FENISTIL gel 30g 1 mg/1 g

Ko'rsatmalar FENISTIL gel 30g 1 mg/1 g

• Dori shakli

  30 г дан полиэтилен қопқоқча билан ёпилган алюмин тюбикларда. Тюбик тиббий қўллаш бўйича йўриқнома билан бирга картон қутига жойлаштирилади.

• Dozirovkasi

  Катталар ва 2 ёшдан катта болаларга гел терининг зарарланган соҳасига кунига 2-4 марта ингичка қатлам қилиб суртилади ва секин уқаланади. 2 ёшгача бўлган болаларда дори воситасини фақат шифокор маслаҳатидан кейин қўллаш мумкин.

• Dori vositalarining o'zaro ta'siri

  Дориларнинг ўзаро таъсири ўрганилмаган.

• Qo'llanilishi mumkin bo'lmagan holatlar

  Препаратнинг таркибига кирувчи бирон-бир компонентига нисбатан юқори сезувчанлик. Препаратни олдиндан маълум бўлган ҳашаротларнинг чақишига аллергияни даволаш учун қўллаш мумкин эмас (ушбу мақсадда тизимли қўлланилиши рухсат берилган дори шакллари қўлланилади).

• Maxsus saqlash sharoitlari

  250С дан юқори бўлмаган ҳароратда сақлансин. Болалар қўли етмайдиган жойда сақлансин  Яроқлилик муддати 2 йил. Ўрама идишда кўрсатилган яроқлилик муддати ўтганидан кейин ишлатилмасин.

• Maxsus shartlar

  2 ёшгача бўлган болаларда препарат фақат шифокорнинг буйруғи билан қўлланилади Чақалоқлар ва кичик ёшдаги болаларда препаратни терининг катта соҳаларида қўллаш мумкин эмас. Фенистил гели қўллангандан кейин гел суртилган соҳаларга қуёш нурининг таъсиридан сақланиш керак. Пропиленгликол: терининг маҳаллий таъсирланишига олиб келиши мумкин. Бензалконий хлориди: қўзғатувчи модда бўлиб, тери реакцияларини чақириши мумкин. Автотранспортни ҳайдаш ва механизмларни бошқариш қобилиятига таъсири Дори воситаси автомобилни бошқариш ва механизмлар билан ишлаш қобилиятига таъсир кўрсатмайди.

• Nojo'ya samaralari

  Номақбул реакциялар ҳақидаги маълумотлар тизим-органли таснифлар ва ривожланиш суръатлари бўйича қуйидагича таснифланади: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1000 дан <1/100 гача), кам (≥1/10000 дан <1/1000 гача), жуда кам (<1/10000) ва суръати номаълум (мавжуд маълумотлар бўйича баҳолаб бўлмайди). Ножўя таъсирларга, кўп ҳолларда, препарат суртилган жойда енгил ва қисқа муддатли реакциялар киради. Тери ва тери ости тўқималари томонидан: Тез-тез эмас – терининг қуриши, ачишиши Жуда кам – аллергик дерматит. Ножўя реакциялар хақида хабар бериш Дори препарати қайд қилинганидан кейин тахмин қилинаётган ножўя реакциялар ҳақида хабар бериш муҳим ҳисобланади, бу дори препаратининг “фойда-хавф” нисбати мониторингини давом эттириш имконини беради. Тиббиёт ходимларидан миллий ҳисобот тизими орқали тахмин қилинаётган ҳар қандай ножўя реакциялар хақида хабар бериш тавсия қилинади. Агар беморда бирон бир ножўя реакциялар бўлса, шифокор билан маслаҳатлашиш тавсия этилади. Ушбу тавсия барча мумкин бўлган ножўя реакцияларга, шу жумладан, йўриқномада кўрсатилмаганларга, нисбатан қўлланилади. Шунингдек, сиз мазкур ножўя реакциялар тўғрисида ножўя реакциялар (ҳаракатлар) бўйича маълумотлар ахборот базасига, шу жумладан, дори препаратларининг самарасизлиги тўғрисида хабар беришингиз мумкин. Ножўя реакциялар ҳақида хабар бериш орқали сиз препаратнинг хавфсизлиги тўғрисида қўпроқ маълумот олишга ёрдам берасиз.

• Farmakokinetikasi

  Фенистил гели турли сабаблар билан келиб чиққан қичишишга қарши самарали бўлиб, қичишишни тез енгиллаштиради ва таъсирчанликни камайтиради. Препаратнинг таъсири гистамин Н1-рецепторларнинг антагонисти бўлиши билан боғлиқ бўлиб, диметинден Н1 рецепторларга юқори ўхшашликка эга ва ўта юқори сезувчанликнинг секин тури реакциялари билан боғлиқ капиллярлар ўтказувчанлигини камайтиради. Маҳаллий қўлланганда диметинден малеати маҳаллий оғриқ қолдирувчи таъсир кўрсатади. Препаратнинг гелли асоси фаол таркибий қисмининг терига кириб ўтишини елгиллаштиради.

• Farmakodinamikasi

  Маҳаллий қўлланганда препарат бир неча дақиқа ўтганидан кейин таъсир қилишни бошлайди. Максимал таъсирига 1-4 соат ўтгандан кейин эришилади. Маҳаллий қўллангандаги тизимли биоўзлаштирилиши қабул қилинган дозанинг тахминан 10% ни ташкил қилади. Клиник олди тадқиқот маълумотлари Диметинденнинг фармакологик хавфсизлиги, такрорий қўллашдаги токсиклиги ва генотоксиклигига доир клиник олди тадқиқотларида, препаратнинг одам томонидан қўлланишида ўзига хос хавфлар аниқланмади. Препаратни каламуш ва қуёнларда  ўтказилган тадқиқотлар давомида текширганда, тератоген таъсирлар кузатилмади. Каламушларда 15 мг/кг ва 25 мг/кг дозада перорал юборилганда фертиллик қобилияти ёки перинатал ва туғруқдан кейинги авлоднинг ривожланишига таъсири кузатилмади

• Dozani oshirib yuborilishi

  Фенистил гелининг кўп миқдори тасодифан ютилганида қуйидаги, тизимли қўллаш учун Н1-антигистамин воситаларининг ошириб юборилган дозасига хос бўлган, белгилар кузатилиши мумкин: уйқучанлик билан кечувчи марказий нерв тизимининг (МНТ) сусайиши (асосан катталарда), МНТ қўзғатилиши ва антихолинергик таъсир (асосан болаларда), қўзғалиш, атаксия, галлюцинациялар, тоник ёки клоник тутқаноқлар, мидриаз, оғизнинг қуриши, юз гиперемияси, сийишнинг бузилиши, тана ҳароратининг кўтарилиши. Артериал гипотензия ривожланиши мумкин. Махсус антидот номаълум. Тезкор тиббий ёрдам кўрсатиш бўйича умумий чораларни қўллаш даркор, масалан, фаоллаштирилган кўмир ёки тузли сурги воситаларни қўллаш, шунингдек, нафас олиш ва қон томирлар тизимларини барқарорлаштиришга қаратилган тадбирларни ўтказиш шарт. Қўзғатувчи воситаларни қўллаш мумкин эмас, қон босимини меъёрлаштириш учун вазопрессор воситаларни қўллаш керак