SOLKOSERIL inyeksiya uchun eritma 2ml 42,5mg/ml N25

Инструкция SOLKOSERIL inyeksiya uchun eritma 2ml 42,5mg/ml N25

• Qadoqda soni

  25

• Umumiy ma'lumot

  SOLKOSERIL inyeksiya uchun eritma 2ml 42,5mg/ml N25 qo'lanishi bo'yicha ko'rsatmalar SOLKOSERIL SOLCOSERYL® preparatini pasientlar uchun tibbiyotda qo‘llash bo‘yicha YO‘RIQNOMA   Preparatning savdo nomi: Solkoseril Dori shakli: sirtga qo‘llash uchun gel va sirtga qo‘llash uchun surtma 1 g tarkibi: Solkoseril geli va Solkoseril surtmasi quyidagilarni saqlaydi: faol komponenti: Solkoseril (emadigan buzoqchalarning qonidan olingan proteinsizlangan dializat), quruq moddaga qayta hisoblaganda muvofiq 4,15 mg/g va 2,07 mg/g. yordamchi moddalar: Solkoseril gel – metilparagidroksibenzoat (Ye218), propilparagidroksibenzoat (Ye216), natriy karmelloza, propilenglikol, kalsiy laktati pentagidrati, in‘eksiya uchun suv, sut kislotasi va/yoki natriy gidroksidi. Solkoseril surtmasi – metilparagidroksibenzoat (Ye218), propilparagidroksibenzoat (Ye216), setil spirti, xolesterol, oq vazelin, in‘eksiya uchun suv. Ta‘rifi Solkoseril geli: gomogen, deyarli rangsiz, tiniq, zich konsistensiyali gel. Solkoserilning o‘ziga xos yengil (go‘sht bulonining hidi) hidli. Solkoseril surtmasi: bir xil, oqdan sarg‘ish tusli oq rangligacha bo‘lgan yog‘li massa. Solkoserilning o‘ziga xos yengil (go‘sht bulonining hidi) hidli va vazelin hidli. Farmakoterapevtik guruhi: jarohatlar va yaralar davolash uchun vosita. Jarohatlarni bitkazuvchi boshqa vositalar. ATX kodi: D03AX   Farmakologik xususiyatlari Solkoseril deproteinizasiyalashtirilgan gemodializati bo‘lib, kimyoviy va farmakologik xususiyatlari bugungi kunda faqat qisman ta‘riflangan, preparat katta miqdorda buzoqchalarning qon hujayrasi va zardobining quyimolekulyar birikmalarini saqlaydi (dializ/ultrafiltrasiya, chegaraviy molekulyar massasi 5000D gacha). Hujayra va to‘qimalarning turli kulturalarida, a‘zolarda, shuningdek hayvon organizmdagi o‘tkazilgan tadqiqotlar Solkoserilda quyidagi xususiyatlar mavjudligini ko‘rsatdi: – aerob energetik almashinuvni, shuningdek kerakli miqdordagi ozuqa moddalari bilan ta‘minlangan hujayralarda oksidlanish-fosforlanish jarayonlarni bir maromda ushlab turadi va/yoki tiklaydi, va shu orqali yuqori energiyali fosfatlar bilan ta‘minlanishini bir maromda ushlab turadi va/yoki tiklaydi; –  kislorodni o‘zlashtirilishini (in vitro sharoitida), gipoksiyaga uchragan va metabolizmi sustlashgan to‘qima va hujayralarda, glyukozani tashilishini oshiradi; – shikastlangan to‘qimalarda va/yoki yetarli miqdordagi ozuqa moddalar bilan ta‘minlanmagan to‘qimalarda reparativ va regenerativ jarayonlarni yaxshilaydi; – qaytuvchan shikastlangan xujayra tizimlarida ikkilamchi degenerasiyani va patologik o‘zgarishlarni bartaraf qiladi va/yoki kamaytiradi; – in vitro sharoitidagi modellarda kollagen sintezini kuchaytiradi, shuningdek – in vitro sharoitida hujayralar proliferasiyasini va migrasiyasini rag‘batlantiradi. Shunday qilib, Solkoseril gipoksiyaga moyil bo‘lgan to‘qimalarni va/yoki quvvatsizlanishga moyil bo‘lgan substratni himoyalaydi. Bu qaytuvchan shikastlangan to‘qima faoliyatini tiklanishini rag‘batlantiradi, shuningdek shikastlanishlarni bitishini tezlashtiradi va ushbu jarayonning sifatli kechishini oshiradi.   Qo‘llanilishi Solkoseril gel/surtmasi quyidagi hollarda qo‘llanadi: – axamiyatsiz shikastlanishlar (shilinishlar, tirnalishlar, kesilishlar); – 1 va 2 darajali kuyishlar (quyoshdan kuyish, termik kuyishlar); – sovuq urishlar; – qiyin bituvchi jarohatlar (shu jumladan trofiq yaralar va yotoq yaralar). Turli to‘qimalarda trofik shikastlanishlarini davolash uchun Solkoseril faqat jarohatdan nekrozga uchragan to‘qimalarni olib tashlanganidan keyin qo‘llanadi. Solkoseril geli davolashning boshlang‘ich bosqisida yangi jarohatlarga, nam ajralmalari bo‘lgan jaroxatlarga yoki xo‘llanish ko‘rinishlari bo‘lgan yaralarga qo‘yiladi. Solkoseril surtmasi, asosan (xo‘llanmagan) jarohatlarni davolash uchun qo‘llanadi.   Qo‘llash mumkin bo‘lmagan holatlar Preparatning komponentlaridan biriga yuqori sezuvchanlik. Allergik reaksiyalarga moyillik bo‘lganida ehtiyotkorlik bilan qo‘llash kerak.   Qo‘llash usuli va dozalari Solkoseril mahalliy qo‘llanadi. Kuniga 2 marta jarohatga yupka qavat qilib qo‘llanadi. Qo‘llash tajribasi Solkoseril gelini ayniqsa nam ajralmalari bo‘lgan jarohatlar yoki ho‘llanish ko‘rinishlari bo‘lgan yaralar uchun yaroqli ekanligini, surtma sifatida esa ayniqsa quruq jarohatlar uchun yaroqliligini ko‘rsatdi. Bolalar va o‘smirlar Adabiyotda bolalarda Solkoserilni qo‘llash hollari ta‘riflangan. Bolalarda Solkoseril surtmasini qo‘llagan afzal.   Nojo‘ya ta‘siri – Kam hollarda Solkoseril qo‘yilgan joyda eshakemi, chetda hosil bo‘lgan dermatit ko‘rinishidagi allergik reaksiyalar rivojlanishi mumkin. Bunday holda preparat bilan davolashni to‘xtatish va shifokorga murojaat qilish kerak. – Solkoseril geli qo‘yilgan joyda qisqa muddatli achishish sezilishi mumkin. Agarda achishish uzoq vaqt ichida ham o‘tmasa, Solkoseril gelini qo‘llashdan voz kechish kerak.   Preparatning dozasini oshirib yuborilishi (intoksikasiya) Solkoseril geli/surtmasining dozasini oshirib yuborilishining oqibatlari haqida ma‘lumotlar yo‘q.   Boshqa dori preparatlari bilan o‘zaro ta‘siri Solkoserilni mahalliy ta‘sirga ega boshqa dori preparatlar bilan o‘zaro ta‘siri aniqlanmagan.   Homiladorlik va emizish davrida qo‘llanishi Hayvonlarda o‘tkazilgan tadqiqotlar preparatni homila uchun xavfini aniqlamagan. Solkoserilni ayollarda homiladorlikni kechishiga va homilaga ta‘siri bo‘yicha tadqiqotlar o‘tkazilmagan. Solkoserilni homiladorlik va emizish davrida qo‘llanishi maqsadga muvofiq emas va uni faqat foyda xavfdan ustun bo‘lganda shifokor nazorati ostida qo‘llash mumkin.   Transport vositalarni boshqarish va mexanizmlar bilan ishlash qobiliyatiga ta‘siri Tadqiqotlar o‘tqazilmagan. Ehtiyotkorlik choralari – Solkoserilni ifloslangan jarohatga qo‘yish mumkin emas, chunki u o‘zining tarkibida mikroblarga qarshi komponentlarni saqlamaydi; – solkoserilni, barcha boshqa dori preparatlari kabi homiladorlik va laktasiya davrida qo‘llash maqsadga muvofiq emas va juda zarur bo‘lganida shifokorning nazorati ostida qo‘llash mumkin; – og‘riq xislari paydo bo‘lganda, Solkoseril qo‘yilgan joy bilan yaqin teri sohalarini qizarishida, jarohatdan ajratmalar chiqqanida, harorat oshganida darhol shifokorga murojaat qilish kerak; – agarda Solkoseril qo‘llanganida shikastlangan sohani bitishi 2-3 haftada kuzatilmasa, shifokorga murojaat qilish kerak.   Chiqarilish shakli Sirtga qo‘llash uchun Solkoseril geli. Sirtga qo‘llash uchun Solkoseril surtmasi. 20 g dan alyumin tubalarda. Tuba qo‘llash bo‘yicha yo‘riqnomasi bilan birga karton qutiga joylangan. Saqlash sharoiti 30ºS dan yuqori bo‘lmagan haroratda. Bolalar ololmaydigan joyda saqlansin.   Yaroqlilik muddati Ishlab chiqarilgan sanasidan boshlab 5 yil. O‘ramida ko‘rsatilgan yaroqlilik muddati o‘tganidan keyin ishlatilmasin. Ochilgan tubani hona haroratida (15º-25ºS) saqlanganda yaroqlilik muddati 28 kun.   Dorixonalardan berish tartibi Reseptsiz.   Ulashish: