FESTAL draje 200mg N20

Ko'rsatmalar FESTAL draje 200mg N20

• Qadoqda soni

  20

• Dozirovkasi

  Ichga buyuriladi. Preparat ichga, chaynamasdan, ovqat vaqtida yoki ovqatdan so'ng darhol, ko'p bo'lmagan miqdordagi suyuqlik bilan birga qabul qilinadi. 1-2 drajedan sutkada 3 marta buyuriladi. Yuqoriroq dozalari faqat shifokor tomonidan buyuriladi. Bolalarda dozani va dozalash tartibini shifokor belgilaydi. Davolashning davomiyligi bir necha kundan (parhezning o'zgarishi natijasida ovqat hazm qilish jarayoni buzilganida) bir necha oy yoki yilgacha (zarurati bo'lganida doimiy o'rnini bosuvchi davolash) o'zgarishi mumkin. Rentgenologik va ulьtratovush tekshiruvlaridan oldin: 2 drajedan sutkada 2-3 marta tekshirishdan 2-3 kun oldin.

• Dori vositalarining o'zaro ta'siri

  Festal® preparati bilan bir vaqtda qo'llanganida PASK (p-aminosalitsil kislotasi), sulьfanilamidlar, antibiotiklarning so'rilishi kuchayadi. Pankreatinni uzoq mudda qabul qilish temir preparatlarining so'rilishi pasayishi mumkin. Kalьtsiy karbonati va/yoki magniy gidroksidini saqlovchi antatsid vositalarni bir vaqtda qo'llash, pankreatinning ta'sirini kamaytirishi mumkin. Simetidin pankreatinning ta'sirini kuchaytirishi mumkin. Pankreatin akarbozaning ta'sirini pasaytirishi mumkin, shuning uchun Festal® preparati va akarbozani bir vaqtda qo'llash mumkin emas. Pankreatin folat kislotasining so'rilishini kamaytirishi mumkin.

• Qo'llanilishi mumkin bo'lmagan holatlar

  Preparatning komponentlariga yuqori sezuvchanlik, o'tkir pankreatit, surunkali pankreatitning zo'rayishi, jigar yetishmovchiligi, jigar komasi yoki koma oldi holati, gepatit, giperbilirubinemiya, mexanik sariqlik, o't-tosh kasalligi, o't pufagining empiyemasi, ichak tutilishi, diareyaga moyillik, 3 yoshgacha bo'lgan bolalar (ushbu dori shakli uchun). Ehtiyotkorlik bilan: mukovistsidoz, homiladorlik.

• Maxsus shartlar

  Preparat bolalar ololmaydigan joyda saqlansin va yaroqlilik muddati o'tgach qo'llanilmasin.

• Nojo'ya samaralari

  Allergik reaktsiyalar (teri qoplamlari giperemiyasi, aksirish, ko'z yoshini oqishi), anafilaktik reaktsiyalar, jumladan eshakemi, angionevrotik shish. Ko'ngil aynishi, diareya, qorinda og'riq (shu jumladan, ichak sanchig'i), qusish; og'iz bo'shlig'i shilliq qavatining ta'sirlanishi (shu jumladan, bolalarda). Yuqori dozalarda uzoq muddat qo'llanganida giperurikemiya, giperurikozuriya bo'lishi mumkin. Bolalarda (katta dozalarda qo'llanganida) perianal ta'sirlanish rivojlanish mumkin. Mukovistsidozi bo'lgan bolalarda (ayniqsa yuqori dozalarda qo'llanganda) ileus va qabziyat rivojlanishi mumkin.

• Dozani oshirib yuborilishi

  Dozani oshirib yuborilishini simptomlari – giperurikemiya, giperurikuriya. Dozani oshirib yuborilishi simptomlari paydo bo'lganida – preparatni bekor qilish va simptomatik davolashni o'tkazish kerak.