VIVIRON PLYUS sirop 240ml

Инструкция VIVIRON PLYUS sirop 240ml

• Dozirovkasi

  Viviron Plyusni ovqatdan keyin kuniga 2-3 marta qo'llash kerak. Tavsiya etilgan doza quyidagicha: Kattalar uchun: 15 ml Bolalar uchun: 5-10 ml 7 yoshgacha bo'lgan kichkintoylar uchun: 3-5 ml.

• Dori vositalarining o'zaro ta'siri

  Temir ftorxinolonlar, levodopa, metildopa, penitsillinamin va tetratsiklinlar bilan o'zaro ta'sir qiladi. Folat statusi tutqanoqqa qarshi, tuberkulyozga qarshi vositalar, alkogolь va folat kislotasi antagonistlari, shu jumladan trimetoprim va sulьfonamidlar kabi preparatlar bilan o'zaro ta'siri natijasida o'zgarishi mumkin.

• Qo'llanilishi mumkin bo'lmagan holatlar

  Viviron Plyus preparatining har qanday komponentiga yuqori sezuvchanlida qo'llash mumkin emas.

• Maxsus saqlash sharoitlari

  Quruq, salqin, yorug'likdan himoyalangan joyda 30oS dan yuqori bo'lmagan haroratda saqlansin. Yorug'lik va issiqning ta'siridan saqlang. Bolalar ololmaydigan joyda saqlansin. Yaroqlilik muddati 2 yil. Yaroqlilik muddati o'tgach qo'llanilmasin

• Maxsus shartlar

  Boshqa temir saqlovchi preparatlar kabi Viviron Plyusni ham takror qon quyishni o'tkazgan patsiyentlarda yoki temir yetishmovchiligi bilan bog'liq bo'lmagan anemiyasi bo'lgan patsiyentlarda qo'llash mumkin emas. Bundan tashqari, temirni peroral terapiyasi parenteral terapiyasi bilan bir vaqtda qo'llanishi mumkin emas. Preparatni temirning so'rilishi va to'planishi faoliyatlarining buzilishlari bo'lgan, gemoglobinopatiyasi yoki MIY kasalliklari bo'lgan patsiyentlarga ehtiyotkorlik bilan buyurish kerak. Viviron Plyusni diagnostika qilinmagan megaloblast anemiyani davolash uchun qo'llanadigan V12 vitaminini adekvat bo'lmagan miqdori bilan bir vaqtda qo'llash mutloqa mumkin emas. Folatga bog'liq xavfsiz o'smalari bo'lgan patsiyentlarga preparatni buyurishda ehtiyotkorlikka rioya qilish kerak. Homiladorlik va laktatsiya davrida qo'llanishi Homiladorlikning birinchi uch oyligidagi oqilona ovqatlanish organizmda temirning yetarli darajasini ta'minlaydi. Biroq keyingi 6 oy davomida bolaning rivojlanishi va organizmning temirga ehtiyojini oshishi sababli, polivitamin preparatlarni qo'shimcha qabul qilish tavsiya etiladi. Biroq dozalashga sinchkovlik bilan rioya qilish kerak.

• Nojo'ya samaralari

  Vitamin preparatlarini qabul qilishning nojo'ya ta'sirlari odatda MIY tomonidan bo'ladigan buzilishlar bilan bog'liq, vitamin preparatlarining katta dozalari uzoq vaqt qabul qilinganida, preparatning komponentlariga o'ta yuqori sezuvchanlik bilan bog'liq bo'lgan allergik reaktsiyalar rivojlanishi mumkin.

• Dozani oshirib yuborilishi

  6 yoshgacha bo'lgan bolalar uchun temir saqlovchi preparatlarning dozasini oshirib yuborilishi fatal zaharlanishga olib kelishi mumkin. Simptomlari: abdominal og'riqlar, ko'ngil aynishi, qusish, qatronsimon ich kelishi, qonli ich kelishi, qon qusish, qon bosimini pasayishi, taxikardiya, metabolik atsidoz, giperglikemiya, suvsizlanish, bosh aylanishi, terini oqarishi, sianoz, apatiya, xurujlar, shok va koma. Davolash: dozani oshirib yuborish hollarida temirning dozasini o'tkir oshirib yuborilishi bilan bog'liq chora-tadbirlarning majmuasini qo'llash lozim.