VOLYUSTIM PLYUS infuziya uchun eritma 500ml

Инструкция VOLYUSTIM PLYUS infuziya uchun eritma 500ml

• Dozirovkasi

  Вена ичига (в/и) томчилаб юборилади. Доза касаллик оғирлик даражаси, организм ҳолати, беморнинг ёши, вазни ва буйрак функциясига қараб аниқланади. Анафилактик реакциялар эҳтимоли мавжудлиги туфайли, Волюстим Плюс препаратининг дастлабки 10-20 мл ни секинлик билан, бемор ҳолатини синчиклаб кузатиш орқали юбориш лозим. Суткалик доза, юбориш тезлиги ва даволаш давомийлиги гиповолемиянинг оғирлик даражаси, даволашнинг гемодинамик самарадорлиги ҳамда қоннинг суюлтирилиш даражасига (гемодилюция) боғлиқ. Катталар учун максимал доза суткада 50 мл/кг ни ташкил қилади, бу эса бир кг тана вазнига 3 г ГЭК, 6,85 ммоль натрий ва 0,2 ммоль калийга мос келади. Кўрсатилган миқдор 70 кг ли бемор учун 3500 мл Волюстим Плюс эритмасига тўғри келади. Максимал юбориш тезлиги клиник ҳолатга боғлиқ. Шокнинг ўткир фазасидаги беморлар учун тана вазнига соатига 20 мл/кг гача (минутига тана вазнига 0,33 мл/кг ёки соатига тана вазнига 1,2 г/кг га мос келади) юбориш мумкин. Ҳаёт учун хавф солувчи ҳолатларда 500 мл эритмани тез (босим остида) юбориш мумкин. Волюстим Плюсни болаларда қўллаганда препарат миқдори гемодинамик статус ва ёндош касалликларга мувофиқ равишда индивидуал равишда танланади. Янги туғилган чақалоқ ва болалар учун максимал суткалик доза 10 ёшгача бўлган болалар учун 25 мл/кг ни; янги туғилган чақалоқ ва 2 ёшгача бўлган болалар учун 25 мл/кг; 10 ёшдан 18 ёшгача – 33 мл/кг ни ташкил қилади.  

• Dori vositalarining o'zaro ta'siri

  ·      Волюстим Плюсни бошқа дори воситалари билан аралаштириш тавсия қилинмайди. ·      Организмда калий ёки натрийни ушлаб қолинишини чақирувчи препаратлар билан бир вақтда буюрганда эҳтиёткорликка риоя қилиш зарур. ·      Гидроксиэтилкрахмал аминогликозидли антибиотиклар билан бир вақтда буюрилганда, уларнинг нефротоксиклигини кучайтириши мумкин. ·      Гидроксиэтилкрахмалнинг гепарин ёки перорал антикоагулянтлар билан бир вақтда буюриш қон кетиш вақтини узайтириши мумкин. ·      Бошқа дори воситалари, айниқса бета-блокатор ва вазодилятаторларни қабул қилаётган беморларга алоҳида эътибор бериш лозим, чунки бунда ҳажм ўрнини босувчи даволашга қарамасдан тизимли артериал босимнинг ва юрак қисқариш сонининг ўзгариши аниқланмаслиги мумкин.

• Qo'llanilishi mumkin bo'lmagan holatlar

  ·      препаратга нисбатан индивидуал юқори сезувчанлик (шу жумладан гидроксиэтилкрахмалга) ·      гиперволемия; ·      сурункали юрак етишмовчилиги, ўпканинг кардиоген шиши; ·      қон ивиш тизимининг бузилиши; ·      бош мия ички қон кетиши; ·      сув-электролит мувозанати тикланишини талаб қилувчи дегидратация ҳолати; ·      олигурия ёки анурия билан кечувчи оғир даражали буйрак етишмовчилиги; ·      гемодиализдаги беморлар; ·      яққол жигар етишмовчилиги; ·      сепсис; ·      куйишларда қўллаш мумкин эмас. Эҳтиёткорлик билан ·      гиперкалиемия, гипернатриемия, гипермагниемия ва гиперхлоремия каби оғир электролит бузилишлари мавжуд бўлган беморлар; ·      оғир жигар касалликлари мавжуд бўлган пациентлар; ·      2 ёшгача бўлган болаларда эҳтиёткорлик билан қўлланади.

• Maxsus saqlash sharoitlari

  Қуруқ, ёруғликдан ҳимояланган жойда, 25°C дан юқори бўлмаган хароратда сақлансин. Музлатилмасин! Яроқлилик муддати 2 йил.

• Maxsus shartlar

  Ортиқча суюқлик юборилишидан сақланиш лозим. Биринчи навбатда юрак етишмовчилиги ва оғир буйрак етишмовчилиги мавжуд бўлган беморларда гипергидратация хавфи эҳтимоли борлигини ҳисобга олиш лозим. Бундай ҳолатларда Волюстим Плюс препарати дозасини камайтириш керак. Препаратни жуда тез юбориш ҳам кўп миқдорда юбориш сингари гемодинамиканинг бузилишига олиб келиши мумкин. Волюстим Плюс препарати буюрилганда суюқликни етарли миқдорда киришини таъминлаш ва буйрак функциясини ҳамда суюқлик мувозанатини мунтазам кузатиш лозим. Электролитларнинг зардобдаги концентрацияларини ва буйрак функциясини синчковлик билан назорат қилиш зарур. Оғир дегидратация ҳолатида даволаш инфузия шаклидаги кристаллоид эритма юбориш билан бошланади. Метаболик алкалоз ривожланганда, шунингдек алкалоз ҳолатини олдини олиш учун Волюстим Плюс эритмасини эмас, балки унга ўхшаш бўлган 0,9% ли натрий хлориди эритмасидаги ГЭК 130/0,42 (6%) (Волюстим) препаратини қўллаш мақсадга мувофиқдир. Гиперхлоремик ацидоздан сақланиш учун Волюстим Плюс (электролитларнинг мувозанатлаштирилган эритмасидаги ГЭК 130/0,42 6%) препарати бошқа эритмалардан афзалроқ ҳисобланади. Дозани ошириб юборилишидан келиб чиқувчи ортиқча суюқлик тўпланишидан доимо сақланиш лозим, бу ҳолат айниқса ёндош юрак касалликлари, буйрак етишмовчилиги мавжуд, шунингдек кекса ёшдаги беморлар учун хавфли ҳисобланади. Юқори дозаларда Волюстим Плюс гемодилюция самарасини чақиради. Қон зардобидаги умумий оқсилнинг миқдори, альбумин, гематокрит, гемоглобин, коагуляция омилларининг камайиш эҳтимолини ҳисобга олиш лозим. ГЭК нинг юборилиши зардобдаги амилаза фаоллигининг ошишига олиб келиши мумкин. Бу самара гидроксиэтилкрахмалларнинг метаболизми билан боғлиқ бўлганлиги учун, меъда ости бези функциясининг бузилиши сифатида баҳоланмаслиги керак. Волюстим Плюс α-амилаза гидролизидан кейин қон зардобидаги глюкоза концентрациясининг ошишига таъсир кўрсатмайди ва қандли диабети бўлган беморларда қўлланилиши мумкин. Препаратни катта ҳажмда юборилиши агглютинация реакциясига таъсир қилиши ва қон гуруҳини аниқлашда сохта-мусбат натижалар юзага келиши мумкин, шуни ҳисобга олган ҳолда беморнинг қони қайси гуруҳга алоқадорлигини билиш учун қон синамаси Волюстим Плюс юборилишидан олдин олиниши лозим. Фақат шикастланмаган флаконлардаги препарат қўлланилиши керак. Флакон фақат бир марта қўллаш учун мўлжалланган. Фақат тиниқ, механик қўшимчалари мавжуд бўлмаган эритма ишлатилсин. Ранги ўзгарган ёки кристалл ҳолидаги преципитат ҳосил бўлган эритмани юбориш мумкин эмас. Эритма ўрами очилган заҳотиёқ ишлатиш керак. Ишлатилмаган эритмани бартараф қилиш лозим. Ҳомиладорлик ва лактация даврида қўлланилиши Волюстим Плюс препаратини ҳомиладорлар ва эмизикли оналарда қўллаш ҳақидаги клиник маълумотлар йўқ. Хомиладорлик даврида, препаратнинг она учун тахмин қилинадиган фойдаси, ҳомилада учун потенциал хавфидан устун деб топилган ҳоллардагина қўлланади. Ҳозирги вақтда ГЭК ва электролитларнинг кўкрак сути билан ажралиши ҳақидаги маълумотлар мавжуд эмас, шунинг учун Волюстим Плюс препарати буюрилганда эмизишни тўхтатиб туриш назарда тутилиши  лозим. Препарат болалар ололмайдиган жойда сақлансин ва яроқлилик муддати ўтгач қўлланилмасин.  

• Nojo'ya samaralari

  Аллергик реакциялар: ўта юқори сезувчанлик реакциялари (тери тошмаси, қичишиш, иситма), кам ҳолларда – анафилактик реакциялар (ўта юқори сезувчанлик, енгил гриппсимон симптомлар, брадикардия, тахикардия, бронхоспазм, ўпканинг нокардиоген шиши), эшакеми. Бундай ҳолатларда препарат юборилишини дарҳол тўхтатиш ва зарур шошилинч чора-тадбирларни қўллаш лозим. Дерматологик реакциялар: тез-тез (дозага боғлиқ ҳолда) – ГЭК нинг юқори дозаларда узоқ вақт қўлланилиши тери қичишиши юзага келишига сабаб бўлиши мумкин ва бу ҳолат препарат охирги қўлланилганидан кейин  ҳам бир неча хафта ўтиб пайдо бўлиши ҳамда бир неча ой сақланиши мумкин. Қон ивиш тизими томонидан: кам ҳолларда (юқори дозаларда) – дозага боғлиқ ҳолда қон ивишининг бузилиши кузатилиши мумкин. ГЭК нинг нисбатан юқори дозалари гемодилюция натижасида қон ивиши омилларининг суюлтирилишига ва шу тариқа гемокоагуляциянинг бузилишига олиб келиши мумкин. Препарат юқори дозада юборилганида қон кетиш вақти ва ФҚТВ (фаоллашган қисман тромбопластин вақти) кўрсаткичининг ошиши, Виллебранд омилининг фаоллиги эса камайиши мумкин.

• Farmakokinetikasi

  Волюстим Плюс – айланиб юрган қон ҳажмини (АЮҚҲ) тўлдириш учун қўлланувчи сунъий коллоиддир. Волюстим Плюс плазма ўрнини босувчи гидроксиэтилкрахмалнинг (ГЭК) изоонкотик эритмаси бўлиб, бунинг натижасида у юборилганида томир ичидаги суюқлик ҳажми юборилган препарат ҳажмига пропорционал равишда ошади. Волюстим Плюс – қон айланиш тизимида узоқ вақт айланиб (коллоидоосмотиклик), АЮҚҲ ни оширади, гемодинамик кўрсаткичларни нормаллашиши ва яхшиланишига ёрдам беради. Узоқ вақт қон ҳажмининг сақлаш самарасини намоён этади, шунингдек қоннинг реологик хусусиятларига ижобий таъсир кўрсатади. Волюстим Плюс – макро- ва микроциркуляцияга самарали таъсир кўрсатади, тўқималар оксигенациясини яхшилайди, қондаги глюкоза миқдорига таъсир кўрсатмайди – қандли диабети мавжуд бўлган беморларда қўлланилиши мумкин, тўқима ва ретикуло-эндотелиал тизимда тўпланмайди. ГЭК гликогенга тузилиши жихатидан яқин бўлиб, шунинг учун у юқори толерантлик кўрсаткичига эга ва анафилактик реакциялар келтириб чиқариш хавфи паст. Волюстим Плюс, эритманинг юқори барқарорлиги ва ҳарорат ўзгаришларида флокуляция намоён қилмаслиги билан ажралиб туради. Волюстим Плюс препарати изотоник эритмасининг таркибига қуйидаги электролитлар киради: натрий (Na+), калий (K+), магний (Mg2+), хлор (Cl−) ва ацетат-иони (СНЗСОО−). Катионлар таркиби, плазмадаги электролитларнинг физиологик концентрацияга ўхшаш. Ацетат-иони турли аъзоларда оксидланади ва ишқорий таъсир кўрсатади, бу ацидоз хавфини минималлаштиришга ёрдам беради. Хлор ионлари кам миқдорда сақланади, бу гиперхлоремик метаболик ацидоз ривожланишининг олдини олади. Бу, айниқса юқори дозаларда юбориш зарурияти пайдо бўлганида ва метаболик ацидознинг хавфи юқори бўлганида жуда муҳим.  

• Farmakodinamikasi

  Волюстим Плюс препаратининг барқарор волемик самараси, препарат қон айланиш тизимига юборилганидан бошлаб 4 соат давомида 100% ни ташкил қилади. Терапевтик таъсири 6 соатгача давом этади. Тақсимланиши Волюстим Плюс препаратининг қон плазмасидаги in vivo шароитдаги ўртача молекуляр массаси инфузиядан кейинги биринчи минутларда 70000-80000 Да ни ташкил қилади ва бутун даволаш даври давомида буйрак фильтрациясинингминимал кўрсаткичидан юқори бўлиб қолади. 130/0,42 6% ли ГЭК препарати эритмасини 10 кун давомида 500 мл дан, кўп маротаба юборилганида ГЭК нинг қон плазмасида аҳамиятли тўпланиши аниқланмаган. Чиқарилиши 60000-70000 Да (буйрак фильтрациясининг минимал кўрсаткичи) дан кам бўлган ГЭК молекулалари в/и юборилганидан кейин сийдик орқали тез чиқарилади, йирикроқ молекулалари эса қон плазмасидаги α-амилаза ёрдамида парчаланганидан сўнг, улар ҳам буйраклар орқали чиқарилади. ГЭК нинг ўрин алмашиниш даражаси қанчалик кам бўлса, препарат шунчалик тезроқ α-амилаза томонидан гидролизланиб, буйраклар орқали чиқарилади шунингдек тўқималар (шу жумладан иммун тизими ҳужайраларида) ва қон плазмасида тўпланиши ҳам шунчалик камроқ бўлади. 500 мл Волюстим Плюс препарати юборилганидан кейин қон плазмасидаги клиренси минутига 31,4 мл ни ташкил этади. 500 мл препаратни бир марта юборилгандан кейин унинг қон плазмасидан ярим чиқарилиш даври (T1/2), чиқарилишнинг биринчи фазасида 1,4 соатни, иккинчисида – 12,1 соатни ташкил қилади ва бошланғич қийматига 24 соатдан сўнг қайтади. Алоҳида клиник ҳолатлардаги фармакокинетикаси Барқарор буйрак функциясининг бузилиши (енгилдан оғир даражагача) бўлган ва КК (креатинин клиренси) <50 мл/минутдан кам бўлган беморларда ГЭК нинг қондаги максимал концентрацияси (Cmax), айни миқдорда (500 мл) юборилишига қарамасдан, КК ≥50 мл/минут бўлган беморларга қараганда бир оз юқорироқ бўлган. Буйрак функциясининг бузилиши ГЭК чиқарилишининг сўнги фазасидаги T1/2 ва Cmax га таъсир кўрсатмаган. КК≥30 мл/минут бўлганида препаратнинг 59%, КК 15-30 мл/минут бўлганида эса – 51% сийдик билан чиқарилган. 

• Dozani oshirib yuborilishi

  Юрак қон-томир тизимининг ортиқча зўриқиши ёки гиперволемия (масалан ўпка шишининг ривожланиши) эҳтимоли мавжуд. Даволаш: препаратни дарҳол бекор қилиш ва зарур ҳолларда ҳалқали диуретикларни буюриш лозим.

• Umumiy ma'lumot

  VOLYUSTIM PLYUS infuziya uchun eritma 500ml qo'lanishi bo'yicha ko'rsatmalar QO‘LLASH BO‘YICHA YO‘RIQNOMA VOLYUSTIM VOLYUSTIME Preparatning savdo nomi: Volyustim Ta‘sir etuvchi moddalar (XPN): Gidroksietil kraxmal, natriy xloridi. Dori shakli: 6% va 10% infuziya uchun eritma. Tarkibi: O‘rin almashinish darajasi – 0,42, o‘rtacha molekulyar massasi 130000 Da bo‘lgan gidroksietil kraxmal – 60,0 g va 100 g; natriy  xloridi – 9,0 g; in‘eksiya uchun suv – 1 litrgacha. Farmakoterapevtik guruhi: Plazma o‘rnini bosuvchi vosita.   Farmakologik xususiyatlari Gidroksietilkraxmal (GEK) amilopektindan olinadi va molekulyar massasi va almashinish darajasi bo‘yicha xarakterlanadi. Volyustim uchun GEK o‘rtacha molekulyar massasi 130000Da, almashinish darajasi – 0,42 atrofida. GEK tuzilishi bo‘yicha glikogenga yaqin bo‘lib, bu uni  yuqori tolerantligini va anafilaktik reaksiyalar paydo bo‘lish xavfi pastligini  tushuntirib beradi. Qon tomir havzasida uzoq aylanib yuradi (kolloidosmotik), aylanayotgan qon hajmini (AQH) oshiradi, gemodinamik ko‘rsatkichlarni normallashishiga va yaxshilanishiga yordam beradi. Qon hajmini uzoq saqlash samarasini namayon etadi, shuningdek qonning reologik xususiyatlariga ijobiy ta‘sir ko‘rsatadi. Volyustim 6% – infuziya uchun eritmasi – bu plazma o‘rnini bosuvchi kolloid izoonkotik GEK eritmasi, ya‘ni tomir ichidagi plazma hajmi u bilan infuziya qilinganda yuborilgan hajmga ekvivalent ravishda oshadi. Volyustim 6% – barqaror volemik samarasi preparatni tomirga yuborilgan vaqtdan boshlab, 4 soat davomida 100%ni tashkil qiladi. Terapevtik samarasi 6 soat davom etadi va moddani molekulyar massasiga va almashinish darajasiga bog‘liq. Volyustim 10% – infuziya uchun eritmasi – giperonkotik eritma hisoblanib, 100% dan oshadigan yaqqol volemik samaraga ega.   Farmakokinetikasi Gidroksietilkraxmalning (GEK) farmakokinetikasi murakkab xarakterga ega va moddaning molekulyar massasiga va molekulyar almashinish darajasiga bog‘liq. Unchalik katta bo‘lmagan molekulalar kalava filtrasiyasi yordamida, o‘lchami katta molekulalar – α-amilaza bilan fermentativ gidrolizga uchraydi va keyinchalik buyrak orqali chiqariladi. Kiritilgan dozaning 50%  ga yaqin qismi siydik bilan 24 soat davomida chiqariladi. 500 ml Volyustimni bir marta yuborilganda GEK molekulalari organizmdan 24 soatdan keyin to‘liq chiqariladi. Ko‘ngillilarga xatto har kuni 500 ml 10% eritmani 10 kun davomida yuborilganda moddaning qon plazmasida sezilarli to‘planishi aniqlanmagan. GEK 200/0,5 ga nisbatan Volyustim plazma o‘rnini bosuvchi samarasi saqlanib,  yaxshilangan (metabolizmi va chiqarilishi optimallashgan) farmakokinetikasiga ega. Bunda preparatni ko‘p marta xatto yuqori dozalarda yuborilganda gemostaz tizimiga bo‘lgan ta‘sirining susayishi va GEK to‘qimalarda to‘planishini pasayishi yuz bergan.   Qo‘llanilishi Gipovolemiyani va gipovolemik shokni (kuyishlarda, qon ketishlarida, jarohatlarda, infeksion kasalliklarda, operasiyalarda) oldini olish va davolash, o‘tkir normovolemik gemodilyusiya, terapevtik gemodilyusiya, sentrifuga qilish yo‘li bilan leykositar massani yig‘ishni oshirish (leykaferezda qo‘shimcha  vostita sifatida), qon o‘rnini bosishda yuborilgan qon preparatlarini hajmini kamaytirish uchun qo‘llanadi.   Qo‘llash usuli va dozalari Eritma vena ichiga  yuborish uchun mo‘ljallangan. Sutkalik doza va yuborish tezligi yo‘qotilgan qon hajmiga, gemodinamik parametrlarga va qonni suyultirilish darajasiga (gemodilyusiya) bog‘liq. Anafilaktik reaksiyalar  xavfini maksimal erta aniqlash uchun bemorlarga preparatning birinchi 10-20 ml sekin tibbiy xodimning doimiy nazorati ostida yuborish lozim. 6% eritma – kattalar: 6% eritmani maksimal sutkalik dozasi 50 ml/kg dan oshmasligi kerak. Bolalar: chaqaloqlarda va 10 yoshgacha bo‘lgan bolalarda sutkalik doza – 25 ml/kg, 10-16 yoshdagi bolalarda sutkalik doza – 33 ml/kg ni tashkil qiladi. 10% eritma – kattalar: maksimal sutkalik dozasi 30 ml/kg. Bolalarda 10% eritmani qo‘llanishi va tavsiya qilinadigan dozalari to‘g‘risida klinik ma‘lumotlar yo‘q. Bolalarda 6% izoonkotik eritmani  qo‘llagan ma‘qulroqdir. Davolanish davomiyligi gipovolemiyaning davomiyligi va og‘irligiga, gemodinamikaga va gemodilyusiyaga bog‘liq. Maksimal yuborish tezligi klinik vaqtiga bog‘liq. Shokning o‘tkir bosqichda tavsiya qilinadigan yuborish tezligi tana vaznigacha soatiga 20ml/kg (soatiga 1,2 g GEK/ kg tana vazniga).   Nojo‘ya ta‘sirlari Turli og‘irlik darajasidagi allergik i anafilaktik reaksiyalar, o‘pka shishi, yurak yetishmovchiligi, qon zardobida amilaza darajasini oshishi, katta doza qo‘llanganda – qon ivish vaqtini, protrombin va qisman trombin vaqtini tranzitor uzayishi, gemodilyusiyada – zardobdagi  umumiy oqsil, albumin, kalsiy va fibrinogenni, gemoglobin darajasini pasayiishi (24 soat davomida) yuz berishi mumkin. Uzoq vaqt yuqori dozalarda yuborilganda terini qichishishi paydo bo‘lishi mumkin. Qo‘llash mumkin bo‘lmagan holatlar O‘ta yuqori sezuvchanlik, og‘ir gemorragik diatezlar va qon ketishlari bilan kechuvchi qon ivish tizimining boshqa buzilishlarida, shu jumladan koagulopatiyalarda, bosh miya ichki qon ketishlarida, gipervolemiya, gipergidratasiya, suv-elektrolit muvozanatini to‘g‘rilashni talab qiluvchi degidratasiyada, og‘ir dimlangan yurak yetishmovchiligi, buyrak faoliyatini oligo- va anuriya bilan kechuvchi yaqqol buzilishlarida (gipovolemiya bilan bog‘liq bo‘lmagan), og‘ir jigar yetishmovchiligi, gemodializda bo‘lgan pasientlarda qo‘llash, giperxloremiya, gipernatriemiya. Preparatni jigarning surunkali kasalliklarida, qon ivishini buzilishlarida, (ayniqsa gemofiliyada va aniqlangan va yoki shubha qilinayotgan Villebrand kasalligida), bolalarga (preparatni yuborish xavfsizligi va samaradorligi yetarli o‘rganilmagan, shuning uchun uni bolalarda preparatni ishlatishdan kutiladigan terapevtik samara potensial xavfdan ustun bo‘lgan hollarda qo‘llash mumkin) o‘ta ehtiyotkorlik bilan qo‘llash lozim.   Dorilarning o‘zaro ta‘siri Aminoglikozid antibiotiklarning nefrotoksikligini oshiradi. Preparatni boshqa moddalar bilan aralashtirishdan saqlanish lozim. Boshqa infuzion eritmalar, infuzion eritmalarni tayyorlash uchun konsentratlar, in‘eksion eritmalar va in‘eksiya uchun  eritmalarni tayyorlash uchun kukunlar bilan aralashtirilganda kimyoviy va terapevtik nomutanosiblik kuzatilishi mumkin. Maxsus ko‘rsatmalar Allergik reasiyalar rivojlanganida darhol infuziyani to‘xtatish va tegishli shoshilinch davolashni o‘tkazishni boshlash lozim. Preparatni qo‘llash vaqtida organizmni yetarli gidratasiyasini ta‘minlash lozim. Qon zardobida elektrolitlar miqdorini, suv muvozanatini nazorat qilish tavsiya qilinadi. Yaqqol degidratasiya hollarida birinchi navbatda suv-elektrolit muvozanatini normallashtirish lozim, tuzli eritmalarni yuborish afzal hisoblanadi. Davolashni o‘tkazishda buyrak faoliyatini nazorat qilish lozim. Ayniqsa yo‘ldosh yurak patologiyasi bo‘lgan pasientlarda, keksa pasientlarda qon hajmini xaddan ziyod oshishidan saqlanish lozim . Preparatni katta hajmlarini yuborish agglyutinasiya reaksiyalariga ta‘sir qilishi mumkin va qon guruhini aniqlashda soxta-musbat natijalarini berishi mumkinligi tufayli, pasientni qaysi qon guruhiga taaluqligini aniqlash uchun qon sinamasini Volyustimni yuborishdan oldin olish kerak. Bolalar uchun dozalarni bolani kolloidlarga bo‘lgan ehtiyojiga ko‘ra va asosiy kasallikni og‘irligi, gemodinamik ko‘rsatkichlari va suv muvozanatini hisobga olgan holda, individual tanlash lozim. Volyustimni chala tug‘ilgan chaqaloqlarda faqat xavf/foyda nisbatlarini sinchkov baholagandan keyin qo‘llash mumkin. Preparatni yuborilishi qon zardobida amilaza darajasini oshishiga olib kelishi mumkin, bu pankreatitni aniqlashda halaqit berishi mumkin. Bu samaraga me‘da osti bezi faoliyatini buzilishi sifatida qarash kerak emas. U gidroksietilkraxmallar metabolizmi bilan bog‘liq. Volyustimni oshgan dozalari suyultirish samarasini (dilyusiya) chaqiradi va gematokritni pasayishiga, shuningdek gemoglobin konsentrasiyasini, koagulyasiya omillarini va boshqa plazma proteinlarini  pasayishiga olib keladi. Yuborilgan dozaga ko‘ra GEK eritmalari koagulyasiya omillarini konsentrasiyalarini pasayishini chaqirishi, qon ketish vaqtini va FPTV (faollashtirilgan parsial tromboplastin vaqtini) indeksini oshirishi, Villebrand omilini faolligini kamaytirishi mumkin. Ammo Volyustimni qo‘llaganda bu o‘zgarishlar oldingi avlod GEK preparatlari infuziya qilingandagiga nisbatan ahamiyatli dararajada pasaygan va preparatning infuziyasi to‘xtatilgandan  6 soatdan keyin dastlabki darajasiga qaytadi. Quyish uchun faqat tiniq biroz tovlanuvchi va biroz sariq rangligacha bo‘lgan darajada rangsiz eritmalarni ishlatish lozim. Faqat shikastlanmagan flakonlardagi preparatni ishlatish lozim. Flakon faqat bir marta qo‘llash uchun mo‘ljallangan. Volyustimni flakon ochilgandan keyin iloji boricha tezroq ishlatish kerak. Homiladorlik va laktasiya Preparat homiladorlikda preparatni ishlatilgandagi ona uchun bo‘lgan foyda, homila uchun tadqiqot bo‘lgan potensial xavfdan ustun bo‘lgan hollarda qo‘llanadi. Hayvonlardagi eksperimental tadqiqotlarda preparatni homiladorlikni kechishiga, embrionni/homilani rivojlanishiga, tug‘ruqlarga va postnatal rivojlanishga bevosita yoki bilvosita nojo‘ya ta‘siri aniqlanmagan. Teratogenlik belgilari kuzatilmagan. Ushbu preparatni emizikli onalarda ishlatish bo‘yicha ma‘lumotlar yo‘q. Bu preparatni ayollarga laktasiya davrida buyurilganda ehtiyotkorlik namoyon qilish dozim. Preparat bolalar olaolmaydigan joyda saqlansin va o‘ramida ko‘rsatilgan yaroqlilik muddati o‘tganidan keyin ishlatilmasin.     Dozani oshirib yuborilishi Preparatni haddan ziyod dozada yoki  yuqori tezlikda  yuborilganda aylanayotgan qon hajmini xaddan ziyod oshishi bo‘ladi. Davolash: preparatni yuborishni to‘xtatish, zarur bo‘lganida diuretiklarni buyurish.   Chiqarilish shakli 6% va 10% infuziya uchun eritma 100 ml, 250 ml va 500 ml dan flakonlarda. Saqlash sharoiti Quruq va yorug‘likdan himoyalangan joyda, 250S dan yuqori bo‘lmagan haroratda saqlansin. Muzlatilishiga yo‘l qo‘yilmasin!   Yaroqlilik muddati 2 yil. Dorixonalardan berish tartibi Resept bo‘yicha. Ulashish: