AKUMIN NEFRO infuziya uchun eritma 250ml N1

Инструкция AKUMIN NEFRO infuziya uchun eritma 250ml N1

• Qadoqda soni

  1

• Dozirovkasi

  Preparat vena ichiga yuboriladi. Preparatning dozasini patsiyentning individual ehtiyojiga qarab tanlash kerak. Akumin Nefro uchun tavsiya etiladigan doza. O'tkir va surunkali buyrak yetishmovchiligi bo'lgan, gemo- yoki peritoneal dializda bo'lmagan patsiyentlarga: sutkada tana vazniga 0,5 g aminokislota buyuriladi. O'tkir va surunkali buyrak yetishmovchiligi bo'lgan, gemo- yoki peritoneal dializda bo'lgan patsiyentlarga: sutkada tana vazniga 1 g gacha bo'lgan dozada aminokislota buyuriladi. Maksimal dozasi: sutkada tana vazniga 1,5 g gacha bo'lgan dozada aminokislotani tashkil etadi. Vena ichiga yuborish tezligi minutiga 20 tomchidan oshmasligi kerak. Davolashning davomiyligi O'tkir buyrak yetishmovchiligida davolashning davomiyligi bir necha kundan 2 haftagacha bo'lgan muddatni tashkil etadi. Akumin Nefro preparatini patsiyentga parenteral oziqlantirish talab etilgan yoki yo'qolgan aminokislotalarni o'rnini to'ldirish zarur bo'lgan muddatgacha qo'llash mumkin.

• Dori vositalarining o'zaro ta'siri

  Hozirgi kunda hech qanday o'zaro ta'sirlari ma'lum emas.

• Qo'llanilishi mumkin bo'lmagan holatlar

  аминокислоталар алмашинувини туғма бузилишлари; шокнинг ўткир босқичида; инфузион даволаш учун умумий қарши кўрсатмалар: ўткир ўпка шиши, гипергидратация, декомпенсацияланган юрак етишмовчилиги, декомпенсацияланган гипотоник дегидратация; препаратнинг компонентларига юқори сезувчанликда қўллаш мумкин эмас. Гипонатриемияси бўлган, қоннинг осмолярлиги ошган пациентларга препаратни эҳтиёткорлик билан қўллаш керак.

• Maxsus saqlash sharoitlari

  Yorug'likdan himoyalangan joyda, 25° C dan yuqori bo'lmagan xaroratda saqlansin. Muzlatilmasin. Bolalar ololmaydigan joyda saqlansin. Faqat tiniq, flakonlari shikastlanmagan, eritmalar ishlatilsin. Flakon ochilganidan keyin preparatni darhol yuborish kerak. ishlatilgan flakondagi preparat ikkinchi marta qo'llanilmasin. Yaroqlilik muddati 2 yil. Yaroqlilik muddati tugaganidan so'ng ishlatilmasin.

• Maxsus shartlar

  Zardobdagi elektrolitlar, suyuqliklar muvozanati va buyrak funktsiyasini nazorat qilish kerak. Gipokaliyemiya va/yoki giponatriyemiya holatlarida bir vaqtda kaliy va/yoki natriyni yetarli miqdorda berish kerak. Aminokislota eritmalari folat kislotasini o'tkir tanqisligiga olib kelishi mumkin, shuning uchun folat kislotasini har kuni qabul qilishni buyurish kerak. Aminokislotalarni uglevodlarsiz yuborish qonda keton tanachalarini to'planishiga olib kelishi mumkin. Ushbu ketonemiyani korrektsiyasiga uglevodlarni yuborish orqali erishish mumkin. Homiladorlik va emizish davrida qo'llanishi Buyrak funktsiyasini buzilishlari bo'lgan patsiyentlarni parenteral oziqlantirishda aminokislotalarni yuborish hayotiy jihatdan muhim bo'lishi kerak. Zarurat bo'lganida aminokislota eritmalarini homiladorlikda va emizish davrida buyurish mumkin, bunda kutiladigan foyda va kuzatilishi mumkin bo'lgan havfni baholash kerak. Akumin Nefro homilador ayolga faqat juda zarur bo'lgan holatdagina buyurish kerak. Akumin Nefro preparatini yangi tug'ilgan chaqaloqlarga qo'llash mumkin emas.

• Nojo'ya samaralari

  Yuborish texnikasi, tavsiya etilgan dozalar va qo'llash mumkin bo'lmagan holatlarga rioya qilinganida nojo'ya samaralar kuzatilmagan. Kam holatlarda har qanday aminokislota eritmalari yuborilganida: eozonofillarning darajasini oshishi, mushaklarda og'riqlar, sklerodermiya, qo'l-oyoqlarni shishi, nafas faoliyatini qiyinlashishi bo'lishi mumkin.

• Farmakokinetikasi

  Akumin Nefro – parenteral oziqlantirish uchun mo'ljallangan L- aminokislotalarning infuzion eritmasidir. Akumin Nefro oqsil sintezi uchun kerak bo'ladigan aminokislotalar va kaloriya bilan ta'minlaydi, bu hujayra metabolizmini yaxshilanishiga olib keladi. Ushbu komponentlarni yuborilishi buyrak funktsiyasi buzilgan patsiyentlarda qonda mochevina azotini o'sish tezligini pasayishiga olib keladi. Akumin Nefro 7% li bilan davolash o'tkir buyrak yetishmovchiligi (O'BE) bo'lgan patsiyentlarning qon zardobida kreatininning darajasini pasayishiga olib keladi va shu orqali buyrak funktsiyasini yanada ertaroq tiklanishiga olib keladi. Akumin Nefroning 1 litr eritmasida 70 g aminokislota, 10, 80 g umumiy azot saqlanadi. Akumin Nefro barcha sakkizta almashinmaydigan aminokislota, shuningdek shartli almashinmaydigan L-Arginin, L-Gistidin, L-Serin va L-TSistein aminokislotalarini saqlaydi. L-aminokislotalar anabolik jarayonlarda (oqsillar sintezida) ishtirok etadi, katabolik jarayonlarni sekinlashtiradi, reparatsiya jarayonlarini tezlashtiradi, organizmning ekstra- va intratsellyulyar suyuqliklarining gomeostazini boshqaradigan bufer tizimining bir qismi hisoblanadi.

• Farmakodinamikasi

  Buyrak yetishmovchiligi (BE) da oqsillar va aminokislotalar almashinuviga buyrakning o'zining metabolik funktsiyasini buzilishi ta'sir qiladi. Turli aminokislotalar buyraklar tomonidan sintezlanadi va hosil bo'ladi va qong oqimiga: sistein, metionin, tirozin, arginin va serinlar ajralib chiqadi. Bunda buyrak funktsiyasini buzilishi BE da aminokislotalar pulini o'zgarishiga olib kelishi mumkin: Arginin, Tirozin, Sistein va Serin kabi aminokislotalar almashinadigan aminokislotalardan shartli almashinmaydigan aminokislotalarga aylanadi. Ayrim peptidlar tubulyar apparatda filьtrlanadi va katabolizmga uchraydi, bunda hosil bo'lgan aminokislotalar qayta so'riladi va qon oqimiga qaytadan tushadi. Buyrak yetishmovchiligida shuningdek gormonlarning katabolizmi sekinlashadi. Almashinmaydigan va shartli almashinmaydigan aminokislotalarning manbai sifatida parenteral oziqlantirilganda buyraklarning ushbu metabolik funktsiyasi yaxshilanadi. Taqsimlanishi Preparat vena ichiga yuborilganida organizmga tushadigan aminokislotalar anabolik ravishda utilizatsiya bo'ladilar va mavjud energetik substratlarda organizmdagi oqsillarning tarkibiga kirishadilar. Vena ichiga yuborilganida biokiraolishligi 100% ni tashkil etadi. Vena ichiga yuborilganida aminokislotalarni taqsimlanishi aminokislotalar organizmga MIY dan tushganida ovqatdagi oqsillar gidrolizga uchraganidagi taqsimlanishi bilan bir xil bo'ladi. Metabolizmi va chiqarilishi Preparat tavsiya etilgan tezlikda yuborilganida organizmga tushgan aminokislotalarning faqat ahamiyatsiz qismigina siydik bilan chiqariladi.

• Dozani oshirib yuborilishi

  Akumin Nefro preparatini dozasini oshirib yuborilishi haqida ma'lumotlar taqdim etilmagan.