MOKSI — G tabletkalari 400mg N5

Инструкция MOKSI — G tabletkalari 400mg N5

• Qadoqda soni

  5

• Dozirovkasi

  Preparat kattalarga 400 mg dan (1 tabletka) sutkada 1-marta buyuriladi. Davolashning davomiyligi surunkali bronxitning zoʻrayishida – 5 kun, shifoxonadan tashqari pnevmoniyada – 10 kun, oʻtkir sinusit va teri va yumshoq toʻqimalarning infeksiyalarida – 7 kun. Preparat bilan davolashning davomiyligi 14 kunga yetishi mumkin. Buyraklar faoliyati buzilgan patsiyentlarga (KK>30 ml/min) dozalash tartibini oʻzgartirish tavsiya qilinmaydi. Tabletkalarni ovqat qabul qilishdan qatʼiy nazar, chaynamasdan, koʻp boʻlmagan miqdordagi suv bilan birga qabul qilish kerak.

• Dori vositalarining o'zaro ta'siri

  Moksi-G va kortikosteroidlar bir vaqtda qoʻllanganida tendovaginitning rivojlanishi yoki payning uzilishini xavfi oshadi. Shuning uchun ushbu majmua ehtiyotkorlik bilan buyuriladi. Moksifloksatsin va antatsid preparatlar, shuningdek mineral moddalarni saqlovchi preparatlar, polivitaminlar bilan bir vaqtda qoʻllanganida moksifloksatsinning soʻrilishi buzilishi mumkin. Shuning uchun antatsidlar va kalsiy, magniy, alyuminiy, temir saqlovchi boshqa preparatlarni Moksi-G qabul qilinganidan keyin 2 soat oʻtgach yoki 4 soat oldin qabul qilish kerak. Digoksin bilan bir vaqtda qabul qilinganida moksifloksatsin digoksinning farmakokinetik xususiyatlarini ahamiyatsiz darajada oʻzgartiradi. Moksifloksatsinni glibenklamid, probenitsid, varfarin, peroral gormonal kontratseptivlar bilan oʻzaro taʼsiri aniqlanmagan. Faollashtirilgan koʻmir va moksifloksatsin 400 mg dozada ichga bir vaqtda qabul qilinganida, preparatning biokiraolishligi uning soʻrilishni tormozlanishi natijasida 80% dan koʻproqqa pasayadi.

• Qo'llanilishi mumkin bo'lmagan holatlar

  homiladorlik; emizish davri; 18 yoshgacha boʻlgan bolalar va oʻsmirlar; moksifloksatsin va preparatning boshqa komponentlariga yuqori sezuvchanlik. EHTIYOTKORLIK CHORALARI Moksi-G tirishish xurujlarini paydo boʻlishiga va tirishishga tayyorgarlik boʻsagʻasini pasayishiga yordam beruvchi MNT kasalliklarida (shu jumladan MNT jalb qilinishiga nisbatan shubha qilingan kasalliklar), QT intervalini uzayishi, bradikardiya, oʻtkir miokard infarkti, yurak oʻtkazuvchanligini potensial sekinlashtiruvchi preparatlar (Ia, II, III sinf antiaritmik preparatlar, tritsiklik antidepressantlar, neyroleptiklar) bilan bir vaqtda qoʻllanganida, ogʻir buyrak yetishmovchiligida ehtiyotkorlik bilan qoʻllanadi. Moksi-G ni tutqanoqlarda buyurishdan saqlanish kerak. Ftorxinolonlar, shu jumladan moksifloksatsin bilan davolash fonida, ayniqsa keksa va GKS larni olayotgan patsiyentlarda tendinit rivojlanishi va payning uzilishi rivojlanishi mumkin. Payning yalligʻlanish belgilari va ogʻriq paydo boʻlganida preparatni qabul qilish toʻxtatiladi va shikastlangan qoʻl-oyolarning harakatlari kamaytiriladi. Antibiotiklarni qoʻllash soxtamembranoz kolining rivojlanishini xavfi bilan bogʻliq. Anamnezida antibiotiklar bilan davolash fonida ogʻir diareya hollari kuzatilgan patsiyentlarga moksifloksatsin buyurilganida ehtiyotkorlikka rioya qilish kerak. Ogʻir diareya rivojlanganida preparatni qabul qilish toʻxtatiladi. Xinolonlarni qoʻllashda fotosensibilizatsiya reaksiyalari kuzatiladi. Patsiyentlar preparatni qabul qilish davrida toʻgʻri quyosh nurlaridan va UB nurlanishidan saqlanishlari kerak. Avtotransport va mexanizmlarni boshqarish qobiliyatiga taʼsiri Moksifloksatsin MNT tomonidan kam nojoʻya reaksiyalar chaqirishiga qaramasdan, avtomobilni yoki harakatlanayotgan mexanizmlarni boshqarish mumkinligi haqidagi masala preparat qabul qilishga patsiyentning reaksiyasi baholangandan keyin shaxsiy hal qilinadi.

• Nojo'ya samaralari

  Odatda Moksi-G yaxshi oʻzlashtiriladi, koʻpchilik nojoʻya samaralari (90%) ogʻirligi boʻyicha yengil va oʻrtachaga kiradi. Ovqat hazm qilish tizimi tomonidan: koʻngil aynishi, qusish, taʼm sezishni buzilishi, diareya, qorinda ogʻriqlar, qabziyat, dispepsiya, jigar sinamalarining oʻzgarishi, ogʻizni qurishi, meteorizm, ishtahani yoʻqolishi, stomatit, glossit. Yurak-tomir tizimi tomonidan: yoʻldosh gipokaliyemiyasi boʻlgan bemorlarda QT intervalining uzayishi, taxikardiya, periferik shishlar, AD ni oshishi yoki pasayishi, koʻkrakda ogʻriq, periferik qon manzarasini oʻzgarishi.. MNT va periferik nerv tizimi tomonidan: uyqusizlik, bosh aylanishi, asabiylik, uyquchanlik, tremor, paresteziyalar, ongning chalkashishi, depressiya, asteniya, emotsional labillik, koordinatsiyaning buzilishi, turli klinik koʻrinishlari boʻlgan tirishish xurujlari. Nafas tizimi tomonidan:bronxospazm, dispnoe. Suyak-mushak tizimi tomonidan: orqada ogʻriq, artralgiya, mialgiya. Siydik-jinsiy tizimi tomonidan: qin kandidozi, vaginit. Allergik reaksiyalar: toshma, qichishish, eshakemi.

• Dozani oshirib yuborilishi

  Moksifloksatsin 1200 mg gacha dozada bir marta va 600 mg dan 10 kundan ortiq vaqt davoimda qoʻllanganida qanday boʻlmasin nojoʻya samaralari kuzatilmagan. Davolash: doza oshirib yuborilgan holida klinik vaziyatga muvofiq EKG monitoringi bilan simptomatik davolash oʻtkaziladi. Doza oshirib yuborilganida faollashtirilgan koʻmirni qoʻllash tavsiya qilinadi.