabul qilinganida sog‘lom ko‘ngillilarning qon zardobidagi preparatning maksimal konsentrasiyasiga 1-1,5 soatdan keyin erishiladi va muvofiq ravishda 0,76; 1,6; 2,5 va 3,4 mkg/ml ni tashkil qiladi. Peroral qabul qilingan siproflosasin organizm to‘qimalari va suyuqliklarida taqsimlanadi. Preparatning yuqori konsentrasiyalari safro, o‘pka, buyrak, jigar, o‘t qopi, bachadon, urug‘ suyuqligi, prostata to‘qimasi, murtak bezlari, endometriy, fallopiy naylari va tuxumdonlarda aniqlanadi. Bu to‘qimalarda preparatning konsentrasiyasi zardobdagiga nisbatan yuqori. Siprofloksasin shuningdek suyak, ko‘z suyuqligi, bronxial sekret, so‘lak, teri, mushak, plevra, qorin parda, limfaga yaxshi kiradi. Siprofloksasinning qon neytrofillarida to‘planadigan konsentrasiyasi zardobdagiga nisbatan 2-7 marta yuqori. Organizmda taqsimlanish xajmi 2-3,5 l/kg ni tashkil qiladi. Preparat orqa miya suyuqligiga kam miqdorda kiradi, u yerda uning konsentrasiyasi zardobdagi konsentrasiyasining 6-10% tashkil qiladi. Siprofloksasinni plazma oqsillari bilan bog‘lanish darajasi 30% tashkil qiladi. Buyrak faoliyati o‘zgarmagan bemorlarda yarim chiqarilish davri odatda 3-5 soatni tashkil qiladi. Buyrak faoliyati buzilganida yarim chiqarilish davri uzayadi. Organizmdan siprofloksasinni chiqarilishining asosiy yo‘li – buyraklar orqali. Siydik bilan 50-70% chiqariladi. 15 dan 30% gacha ekskrementlar bilan chiqariladi. Og‘ir darajali buyrak yetishmovchiligi (kreatinin klirensi 20 ml/min/1,73 m2 dan past) bo‘lgan bemorlarga preparatning sutkalik dozasini yarmini buyurish kerak. Qo‘llanilishi Siprofloksasinga sezgir mikroorganizmlar chaqirgan infeksion va yallig‘lanish kasalliklari: nafas yo‘llari; quloq, tomoq, burun; buyrak va siydik chiqarish yo‘llari; jinsiy a‘zolar; ovqat hazm qilish tizimi (shu jumladan, og‘iz, tish, jag‘); o‘t qopi va o‘t chiqaruvchi yo‘llar; teri qoplamalari, shilliq qavatlar va yumshoq to‘qimalar; tayanch-harakat apparati; sepsis va peritonit; immuniteti susaygan (immunodepressantlar bilan davolashda) bemorlarda infeksiyalarni oldini olish va davolash. Qo‘llash usuli va dozalari Siprofloksasinning dozasi kasallikning og‘irlik darajasi, infeksiyaning turi, organizmning xolati, pasientning yoshi, tana vazni va buyrak faoliyatiga bog‘liq. Tavsiya qilingan dozalari: buyrak va siydik chiqarish yo‘llarining asoratlanmagan kasalliklari, o‘rtacha og‘irlik darajasidagi nafas yo‘llarining pastki sohalari kasalliklarida – 250 mg dan, asoratlangan hollarda esa 500 mg dan sutkada 2 marta; gonoreyani davolash uchun Siprofloksasinni 250-500 mg dozada bir marta qabul qilish tavsiya qilinadi; ginekologik kasalliklar, og‘ir darajali va yuqori harorat bilan kechuvchi enteritlar va kolitlar, prostatitlar, osteomielitlar – 500 mg dan sutkada 2 marta (diareyani davolash uchun sutkada 2 marta 250 mg dozada qo‘llash mumkin). preparatni och qoringa, yetarli miqdorda suyuqlik bilan qabul qilinadi. Buyrak faoliyatini yaqqol buzilishi bo‘lgan pasientlarga preparatning yarim dozasini buyurish kerak. Davolash davomiyligi kasallikning og‘irlik darajasiga bog‘liq, ammo davolash kasallikning simptomlari bartaraf qilinganidan keyin yana kamida ikki kun davom ettirilishi kerak. Odatda davolash davomiyligi 7-10 kunni tashkil qiladi. Surunkali buyrak yetishmovchiligi bo‘lgan bemorlar uchun preparatning tavsiya qilingan dozalari jadvali: Kreatinin klirensi (ml/minut) Doza >50 Odatdagi dozalash tartibi 30-50 250-500 mg 12 soatda 1 marta 5-29 250-500 mg 18 soatda 1 marta Gemo- yoki peritoneal dializda bo‘lgan bemorlar Dializdan keyin 250-500 mg 24 soatda 1 marta Nojo‘ya ta‘sirlari ko‘ngil aynishi, qusish, diareya, soxtamembranoz kolit, bosh og‘rig‘i, bosh aylanishi, charchoqlik hissi, uyquni buzilishi, dahshatli tushlar, gallyusinasiyalar, hushdan ketish, ko‘rishni buzilishi kristalluriya, dizuriya, poliuriya, albuminuriya, gematuriya, qon zardobida kreatinin miqdorini tranzitor oshishi, interstisial glomerulonefrit eozinofiliya, leykopeniya, neytropeniya, trombositopeniya taxikardiya, yurak ritmini buzilishi, arterial gipotenziya terini qichishishi, eshakemi, Kvinke shishi, Stivens-Djonson sindromi jigar transaminazalari, ishqoriy fosfotaza, laktatdegidrogenazaning faolligini oshishi, bilirubin miqdorini oshishi, mochevina, kreatinin konsentrasiyasini oshishi Qo‘llash mumkin bo‘lmagan holatlar Homiladorlik va emizish davri, 12 yoshgacha bo‘lgan bolalar, siprofloksasin yoki ftorxinolonlar guruhiga mansub boshqa preparatlarga yuqori sezuvchanlik. Dorilarning o‘zaro ta‘siri Siprofloksasinni didanozin bilan bir vaqtda qo‘llanganda siprofloksasin bilan didanozin tarkibidagi alyuminiy va magniy tuzlari majmua hosil qilishi sababli, siprofloksasinni so‘rilishi kamayadi. Siprofloksasin va teofillinni bir vaqtda qabul qilish, sitoxrom R 450 bog‘lanish sohalarida raqobatli ingibirlashi hisobiga qon plazmasida teofillinning konsentrasiyasini oshishiga olib kelishi mumkin, bu teofillinning yarim chiqarilish davrini uzayishiga va teofillin bilan bog‘liq toksik ta‘sir xavfini oshishiga olib keladi. Antasidlar, shuningdek alyuminiy, temir yoki magniy ionlarini saqlovchi preparatlarni bir vaqtda qabul qilish, siprofloksanni so‘rilishini pasayishiga olib kelishi mumkin, shuning bu preparatlarni buyurish orasidagi kamida 4 soat bo‘lishi kerak. Siprofloksasin va antikoagulyantlarni bir vaqtda qo‘llanganda qon ketish vaqti uzayadi. Siprofloksasin va siklosporinni bir vaqtda qo‘llashda siklosporinning nefrotoksik ta‘siri kuchayadi. Maxsus ko‘rsatmalar Tutqanoq, anamnezida tirishish xurujlari, tomir kasalliklari va bosh miyaning organik shikastlanishlari bo‘lgan bemorlarga markaziy nerv tizimi tomonidan nojo‘ya reaksiyalar rivojlanishi xavfi tufayli siprofloksasinni faqat xayotiy ko‘rsatmalar bo‘yicha buyurish kerak. Davolash vaqtida va davolashdan keyin og‘ir darajali va uzoq muddatli diareya paydo bo‘lganida preparatni darhol bekor qilish va muvofiq davolashni buyurishni talab qiluvchi soxtamembranoz kolit tashhisini inkor qilish kerak. Paylarda og‘riq paydo bo‘lganida yoki tendovaginitning birinchi belgilari paydo bo‘lganida ftorxinolonlar bilan davolash vaqtida paylarni yallig‘lanishi va hatto uzilishining alohida hollari ta‘riflanganligi sababli, davolashni to‘xtatish kerak. Siprofloksasin bilan davolash davrida to‘g‘ri quyosh nurlaridan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin. Dozani oshirib yuborilishi Simptomlari: nojo‘ya ta‘sirlar kuchayadi. Davolash: spesifik antidoti ma‘lum emas. Bemorning ahvolini sinchkovlik bilan nazorat qilish, me‘dani yuvish, shoshilinch yordamning odatdagi choralarini amalga oshirish, yetarli miqdorda suyuqlik qilinishini ta‘minlash kerak. Gemo- va peritoneal dializ yordamida preparatning ahamiyatsiz miqdorigina (10% kam) chiqarilishi mumkin. Chiqarilish shakli 10 tabletkadan blisterlarda. 250 mg dan tabletkalar – 10 blister qo‘llash bo‘yicha yo‘riqnomasi bilan karton qutida. 500 mg dan tabletkalar – 1 blister qo‘llash bo‘yicha yo‘riqnomasi bilan karton qutida.   Saqlash sharoiti 25oS yuqori bo‘lmagan haroratda, quruq, yorug‘likdan himoyalangan joyda. Yaroqlilik muddati 3 yil. Dorixonalardan berish tartibi Resept bo‘yicha Ulashish: