PREGABALIN RIXTER kapsulalar 75mg N14

Инструкция PREGABALIN RIXTER kapsulalar 75mg N14

• Qadoqda soni

  14

• Umumiy ma'lumot

  PREGABALIN RIXTER kapsulalar 75mg N14 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA PREGABALIN-RIXTER PREGABALIN-RICHTER   Preparatning savdo nomi: Pregabalin-Rixter (Pregabalin-Richter) Ta‘sir etuvchi modda (XPN): pregabalin (pregabalin) Dori shakli: kapsulalar Tarkibi: 75 mg li kapsula tarkibi: ta‘sir etuvchi modda: pregabalin 75,00 mg, yordamchi moddalar: laktoza monogidrati, makkajo‘xori kraxmali, talk. Kapsula qobig‘ining tarkibi: jelatin, temir (II) oksidi (Ye172), titan dioksidi (E171), temir (III) oksidi (E172), temir (II,III) oksidi (E172). 150 mg li kapsula tarkibi: ta‘sir etuvchi modda: pregabalin 150,00 mg, yordamchi moddalar: laktoza monogidrati, makkajo‘xori kraxmali, talk. Kapsula qobig‘i tarkibi: jelatin, temir (III) oksidi (E172), temir (II,III) oksidi (E172), temir (II) oksidi (Ye172), titan dioksidi (E171). 300 mg li kapsula tarkibi: ta‘sir etuvchi modda: pregabalin 300,00 mg, yordamchi moddalar: laktoza monogidrati, makkajo‘xori kraxmali, talk. Kapsula qobig‘i tarkibi: jelatin, temir (II,III) oksidi (E172), temir (III) oksidi (E172). Ta‘rifi 75 mg li kapsulalar: Kapsula qobig‘i: markirovkasiz, o‘lchami №4 «Coni-Snap», qopqog‘i: och jigarrang, korpusi – och jigarrang. 150 mg li kapsulalar: Kapsula qobig‘i: markirovkasiz, o‘lchami №2 «Coni-Snap», qopqog‘i: jigarrang, korpusi – jigarrang. 300 mg li kapsulalar: Kapsula qobig‘i: markirovkasiz, o‘lchami №0 «Coni-Snap», qopqog‘i: to‘q jigarrang, korpusi – to‘q jigarrang. Farmakoterapevtik guruhi: tutqanoqqa qarshi boshqa vositalar. ATX kodi: N03AX16 Farmakologik xususiyatlari Farmakodinamikasi Ta‘sir etuvchi modda: pregabalin – gamma-aminomoyli kislota analogidir ((S)-3-(aminometil)-5-metilgeksan kislotasi). Ta‘sir mexanizmi Pregabalin markaziy nerv tizimida [3H]-gabapentinni qaytarib bo‘lmaydigan darajada o‘rnini bosib, potensialga bog‘liq kalsiy kanallarning qo‘shimcha subbirligi bilan (alfa-2-delta-protein) bog‘lanishi aniqlangan. Bunday bog‘lanish pregabalinning og‘riqni qoldirish va tirishishga qarshi samarasini vujudga keltiradi degan taxmin mavjud. Neyropatik og‘riq Pregabalin diabetik neyropatiyasi va postgerpetik nevralgiyasi bo‘lgan pasientlarda samarali. Neyropatik og‘riqning boshqa turlarida samarasi o‘rganilmagan. Pregabalin bilan 13 haftagacha sutkada ikki marta va 8 haftagacha sutkada 3 marta qabul qilish kursi bilan davolanganda, nojo‘ya samaralar rivojlanishi xavfi va preparatning samarasi sutkada 2 yoki 3 marta qabul qilishda bir xilligi aniqlangan. 13 hafta davomiylikdagi kurs bilan qabul qilganda og‘riq birinchi hafta davomida kamaygan, samara esa butun davolash kursi davomida saqlangan. Pregabalinni qabul qilgan pasientlarning 35% da va plasebo qabul qilgan pasientlarning 18% da og‘riq indeksi 50% ga kamaygani kuzatilgan. Pregabalinni qabul qilgan va uyquchilik kuzatilmagan pasientlarda og‘riq indeksi 50% ga kamayishi 33% holatlarda kuzatilgan; plasebo qabul qilgan pasientlarda bu ko‘rsatkich 18% ni tashkil etgan. Uyquchilik pregabalinni qabul qilgan pasientlarning 48% da va plasebo qabul qilgan pasientlarning 16% da kuzatilgan. Fibromialgiya Fibromialgiyada og‘riq simtomini yaqqol kamayishi pregabalinni sutkada 300-600 mg dozada qabul qilgan pasientlarda kuzatilgan. Sutkada 450 mg va 600 mg dozalarning samaradorligi o‘xshash bo‘lgan, ammo sutkada 600 mg dozasi o‘zlashtiraolishi yomonroq bo‘lgan. Bundan tashqari pregabalinni qo‘llash fonida pasientlarning funksional faolligi yaxshilanishi kuzatilgan, shuningdek uyqu buzilishining yaqqolligi kamaygan. Sutkada 600 mg dozada pregabalinni qo‘llash sutkada 300-450 mg dozasiga nisbatan yaqqol uyqu yaxshilanishiga olib kelgan. Tutqanoq 12 hafta davomida sutkada 2 yoki 3 marta preparatni qabul qilganda noxush reaksiyalar rivojlanishi xavfi va preparatning samaradorligi bunday dozalash tartibida bir xil ekanligi aniqlangan. Tirishishlar tez-tezligini kamayishi preparatni qabul qilishni birinchi haftasidan boshlab kuzatilgan. Tarqalgan xavotirli buzilishlar Davolashning birinchi haftasidan boshlab tarqalgan xavotirli buzilishlarning simptomatikasini kamayishi kuzatilgan. Davolanishning 8 haftasidan keyin Gamilton (NAM-A) xavotirlik shkalasi bo‘yicha simptomlar 50% ga kamayishi pregabalinni qabul qilgan pasientlarning 52% da va plasebo qabul qilgan pasienlarning 38% da kuzatilgan. Farmakokinetikasi Sog‘lom ko‘ngillilar, tutqanoq bilan xastalangan pasientlar va surunkali og‘riq sindromi bo‘lgan pasientlarda muvozanatli holatda pregabalin farmakokinetikasining o‘xshash ko‘rsatkichlari kuzatilgan. So‘rilishi Pregabalin och qoringa ichga qabul qilinganda tez so‘riladi. Qon plazmasida maksimal konsentrasiyasiga (Cmax) bir marta qabul qilganda ham, takroran qabul qilganda ham 1 soat ichida erishiladi. Ichga qabul qilganda pregabalin biokiraolishligi ≥ 90% ni tashkil etadi va dozaga bog‘liq emas. Takroran qabul qilinganda muvozanat konsentrasiyaga 24-48 soatdan so‘ng erishiladi. Ovqat qabul qilish Cmax ni taxminan 25-30% ga kamaytiradi, maksimal konsentrasiyaga erishish vaqti (tmax) taxminan 2,5 soatgacha oshadi. Ammo ovqat qabul qilish pregabalinning umumiy so‘rilishiga klinik ahamiyatli ta‘sir ko‘rsatmaydi. Taqsimlanishi Ichga qabul qilinganidan so‘ng pregabalinning taqsimlanish hajmi (Vd) taxminan 0,56 l/kg ni tashkil etadi. Pregabalin qon plazmasi oqsillari bilan bog‘lanmaydi. Metabolizmi Pregabalin deyarli metabolizmga uchramaydi. Nishonlangan pregabalin qabul qilinganidan so‘ng radiofaol nishonning taxminan 98% siydikda o‘zgarmagan holda aniqlangan. Pregabalinning N-metilizasiya qilingan hosilasining ulushi, u esa siydikda aniqlanadigan asosiy metabolit hisoblanadi, dozadan 0,9% ni tashkil etgan. Pregabalinning S-enantiomeri R-enantiomerga rasemizasiya bo‘lishi belgilari aniqlanmagan. Chiqarilishi Pregabalin asosan buyraklar orqali o‘zgarmagan holda chiqariladi. Pregabalin yarim chiqarilishining o‘rtacha davri 6,3 soatni tashkil etadi. Plazmadan pregabalin klirensi va buyrak klirensi kreatinin klirensiga to‘g‘ri proporsional. Buyrak faoliyatini buzilishi va gemodializda bo‘lgan pasientlarda dozaga tuzatish kiritish kerak (“Qo‘llash usuli va dozalari” bo‘limiga qarang, 1-jadval). To‘g‘ri proporsionallik/teskari proporsionallik Pregabalinni tavsiya etilgan sutkalik dozalar diapazonidada qo‘llaganda uning farmakokinetikasi to‘g‘ri chiziqli xarakterga ega, individlararo o‘zgarishlar past (<20%). Takroriy qo‘llaganda preparatning farmakokinetikasini bir marta qabul qilingan doza natijalaridan olingan ma‘lumotlarga ko‘ra oldindan bilish mumkin. Demak, qon plazmasida pregabalin konsentrasiyasini muntazam ravishda tekshirish zaruriyati mavjud emas. Jins Pasientning jinsi qon plazmasida pregabalin konsentrasiyasiga klinik ahamiyatli ta‘sir ko‘rsatmaydi. Pasientlarning alohida guruhlari Buyrak faoliyatini buzilishi Pregabalinning klirensi kreatinin klirensiga to‘g‘ri proporsional. Pregabalin asosan buyraklar orqali chiqishini inobatga olib, buyrak faoliyatini buzilishi bo‘lgan pasienlarda pregabalin dozasini kamaytirish kerak. Bundan tashqari u qon plazmasidan gemodializda samarali chiqariladi (4 soatlik gemodializdan so‘ng qon plazmasida pregabalin konsentrasiyasi taxminan 50% ga kamayadi), gemodializdan so‘ng preparatni qo‘shimcha dozasi buyuriladi (“Qo‘llash usuli va dozalari” bo‘limiga qarang, 1-jadval). Jigar faoliyati buzilishi Jigar faoliyatini buzilishi bo‘lgan pasientlarda maxsus farmakokinetik tadqiqotlar o‘tkazilmagan. Pregabalin deyarli metabolizmga uchramasligi va asosan buyraklar orqali o‘zgarmagan holda chiqarilishi munosabati bilan, jigar faoliyati buzilishi qon plazmasida pregabalin konsentrasiyasiga sezilarli ta‘sir ko‘rsatmasligi kerak. 65 yoshdan oshgan keksa pasientlar Pregabalinning klirensi yosh o‘tgan sari kamayishga moyil, bu yoshga oid kreatinin klirensi pasayishini aks ettiradi. Buyrak faoliyatini buzilishi bo‘lgan keksa odamlarda preparat dozasini kamaytirish kerak bo‘lishi mumkin. (“Qo‘llash usuli va dozalari” bo‘limiga qarang, 1-jadval).   Qo‘llanilishi Neyropatik og‘riq Katta pasientlarda neyropatik og‘riqni davolash. Tutqanoq Ikkilamchi generalizasiya bilan kuzatiladigan yoki kuzatilmaydigan parsial tirishishga xurujlari bo‘lgan katta pasientlar uchun qo‘shimcha davolash sifatida. Tarqalgan xavotirli buzilishlar Katta pasientlarda tarqalgan xavotirli buzilashlarni davolash. Fibromialgiya Katta pasientlarda fibromialgiyani davolashda qo‘llanadi. Qo‘llash usuli va dozalari Dozalar Pregabalin-Rixter preparati faqat ichga qabul qilish uchun mo‘ljallangan. Ovqat qabul qilishdan qat‘iy nazar bir sutkalik doza 2 yoki 3 marta qabul qilishda 150 mg dan 600 mg gacha tashkil etadi. Neyropatik og‘riq Preparatning boshlang‘ich dozasi sutkada 2 yoki 3 marta qabul qilishda 150 mg ni tashkil etadi. Erishilgan samaraga va preparat o‘zlashtirishiga qarab, 3-7 kundan so‘ng sutkalik dozani 300 mg gacha oshirish mumkin, zaruriyat bo‘lsa, yana 7 kundan keyin maksimal doza 600 mg gacha oshirish mumkin. Tutqanoq Preparatning boshlang‘ich dozasi sutkada 2 yoki 3 marta qabul qilishda 150 mg ni tashkil etadi. Erishilgan samaraga va preparat o‘zlashtirishiga qarab, 1 haftadan so‘ng preparatning dozasini sutkada 300 mg gacha oshirish mumkin. Zaruriyat bo‘lsa, yana 1 haftadan keyin maksimal doza 600 mg gacha oshirish mumkin. Tarqalgan xavotirli buzilishlar Pregabalinning bir sutkalik doza 2 yoki 3 marta qabul qilishda 150 mg dan 600 mg gacha tashkil etadi. Davolashni davom ettirish zaruriyatini doimo baholab borish kerak. Preparatning boshlang‘ich dozasi sutkada 150 mg ni tashkil etadi. Erishilgan samaraga va preparat o‘zlashtirishiga qarab, 1 haftadan so‘ng preparatning dozasini sutkada 300 mg gacha oshirish mumkin. Yana bir haftadan so‘ng sutkali dozani 450 mg gacha oshirish mumkin. Yana 1 haftadan keyin maksimal sutkalik dozani  600 mg gacha oshirish mumkin. Fibromialgiya Preparatning boshlang‘ich dozasi 75 mg dan sutkada 2 martani tashkil qiladi (sutkada 150 mg). Erishilgan samaraga va preparat o‘zlashtirishiga qarab, 3-7 kundan so‘ng sutkalik dozani 300 mg gacha oshirish mumkin. Ijobiy samara bo‘lmasa, sutkalik dozani 450 mg gacha oshirish mumkin, zaruriyat bo‘lsa yana 7 kundan keyin maksimal sutkalik dozani 600 mg gacha oshirish mumkin. Pregabalinni bekor qilish Agar pregabalin bilan davolashni to‘xtatish zarur bo‘lsa, buni preparat qaysi ko‘rsatma bo‘yicha buyurilganidan qat‘iy nazar, uni asta-sekin, hech bo‘lmasa bir hafta davomida dozani kamaytirib qabul qilishni bekor qilish kerak. Buyrak faoliyati buzilishi bo‘lgan pasientlar Pregabalin organizmdan asosan buyraklar orqali o‘zgarmagan holda chiqariladi. Pregabalinning klirensi kreatinin klirensiga to‘g‘ri proporsional bo‘lganligi uchun, buyrak faoliyatini buzilishi bo‘lgan pasientlarga preparat dozasi 1-jadvalda keltirilgan ma‘lumotlarga muvofiq, quyidagi formula bo‘yicha hisoblanadigan kreatinin klirensini (KK) inobatga olgan holda shaxsiy tartibda aniqlanadi: KK (ml/minut) = [ 1,23 x [140 – yosh (yillar)] x tana vazni (kg) ] ( x 0,85 ayollar uchun) Qon zardobidagi kreatinin (mkmol/l) Pregabalin qon plazmasidan gemodializda samarali (4 soat davomida preparatning 50%) chiqariladi. Gemodializ bilan davolanadigan pasientlarda pregabalinning sutkalik dozasi buyrak faoliyatini inobatga olgan holda aniqlanadi. Bevosita 4 soatlik gemodializdan so‘ng preparatning qo‘shimcha dozasi beriladi (1-jadvalga qarang). 1-jadval. Buyrak faoliyatini inobatga olgan holda pregabalin dozasini aniqlash Kreatinin klirensi (KK) (ml/minut) Pregabalinning sutkalik dozasi * Sutkada qabul qilish soni   Boshlang‘ich doza (mg/sut) Maksimal doza (mg/sut)   ≥ 60 150 600 Sutkada 2 yoki 3 marta ≥30 – <60 75 300 Sutkada 2 yoki 3 marta ≥15 – <30 25–50 150 Sutkada 1 yoki 2 marta < 15 25 75 Sutkada 1 marta Gemodializdan so‘ng qo‘shimcha doza (mg)   25 100 Bir marta+ * Sutkalik doza (mg/sut) preparatni qabul qilish soniga qarab, bir necha qismga bo‘linishi kerak. + Qo‘shimcha doza bir marta beriladi. Jigar faoliyatini buzilishi bo‘lgan pasientlar Jigar faoliyatini buzilishi bo‘lgan pasientlarda preparat dozasiga tuzatish kiritish talab etilmaydi («Farmakokinetikasi»: «Jigar faoliyati buzilishlari» bo‘limiga qarang). 12 yoshgacha bolalar va o‘smirlarda (shu jumladan 12-17 yosh) qo‘llash «Pregabalin-Rixter» preparatini 12 yoshgacha bolalar va o‘smirlarda qo‘llashning xavfsizligi va samaradorligi aniqlanmagan. Preparatni bolalarda qo‘llash tavsiya etilmaydi. Keksa pasientlarda (65 yoshdan katta) qo‘llash Buyrak faoliyati pasayishi oqibatida 65 yoshdan katta pasientlarda pregabalin dozasini kamaytirish kerak bo‘lishi mumkin. («Farmakokinetikasi»: «Buyrak faoliyati buzilishlari» bo‘limiga qarang). Dozani o‘tkazib yuborish Pregabalin dozasi o‘tkazib yuborilgan bo‘lsa, navbatdagi dozani iloji boricha tezroq qabul qilish kerak. Preparatning dozasini ikki marta qabul qilish tavsiya etilmaydi. Keyingi kunda preparatni odatdagi qabulini boshlang. Nojo‘ya ta‘siri Pregabalinni 8900 nafar pasienlarda klinik tadqiqotlari dasturi doirasida (ulardan 5600 nafari ikki tomonlama yashirin plasebo nazoratlangan tadqiqotda ishtirok etishgan) eng ko‘p tarqalgan nojo‘ya reaksiyalar uyquchanlik va bosh aylanishi bo‘lgan. Kuzatilgan ko‘rinishlar odatda yengil yoki o‘rtacha bo‘lgan. Nojo‘ya reaksiyalar rivojlanishi oqibatida pregabalin va plaseboni bekor qilish tegishlicha 12% va 5% ni tashkil etdi. Davolashni to‘xtatishni talab qilgan asosiy nojo‘ya reaksiyalar bosh aylanishi va uyquchanlik bo‘lgan. Nojo‘ya reaksiyalar tizim-a‘zolar sinflari bo‘yicha va tez-tezliligi bo‘yicha tasniflangan: juda tez-tez (> 1/10), tez-tez (> 1/100, < 1/10), tez-tez emas (>1/1000, <1/100), kam hollarda (<1/1000), tez-tezligi noma‘lum (mavjud ma‘lumotlar asosida tez-tezligini baholash imkoniyati yo‘q). Sanab o‘tilgan nojo‘ya reaksiyalar asosiy kasallik va /yoki yondosh davolash bilan bog‘liq bo‘lishi mumkin. Nojo‘ya reaksiyalar uchrashi tez-tezligi, shu jumladan markaziy nerv tizimi tomonidan, ayniqsa uyquchanlik kabi nojo‘ya reaksiyalar orqa miya shikastlanishi oqibatida vujudga kelgan markaziy neyropatik og‘riqni davolashda oshadi. Dorilarning noxush reaksiyalari Infeksiyalar va invaziyalar: tez-tez emas: nazofaringit. Qon va limfatik tizim tomonidan buzilishlar: kam hollarda: neytropeniya. Immun tizimi tomonidan buzilishlar: tez-tezligi noma‘lum: o‘ta yuqori sezuvchanlik, angionevrotik shish, allergik reaksiya. Oziqlanish va moddalar almashinuvi tomonidan buzilishlar: tez-tez: ishtahani oshishi; tez-tez emas: anoreksiya, gipoglikemiya. Ruhiy buzilishlar: tez-tez: eyforiya, ongni chalkashishi, ta‘sirchanlik, libidoni pasayishi, dezorientasiya, uyqusizlik; tez-tez emas: gallyusinasiyalar, vasvasa xurujlari, betoqatlik, ajitasiya, depressiya, tushkunlik, kayfiyat o‘zgaruvchanligi, depersonalizasiya, so‘zlar tanlashda qiyinchilik, odatdagi bo‘lmagan tushlar, libidoni oshishi, anorgazmiya, apatiya; kam hollarda: tormozlanish, kayfiyatni oshishi; tez-tezligi noma‘lum: tajavuzkorlik. Nerv tizimi tomonidan buzilishlar: juda tez-tez: bosh aylanishi, uyquchanlik; tez-tez: ataksiya, koordinasiyani buzilishi, tremor, dizartriya, xotirani yomonlashishi, paresteziya, diqqatni buzilishi, sedasiya, muvozanat buzilishi, letargiya, bosh og‘rig‘i; tez-tez emas: hushdan ketish, stupor, mioklonik tirishishlar, psixomotor qo‘zg‘alish, ta‘m hissini yo‘qolishi, diskineziya, postural bosh aylanishi, intension tremor, nistagm, kognitiv buzilishlar, nutq buzilishi, reflekslarni susayishi, gipesteziya, amneziya, giperesteziya, achishish hissi; kam hollarda: gipokineziya, parosmiya, disgrafiya; tez-tezligi noma‘lum: hushdan ketish, aqliy faoliyatni pasayishi, tirishishlar, lohaslik. Ko‘rish a‘zosi tomonidan buzilishlar: tez-tez: ko‘rishni xiralashishi, diplopiya; tez-tez emas: ko‘rish qobiliyati buzilishi, ko‘zlarni shishi, ko‘rish maydonini tushib qolishi, ko‘rish o‘tkirligi pasayishi, ko‘zda og‘riq, astenopiya, ko‘zlarni qurishi, ko‘z yoshini ko‘p oqishi; kam hollarda: periferik ko‘rishni yo‘qolishi, ossillopsiya, chuqurlikni ko‘rish hissi buzilishi, fotopsiya, ko‘zlarni ta‘sirlanishi, midriaz, g‘ilaylik, ko‘rish hissi o‘tkirlashishi; tez-tezligi noma‘lum: ko‘rishni yo‘qolishi, keratit. Eshitish a‘zosi tomonidan buzilishlar va labirint buzilishlari: tez-tez: vertigo; tez-tez emas: giperakuziya. Yurak tomonidan buzilishlar: tez-tez emas: taxikardiya, birinchi darajali atrioventrikulyar blokada; kam hollarda: sinusli taxikardiya, sinusli bradikardiya, sinusli aritmiya; tez-tezligi noma‘lum: surunkali yurak yetishmovchiligi, QT intervalining davomiyligini oshishi. Qon tomirlar tomonidan buzilishlar: tez-tez emas: teri giperemiyasi, qizib ketish hissi, arterial gipotenziya, arterial gipertenziya; kam hollarda: qo‘l-oyoqlar sovushi. Nafas olish tizimi, ko‘krak qafasi va ko‘ks oralig‘i a‘zolari tomonidan buzilishlar: tez-tez emas: hansirash, burun shilliq qavatini qurishi; kam hollarda: burundan qon ketishi, tomoqda siqilish hissi, yo‘tal, burun bitishi, rinit, xurrak otish; tez-tezligi noma‘lum: o‘pka shishi. Me‘da-ichak yo‘llari tomonidan buzilishlar: tez-tez: qusish, og‘izni qurishi, qabziyat, meteorizm; tez-tez emas: qorinni dam bo‘lishi, gastroezofageal reflyuks kasalligi, so‘lak chiqarilishini oshishi, og‘iz bo‘shlig‘i shilliq qavatini gipesteziyasi; kam hollarda: assit, pankreatit, disfagiya; tez-tezligi noma‘lum: tilni shishi, diareya, ko‘ngil aynishi. Teri va teri osti to‘qimalar tomonidan buzilishlar: tez-tez emas: papulyoz toshma, terlash; kam hollarda: eshakemi, sovuq ter; tez-tezligi noma‘lum: Stivens-Djonson sindromi, qichishish. Skelet-mushak tizimi va biriktiruvchi to‘qimalar tomonidan buzilishlar: tez-tez emas: mushaklarda tortishishlar, bo‘g‘imlarni shishi, mushak tirishishi, mialgiya, artralgiya, belda og‘riq, qo‘l oyoqlarda og‘riq, mushaklar tangligi; kam hollarda: rabdomioliz, bo‘yin mushaklari spazmi, bo‘yinda og‘riq. Buyrak va siydik chiqarish yo‘llari tomonidan buzilishlar: tez-tez emas: siydikni tutolmaslik, dizuriya; kam hollarda: buyrak yetishmovchiligi, oliguriya; tez-tezligi noma‘lum: siydik tutilishi. Jinsiy a‘zolar va sut bezi tomonidan buzilishlar: tez-tez: erektil disfunksiya; tez-tez emas: eyakulyasiya kechikishi, jinsiy disfunksiya; kam hollarda: amenoreya, sut bezidan ajralmalar, sut bezida og‘riq, dismenoreya, sut bezlari hajmi kattalashishi; tez-tezligi noma‘lum: ginekomastiya. Umumiy buzilishlar va yuborish joyidagi buzilishlar: tez-tez: yurishni buzilishi, mastlik hissi, toliqish, shishlar, shu jumladan periferik; tez-tez emas: yiqilish, ko‘krakda siqilish hissi, asteniya, chanqoqlik, og‘riq, patologik hislar, isitma; kam hollarda: tarqalgan shishlar, gipertermiya; tez-tezligi noma‘lum: yuzni shishi. Laborator va instrumental tekshiruvlar natijalariga ta‘siri: tez-tez: tana vaznini oshishi; tez-tez emas: qonda kreatinfosfokinaza, alaninaminotransferaza, aspartataminotransferaza faolligini oshishi, trombositlar sonini kamayishi; kam hollarda: qonda glyukoza miqdori oshishi, qonda kaliy miqdori kamayishi, qonda leykositlar soni kamayishi, qonda kreatinin miqdori oshishi, tana vaznini kamayishi. Uzoq muddatli yoki qisqa muddatli davolagandan so‘ng pregabalinni bekor qilinganidan so‘ng, ayrim pasientlarda preparatni bekor qilish simptomlari bilan birga  quyidagi nojo‘ya asoratlar kuzatilgan: uyqusizlik, bosh og‘rig‘i, ko‘ngil aynishi, xavotirlik, diareya, grippsimon sindrom, asabiylik, depressiya, og‘riqlar, tirishishlar, ko‘p terlash va bosh aylanishi. Preparatni buyurganda bu haqida pasientni ogohlantirish kerak. Uzoq muddat davolagandan so‘ng pregabalinni bekor qilinganidan keyin bekor qilish sindromi og‘irligi va rivojlanishi tez-tezligi dozaga bog‘liq bo‘lishi mumkinligi to‘g‘risida ma‘lumotlar olingan.   Qo‘llash mumkin bo‘lmagan holatlar Faol yoki preparatning har qanday yordamchi komponentiga yuqori sezuvchanlik. Galaktozani o‘zlashtiraolmaslik, laktaza yetishmovchiligi yoki glyukozo-galaktoz malabsorbsiya; Bolalar va 17 yoshgacha bo‘lgan o‘smirlarda (ma‘lumotlar mavjud emasligi sababli) qo‘llash mumkin emas. Ehtiyotkorlik bilan Buyrak yetishmovchiligi (“Qo‘llash usuli va dozalari” bo‘limiga qarang) va yurak yetishmovchiligi (“Nojo‘ya ta‘sirlari” bo‘limiga qarang). Preparatni anamnezda dori vositalarga qaramligi bo‘lgan pasientlarga ehtiyotkorlik bilan buyurish kerak. Bunday pasientlar preparat bilan davolanish davrida sinchkov tibbiy kuzatuvga muhtoj. Dorilarning o‘zaro ta‘siri Pregabalin asosan buyrak orqali o‘zgarmagan holda chiqarilishi va odamda minimal darajada metabolizmga uchrashi sababli (metabolitlar ko‘rinishida buyrak orqali preparat dozasining 2% dan kam miqdori chiqariladi), u in vitro sharoitda boshqa dori vositalari metabolizmini susaytirmaydi va plazma oqsillari bilan bog‘lanmaydi, shuning uchun preparat farmakokinetik o‘zaro ta‘siriga kirishishi ehtimoli juda kam. Pregabalin fenitoin, karbamazepin, valproat kislotasi, lamotridjin, gabapentin, lorazepam, oksikodon yoki etanol bilan klinik ahamiyatli farmakokinetik o‘zaro ta‘sirga kirishishi belgilari aniqlanmagan. Og‘iz orqali qabul qilinadigan gipoglikemik vositalar, diuretiklar, insulin, fenobarbital, tiagabin va topiramat pregabalin klirensiga klinik ahamiyatli ta‘sir ko‘rsatmasligi aniqlangan. Pregabalin bilan bir vaqtda tarkibida noretisteron va/yoki etinilestradiol saqlovchi kontraseptivlar qabul qilinishi preparatlarning muvozanatli farmakokinetikasiga ta‘sir ko‘rsatmaydi. Pregabalin etanol va lorazepam ta‘sirini kuchaytirishi mumkin. Nazoratlangan klinik tadqiqotlarda ko‘p marta pregabalin ichga oksikodon, lorazepam yoki etanol bilan qabul qilinganda nafas olish qobiliyatiga klinik ahamiyatli ta‘sir aniqlanmagan. Pregabalin MNTni susaytiruvchi boshqa preparatlar bilan birga qabul qilishda nafas olishni buzilishi va koma rivojlanishi mumkin. Pregabalin oksikodon vujudga keltirgan kognitiv va harakat faoliyatini buzilishini kuchaytiradi degan taxmin mavjud. Keksa yoshdagi pasientlarda preparatni maxsus farmakokinetik tadqiqotlari o‘tkazilmagan. O‘zaro ta‘siri faqat katta yoshdagi sog‘lom ko‘ngillilarda o‘tkazilgan.   Maxsus ko‘rsatmalar Qandli diabeti bo‘lgan pasientlarda pregabalin bilan davolanish oqibatida tana vaznini oshishi munosabati bilan gipoglikemik vositalar dozasi o‘zgartirilishi kerak bo‘lishi mumkin. Angionevrotik shish simptomlari rivojlangan hollarda (yuzni shishi, og‘iz sohasi shishi yoki tepa nafas yo‘llari to‘qimalari shishi kabi) pregabalinni qabul qilishni darhol to‘xtatish kerak. Pregabalin bilan davolanish fonida bosh aylanish va uyquchanlik kuzatilgan, ular yoshi katta pasientlarda tasodifiy jarohatlarga (yiqilish) olib kelishi mumkin. Shuningdek xushdan ketish, ongni chalkashishi va aqliy faoliyatini buzilishi to‘g‘risida xabarlar mavjud. Shu munosabat bilan davolanishning ehtimolli nojo‘ya asoratlari ma‘lum bo‘lmaguncha, pasientlar ehtiyot bo‘lishlari kerak. Nazoratlangan tadqiqotlarda ko‘rish qobiliyati pasayishi plasebo qabul qilgan pasientlarga nisbatan pregabalin qabul qilgan pasientlarda ko‘proq kuzatilgan. Aksariyat vaziyatda preparatni qabul qilish bekor qilinganidan so‘ng ko‘rish o‘tkirligi tiklangan. Oftalmologik tekshiruvni nazarda tutgan klinika tadqiqotlarda ko‘rish o‘tkirligi pasayishi va ko‘rish maydoni o‘zgarishi plasebo qabul qilgan pasientlarga nisbatan pregabalin qabul qilgan pasientlarda ko‘proq kuzatilgan; ko‘z tubini tekshirganda ham o‘zgarishlar plasebo qabul qilgan pasientlarga nisbatan pregabalin qabul qilgan pasientlarda ko‘proq kuzatilgan. Preparatni postmarketing qo‘llaganda ham ko‘rish a‘zosi tomonidan noxush reaksiyalar kuzatilgan, bular qatorida ko‘rishni yo‘qolishi, ko‘rishni noaniqligi va boshqa o‘zgarishlar, ularning ko‘pi o‘tuvchan bo‘lgan. Pregabalin bilan davolash tugatilganidan so‘ng ko‘rish a‘zosi tomonidan namoyon bo‘lgan simptomlarni bartaraf etilishi yoki ularning og‘irlik darajasi pasayishini kutish mumkin. Buyrak yetishmovchiligini rivojlanishi haqida xabarlar mavjud. Ayrim vaziyatlarda pregabalin qabul qilinishini bekor qilinganidan so‘ng buyrak faoliyati tiklangan. Tirishish pregabalin bilan bostirilganda tutqanoqga qarshi boshqa vositalarni bekor qilib, ushbu preparat bilan monoterapiya o‘tkazish maqsadga muvofiqligi to‘g‘risida ma‘lumotlar yetarli emas. Pregabalin bilan uzoq muddatli yoki qisqa muddatli davolaganda ayrim pasientlarda preparatni bekor qilish simptomlari kuzatilgan: uyqusizlik, bosh og‘rig‘i, ko‘ngil aynishi, xavotirlik, diareya, grippsimon sindrom, asabiylik, depressiya, og‘riqlar, tirishishlar, terlash va bosh aylanishi. Pregabalin bilan davolashni boshlashdan avval bu haqida pasientlarni ogohlantirish kerak. Pregabalinni qo‘llash fonida yoki uni bekor qilgandan so‘ng darhol tirishish, shu jumladan tutqanoq statusli yoki katta tutqanoq xuruj vujudga kelishi mumkin. Uzoq muddatli davolangandan so‘ng, pregabalin qabul qilinshi bekor qilinganidan so‘ng, bekor qilish sindromi og‘irligi va rivojlanishi tez-tezligi dozaga bog‘liq bo‘lishi mumkinligi to‘g‘risida ma‘lumotlar olingan. Preparatni postmarketing qo‘llaganda prenabalin bilan davolanish fonida ayrim pasientlarda surunkali yurak yetishmovchiligi rivojlangani to‘g‘risida ma‘lumotlar mavjud. Bunday reaksiyalar asosan yoshi katta, yurak-qon tomir tizimi tomonidan buzilishlari bo‘lgan va neyropatiyani davolash uchun preparatni qabul qilgan pasientlarda kuzatilgan. Shuning uchun bu toifadagi pasientlarda pregabalin ehtiyotkorlik bilan qo‘llanilishi kerak. Pregabalin bekor qilinganidan so‘ng bunday reaksiyalar ko‘rinishlari o‘tib ketishi mumkin. Markaziy nerv tizimi tomonidan nojo‘ya asoratlar uchrashi tezligi, shu jumladan ayniqsa uyquchanlik kabi nojo‘ya reaksiyalar orqa miya shikastlanishi oqibatida vujudga kelgan markaziy neyropatik og‘riqni davolaganda oshadi, bu pregabalin va boshqa birgalikda qabul qilinayotgan dori vositalar (masalan, spazmga qarshi preparatlar) samarasi qo‘shilishi hisobiga vujudga kelishi mumkin. Mazkur ko‘rsatma bo‘yicha pregabalin buyurilganda ushbu vaziyatni inobatga olish kerak. Turli ko‘rsatmalar bo‘yicha tutqanoqqa qarshi preparatlarni qabul qilayotgan pasientlarda o‘z joniga qasd qilish to‘g‘risida fikrlar va shunday harakatlar kuzatilgan. Tutqanoqqa qarshi preparatlarning plasebo nazoratlangan tadqiqotlari natijalarining meta-tahlili o‘z joniga qasd qilish to‘g‘risida fikrlar va shunday harakatlar rivojlanishi xavfi biroz oshishini ko‘rsatdi. Mazkur samara mexanizmi noma‘lum, mavjud ma‘lumotlar esa, pregabalinni qo‘llashda bunday xavfni istisno qilish imkoniyatini bermaydi. Shu munosabat bilan ushbu guruhdagi pasientlarni o‘z joniga qasd qilish to‘g‘risida fikrlar va shunday harakatlar paydo bo‘lishi yuzasidan nazorat qilish kerak va zaruriyat bo‘lsa, tegishli davolashni buyurish kerak. Pasientlarga (va pasientlarni parvarish qiladigan shaxslarga) o‘z joniga qasd qilish to‘g‘risida fikrlar va shunday harakat paydo bo‘lsa, tibbiy yordamga murojaat qilishni tavsiya etish kerak. Postmarketing davrda pregabalin qabziyatga olib kelishi mumkin bo‘lgan preparatlar bilan, masalan opioid analgetiklar bilan birga qabul qilinganda me‘da-ichak tizimining pastki bo‘limlari faoliyatini buzilishlari (masalan, obstruktiv va paralitik ichak tutilishi, qabziyat) to‘g‘risida ma‘lumotlar olingan. Pregabalin va opioid analgetiklar birga qabul qilinganda, (ayniqsa ayollar va yoshi katta pasientlarda) qabziyatning oldini olishga qaratilgan choralarni ko‘rish kerak. Pregabalin qo‘llanilganda qaramlik rivojlanishi holatlari ma‘lum. Anamnezida dori vositalarga qaramligi bo‘lgan pasientlar, pregabalinga qaramlik belgilarini aniqlash uchun preparat bilan davolanish davrida sinchkov tibbiy kuzatuvga muhtoj. Ensefalopatiya rivojlanishi holatlari kuzatilgan, asosan bu ensefalopatiya rivojlanishiga olib kelishi mumkin bo‘lgan yondosh kasalliklarga chalingan pasientlarda kuzatilgan. Preparat laktoza monogidrati saqlaydi. Galaktozani o‘zlashtiraolmaslik, laktaza yetishmovchiligi yoki glyukoza va galaktoza so‘rilishini buzilishi sindromi bilan xarakterlanuvchi kam uchraydigan tug‘ma kasallikka chalingan pasientlar ushbu preparatni qabul qilishlari mumkin emas. Homiladorlik va emizish davrida qo‘llanishi, fertillik Homiladorlik Homiladorlik davrida pregabalinni qo‘llash to‘g‘risida ma‘lumotlar yetarli emas. Hayvonlarda o‘tkazilgan tadqiqotlarda preparat reproduktiv qobiliyatiga toksik ta‘sir ko‘rsatgan. Odam uchun potensial xavfi noma‘lum. Pregabalin-Rixter preparatini homiladorlik davrida aniq zaruriyat bo‘lmaganda, buyurish mumkin emas (preparatni faqat ona uchun kutilayotgan foyda homilaga kutilayotgan xavfdan yuqori bo‘lgan vaziyatdagina qo‘llash mumkin). Emizish Pregabalin ko‘krak sutiga o‘tishi to‘g‘risida ma‘lumotlar mavjud emas. Ammo kalamushlarda u ko‘krak suti bilan ajralib chiqishi kuzatilgan. Shuning uchun pregabalin bilan davolanish davrida emizish tavsiya etilmaydi. Tug‘ruq yoshidagi ayollar / Erkaklar va ayollarda kontrasepsiya Odam uchun potensial xavf ma‘lum bo‘lmaganligi sababli, tug‘ruq yoshidagi ayollar ishonchli kontrasepsiya vositalaridan foydalanishlari kerak. Fertillik Pregabalinni ayollarning fertilligiga ta‘sir ko‘rsatishi to‘g‘risida klinik ma‘lumotlari mavjud emas. Transport vositalarini boshqarish va mexanizmlar bilan ishlash qobiliyatiga ta‘siri Pregabalin-Rixter preparati transport vositasini boshqarish va mexanizmlar bilan ishlash qobiliyatiga yengil yoki o‘rtacha ta‘sir ko‘rsatishi mumkin. Pregabalin-Rixter preparati uyquchanlik va bosh aylanishini vujudga keltirishi mumkin, demak transport vositasini boshqarish va mexanizmlar bilan ishlash qobiliyatiga ta‘sir ko‘rsatishi mumkin. Pasientlar ular tomonidan transport boshqarish, murakkab texnikadan foydalanish yoki boshqa potensial xavfli faoliyatni, preparatni ularning ushbu vazifalarni bajarish qobiliyatiga ta‘siri ma‘lum bo‘lmaguncha, bajarmasliklari kerak. Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach ishlatilmasin.   Dozani oshirib yuborilishi Pregabalin dozasini oshirib yuborilganda ko‘p vaziyatda uyquchanlik, ongni chalkashishi, ajitasiya va bezovtalik kuzatilgan. Kam hollarda koma rivojlanganligi haqida xabar berilgan. Pregabalin dozasini oshirib yuborilishida tutib turuvchi davolash, zaruriyat bo‘lsa – gemodializ o‘tkaziladi.   Chiqarilish shakli 14 kapsula PVX va alyumin folgali blisterda. 1 yoki 4 blister tibbiyotda qo‘llash bo‘yicha yo‘riqnomasi bilan birga karton qutida.   Saqlash sharoiti 30°S dan yuqori bo‘lmagan haroratda saqlansin.   Yaroqlilik muddati 3 yil.   Dorixonalardan berish tartibi Resept bo‘yicha.   Ulashish: