L VIAVA eritma dlya priema vnutr 1g N10

Инструкция L VIAVA eritma dlya priema vnutr 1g N10

• Qadoqda soni

  10

• Umumiy ma'lumot

  L VIAVA eritma dlya priema vnutr 1g N10 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA L-VIAVA L-VIAVA Preparatning savdo nomi: L-Viava Ta‘sir etuvchi modda (XPN): levokarnitin Dori shakli: ichga qabul qilish uchun eritma Tarkibi: Preparatning 1 flakoni quyidagilarni saqlaydi: faol modda: 1,0 g yoki 2,0 g levokarnitin; yordamchi moddalar: olma kislotasi, natriy benzoati, natriy saxarini, “Apelsin” aromatizatori, tozalangan suv. Ta‘rifi: tiniq rangsiz yoki och sariq rangli eritma. Farmakoterapevtik guruhi: metabolik jarayonlarni muvofiqlashtiruvchi vosita. ATX kodi: A16AA01 Farmakologik hususiyatlari Farmakodinamikasi L-Viava – metabolik jarayonlarni muvofiqlashtiruvchi vosita. Levokarnitin – V guruh vitaminlariga yaqin bo‘lgan tabiiy modda. U yog‘ kislotalarini hujayra membranalari orqali sitoplazmadan mitoxondriyalarga tashuvchi sifatida moddalar almashinuvi jarayonlarida ishtirok etadi, u yerda bu kislotalar β-oksidlanish jarayonlariga uchrab, katta miqdorda energiya (ATF shaklida) hosil qiladi. Levokarnitin koenzim A ni ozod qilib, metabolitlarni Krebs sikliga kirishishini kuchaytiradi. Shunday mexanizm orqali u skelet mushaklarida piruvatdegidrogenazaning faolligini va turli bog‘larga ega bo‘lgan aminokislotalarni oksidlanishini rag‘batlantiradi. Preparat oqsillar va yog‘lar almashinuvini normallashtiradi, qonning ishqoriy muhitini tiklaydi, ketokislotalarni hosil bo‘lishini va anaerob glikolizni susaytiradi, laktasidozning darajasini kamaytiradi, shuningdek harakat faoliyatini kuchaytiradi va jismoniy yuklamalarni o‘zlashtirilishini oshiradi, bunda glikogenni kam sarflanishiga va jigarda uning zahirasini ko‘payishiga yordam beradi. Farmakokinetikasi Ichga qabul qilinganidan so‘ng levokarnitinning biokiraolishligi 15,9% ni tashkil etadi. Organizmning barcha to‘qimalariga o‘tadi, eng yuqori konsentrasiyalari jigarda, skelet mushaklari va miokardda hosil bo‘ladi. Maksimal konsentrasiyasiga ichga qabul qilinganidan so‘ng 3,3 soatdan keyin erishiladi, terapevtik konsentrasiyasi 9 soat davomida saqlanib turadi. Buyraklar orqali asosan asil efirlari ko‘rinishida chiqariladi. Qo‘llanilishi birlamchi va ikkilamchi karnitin tanqisligi; terminal bosqichidagi buyrak yetishmovchiligi bo‘lgan gemodializdagi pasientlarda karnitin tanqisligi; YUIK (o‘tkir miokard infarkti, infarktdan keyingi holatlar, kardiogen shokdagi gipoperfuziya) fonida miokarddagi metabolizmni buzilishi; sitostatiklar qo‘llanganida kardiotoksiklikni oldini olish; ishtahani va ovqatlanish reflekslarini pasayishi, tana vaznini kamayishi, kattalar va bolalarni ozib ketishi (nevrogen anoreksiya, ruhiy kasalliklar, dissirkulyator va travmatik ensefalopatiya; me‘daning sekretor faoliyatini pasayishi bilan kechuvchi surunkali gastrit, me‘da osti bezining tashqi sekretor faoliyatini yetishmovchiligi bilan kechuvchi surunkali pankreatit; og‘ir kasalliklar va jarrohlik aralashuvlaridan keyingi rekonvalessensiya davri; chala tug‘ilgan chaqaloqlar, tug‘ruq jarohatlari, yangi tug‘ilgan chaqaloqlardagi respirator distress sindrom; bolalarda valproat kislotasini qabul qilish fonida rivojlanadigan Reye sindromiga o‘xshash sindromlar kompleksi (gipoglikemiya, gipoketonemiya, koma); bolalarda va 16 yoshgacha bo‘lgan o‘smirlarda tana vaznini yetishmasligi va o‘sishdan orqada qolish) bilan kechuvchi holatlar va kasalliklar; bolalar va 16 yoshgacha bo‘lgan o‘smirlarda tireotoksikozni yengil shakli; teri kasalliklarida (psoriaz, seboreyali ekzema, o‘choqli sklerodermiya va diskodi qizil yugurik) majmuaviy davolash tarkibida; davomli jadal kechuvchi jismoniy mashqlar yoki boshqa harakatlarni oshishida (anabolik va adaptogen sifatida) qo‘llanadi. Qo‘llash usuli va dozalari Faqat ichga qabul qilish uchun mo‘ljallangan. L-Viava preparatini bevosita suvga yoki mevali sharbatga qo‘shib qabul qilish mumkin. Preparatni ovqatlanishdan qat‘iy nazar, teng vaqtlar oralig‘ida sutkada 2-4 marta qabul qilish mumkin. Kattalar va 12 yoshdan oshgan bolalarga preparat sutkada 2-6 g dozada buyuriladi. L-Viava preparatining tavsiya etilgan dozasi 50 kg tana vazniga 1 g ni tashkil etadi, sutkada 2-3 marta qabul qilinadi. L-Viava preparatining boshlang‘ich dozasi sutkada 50 mg/kg ni tashkil etadi, 2-3 marta qabul qilishga bo‘linadi. Keyinchalik dozasi preparatni o‘zlashtirilishi va davolashga nisbatan javob reaksiyasiga qarab, shuningdek davolanish vaqtidagi jismoniy yuklamalarni hisobga olib, asta-sekin oshirilishi mumkin. 12 yoshgacha bo‘lgan bolalarga va yangi tug‘ilgan chaqaloqlarga: sutkada 50-100 mg/kg, ammo sutkada 3 g dan oshmasligi kerak. Birlamchi va ikkilamchi karnitin tanqisligida dozasi moddalar almashinuvini tug‘ma buzilishlariga va davolanish vaqtidagi yaqqollik darajasiga bog‘liq. Ko‘pchilik hollarda ichga qabul qilish uchun tavsiya etilgan dozasi sutkada 100-200 mg/kg ni tashkil etadi, 2-4 marta qabul qilinadi. Agar klinik va biokimyoviy ko‘rsatkichlar yaxshilanmasa, dozasi qisqa vaqtga oshirilishi mumkin. O‘tkir metabolik dekompensasiyada preparat yuqori dozalarda – sutkada 400 mg/kg dozalarda buyuriladi. Gemodializdagi pasientlarda karnitin tanqisligida preparat samarani tutib turuvchi dozada sutkada 1 g dan ichga qabul qilishga buyuriladi. Gemodializ o‘tkaziladigan kunda preparat gemodializ seansidan so‘ng qabul qilinadi. Kattalarga asabiylashish oqibatidagi anoreksiya sindromida, shuningdek o‘tkazilgan kasalliklar va jarrohlik aralashuvlaridan keyingi tiklanish davrida – 2 g dan sutkada 2 marta buyuriladi. Davolash davomiyligi: 1-2 oyni tashkil etadi. Davomli jismoniy harakatlarda – 1-2 g dan sutkada 2-3 marta buyuriladi. Me‘daning sekretor faoliyatini pasayishi bilan kechuvchi surunkali gastrit va me‘da osti bezining tashqi sekretor faoliyatini yetishmovchiligi bilan kechuvchi surunkali pankreatiti bo‘lgan pasientlarda ishtahani qo‘zg‘atish va tana vaznini oshirish uchun preparat 500 mg bir martalik dozada sutkada 2 marta buyuriladi. Davolash davomiyligi: 1-1,5 oyni tashkil etadi. Teri kasalliklarini davolashda bir martalik dozasi 1 g ni tashkil etadi sutkada 2 marta qabul qilinadi. Davolash davomiyligi: 2-4 haftani tashkil etadi. O‘sishdan orqada qolganda va gipertireozda bir martalik dozasi 250 mg ni tashkil etadi, sutkada 2-3 marta 20 kun davomida qabul qilinadi. Davolash kursi 1-2 oylik tanaffusdan so‘ng takrorlanadi yoki 3 oy davomida uzluksiz qo‘llanadi. Bosh miyani tomirli, toksik va travmatik genezli shikastlanishlarida sutkada 0,5-1,0 g dan 3-5 kun davomida qabul qilinadi. Zarurat bo‘lganida 12-14 kundan keyin takroriy davolash kursi buyuriladi. Davolash davomiyligi 1 oydan 12 oygacha bo‘lgan vaqtni tashkil etadi. Zarurat bo‘lganida butun hayoti davomida davolanish mumkin. Monitoring qonning biokimyoviy tahlilini vaqti-vaqti bilan o‘tkazish, organizmning hayotiy muhim a‘zolari faoliyatining ko‘rsatkichlarini baholash, plazmadagi karnitinning konsentrasiyasini aniqlash va pasientning umumiy klinik holatini baholashdan iborat bo‘lishi kerak. Preparatning adekvat dozasini aniqlash uchun plazmada va siydikda erkin va asillangan levokarnitinning konsentrasiyasini o‘lchab, davolashni nazorat qilish tavsiya etiladi. Plazmada karnitinning konsentrasiyasi 35-60 mkmol/l ni tashkil etadi. Plazmada asillangan va erkin levokarnitinning nisbati normada 0,35 ni tashkil etadi. Nojo‘ya ta‘sirlari Ovqat hazm qilish tizimi tomonidan: epigastral sohada og‘riq hislari, dispeptik buzilishlar bo‘lishi mumkin. Boshqalar: badandan o‘ziga xos hidni kelishi, anamnezida tirishish sindromi bo‘lgan pasientlarda tirishishlarni paydo bo‘lishi yoki ularning sonini ortishi kuzatilgan. Qo‘llash mumkin bo‘lmagan holatlar Preparatning komponentlariga yuqori sezuvchanlikda qo‘llash mumkin emas. Dorilarning o‘zaro ta‘siri L-Viava preparati bilan dorilarning o‘zaro ta‘siri ta‘riflanmagan. Maxsus ko‘rsatmalar Qandli diabeti bo‘lgan pasientlarga L-Viava preparatini buyurish glyukozani o‘zlashtirilishini yaxshilanishi natijasida gipoglikemiyani rivojlanishiga olib kelishi mumkin. Shu sababli, preparatni qo‘llash vaqtida qonda glyukozaning darajasini muntazam ravishda nazorat qilish va zarurat bo‘lganida gipoglikemik preparatlar va insulinning dozasiga tuzatish kiritish kerak. Homiladorlik va laktasiya davrida qo‘llanishi Homiladorlik va laktasiya davrida L-Viava preparatini ona uchun davolashdan kutilgan foyda homila yoki go‘dak uchun potensial havfdan ustun bo‘lgan holdagina qo‘llash mumkin. Pediatriyada qo‘llanishi Preparat pediatriya amaliyotida qo‘llanadi. Avtotransportni haydash va mexanizmlarni boshqarish qobiliyatiga ta‘siri Preparat avtotransportni haydash va mexanizmlarni boshqarish qobiliyatiga ta‘sir ko‘rsatmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Levokarnitinning dozasi oshirib yuborilganida organizmni zaharlanishi yuzasidan ma‘lumotlar yo‘q. Chiqarilish shakli Ichga qabul qilish uchun eritma 10 ml dan oq rangli plastik qalpoqcha bilan berkitilgan sariq rangli shisha flakonlarda. 10 flakon qo‘llash bo‘yicha yo‘riqnomasi bilan birga karton qutiga joylangan. Saqlash sharoiti 25oS dan yuqori bo‘lmagan haroratda saqlansin. Yaroqlilik muddati 4 yil. Dorixonalardan berish tartibi Reseptsiz. Ulashish: