OLOPAN ko'z tomchilari 5ml 0,1% N1

Инструкция OLOPAN ko'z tomchilari 5ml 0,1% N1

• Qadoqda soni

  1

• Umumiy ma'lumot

  OLOPAN ko'z tomchilari 5ml 0,1% N1 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA OLOPAN OLOPAN   Preparatning savdo nomi: OLOPAN Ta‘sir etuvchi modda (XPN): olopatadin Dori shakli: ko‘z tomchilari, 0,1%. Tarkibi: 1 ml eritma quyidagilarni saqlaydi: faol modda: olopatadin (olopatadin gidroxloridi ko‘rinishida) – 1 mg; yordamchi moddalar: natriy xloridi, dinatriy gidrofosfat dodekagidrati, benzalkoniy xloridi, xlorid kislotasi, in‘eksiya uchun suv. Ta‘rifi: tiniq, rangsiz eritma. Farmakoterapevtik guruhi: allergiyaga qarshi vosita (fosfolipaza A2 ingibitori). ATX kodi: S01GX09. Farmakologik xususiyatlari Olopatadin N1-gistamin reseptorlarining selektiv ingibitori hisoblanadi, shuningdek semiz xujayralardan yallig‘lanish mediatorlarini ajralib chiqishini ingibisiya qiladi. Yaqqol yallergiyaga qarshi ta‘sir ko‘rsatadi. Alfa-adrenergik, dopamin, 1 va 2 tip muskarin, shuningdek serotonin reseptorlariga samara ko‘rsatmaydi. Farmakokinetikasi Mahalliy qo‘llanilganda tizimli so‘rilishi past. Qon plazmasidagi olopatadinning maksimal konsentrasiyasi (Smax) ga mahalliy qo‘llanilgandan keyin 2 soat davomida erishiladi va 0,5 ng/ml dan va 1,3 ng/ml dan kamroqni tashkil qiladi. Plazmada yarim parchalanish davri (T1/2) 3 soatni tashkil qiladi. Asosiy buyraklar orqali, 60-70% o‘zgarmagan ko‘rinishda chiqariladi. Qo‘llanilishi Allergik kon‘yuntivitlarda qo‘llanadi. Qo‘llash usuli va dozalari Mahalliy qo‘llanadi. Qo‘llashdan oldin flakonni chayqatish kerak. Kattalar va 3 yoshdan oshgan bolalar: kon‘yunktival qopchaga 1 tomchidan kuniga 2 marta buyuriladi. Davolash davomiyligi 4 oygachani tashkil qilishi mumkin. Nojo‘ya ta‘sirlari Mahalliy. Ayrim hollarda (5% dan kamroq): ko‘rishni noaniqligi, ko‘zlarda achishish va og‘riq, ko‘z yoshi oqishi, ko‘zlarda yod jism hissi, kon‘yunktiva giperemiyasi, keratit, irit, qovoqlarni shishi. 0,1-1% holatlarda holsizlik, bosh og‘rig‘i, bosh aylanishi, ko‘ngil aynishi, faringit, rinit, sinusit, ta‘m bilishni o‘zgarishi kuzatiladi.   Qo‘llash mumkin bo‘lmagan holatlar Preparatning komponentlariga individual yuqori sezuvchanlikda qo‘llash mumkin emas. Preparat 3 yoshdan kichik bolalarda, shuningdek homiladorlik va laktasiya davrida, “quruq ko‘z” sindromida va shox parda patologiyasida ehtiyotkorlik bilan qo‘llanadi.   Dorilarning o‘zaro ta‘siri Zarurati bo‘lganida boshqa mahalliy oftalmologik preparatlar bilan majmuada qo‘llanishi mumkin. Bunday hollarda ularni qo‘llash orasidagi interval kamida 5 minutni tashkil etishi kerak. Maxsus ko‘rsatmalar OLOPAN konservant benzalkoniy xloridi saqlaydi, u kontakt linzalar tomonidan so‘rilishi mumkin. Preparatni tomizishdan oldin linzalarni yechish va preparat tomizgandan kamida 20 minutdan keyin takroran taqish kerak. Eritmani ifloslanishidan saqlanish uchun, pipetka uchi bilan biron-bir yuzalarga tegish mumkin emas. Agar preparatni qo‘llagandan keyin pasientda ko‘rishi vaqtincha pasaysa, u tiklanmaguncha avtomobilni boshqarish va diqqatni yuqori jamlashni talab etuvchi faoliyat turlari bilan shug‘ullanish tavsiya etilmaydi. Homiladorlik va laktasiya davri Homilador ayollarga faqat, pasient uchun kutilayotgan foyda homila uchun potensial xavfdan yuqori bo‘lgandigina buyurish mumkin. Pediatriyada qo‘llanishi 3 yoshgacha bo‘lgan bolalarda preparatni qo‘llash bo‘yicha yetarli tajriba yo‘q. OLOPAN 3 yoshdan oshgan bolalarda kattalardagi dozalarda ishlatilishi mumkin. Avtotransportni haydash va mexanizmlarni boshqarish qobiliyatiga ta‘siri Agar preparatni qo‘llagandan keyin pasientda ko‘rishi vaqtincha pasaysa, u tiklanmaguncha avtomobilni boshqarish va diqqatni yuqori jamlashni talab etuvchi faoliyat turlari bilan shug‘ullanish tavsiya etilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.   Dozani oshirib yuborilishi Mahalliy qo‘llanilganda dozani oshirib yuborilishining ehtimoli kam. Ko‘zlarga preparatning ortiqcha miqdori tushganida ko‘zlarni iliq suv bilan yuvish kerak. Chiqarilish shakli Tegishli markirovkaga ega, sig‘imi 5 ml bo‘lgan plastik flakon-tomchilagich. 1 flakon va qo‘llash bo‘yicha yo‘riqnomasini saqlovchi karton quti. Saqlash sharoiti Germetik berkitilgan holatda, quruq, salqin va yorug‘likdan himoyalangan joyda, 25°S dan yuqori bo‘lmagan haroratda saqlansin. Muzlatilmasin. Yaroqlilik muddati Ishlab chiqarilgan sanadan boshlab: 2 yil; Flakon ochilgandan keyin: 28 kun. Dorixonalardan berish tartibi Resept bo‘yicha. Ulashish: