PULMOLAN tabletkalari 30mg N20

Инструкция PULMOLAN tabletkalari 30mg N20

• Qadoqda soni

  20

• Dozirovkasi

  Pulmolanning tabletka shaklidagi dozasi: kattalar va 12 yoshdan oshgan bolalarga preparat birinchi 2-3 kun 1 tabletkadan sutkada 3-marta, keyinchalik esa – 1 tabletkadan sutkada 2-marta yoki ½ tabletkadan sutkada 3-marta buyuriladi. Zarurati boʻlganida terapevtik samarani kuchaytirish uchun 60 mg (2 tabletka) dan sutkada 2-marta buyurish mumkin. 5-12 yoshli bolalarga preparat ½ tabletkadan sutkada 2-3-marta buyuriladi. 2-5 yoshli bolalarga preparat ¼ tabletkadan sutkada 3-marta buyuriladi. 2 yoshgacha boʻlgan bolalarga – ¼ tabletkadan sutkada 2-marta buyuriladi. Tabletkalarni ovqatdan keyin ichga qabul qilish va koʻp miqdorda suyuqlik ichish kerak. Pulmolanning sirop shaklidagi dozasi: kattalar va 12 yoshdan oshgan bolalarga 5 ml (1 choy qoshiq) dan sutkada 3-marta buyuriladi. 5-12 yoshli bolalarga 2,5 ml (1/2 choy qoshiq) dan sutkada 2-3-marta buyuriladi. 2-5 yoshli bolalarga 1,25 ml (1/4 choy qoshiq) dan sutkada 3-marta buyuriladi. 2 yoshgacha boʻlgan bolalarga – 1,25 ml (1/4 choy qoshiq) dan sutkada 2-marta buyuriladi. Preparatni shifokorning maslahatisiz 4-5 kundan ortiq qabul qilish mumkin emas.

• Dori vositalarining o'zaro ta'siri

  Yoʻtalga qarshi preparatlar bilan bir vaqtda qoʻllash, yoʻtalni kamayishi fonida balgʻamning ajralishini qiyinlashishiga olib keladi. Ambroksol amoksitsillin, sefuroksim, eritromitsin va doksitsillinlarning bronxial sekretga oʻtishini oshiradi. Ambroksol tugʻruq faoliyatini tormozlovchi preparatlar bilan mutanosibdir.

• Qo'llanilishi mumkin bo'lmagan holatlar

  homiladorlikning I uch oyligi; ambroksolga yoki preparatning boshqa komponentlariga yuqori sezuvchanlikda qoʻllash mumkin emas. Homiladorlikning II va III uch oyligida, laktatsiya davrida, buyrak va/yoki jigar yetishmovchiligi boʻlgan patsiyentlarga ehtiyotkorlik bilan buyuriladi.

• Maxsus shartlar

  Balgʻamning ajralishini qiyinlashtiruvchi yoʻtalga qarshi vositalar bilan birga qoʻllash mumkin emas. Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

• Nojo'ya samaralari

  Ovqat hazm qilish tizimi tomonidan: yuqori dozalarda uzoq vaqt qoʻllanganida – jigʻildon qaynashi, gastralgiya, koʻngil aynishi, qusish. Allergik reaksiyalar: teri toshmasi, eshakemi, angionevrotik shish; alohida hollarda – allergik kontakt dermatit; yakka hollarda – anafilaktik tipidagi reaksiyalar (shu jumladan anafilaktik shok).

• Dozani oshirib yuborilishi

  Dozani oshirib yuborilishining belgilari taʼriflanmagan. Simptomlari: koʻngil aynishi, qusish, diareya, dispepsiya, gastralgiya kuzatilishi mumkin. Davolash: qusishni chaqirish kerak, qabul qilinganidan keyingi birinchi 1-2 soatda meʼdani yuvish koʻrsatilgan, yogʻ saqlovchi mahsulotlarni qabul qilish; simptomatik davolash oʻtkaziladi.