MEDAKSON poroshok 1,0g N10

Инструкция MEDAKSON poroshok 1,0g N10

• Qadoqda soni

  10

• Umumiy ma'lumot

  MEDAKSON poroshok 1,0g N10 qo'lanishi bo'yicha ko'rsatmalar ILOVA VARAQA: PASIENT UCHUN MA‘LUMOT Medakson, in‘eksion eritma tayyorlash uchun kukun 250 mg Medakson, in‘eksion eritma tayyorlash uchun kukun 500 mg Medakson, in‘eksion eritma tayyorlash uchun kukun 1 g Medakson, in‘eksion eritma tayyorlash uchun kukun 2 g seftriakson (seftirakson natriy) Preparatni qo‘llashdan oldin ushbu ilova-varaqani diqqat bilan o‘qib chiqing, chunki unda Siz uchun muhim ma‘lumot saqlanadi: Ushbu ilova-varaqani saqlab qo‘ying. Ehtimol, u Sizga takroran tanishib chiqish uchun kerak bo‘lishi mumkin. Agar Sizda savollar tug‘ilsa, davolovchi shifokoringiz yoki farmasevtga murojaat eting. Ushbu dori vositasi shaxsan Sizga buyurilgan. Uni biron-bir shaxsga berib yuborish taqiqlanadi, chunki, agar kasallik simptomlari Sizdagi simptomlar bilan mos kelsada, u ularga zarar yetkazishi mumkin. Har qanday nojo‘ya samaralar yuzaga kelgan holatlarda – davolovchi shifokoringiz yoki farmasevtga murojaat eting. Shular ushbu ilova-varaqada ta‘riflanmagan har qanday nojo‘ya samaralar yuzaga kelishi holatlariga ham taalluqli. (4-bo‘limga qarang) Ilova-varaqaning qisqacha mazmuni Medakson preparatining tarkibi va ta‘rifi Medakson preparatini qo‘llashdan oldin nimalarni bilish kerak Medakson preparatini qo‘llash usuli Bo‘lishi mumkin bo‘lgan nojo‘ya ta‘sirlar Medakson preparatini saqlash sharoiti Tarkibi, o‘rami va boshqa ma‘lumot Medakson preparatining tarkibi va ta‘rifi Medakson quyidagi infeksion kasalliklarni davolash uchun qo‘llanadi: meningit; yuqori va quyi nafas yo‘llarining infeksiyalari (shu jumladan pnevmoniya); LOR-a‘zolarining infeksiyalari (shu jumladan o‘rta quloqni yallig‘lanishi); qorin bo‘shlig‘i a‘zolarining infeksiyalari (shu jumladan peritonit); buyrak va siydik chiqarish yo‘llarining infeksiyalari; suyaklar va bo‘g‘imlar infeksiyalari; teri va yumshoq to‘qimalarning infeksiyalari; qon infeksiyalari; yurak infeksiyalari. Preparat shuningdek quyidagilarda ham qo‘llanadi: jinsiy yo‘l orqali yuqadigan infeksiyalar (gonoreya va sifilis); bakterial infeksiya qo‘shilishi oqibatida isitmali holat bilan kechuvchi qonda granulositlar soni kamaygan (neytropeniya) pasientlarni davolash uchun; surunkali bronxiti bo‘lgan shaxslarda nafas yo‘llari infeksiyasini davolash uchun; kattalar va bolalarda, shu jumladan 15 kunlik yangi tug‘ilgan chaqaloqlarda Layma kasalligi (kana borreliozi) ni davolash uchun; operasiyadan keyin infeksion asoratlarni oldini olish uchun. Medakson preparatini qo‘llashdan oldin nimalarni bilish kerak Quyidagi holatlarda Medakson preparatini qo‘llash taqiqlanadi: sefalosporin guruhi antibiotiklarigga yuqori sezuvchanlik bo‘lganida (6 bo‘limdagi ta‘rifga qarang); anamnezida penisillin yoki shunga o‘xshash antibiotiklarga (sefalosporinlar, karbapenemlar yoki monobaktamlar) o‘tkir allergik reaksiyalar mavjudligi. Simptomlar tomoq yoki yuzni shishi, bu o‘z navbatida nafas olish va yutish jarayonini qiyinlashtiradi, qo‘llar, to‘piq va tovonni shishi va tez tarqaluvchi teri toshmasi bilan namoyon bo‘ladi; lidokainga allergiya bo‘lganida va mushak ichiga yuborish ko‘rinishida Medakson bilan bir vaqtda buyurilganda. Medaksonni yangi tug‘ilgan chaqaloqlarda qo‘llash mumkin emas, ayniqsa: agar bola chala tug‘ilgan bo‘lsa; agar bu yangi tug‘ilgan chaqaloq (28 kunlikkacha) bo‘lsa va undan qon yaratish bilan bog‘liq jiddiy muammolar bo‘lsa, sariqlik (teri qoplamalari va ko‘z olmasini sarg‘ayishi) bo‘lsa yoki, agar unga kalsiy saqlovchi dori vositasini vena ichiga yuborish buyurilgan bo‘lsa. Maxsus ko‘rsatmalar Medakson preparatini qabul qilishdan oldin davolovchi shifokor yoki farmasevtga murojaat etish kerak, agar: avval Sizga kalsiy saqlovchi dori vositasi buyurilgan bo‘lsa yoki Siz shu preparat bilan davolashni rejalashtirgan bo‘lsangiz; yaqinda antibiotik bilan davolash kursidan keyin Sizda diareya kuzatilgan bo‘lsa. Sizda anamnezda ovqat hazm qilish bilan muammolar, xususan kolit (ichakni yallig‘lanishi) kuzatilgan bo‘lsa; Sizda jigar yoki buyraklar bilan bog‘liq muammolar bo‘lsa; Sizda o‘t qopida yoki buyraklarda tosh bo‘lsa; Sizda masalan gemolitik anemiya (qizil qon tanachalari sonini qisqarishi, bu terini och-sariq tusga kirishi, shuningdek holsizlik va bo‘g‘ilishni chaqirishi mumkin) kabi boshqa kasalliklar bo‘lsa; Siz hozirda natriyning miqdori past bo‘lgan parhezga rioya qilayotgan bo‘lsangiz. Qon va siydik tahlilini o‘tkazish zarurligi Medakson preparati bilan uzoq vaqt davolaganda, ehtimol Sizga muntazam ravishda qon tahlilini o‘tkazish talab etilishi mumkin. Medaksonni qabul qilish qand darajasini aniqlash uchun qon tahlili, shuningdek Kumbs sinamasi kabi ma‘lum qon tahliliga ta‘sir ko‘rsatishi mumkin. Agar Sizga tahlil o‘tkazilishi kerak bo‘lsa: Sizda tahlil qabul qilayotgan mas‘ul shaxsga Medakson preparatini qabul qilish haqida albatta xabar bering. Bolalar Bolangizda Medakson preparatini qo‘llashdan oldin shifokoringiz, farmasevt yoki hamshira bilan maslahatlashish tavsiya etiladi, agar: avval yoki hozirgi vaqtda unga kalsiy saqlovchi dori vositasini vena ichiga yuborish buyurilgan bo‘lsa. Boshqa dori preparatlari bilan o‘zaro ta‘siri Siz avval qabul qilayotgan, yaqinda qabul qilgan yoki qabul qilishni rejalashtirgan har qanday dori preparatlari haqida davolovchi shifokoringiz yoki farmasevtga albatta xabar bering. Xususan, quyidagi preparatlarni qabul qilishingiz haqida davolovchi shifokoringiz yoki farmasevtga xabar bering: aminoglikozidlar guruhiga mansub antibiotiklar; xloramfenikol deb nomlanuvchi antibiotik (infeksion kasalliklarni, ayniqsa ko‘z infeksiyalarini davolashda qo‘llanadigan). Homiladorlik, emizish va fertillik Homiladorlik yoki emizish davrida, yoki homilador bo‘lishi mumkin bo‘lgan yoki homiladorlik rejalashtirilgan hollarda ushbu tibbiy preparatni qo‘llashdan oldin davolovchi shifokorga yoki farmasevtga murojaat etish tavsiya etiladi. Shifokor vakolatiga Medakson preparati bilan davolash foydasini bolangizning hayoti uchun bo‘lishi mumkin bo‘lgan xavf nisbatini baholash kiradi. Avtotransportni haydash va mexanizmlarni boshqarish qobiliyatiga ta‘siri Medaksonni qabul qilish bosh aylanishini chaqirishi mumkin. Agar Siz bosh aylanishini sezsangiz, avtotransportni haydash yoki mexanizmlarni boshqarishdan saqlanishingiz kerak. Agar Siz yuqorida ta‘riflangan simptomlarni his qilsangiz, shifokoringiz bilan maslahatlashing. Medakson preparatini qo‘llash usuli Odatda Medakson preparatini yuborish uchun shifokor yoki hamshira jalb etiladi. Preparatni oqim bilan/tomchilab (vena ichiga yuborish orqali) bevosita venaga yoki mushakka yuborish mumkin. Medakson eritmasi bevosita shifokor, farmasevt yoki hamshira tomonidan tayyorlanadi, aralashtirilmaydi va kalsiy saqlovchi in‘eksiyalar bilan bir vaqtda qo‘llanilmaydi. Tavsiya etilgan dozasi Davolovchi shifokoringiz vakolatiga Medaksonning Siz uchun mos keladigan dozasini hisoblash kiradi. Dozalash kasallikning og‘irlik darajasi va tipi; qo‘shimcha qabul qilinayotgan antibiotiklarga; bemorning tana vazni va yoshi; jigar va buyraklarning holatiga bog‘liq. Sizga buyurilayotgan davolash davomiyligi kasallikning turiga bog‘liq bo‘ladi. Kattalar, keksalar va tana vazni 50 kilogramm (kg) dan ortiq yoki teng bo‘lgan 12 yoshdan oshgan bolalar: kasallikning og‘irlik darajasi va tipiga qarab, sutkada 1 marta 1 g dan 2 g g gacha. Agar kasallik og‘ir bo‘lsa, davolovchi shifokoringiz Sizga yuqoriroq dozani (sutkada 1 marta 4 g gacha) buyuradi. Agar Sizning kunlik dozangiz 2 g dan ortiqni tashkil etsa, ehtimol Sizga sutkada 1 marta bir martalik doza yoki alohida ikkita doza hisobidan buyurilishi mumkin. Yangi tug‘ilgan chaqaloqlar, go‘daklar va 15 kunlikdan katta va tana vazni 50 kg dan kam bo‘lgan bolalar: kasallikning og‘irlik darajasi va tipiga qarab, sutkada 1 marta bolaning har 1 kg tana vazniga 50 mg dan 80 mg gacha Medakson buyuriladi. Agar kasallik og‘ir bo‘lsa, davolovchi shifokoringiz Sizga yuqoriroq dozani, har 1 kg tana vazniga 100 mg, sutkada 4 g gacha buyuradi. Agar Sizning kunlik dozangiz 2 g dan ortiqni tashkil etsa, ehtimol Sizga sutkada 1 marta bir martalik doza yoki alohida ikkita doza hisobidan buyurilishi mumkin; tana vazni 50 kg dan ortiq bo‘lgan bolalarga kattalar uchun odatdagi doza buyuriladi.     Yangi tug‘ilgan chaqaloqlar (0 dan 14 kunlikkacha) kasallikning og‘irlik darajasi va tipiga qarab, sutkada 1 marta bolaning har 1 kg tana vazniga 20 mg dan 50 mg gacha Medakson buyuriladi maksimal kunlik doza yangi tug‘ilgan chaqaloqning har 1 kg tana vazniga 50 mg dan oshmasligi kerak. Jigar va buyrak bilan bog‘liq muammolari bo‘lgan pasientlar Tavsiya etilgan dozadan farqli ravishda, Sizdan dozangiz boshqacha hisoblanishi mumkin. Davolovchi shifokoringiz Sizga Medaksonning qanday miqdori talab etilishini hisoblaydi va jigar va buyrak kasalligining og‘irlik darajasiga qarab, Sizning holatingizni kuzatadi. Medakson preparatining dozasini oshirib yuborilishi holatlari Medakson preparatining dozasi oshirilgan holatda (doza oshirib yuborilganda) darhol davolovchi shifokoringiz bilan bog‘lanish yoki yaqindagi tibbiyot muassasasiga yordam uchun murojaat etish kerak. Medakson preparatini qabul qilishni o‘tkazib yuborish Agar in‘eksiya o‘tkazib yuborilgan bo‘lsa, uni iloji boricha tezroq qo‘llash kerak. Lekin, agar keyingi in‘eksiyani yuborish vaqti kelgan bo‘lsa, avvalgi dozani o‘tkazib yuborish kerak. Preparatning o‘tkazib yuborilgan dozasini o‘rnini to‘ldirish uchun ikki dozani (ikkita in‘eksiyani bir vaqtda) qo‘llamang. Medakson preparatini qabul qilishni to‘xtatish Shifokoringiz tomonidan tegishli tavsiyalar bo‘lmaguncha, Medakson preparatini qabul qilishni to‘xtatish mumkin emas. Ushbu preparat yuzasidan biron-bir savollar paydo bo‘lgan hollarda, davolovchi shifokorga yoki hamshiraga murojaat etish tavsiya etiladi. Bo‘lishi mumkin bo‘lgan nojo‘ya ta‘sirlar Boshqa har qanday dori vositalari kabi ushbu dori preparati ham bir qator nojo‘ya ta‘sirlarga ega bo‘lishi mumkin, ular namoyon bo‘lmasligi ham mumkin. Kuzatilishi mumkin bo‘lgan nojo‘ya ta‘sirlarning taxminiy ro‘yxati: O‘tkir allergik reaksiyalar (ma‘lumotlar yo‘q, mavjud ko‘rsatkichlar asosida statistik hisoblash imkoniyati yo‘q) Allergik reaksiya yuzaga kelganda, bu haqida darhol davolovchi shifokorni xabardor qilish kerak. Allergiya sipmtomlari quyidagilar ko‘rinishida namoyon bo‘ladi: yuz, tomoq, lablar yoki og‘izni shishi. Bu o‘z navbatida nafas olish va yutish jarayonlarini qiyinlashtiradi qo‘l, to‘piq va tovonlarni shishi. O‘tkir teri toshmalari (ma‘lumotlar yo‘q, mavjud ko‘rsatkichlar asosida statistik hisoblash imkoniyati yo‘q) Allergik reaksiya yuzaga kelganda, bu haqida darhol davolovchi shifokorni xabardor qilish kerak. allergiya sipmtomlari pufaklar va terini kepaklanishi bilan kechuvchi tez tarqaluvchi teri toshmasi, shuningdek og‘iz bo‘shlig‘ida pufaklarni hosil bo‘lishi ko‘rinishida namoyon bo‘ladi. Kuzatilishi mumkin bo‘lgan boshqa nojo‘ya ta‘sirlar: Tez-tez (10 pasientdan bittasida) leykositlar (leykositlar darajasini pasayishi va eozinofillar darajasini oshishi kabi) va trombositlar (trombositlar darajasini pasayishi) darajasining ko‘rsatkichlarini og‘ishi; ichni tez-tez suyuq kelishi yoki diareya; jigar sinamalarining tahlil natijalarini o‘zgarishi; toshma. Tez-tez emas (100 pasientdan bittasida) zamburug‘li infeksiya, mikoz (masalan aftoz stomatit); qonda granulositlar (leykositlarni bir turi) sonini kamayishi (granulositopeniya); qonda funksional to‘liq qizil xujayralarni, eritrositlarni kamayishi (anemiya). qon ivishi bilan bog‘liq muammolar. Ko‘rinarli sababsiz paydo bo‘luvchi tanadagi ko‘p sonli ko‘karishlar, bo‘g‘imlarda og‘riq va shish bilan namoyon bo‘ladi; bosh og‘rig‘i; bosh aylanishi; ko‘ngil aynishi; qichishish; Medakson preparati yuborilgan vena bo‘ylab og‘riq yoki achishish hissi. Vena ichiga yuborish sohasida og‘riq; tana haroratini oshishi (isitma); buyrak disfunksiyasi yuzasidan sinama olinganda (qonda kreatinin darajasini oshishi aniqlanadi). Kam hollarda (1000 pasientdan bittasida) yo‘g‘on ichakni yallig‘lanishi. Simptomlar qon ketish va shilliq, abdominal og‘riq va isitma bilan kechuvchi diareya; nafasni susayishi (bronxospazm); qichishish va shish bilan kechuvchi, tananing katta sohalarini qoplovchi g‘uddasimon toshma (eshakemi); siydikda qon va qand aniqlanishi; edema (suyuqlikni tutilishi); tremor. Ma‘lumotlar yo‘q (mavjud ko‘rsatkichlar asosida statistik hisoblash imkoniyati yo‘q) avval buyurilgan antibiotik bilan davolashga berilmaydigan ikkilamchi infeksiya; qonda eritrositlarni parchalanishi yuz beradigan anemiyaning bir turi (gemolitik anemiya); leykositlar darajasini juda pasayishi (agranulositoz); tirishishlar; vertigo (bosh aylanishi); me‘da osti bezini yallig‘lanishi (pankreatit). Belga uzatiluvchi o‘tkir og‘riq ko‘rinishida namoyon bo‘ladi; og‘iz bo‘shlig‘ining yallig‘lanish kasalligi (stomatit); tilni yallig‘lanishi (glossit). Til sohasida shish, qizarish va og‘riq ko‘rinishida namoyon bo‘ladi; og‘riq va ko‘ngil aynishini paydo bo‘lishi sababi hisoblangan o‘t qopi bilan bog‘liq muammolar; yangi tug‘ilgan chaqaloqlarda yuzaga keladigan va o‘tkir sariqlik bilan kechadigan nevrologik sindrom (bilirubinli ensefalopatiya); buyraklarda seftriakson kalsiyni to‘planishi chaqirgan muammolar. Siyganda og‘riq yoki ajralayotgan siydik miqdorini kamayishi bilan namoyon bo‘ladi; Kumbs sinamasining (gematologiyada keng qo‘llanadigan tekshiruv) soxta musbat natijalari; galaktozemiyaga soxta musbat natijalar (galaktozani glyukozaga aylanishini buzilishi); Medaksonni qabul qilish shuningdek qonda glyukoza darajasini o‘lchashning ayrim turdagi testlariga ta‘sir ko‘rsatishi mumkin – bunday hollarda yordam uchun darhol davolovchi shifokoringizga murojaat etish kerak. Nojo‘ya ta‘sirlar yuzaga kelishi haqida xabar berish Nojo‘ya ta‘sirlar yuzaga kelganda davolovchi shifokorga yoki farmasevtga murojaat eting. Xuddi shu ushbu ilova-varaqada ta‘riflangan har qanday nojo‘ya ta‘sirlar yuzaga kelishiga ham taalluqli. Shuningdek Siz nojo‘ya ta‘sirlar haqida shu turdagi ma‘lumotlarni tahlil qilish vakolatiga ega mahalliy organlarga bevosita xabar berishingiz mumkin. Nojo‘ya ta‘sirlarni aniqlashga yordam berib, Siz shu orqali ushbu preparatning sifatini yaxshilashga yordam berasiz. Medakson preparatini saqlash sharoiti Medakson preparatini saqlash sharoiti uchun mas‘ul shaxs beo‘lib davolovchi shifokoringiz yoki farmasevt hisoblanadi. Shuningdek ularga ishlatilmagan preparatni tegishli ravishda utilizasiya qilish vazafasi yuklatiladi. In‘eksiya uchun kukun 25°S dan yuqori bo‘lmagan haroratda, original o‘ramida saqlansin Tayyor eritma: Tayyor eritmani darhol ishlatish tavsiya etiladi. Preparat hech qanday mikroblarga qarshi konservasiya qiluvchi moddalar saqlamaydi. Aks holda, preparatni saqlash sharoiti va saqlash muddati bo‘yicha javobgarlik iste‘molchiga yuklatiladi Preparat bolalar ololmaydigan joyda saqlansin Yorug‘likdan himoya qilish uchun flakon original karton qutida saqlansin O‘ramida ko‘rsatilgan yaroqlilik muddati o‘tgach preparat qo‘llanilmasin. Hamshira yoki shifokor tomonidan tayyorlangan eritmani darhol ishlatish tavsiya etiladi. Lekin, zarurati bo‘lganda eritmani 25°S haroratda 6 soatgacha va 2°S-8°S haroratda 24 soatgacha saqlash mumkin. Dori vositasini chiqindilar bilan yoki kanalizasiyaga tashlash taqiqlanadi. Kerak bo‘lmagan dori vositalarini utilizasiya qilish masalalari bo‘yicha farmasevt bilan maslahatlashing. Ushbu choralar atrof muhitni himoya qilishga yordam beradi. Tarkibi, o‘rami va boshqa ma‘lumot Medakson preparatining tarkibi Medakson, vena ichiga va mushak ichiga yuborish uchun eritma tayyorlash uchun kukunning ta‘sir etuvchi moddasi bo‘lib seftriakson hisoblanadi. Medakson 250 mg, vena ichiga va mushak ichiga yuborish uchun eritma tayyorlash uchun kukun seftriakson natriyli tuzi ko‘rinishida 250 mg seftriakson saqlaydi. Medakson 500 mg, vena ichiga va mushak ichiga yuborish uchun eritma tayyorlash uchun kukun seftriakson natriyli tuzi ko‘rinishida 500 mg seftriakson saqlaydi. Medakson 1 g, vena ichiga va mushak ichiga yuborish uchun eritma tayyorlash uchun kukun seftriakson natriyli tuzi ko‘rinishida 1 g seftriakson saqlaydi. Medakson 2 g, vena ichiga va mushak ichiga yuborish uchun eritma tayyorlash uchun kukun seftriakson natriyli tuzi ko‘rinishida 2 g seftriakson saqlaydi. Hech qanday to‘ldiruvchilar saqlamaydi. Medakson preparatining qobig‘i va uning ichidagisi Deyarli oq yoki sarg‘ish rangli kristall kukun. Medakson 250 mg, Medakson 500 mg va Medakson 1 g diametri 20 mm bo‘lgan kulrang brombutilkauchuk tiqin va alyumin qopqoq bilan berkitilgan sig‘imi 10 ml bo‘lgan tiniq shisha flakonda (I tip), qo‘llash bo‘yicha yo‘riqnomasi bilan karton qutida. Medakson 2 g diametri 20 mm bo‘lgan kulrang kauchuk tiqin va alyumin qopqoq bilan berkitilgan sig‘imi 20 ml bo‘lgan tiniq shisha flakonda (I tip). Medakson 250 mg, Medakson 500 mg va Medakson 1 g uchun 1, 10, 50 yoki 100 flakonlar karton qutida. Medakson 2 g uchun 1, 10, 25, 50 yoki 100 flakonlar karton qutida. Markirovka barcha o‘ramlarda bo‘lmaydi. Ulashish: