DIOVAN tabletkalari 160mg N14

Инструкция DIOVAN tabletkalari 160mg N14

• Qadoqda soni

  14

• Umumiy ma'lumot

  DIOVAN tabletkalari 160mg N14 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA DIOVAN® DIOVAN®)   Preparatning savdo nomi: Diovan® Ta‘sir etuvchi modda (XPN): valsartan (valsartan) Dori shakli: qobiq bilan qoplangan tabletkalar Tarkibi: 1 tabletka quyidagilarni saqlaydi: Faol modda: 40 mg, 80 mg yoki 160 mg valsartan; Yordamchi moddalar: mikrokristall sellyuloza, krospovidon, kolloid kremniy dioksidi, magniy stearati, gipromelloza, titan dioksidi (Ye171), makrogol 8000, temir (III) oksidi (Ye172), temir (II) oksidi (Ye172), temir (II, III) oksidi (Ye172) – faqat 40 mg va 160 mg li tabletkalar uchun. Ta‘rifi: Diovan® 40 mg: sariq rangli oval, biroz qavariq shaklli, chetlari kesilgan, qobiq bilan qoplangan tabletkalar; bir tomonida riskasi bo‘lgan, riskaning bir tomonida “D” va boshqa tomonida “O” yozuvlari, tabletkaning orqa tomonida “NVR” yozuvi bo‘lgan tabletkalar. Diovan® 80 mg: och-qizil rangli dumaloq, chetlari kesilgan, qobiq bilan qoplangan tabletkalar; bir tomonida riskasi bo‘lgan, riskaning bir tomonida “D” va boshqa tomonida “V” yozuvlari, tabletkaning orqa tomonida “NVR” yozuvi bo‘lgan tabletkalar. Diovan® 160 mg: kulrang-to‘q-sariq rangli oval, biroz qavariq shaklli, chetlari kesilgan, qobiq bilan qoplangan tabletkalar; bir tomonida riskasi bo‘lgan, riskaning bir tomonida “DX” va boshqa tomonida “DX” yozuvlari, tabletkaning orqa tomonida “NVR” yozuvi bo‘lgan tabletkalar. Farmakoterapevtik guruhi: angiotenzin II antagonistlarining oddiy preparatlari. ATX kodi: S09SA03 Farmakologik xususiyatlari Farmakodinamikasi Valsartan ichga qabul qilish uchun mo‘ljallangan angiotenzin II reseptorlarining faol spesifik antagonistidir. U angiotenzin II ning samaralari uchun mas‘ul bo‘lgan AT1 kichik tur reseptorlariga tanlab ta‘sir qiladi. Valsartan tomonidan AT1-reseptorlarining blokadasi natijasida angiotenzin II ning oshgan darajalari erkin AT2–reseptorlarini rag‘batlantirishi mumkin, bu AT1–reseptorlarining samarasini muvofiqlashtiradi. Valsartan AT1–reseptorlari agonisti sifatida biron-bir qisman faollikka ega emas va AT2–reseptorlariga nisbatan AT1-reseptorlariga ancha yuqori (taxminan 20000 marta) yaqinlikka ega. Valsartan, shuningdek kininaza II sifatida ma‘lum bo‘lgan AAF (angiotenzinga aylantiruvchi ferment) ni susaytirmaydi, u angiotenzin I ni angiotenzin II ga aylantiradi va bradikininni parchalaydi. Preparatni arterial gipertenziyasi bo‘lgan pasientlarga buyurish arterial bosimning pasayishiga olib keladi, bunda puls tez-tezligiga ta‘sir qilmaydi. Ichga qabul qilinganidan keyin gipotenziv ta‘sirning boshlanishi taxminan 2 soat mobaynida, maksimumi esa 4-6 soat mobaynida aniqlanadi. Ta‘sir davomiyligi 24 soatdan ortiq. Maksimal terapevtik samara davolash boshlanganidan keyin 2-4 hafta o‘tgach rivojlanadi va uzoq muddatli davolashda saqlanib qoladi. Preparat gidroxlortiazid bilan birga qo‘llanganda arterial bosimni ishonchli qo‘shimcha pasayishiga erishiladi. Preparatni qabul qilishni to‘satdan to‘xtatish bekor qilish sindromini rivojlanishi bilan kechmaydi. Arterial gipertenziyasi bo‘lgan pasienlarda preparat uzoq muddat qo‘llanganida preparatning xolesterinning umumiy darajasiga, siydik kislotasining miqdoriga va shuningdek och qoringa o‘tkazilgan tekshirishlarda – qon zardobidagi trigliseridlar va glyukoza konsentrasiyasiga sezilarli ta‘sir ko‘rsatmasligi aniqlangan. Preparatni qo‘llash yurak yetishmovchiligi sababli gospitalizasiya hollarini kamayishiga, yurak yetishmovchiligini rivojlanishini sekinlashishiga, NYHA tasnifi bo‘yicha funksional sinfni yaxshilanishiga, yurakdan qonni otilib chiqish fraksiyasini oshishiga, shuningdek yurak yetishmovchiligining belgilari va simptomlarini kamayishiga va plaseboga qaraganda turmush sifatini yaxshilanishiga olib keladi. Farmakokinetikasi So‘rilishi. Valsartanni tabletkalar ko‘rinishida peroral qo‘llangandan keyin plazmadagi maksimal konsentrasiyasiga 2-4 soat davomida erishiladi. O‘rtacha mutloq biokiraolishligi 23% ni tashkil qiladi. Garchi dozani qabul qilingandan keyin taxminan 8 soat o‘tgach valsartanning plazmadagi konsentrasiyasi ovqat iste‘mol qilganlar va och qolganlar guruhida bir xil bo‘lgan bo‘lsada, ovqat valsartanni ekspozisiyasini (AUC bo‘yicha aniqlangan) taxminan 48% ga pasaytiradi. Biroq AUC ko‘rsatkichini pasayishi terapevtik samarani klinik sezilarli pasayishi bilan kechmaydi, shuning uchun valsartanni ham ovqat vaqtida, ham och qoringa qabul qilish mumkin. Taqsimlanishi. Valsartanni taqsimlanish hajmi muvozanat holatda vena ichiga yuborilgandan keyin, valsartan to‘qimalarda ekstensiv taqsimlanishiga ishora qilib, taxminan 17 litrni tashkil qiladi. Valsartan qon plazmasi oqsillari bilan, asosan qon zardobi albumini bilan sezilarli darajada (94-97%) bog‘lanadi. Biotransformasiyasi. Valsartan sezilarli darajada biotransformasiyaga uchramaydi, chunki faqat taxminan 20% gina metabolitlari ko‘rinishida chiqariladi. Gidroksimetabolit plazmada past konsentrasiyalarda (valsartanning AUC 10% dan kamrog‘i) aniqlangan. Bu metabolit farmakologik faol emas. Chiqarilishi. Valsartanning farmakokinetik egri chizig‘i multieksponensial xarakterga ega (T½α <1 soat va T½β taxminan 9 soat). Valsartan asosan safro orqali ahlat bilan (dozaning taxminan 83%) va buyrak orqali siydik bilan (dozaning taxminan 13%), asosan o‘zgarmagan holda chiqariladi. Yuborilgandan so‘ng valsartanning plazmadagi klirensi soatiga taxminan 2 l ni, buyrak klirensi esa – soatiga 0,62 l ni (umumiy klirensning taxminan 30%) tashkil etadi. Valsartanning yarim chiqarilish davri 6 soatni tashkil etadi. Alohida guruh pasientlaridagi farmakokinetikasi. Keksa yoshdagi pasientlar. Keksa yoshdagi ayrim pasientlarda valsartanning tizimli ta‘siri yosh pasientlarga qaraganda biroz ko‘proq namoyon bo‘lgan, biroq buning biron-bir klinik ahamiyati ko‘rsatilmagan. Buyrak faoliyatini buzilishi bo‘lgan bemorlar. Buyrak faoliyati va valsartanning tizimli ta‘sir orasida korrelyasiya aniqlanmagan. Shuning uchun buyrak faoliyatini buzilishi bo‘lgan pasientlarda preparatning dozasiga tuzatish kiritish talab qilinmaydi. Gemodializdagi pasientlarda preparatning farmakokinetikasini o‘rganish bo‘yicha tekshirishlar hozircha o‘tkazilmagan. Biroq, valsartan plazma oqsillari bilan yuqori bog‘lanish darajasiga ega va shuning uchun uni gemodializda chiqarilishining ehtimoli kam. Jigar faoliyatini buzilishi bo‘lgan bemorlar. Preparatning so‘rilgan dozasini taxminan 70%, asosan o‘zgarmagan holda safro bilan chiqariladi. Valsartan ahamiyatli biotransformasiyaga uchramaydi va kutilganidek valsartanning tizimli ta‘siri jigar faoliyatini buzilish darajasi bilan mos kelmaydi. Shuning uchun biliar bo‘lmagan jigar yetishmovchiligi bo‘lgan pasientlarda va xolestaz bo‘lmaganida, valsartanning dozasiga tuzatish kiritish talab qilinmaydi. Jigarning biliar sirrozi yoki safro chiqarish yo‘llarining obstruksiyasi bo‘lgan pasientlarda valsartanning AUC ko‘rsatkichi taxminan ikki marta oshadi. Qo‘llanilishi Arterial gipertenziya. Yurak yetishmovchiligi (Nyu-York kardiologlar assosiasiyasi (NYHA) tasnifi bo‘yicha II-IV sinf). Infarktdan keyingi holatda (chap qorincha yetishmovchiligi va/yoki chap qorinchaning sistolik disfunksiyasini belgilari, simptomlari va rentgenologik ma‘lumotlari bo‘lgan klinik barqaror pasientlarda) qo‘llanadi. Qo‘llash usuli va dozalari Arterial gipertenziya. Diovan® ning tavsiya etiladigan dozasi sutkada 1 marta 80 mg yoki 160 mg ni tashkil qiladi. Antigipertenziv samaraga 2 hafta davomida erishiladi, maksimal samara esa 4 haftadan keyin boshlanadi. Nazorat qilib bo‘lmaydigan arterial bosimi bo‘lgan pasientlarga sutkalik dozani 320 mg gacha oshirish mumkin; qo‘shimcha ravishda diuretiklarni buyurish mumkin. Diovan® ni shuningdek boshqa antigipertenziv vositalar bilan birga buyurish mumkin. Yurak yetishmovchiligi. Diovan® ning tavsiya qilinadigan boshlang‘ich dozasi sutkada ikki marta 40 mg ni tashkil qiladi. Dozani sutkada ikki marta 80 mg gacha yoki 160 mg gacha maksimal dozagacha oshirish, pasient tomonidan preparatni o‘zlashtirilishiga qarab, amalga oshirilishi lozim. Yondosh qo‘llanayotgan diuretiklarning dozasini kamaytirish masalasini ko‘rib chiqish kerak. Klinik sinovlarda qo‘llangan maksimal sutkalik doza bir nechta qabulga bo‘lingan holda 320 mg ni tashkil qildi. Yurak yetishmovchiligi bo‘lgan pasientlarning holatini baholash doimo buyrak faoliyatini baholashni o‘z ichiga olishi kerak. Infarktdan keyingi holat. Davolash miokard infarktidan keyin 12 soat o‘tishi bilanoq boshlanishi mumkin. 20 mg dan sutkada ikki martalik boshlang‘ich dozadan keyin, valsartanning dozasini keyingi bir necha hafta davomida 40 mg, 80 mg va 160 mg gacha oshirish mumkin. Boshlang‘ich dozani olish uchun 40 mg li tabletka ikkiga bo‘linadi. Maksimal doza – 160 mg sutkada ikki marta. Umuman olganda, davolash boshlanganidan keyin ikki hafta davomida pasientlar sutkada ikki marta 80 mg li doza darajasiga erishishlari va dozani titrlash davrida pasientning valsartanni o‘zlashtiraolishidan kelib chiqib, rejali maksimal dozaga uch oy davomida erishishlari tavsiya qilinadi. Agar simptomatik arterail gipotenziya yoki buyrak disfunksiyasi paydo bo‘lsa, dozani pasaytirish to‘g‘risidagi masalani ko‘rib chiqish kerak. Valsartan miokard infarktidan keyin tavsiya qilingan boshqa preparatlar (masalan, trombolitiklar, asetilsalisil kislotasi, β-blokatorlar va statinlar) bilan davolangan pasientlarda qo‘llanishi mumkin. Miokard infarktidan keyin pasientlarning holatini baholash doimo buyrak faoliyatini baholashni o‘z ichiga olishi kerak. Gipertenziyasi bo‘lgan va yurak-qon tomir xavfida glyukozaga tolerantlik buzilgan katta yoshdagi pasientlar. Diovan® ning tavsiya qilingan dozasi kuniga bir marta 80 yoki 160 mg ni tashkil qiladi. Davolashni 80 mg dan boshlaydigan pasientlar uchun dozani kuniga bir marta 160 mg gacha titrlash, pasient tomonidan preparatni o‘zlashtiraolinishiga qarab, amalga oshirilish lozim. Agar gipertenziyani nazorat qilishning iloji bo‘lmasa, unda davolashni Gipertenziya bandida ko‘rsatilganidek o‘tkaziladi. Barcha ko‘rsatmalar yuzasidan IZOH: buyrak faoliyatini buzilishi bo‘lgan pasientlarda yoki nobiliar kelib chiqishiga ega va xolestazsiz jigar yetishmovchiligi bo‘lgan pasientlarda preparatning dozasiga tuzatish kiritish talab qilinmaydi. Nojo‘ya ta‘sirlari Arterial gipertenziyasi bo‘lgan katta yoshdagi pasientlarda o‘tkazilgan nazoratli klinik tadqiqotlarda nojo‘ya reaksiyalarning umumiy soni plasebo bilan bir xil bo‘lgan va valsartanning farmakologiyasiga muvofiq bo‘lgan. Nojo‘ya reaksiyalarni yuz berish tez-tezligi doza yoki davolash davomiyligi bilan bog‘liq emasligi aniqlangan, shuningdek jins, yosh yoki irq bilan bog‘liqlikni yo‘qligi ham ko‘rsatilgan. Klinik, postmarketing va laborator tadqiqotlarda qayd etilgan nojo‘ya reaksiyalar, quyida a‘zolarning tizim sinflari bo‘yicha ko‘rsatilgan. Noxush reaksiyalarning paydo bo‘lish tez-tezligi quyidagicha baholanadi: juda tez-tez – ≥1/10, tez-tez – ≥1/100, <1/10, ba‘zida – ≥1/1000, < 1/100, kam – ≥1/10000, <1/1000, juda kam – <1/10000. Postmarketing tadqiqotlarda va laborator ko‘rsatkichlar bo‘yicha qayd etilgan barcha nojo‘ya reaksiyalar uchun, nojo‘ya reaksiyalarning biron bir tez-tezligini ko‘rsatishning iloji yo‘q, demak, bunday reaksiyalar «noma‘lum» tez-tezligi ko‘rinishida qayd etiladi. Gipertenziyada uchraydigan nojo‘ya reaksiyalar Qon va limfa tizimi tomonidan buzilishlar Noma‘lum Gemoglobinni pasayishi, gematokritni pasayishi, neytropeniya, trombositopeniya Immun tizimi tizimi tomonidan buzilishlar Noma‘lum Yuqori sezuvchanlik, shu jumladan zardob kasalligi Moddalar almashinuvi va oziqlanish tomonidan buzilishlar Noma‘lum Qon zardobida kaliyni oshishi Eshitish va muvozanat a‘zosi tomonidan buzilishlar Tez-tez emas Vertigo   Qon tomir tizimi tomonidan buzilishlar Noma‘lum Vaskulit Nafas, ko‘krak qafasi va ko‘ks oralig‘i a‘zolari tomonidan buzilishlar Tez-tez emas Yo‘tal Ovqat hazm qilish yo‘llari tomonidan buzilishlar Tez-tez emas Qorinda og‘riq Jigar va o‘t chiqarish yo‘llari tomonidan buzilishlar Noma‘lum Jigar faoliyati ko‘rsatkichlarini oshishi, shu jumladan qon zardobida bilirubin darajasini oshishi Teri va teri osti kletchatkasi tomonidan buzilishlar Noma‘lum Angionevrotik shish, bullez dermatit, toshma, qichishish Skelet-mushak tizimi va biriktiruvchi to‘qima tomonidan buzilishlar Noma‘lum Mialgiya Buyrak va siydik chiqarish yo‘llari tomonidan buzilishlar Noma‘lum Buyrak yetishmovchiligi va buyrak faoliyatini buzilishi, qon zardobida kreatinin darajasini oshishi Umumiy buzilishlar va yuborish joyidagi reaksiyalar Tez-tez emas Toliqish Quyidagi reaksiyalar arterial gipertenziyasi bo‘lgan bemorlarda klinik sinovlar o‘tkazish davri davomida, tekshirilayotgan preparat bilan sabab-oqibat bog‘liqlikdan qat‘iy nazar kuzatilgan: artralgiya, asteniya, belda og‘riq, diareya, bosh aylanishi, bosh og‘rig‘i, uyqusizlik, libidoni pasayishi, ko‘ngil aynishi, shishlar, faringit, rinit, sinusit, yuqori nafas yo‘llarining infeksiyalari, virusli infeksiyalar. Gipertenziyasi bo‘lgan va yurak-qon tomir xavfida glyukozaga tolerantlik buzilgan katta yoshdagi pasientlar. NAVIGATOR tadqiqotida Diovan® ni qo‘llangandagi nojo‘ya reaksiyalar, ilgari gipertenziyada xabar berilgan nojo‘ya reaksiyalarga o‘xshash bo‘lgan. Yurak yetishmovchiligi va infarktdan keyingi holat Nazoratli klinik tadqiqotlarda pasientlarda miokard infarktidan keyin va/yoki yurak yetishmovchiligi bo‘lgan pasientlarda kuzatilgan xavfsizlik profili, arterial gipertenziyasi bo‘lgan bemorlarda kuzatiladigan umumiy xavfsizlik profilidan farq qiladi. Bu pasientlarning asosiy kasalligi bilan bog‘liq bo‘lishi mumkin. Pasientlarda miokard infarktidan keyin va/yoki yurak yetishmovchiligi bo‘lgan pasientlarda uchraydigan nojo‘ya reaksiyalar quyida keltirilgan. Infarktdan keyingi holat va/yoki yurak yetishmovchiligida uchraydigan nojo‘ya reaksiyalar Qon va limfa tizimi tomonidan buzilishlar Noma‘lum Trombositopeniya Immun tizimi tizimi tomonidan buzilishlar Noma‘lum Yuqori sezuvchanlik, shu jumladan zardob kasalligi Modda almashinuvi va oziqlanish tomonidan buzilishlar Tez-tez emas Giperkaliemiya Noma‘lum Qon zardobida kaliyni oshishi Nerv tizimi tomonidan buzilishlar Tez-tez Bosh aylanishi, postural bosh aylanishi Tez-tez emas Sinkope, bosh og‘rig‘i Eshitish va muvozanat a‘zosi tomonidan buzilishlar Tez-tez emas Vertigo Yurak tomonidan buzilishlar Tez-tez emas Yurak yetishmovchiligi Qon tomir tizimi tomonidan buzilishlar Tez-tez Arterial gipotenziya, ortostatik gipotenziya Noma‘lum Vaskulit Nafas, ko‘krak qafasi va ko‘ks oralig‘i a‘zolari tomonidan buzilishlar Tez-tez emas Yo‘tal Me‘da-ichak yo‘llari tomonidan buzilishlar Tez-tez emas Ko‘ngil aynishi, diareya Jigar va o‘t chiqarish yo‘llari tomonidan buzilishlar Noma‘lum Jigar faoliyati ko‘rsatkichlarini oshishi Teri va teri osti kletchatkasi tomonidan buzilishlar Tez-tez emas Angionevrotik shish Noma‘lum Bullez dermatit, toshma, qichishish Skelet-mushak tizimi va biriktiruvchi to‘qima tomonidan buzilishlar Noma‘lum Mialgiya Buyrak va siydik chiqarish yo‘llari tomonidan buzilishlar Tez-tez Buyrak yetishmovchiligi va buyrak faoliyatini buzilishi Tez-tez emas O‘tkir buyrak yetishmovchiligi, qon zardobida kreatinin darajasini oshishi Noma‘lum Qonda mochevina azoti darajasini oshishi Umumiy buzilishlar va yuborish joyidagi reaksiyalar Tez-tez emas Asteniya, toliqish Quyidagi reaksiyalar yurak yetishmovchiligi bo‘lgan bemorlarda va/yoki infarktdan keyingi holatda klinik sinovlar o‘tkazish davri davomida, tekshirilayotgan preparat bilan sabab-oqibat bog‘liqlikdan qat‘iy nazar kuzatilgan: artralgiya, qorinda og‘riq, belda og‘riq, uyqusizlik, libidoni pasayishi, neytropeniya, shishlar, faringit, rinit, sinusit, yuqori  nafas yo‘llarining infeksiyalari, virusli infeksiyalar. Qo‘llash mumkin bo‘lmagan holatlar Valsartanga yoki preparatning har qanday komponentiga yuqori sezuvchanlik. Homiladorlik, emizish davri. Bolalar. Angiotenzin reseptorlari antagonistlari (ARA), shu jumladan valsartanni yoki angiotenzinga aylantiruvchi ferment ingibitorlari (AAFi) ni qandli diabetining 2 tipi bo‘lgan pasientlarda aliskiren bilan bir vaqtda qo‘llash mumkin emas. Dorilarning o‘zaro ta‘siri ARA, AAF ingibitorlari yoki aliskiren bilan renin-angiotenzin tizimini (RAT) ikki yoqlama blokadasi: ARB, shu jumladan Diovan® ni RAT ga ta‘sir qiluvchi boshqa moddalar bilan bir vaqtda qo‘llanishi, monoterapiyaga nisbatan gipotenziyalar, gipokaliemiyalar holatini oshishi va buyrak faoliyatini o‘zgarishi bilan kechishi mumkin. Diovan® va RAT ga ta‘sir qiluvchi boshqa moddalarni qabul qilayotgan bemorlarda arterial bosimni, buyrak faoliyatini va elektrolitlar darajasini nazorat qilish tavsiya qilinadi. Og‘ir buyrak yetishmovchiligi (kreatinin klirensi <30 ml/min) bo‘lgan pasientlarda ARB, shu jumladan valsartanni, yoki aliskiren bilan AAF ingibitorlarini bir vaqtda qo‘llashdan saqlanish kerak. 2 tip qandli diabeti bo‘lgan bo‘lgan pasientlarda ARB, shu jumladan Diovan® ni, yoki aliskiren bilan AAF ingibitorlarini bir vaqtda qo‘llash mumkin emas. Preparatning boshqa dori vositalari bilan klinik ahamiyatga ega o‘zaro ta‘sirlari qayd etilmagan. Klinik sinovlarda o‘rganilgan preparatlarga quyidagilar kiradi: simetidin, varfarin, furosemid, digoksin, atenolol, indometasin, gidroxlortiazid, amlodipin va glibenklamid. Valsartan sezilarli darajada metabolizmga uchramasligi tufayli, u uchun metabolizmi sitoxrom R450 tizimini qo‘zg‘atishi yoki susaytirishi oqibati darajasidagi boshqa dori vositalari bilan klinik ahamiyatli o‘zaro ta‘sirining ehtimoli kam. Valsartanni qon plazmasi oqsillari bilan ahamiyatli darajada bog‘lanishiga qaramay, in vitro sharoitdagi tekshirishlar ushbu darajada plazma oqsillari bilan yuqori bog‘lanish xususiyatiga ega bo‘lgan qator molekulalar, ayniqsa, diklofenak, furosemid va varfarin bilan biron-bir o‘zaro ta‘sirini aniqlamadi. Kaliy. Kaliyni tejovchi diuretiklar (spironolakton, triamteren, amilorid), kaliy qo‘shimchalari, kaliy saqlovchi tuz o‘rinbosarlarini yoki kaliy darajasini oshiruvchi boshqa preparatlarni (geparin va boshq.) birga qo‘llanishi qon zardobida kaliyning darajasini oshishiga va yurak yetishmovchiligi bo‘lgan pasientlarda qon zardobida kreatinin miqdorini oshishiga olib kelishi mumkin. Bunday majmuaviy davolash zarur bo‘lgan hollarda ehtiyotkorlikka amal qilish lozim. Nosteroid yallig‘lanishga qarshi preparatlar (NYAQP), shu jumladan SOG-2 ning selektiv ingibitorlari. Angiotenzin II antagonistlarini NYAQP bilan bir vaqtda qo‘llanganda antigipertenziv samarani susayishi yuz berishi mumkin. Bundan tashqari, angiotenzin II antagonistlarini NYAQP bilan bir vaqtda qo‘llanishi buyrak faoliyatini yomonlashish xavfini va qon zardobida kaliy darajasini oshishiga olib kelishi mumkin. Shuning uchun davolashni  boshida, shuningdek davolashni o‘zgartirishda bunday pasientlarda buyrak faoliyatini nazorat qilish  tavsiya qilingan. Litiy. Litiyni AAF ingibitorlari yoki angiotenzin II reseptori antagonistlari, shu jumladan Diovan® bilan birga qo‘llanganda qon zardobida litiyning konsentrasiyasini va uning toksikligini qaytuvchan oshishi to‘g‘risida xabar berilgan. Demak, birga qo‘llanganda litiyning zardobdagi konsentrasiyasini sinchkov monitoringi tavsiya qilinadi. Agar diuretik xam ishlatilsa, unda Diovan® bilan litiyning toksiklik xavfi ehtimol oshishi mumkin. Transporterlar. Odam jigari to‘qimasida in vitro sharoitida o‘tkazilgan tadqiqot natijalari, valsartan jigarda qamrab olish transporteri OATP1B1 substrati va jigardan qon oqib chiqishi transporteri MRP2 substrati ekanligidan dalolat beradi. Qamrab olish transporteri ingibitorlarini (rifampisin, siklosporin) yoki qon oqib chiqishi transporteri (ritonavir) ni bir vaqtda buyurilishi valsartanning tizimli ta‘sirini oshirishi mumkin.   Maxsus ko‘rsatmalar Organizmda natriy va/yoki aylanayotgan qon hajmining (AQH) tanqisligi bo‘lgan pasientlar. Organizmda natriy va/yoki aylanayotgan qon hajmining (AQH) tanqisligi bo‘lgan bemorlarda, masalan diuretiklarning yuqori dozalarini qabul qilayotgan bemorlarda kam hollarda Diovan® bilan davolashning boshida simptomatik gipotenziya paydo bo‘lishi mumkin. Diovan® bilan davolashni boshlashdan oldin organizmda natriy va/yoki aylanayotgan qon hajmining miqdorini to‘g‘rilashni, masalan diuretikning dozasini kamaytirish yo‘li bilan o‘tkazish kerak. Gipotenziya rivojlangan hollarda pasientni yotqizish va zarurat bo‘lganida venaga fiziologik eritma bilan infuziyani o‘tkazish kerak. Davolashni arterial bosim barqarorlashgandan keyinoq darhol davom ettirish mumkin. Buyrak arteriyasining stenozi. Buyrak arteriyasining bir tomonlama stenozi tufayli ikkilamchi rivojlangan renovaskulyar gipertenziyali 12 nafar bemorda Diovan® ni qisqa muddatli kursda qo‘llanishi, buyrak gemodinamikasi, qon zardobida kreatinin yoki qonda mochevina azoti darajasining hech qanday jiddiy o‘zgarishlariga olib kelmagan. Biroq, renin-angiotenzin-aldosteron tizimiga (RAAT) ta‘sir qiluvchi boshqa dori vositalari buyrak arteriyasining bir yoki ikki tomonlama stenozi bo‘lgan bemorlarda qon zardobida mochevina va kreatinin darajalarini oshishini chaqirishi mumkinligini hisobga olib, ehtiyotkorlik chorasi sifatida ushbu ko‘rsatkichlarni muntazam ravishda nazorat qilish tavsiya qilinadi. Buyrak faoliyatini buzilishlari. Buyrak faoliyatini buzilishi bo‘lgan bemorlarda preparatning dozasiga tuzatish kiritish talab qilinmaydi. Biroq, yaqqol buzilishlarda (kreatinin klirensi <10 ml/min bo‘lganida) ehtiyotkorlikka rioya qilish tavsiya etiladi, chunki bunday hollarda preparatni qo‘llash tajribasi yo‘q. Angitenzin reseptorlari antagonistlari (ARA), shu jumladan valsartanni yoki AAF ingibitorini aliskiren bilan birga og‘ir buyrak yetishmovchiligi (kreatinin klirensi <30 ml/min) bo‘lgan pasientlarda qo‘llanishidan saqlanish kerak. Jigar faoliyatini buzilishi. Jigar yetishmovchiligi bo‘lgan pasientlarda preparatning dozasiga tuzatish kiritish talab qilinmaydi. Valsartan asosan o‘zgarmagan holda safro bilan chiqariladi. O‘t chiqarish yo‘llarining obstruksiyasi bo‘lgan bemorlarda valsartan klirensining pasayganligi kuzatilgan. Shuning uchun Valsartanni o‘t chiqarish yo‘llarining obstruksiyasi bo‘lgan pasientlarga buyurilganida o‘ziga xos ehtiyotkorlikka rioya qilish lozim. Yurak yetishmovchiligi/Infarktdan keyingi holat. Yurak yetishmovchiligi bo‘lgan yoki infarktdan keyingi holatdagi, Diovan® ni odatdagi dozalarda qabul qilayotgan pasientlarda, arterial bosimni biroz pasayishi aniqlanadi, lekin uzoq muddatli simptomatik gipotenziya tufayli davolashni to‘xtatish, agar preparatni dozalashga taalluqli yo‘riqnomaga amal qilinsa, odatda kerak emas. Davolashni boshlayotgan yurak yetishmovchiligi bo‘lgan yoki infarktdan keyingi holatdagi pasientlarda ehtiyotkorlik zarur. Renin-angiotenzin-aldosteron tizimini (RAAT) susayishi tufayli, yuqori sezuvchanlikka ega pasientlarda buyrak faoliyatini buzilishlari bo‘lishi mumkin. Buyrak faoliyati renin-angiotenzin-aldosteron tizimining faolligiga bog‘liq og‘ir yurak yetishmovchiligi bo‘lgan pasientlarda, AAF ingibitorlari va angiotenzin reseptorlari antagonistlari bilan davolash oliguriya va/yoki azotemiyani avj olishi bilan kechishi va (kam) o‘tkir buyrak yetishmovchiligi va/yoki o‘lim bilan yakunlanishi mumkin. Yurak yetishmovchiligi bo‘lgan yoki infarktdan keyingi holatdagi pasientlarning holatini baholash doimo buyrak faoliyatining holatini o‘z ichiga olishi kerak. Yurak yetishmovchiligi bo‘lgan pasientlarda AAF ingibitorlari, beta-blokatorlar va valsartanning uch tomonlama majmuasini qo‘llaganda ehtiyotkorlikka rioya qilish lozim. Angionevrotik shish Valsartan qabul qilgan pasientlarda angionevrotik shish to‘g‘risida, shu jumladan nafas yo‘llari obstruksiyasiga va/yoki yuz, lab, tomoq va/yoki tilni shishiga olib keluvchi xiqildoq va tovush boylamlari shishi to‘g‘risida xabar berilgan; bu pasientlarning ayrimlari boshqa preparatlarni, shu jumladan AAF ingibitorlarini qabul qiliganlarida ilgari Kvinke shishidan aziyat chekkanlar. Kvinke shishi rivojlangan hollarda Diovan® preparati bilan davolash darhol to‘xtatilishi lozim va preparat takror buyurilmasligi kerak. Renin-angiotenzin tizimini (RAT) ikki yoqlama blokadasi ARA, shu jumladan valsartanni, AAF ingibitori yoki aliskiren kabi RAT ni bloklovchi boshqa vositalar bilan birga qo‘llangan vaqtda ehtiyotkorlikka amal qilish lozim. Homiladorlik yoki emizish davrida qo‘llanishi. Tug‘ruq yoshidagi ayollar «Renin-angiotenzin-aldosteron» tizimiga (RAAS) bevosita ta‘sir qiluvchi har qanday boshqa preparat kabi, Diovan® ni xam homiladorlikni rejalashtirayotgan ayollarda buyurish mumkin emas. RAAS ga ta‘sir qiluvchi har qanday dori vositalar buyurilganda tug‘ruq yoshidagi ayollarni homiladorlik vaqtida bu vositalarning potensial xavfi to‘g‘risida ogohlantirish kerak. Homiladorlik «Renin-angiotenzin-aldosteron» tizimiga (RAAS) bevosita ta‘sir qiluvchi har qanday boshqa preparat kabi, Diovan® ni xam homiladorlik vaqtida buyurish mumkin emas. Angiotenzin II antagonistlarining ta‘sir mexanizmini hisobga olib, homila uchun xavfni inkor qilish mumkin emas. Angiotenzin-aylantiruvchi ferment (AAF) ingibitorlarining bachadonga ta‘siri, ularni homiladorlikning II va III uch oyliklarida buyurilganida, rivojlanayotgan homilaning shikastlanishi va o‘limiga olib kelishi to‘g‘risida xabar berilgan. Bundan tashqari, retrospektiv ma‘lumotlarda, AAF ingibitorlarini homiladorlikning birinchi uchoyligida ishlatilishi tug‘ma nuqsonlarning potensial xavfi bilan bog‘liq bo‘lgan. Homilador ayollar behosdan valsartan qabul qilganlarida, spontan abort, yangi tug‘ilgan chaqaloqlarda kamsuvlik va buyrak disfunksiyasi hollari to‘g‘risida xabarlar mavjud. Agar preparat bilan davolanish davrida homiladorlik aniqlansa, Diovan® preparatni qabul qilishni darhol to‘xtatish kerak. Emizish davri Valsartanni odamning ko‘krak sutiga o‘tishi noma‘lum. Ayollarda emizish davrida Diovan® ni qo‘llash tavsiya qilinmaydi. Fertillik Diovan® ni odamlarda fertillikka ta‘sir qilishi to‘g‘risida ma‘lumotlar yo‘q. Bolalar. Diovan® ni bolalarda (18 yoshgacha bo‘lganlarda) qo‘llash xavfsizligi va samaradorligi aniqlanmagan. Avtotransportni yoki boshqa mexanizmlarni boshqarishda reaksiya tezligiga ta‘sir etish xususiyati. Boshqa antigipertenziv vositalarni buyurilganda kabi, avtotransportni haydashda va mexanizmlar bilan ishlashda ehtiyotkorlikka rioya qilish lozim. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin. Dozani oshirib yuborilishi Diovan® ning dozasini oshirib yuborilishi oqibatida yaqqol gipotenziya rivojlanishi mumkin, bu ongni susayishiga, kollapsga va/yoki shokka olib kelishi mumkin. Agar preparat yaqinda qabul qilingan bo‘lsa, qusishni chaqirish kerak. Arterial gipotenziyada odatdagi davolash usuli, vena ichiga tuzli eritmani yuborish hisoblanadi. Valsartanni gemodializ yordamida organizmdan chiqarish mumkinligining ehtimoli kam.   Chiqarilish shakli 40 mg, 80 mg va 160 mg dan №14, №28 dan qobiq bilan qoplangan tabletkalar.   Saqlash sharoiti 30oS dan yuqori bo‘lmagan haroratda saqlansin. Namlik ta‘siridan himoya qilinsin.   Yaroqlilik muddati. 3 yil. Dorixonalardan berish tartibi Resept bo‘yicha. Ulashish: