PANTENOL aerozol 58mg 5%

Инструкция PANTENOL aerozol 58mg 5%

• Dori shakli

  5% сиртга қўллаш учун аэрозоль. Узлуксиз таъсирга эга клапани ва ҳимоя қалпоқчаси бўлган шиша ёки алюминли баллонда 58 г. 1 баллон пуркагичи ва қўллаш бўйича йўриқномаси билан картон қутида.

• Dozirovkasi

  Маҳаллий шикастланган соҳага суртилади. Қўллашдан аввал аэрозоль баллонини бир неча марта яхшилаб чайқатилади ва ҳимояловчи қалпоқ ечилади. Клапан учига кийдирилган учлик шикастланган соҳага келтирилади ва учликни секин босиб, бутун шикастланган соҳа плёнка билан копланиши учун препаратни шикастланган соҳага 10-20 см масофада 1-2 секунд давомида сепилади.

• Dori vositalarining o'zaro ta'siri

  Пантенол Фармстандарт аэрозоли препаратини бошқа дори воситалари билан ўзаро таъсири аниқланмаган, Адабиёт маълумотларига кўра, Пантенол Фармстандартни тизимли қўлланиши сукцинилхолиннинг самарасини узайтириши мумкин.  

• Qo'llanilishi mumkin bo'lmagan holatlar

  Препаратнинг компонентларига юқори шахсий сезувчанликда қўллаш мумкин эмас.  

• Maxsus shartlar

  Аэрозолли баллон босим остида бўлади! Шунинг учун уни тушиб кетишлардан, зарблардан ва бевосита қуёш нурларининг таъсиридан ҳимоялаш лозим. Баллонни қўллаш тугагандан кейин очмаслик ва ёқмаслик керак. Препаратни очиқ олов ёки кизиган предметлар яқинида сепиш мумкин эмас. Ҳомиладорлик ва эмизиш даврида қўлланиши Пантенол Фармстандартни ҳомиладорлик ва эмизиш даврида кўрсатмалар бўйича қўллаш мумкин. Транспорт воситалари, механизмларни бошқариш қобилиятига таъсири Препарат транспорт воситалари ва турли механизмларни бошқариш, шунингдек юқори диққат ва руҳий ҳаракат реакцияларининг тезлигини талаб қилувчи потенциал хавфли фаолият турлари билан шуғулланишга таъсир қилмайди. Препарат болалар ололмайдиган жойда сақлансин ва яроқлилик муддати ўтгач ишлатилмасин.

• Nojo'ya samaralari

  Кам ҳолларда терининг аллергик реакциялари бўлиши мумкин.

• Farmakokinetikasi

  Пантотен кислотасининг ҳосиласидир. Организмда Дексапантенол коэнзим А нинг ташкилий қисми бўлган пантотен кислотасига айланади ва ацетилизация, углеводлар ва ёғ алмашинуви жараёнларида, ацетилхолин, кортикостероидлар, порфиринлар синтезида иштирок этади, тери, шиллиқ қаватини регенерациясини рағбатлантиради, хужайра метаболизмини меъёрлаштиради, митозни тезлаштиради ва коллаген толаларини мустаҳкамлигини оширади. Регенерация қилувчи, метаболик ва суст яллиғланишга қарши таъсир кўрсатади.

• Farmakodinamikasi

  Маҳаллий қўлланганида тери орқали тез сўрилади ва пантотен кислотасига айланади, плазма оқсиллари билан (асосан бета-глобулин ва альбумин билан) боғланади, уни қондаги концентрацияси - 0,5-1 мг/л, қон зардобидаги 100 мкг/л ни ташкил қилади. Пантотен кислотаси организмда метаболизмга учрамайди (Ко-А га киришишидан ташқари), ўзгармаган ҳолда чиқарилади.

• Dozani oshirib yuborilishi

  Препарат дозасини ошириб юборилиш ҳоллари аниқланмаган. Препарат фақат сиртга қўллаш учун мўлжалланганлиги туфайли, дозани ошириб юборилиш белгиларини ривожланиш эҳтимоли кам.