FLYUKOLD + VIT C poroshok so vkusom limona 5g N5

Инструкция FLYUKOLD + VIT C poroshok so vkusom limona 5g N5

• Qadoqda soni

  5

• Dozirovkasi

  1 paketcha ichidagisini krujkaga solish, issiq suvni quyish, erib ketgunicha aralashtirish kerak. Agar zarur bo'lsa, sovuq suv va qand qo'shish mumkin. Kattalar: bir paketcha har 6 soatda buyuriladi. 24 soat davomida 4 paketchadan ko'p qabul qilmaslik kerak. Preparatni 4 soatdan tez qabul qilmaslik kerak. 12 yoshdan katta bolalar: bir paketcha har 6 soatda buyuriladi. 24 soat davomida 3 paketchadan ko'p qabul qilmaslik kerak. Preparatni 12 yoshgacha bo'lgan bolalarga shifokorni ko'rsatmasisiz buyurmaslik kerak. Shifokorning maslahatisiz 5 kundan ortiq qo'llash tavsiya qilinmaydi. Agar simptomlar saqlanib qolsa, shifokorga murojaat qiling. Ko'rsatilgan dozalarni oshirmang. Dozani oshirib yuborilish hollarida, hatto o'zingizni yaxshi his qilsangiz ham, tez tibbiy yordam kerak, chunki jigarni kechikkan jiddiy shikastlanishi xavfi mavjud. Paratsetamol bilan zaharlanishda maxsus antidot-atsetiltsisteindir.

• Dori vositalarining o'zaro ta'siri

  MAO ingibitorlari, sedativ vositalar, etanolning samaralarini kuchaytiradi. Antidepressantlar, parkinsonizmga qarshi va antipsixotik vositalar, fenotiazin hosilalari siydik tutilishi, og'iz qurishi, qabziyat xavfini oshiradi. Glyuklokortikosteroidlar glaukomani rivojlanishi xavfini oshiradi. Paratsetamol diuretik preparatlarning samaradorligini pasaytiradi. Galotan qorinchalar aritmiyasi xavfini oshiradi. Fenilefrin guanetidinning gipotenziv samarasini pasaytiradi. Guanetidin fenilefrinning alьfa-adrenoretseptorlarni rag'barlantiruvchi, tritsiklik antidepressantlar esa- simpatomimetik samarasini kuchaytiradi.

• Qo'llanilishi mumkin bo'lmagan holatlar

  Preparatning har qanday komponentlariga yuqori sezuvchanlik. Jigar va buyrak faoliyatini yaqqol buzilishlari. Gipertireoidizm (tireotoksikoz). Qandli diabet va qandni so'rilishini nasliy buzilishlari (qand saqlaydi). Yurak kasalliklari (aorta teshigini yaqqol stenozi, o'tkir miokard infarkti, taxiaritmiyalar). Arterial gipertenziya. Tritsiklik antidepressantlarni, beta-adrenoblokatorlarni, MAO ingibitorlarini , shu jumladan bekor qilingandan 14 kungacha bo'lgan davrda qabul qilish. Boshqa paratsetamol saqlovchi vositalarni va shamollash, gripp va burunni bitishini yengillashtirish uchun vositalarni qabul qilish. Prostata bezi adenomasi. Yopiq burchakli glaukoma. 12 yoshgacha bo'lgan bolalarda qo'llash mumkin emas. Glyukozo-6-fosfat degidrogenazani genetik tanqisligida, xavfsiz giperbilirubinemiyada, homiladorlik va emizish vaqtida ehtiyotkorlik bilan qo'llash kerak.

• Maxsus shartlar

  Preparatni qabul qilishdan avval: metoklopramid, domperidon, xolesteramin, antikoagulyantlarni (varfarin) qabul qilish, giponatriyli parhezga rioya qilish zarur bo'lgan (har bir paketcha 0,12 g natriy saqlaydi) hollarda shifokor maslahati zarur. Jigarni toksik shikastlanishidan saqlanish uchun paratsetamolni alkogolli ichimliklar bilan birga qabul qilish, shuningdek alkogolni surunkali is'temol qiladigan shaxslar qabul qilishi mumkin emas. Preparatning faol komponentlari sedativ ta'sir ko'rsatmaganligi tufayli, tavsiya etilgan dozalarda avtomobilni xaydash va mexanizmlar bilan ishlashda cheklovlar yo'q. Preparat bolalar ololmaydigan joyda saqlansin va yaroqlilik muddati o'tgach ishlatilmasin.

• Nojo'ya samaralari

  Paratsetamol nojo'ya samaralarni kam chaqiradi. Ba'zida allergik reaktsiyalar: terida toshma, eshakemi, angionevrotik shish bo'lishi mumkin. Kam hollarda - trombotsitopeniya, leykopeniya, agranulotsitoz. Dozani uzoq muddat oshirilganida gepatotoksik va nefrotoksik ta'sir bo'lishi mumkin. Gepatotoksik ta'sirning oshish xavfi barbituratlar, difenin, karbamazepin, rifampitsin, zidovuddin va boshqa jigar fermentlari induktorlarini bir vaqtda qabul qilinganda oshadi. Fenilefrin ko'ngil aynishi, bosh og'rig'i, qon bosimini biroz oshishi va juda kam hollarda yurak urishini chaqirishi mumkin bo'lib, u preparatni qabul qilishni to'xtatilganidan keyin o'tib ketadi. Noodatiy reaktsiyalar paydo bo'lganida shifokorga murojaat qiling.

• Farmakodinamikasi

  Paratsetamol ichga qabul qilinganida yaxshi va tez so'riladi. Plazmadagi cho'qqi kontsentratsiyasiga 30-90 minut o'tgach erishiladi. Organizmning deyarli barcha to'qimalariga kiradi, yo'ldosh orqali oson o'tadi va ko'krak suti bilan chiqariladi. Jigarda metabolizmga uchraydi, metabolitlari farmakologik faol emas, ammo to'planganida jigarni nekrozga olib kelishi mumkin. Asosan metabolitlar ko'rinishida buyrak orqali chiqariladi. Yarim chiqarilish davri 1,5 soatdan 3 soatgacha o'zgarib turadi. Jigar faoliyatini buzilishida preparatni organizmdan chiqarilishi sekinlashadi, bu metabolitlarini organizmda to'planishiga olib keladi. Ichga qabul qilinganida jigardan birinchi o'tish samarasiga va monoaminooksidaza bilan me'dada parchalanishi natijasida fenilefrin gidroxloridining biologik faolligi pasayadi. Biotransformatsiyasi me'da-ichak yo'llarida va jigarda yuz beradi. Buyrak orqali chiqariladi. Askorbin kislotasini plazma oqsillari bilan bog'lanishi - 25% ni tashkil qiladi. Askorbin kislotasining plazmadagi kontsentratsiyasi normada taxminan 10-20 mkg/ml ni tashkil qiladi, organizmdagi zahiralari - tavsiya qilingan dozalar har kuni qabul qilinganida taxminan 1,5 g ni, sutkada 200 mg qabul qilinganida 2,5 g ni tashkil qiladi. Leykotsitlarga, trombotsitlarga, so'ngra esa - barcha to'qimalarga oson kiradi; eng yuqori kontsentratsiyasi bez a'zolarda, leykotsitlarda, jigarda va ko'z gavharida bo'ladi; gipofizning orqa bo'lagida, buyrak usti bezlarining po'stlog'ida, ko'z epiteliysida, urug' bezlarining oraliq hujayralarida, tuxumdonlarda, jigarda, taloqda, me'da osti bezida, o'pkada, buyrakda, ichak devorida, yurakda, mushaklarda, qalqonsimon bezida to'planadi; yo'ldosh orqali o'tadi.

• Dozani oshirib yuborilishi

  Simptomlari: nojo'ya ta'sirlarini kuchayishi kuzatiladi. Davolash: simptomatik davolash.