SEMILAKT tabletkalari 50 mg 50/20 mg N10

Инструкция SEMILAKT tabletkalari 50 mg 50/20 mg N10

• Dori shakli

  Плёнка қобиқ билан қопланган таблеткалар. 10 таблетка блистерда. 1, 2 ёки 3 блистер тиббиётда қўлланишига доир йўриқномаси билан бирга картон қутига жойланган.

• Qadoqda soni

  10

• Dozirovkasi

  Семилакт препарати ичга қабул қилинади. Таблеткаларни бутунлигича этиш керак. Препаратни нонушта вақтида ва/ёки тушлик вақтида, катта миқдордаги суюқлик (тахминан 1 стакан) билан қабул қилиш афзал. Препаратни кечқурун, айниқса даволашнинг бошида, қабул қилиш тавсия этилмайди, чунки тунги диурез кучайиши мумкин. Катталар Семилакт 50/20 мг препаратининг тавсия этиладиган дозаси суткада 1-4 таблеткани ташкил этади, Семилакт 100/20 мг препаратининг тавсия этиладиган дозаси суткада 1-2 таблеткани ташкил этади. Болалар Препарат болалар қўллаш учун тавсия этилмайди. Кекса пациентлар Фуросемид ва спиронолактон кекса ёшдаги пациентларда секинроқ чиқарилиши мумкин.

• Dori vositalarining o'zaro ta'siri

  Семилакт препарати овқат билан қабул қилинганида спиронолактонни сўрилиши ошади. Бундай ўзаро таъсирнинг клиник аҳамияти номаълум. Юрак гликозидлари, диуретиклар, антигипертензив воситалар ёки гипотензив ҳусусиятларга эга бўлган бошқа препаратлар билан бир вақтда қабул қилинганида ушбу препаратларнинг дозаларига тузатиш киритиш талаб этилиши мумкин, чунки Семилакт препарати билан бир вақтда қўлланганида артериал босимни янада яққолроқ пасайишини кутиш керак. Фуросемидга ангиотензинга айлантирувчи ферментнинг (ААФ) ингибиторлари ёки ангиотензин II рецепторларининг антагонистлари қўшилганида ёки уларнинг дозалари оширилганида артериал босимни жиддий пасайиши ва буйрак функциясини ёмонлашиши кузатилиши мумкин. ААФ ингибиторлари / ангиотензин II рецепторларининг антагонистлари билан даволашни бошлашдан олдин ёки уларнинг дозаларини оширишдан олдин Семилакт 3 кундан кам бўлмаган вақтда пасайтириш ёки қўллашни тўхтатиш керак. Семилакт препарати калий тузлари, калийни чиқарилишини пасайтирувчи препаратлар, ностероид яллиғланишга қарши воситалар ёки ААФ ингибиторлари билан бирга қўлланганида қон зардобида калийнинг концентрацияси ошиши ва гиперкалиемия ривожланиши мумкин. Нефротоксик препаратларнинг токсик самаралари фуросемид каби кучли диуретиклар билан бир вақтда қўлланганида кучайиши мумкин. Семилакт ва сукральфатни камида 2 ҳафталик интервал билан қўллаш керак, чунки сукральфат фуросемидни ичакдан сўрилишини пасайтиради ва унинг самарасини сусайтиради. Бошқа диуретиклар билан бўлгани каби, қон зардобидаги литийнинг даражаси литий препаратлари Семилакт билан бир вақтда қўлланганида ошиши мумкин, бу литийнинг токсиклигини ошишига, жумладан кардиотоксик ва нейротоксик самараларни ривожланиш ҳавфини ошишига олиб келади. Литийнинг даражасини назорат қилиш, зарурат бўлганида унинг дозасига тузатиш киритиш тавсия этилган. Рисперидонни фуросемид ёки бошқа кучли диуретиклар билан бир вақтда мажмуавий даволаш ёки бир вақтда даволаш масаласини ҳал қилишдан олдин эҳтиёткорликка риоя қилиш ва ҳавф ҳамда фойда нисбатини баҳолаш керак. Фуросемиднинг юқори дозалари тиреоид гормонларни ташувчи-оқсиллар билан боғланишини ингибиция қилиши ва шу орқали эркин тиреоид гормонларнинг даражасини вақтинчалик ошишига олиб келишига, сўнгра эса уларнинг умумий даражасини пасайишига олиб келиши мумкин. Тиреоид гормонларнинг даражаси назорат қилиниши керак. Айрим ностероид яллиғланишга қарши воситалар (масалан, индометацин, ацетилсалицил кислотаси) Семилакт препаратининг таъсирини сусайтириши ва гиповолемия ёки сувсизланиш бўлганида ўткир буйрак етишмовчилигини чақириши мумкин. Семилакт салицилатларнинг токсиклигини кучайтириши мумкин. Семилакт бошқа препаратлар (масалан, диабетга қарши воситалар ва прессор аминлар) нинг самараларини сусайтириши, баъзида эса айрим воситалар (масалан, салицилатлар, теофиллин, кураресимон миорелаксантлар) нинг самараларини кучайтириши мумкин. Семилакт аминогликозидлар ва бошқа ототоксик воситаларнинг ототоксиклигини кучайтириши мумкин. Бу ҳолат қайтмас ўзгаришларга олиб келиши мумкинлиги туфайли, бу препаратларни Семилакт препарати билан фақат кескин тиббий асослар бўлганидагина қўллаш керак. Цисплатин ва фуросемид бир вақтда қўлланганида ототоксик самараларни ривожланиш ҳавфи мавжуд. Бундан ташқари, цисплатиннинг нефротоксиклиги, агар фуросемид янада юқори дозаларда (масалан, буйрак функцияси нормал бўлган пациентларда 40 мг) қўлланилса, шунингдек агар у цисплатин билан даволашда жадаллаштирилган диурезни таъминлаш учун суюқлик мувозанати мусбат бўлганида қўлланилса, ошиши мумкин. Спиронолактон дигоксиннинг даражасини ошириши мумкин. Электролитлар мувозанатини айрим бузилишлари (масалан, гипокалиемия, гипомагниемия) маълум препаратлар (масалан, ангишвонагул препаратлари ва QT оралиғини узайтирадиган препаратлар) нинг токсиклигини кучайтириши мумкин. Фенитоин билан бир вақтда қўлланганида Семилакт препаратининг самараси пасайиши мумкин. Карбамазепин ёки аминоглутетимни бир вақтда қўллаш гипонатриемияни ривожланиш ҳавфини ошириши мумкин. Бир вақтда қўлланадиган кортикостероидлар натрийни ушланиб қолишини чақириши мумкин. Спиронолактон ҳам, карбеноксолон ҳам бошқа моддаларнинг таъсирини издан чиқариши мумкин. Бундай ҳолатда қизилмия катта миқдорларда карбеноксолонга ўхшаш таъсир қилади. Кортикостероидлар, карбеноксолон, β2-симпатомиметиклар катта дозаларда, шунингдек сурги воситалари, ребоксетин ва амфотерицин узоқ муддат қўлланганида гипокалиемияни ривожланиш ҳавфини ошириши мумкин. Пробенецид, метотрексат ва фуросемид каби буйрак найчалари секрециясига аҳамиятли даражада учрайдиган бошқа воситалар, Семилакт препаратининг самарасини пасайтириши мумкин. Аксинча, фуросемид ушбу препаратларни буйрак орқали чиқарилишини пасайтириши мумкин. Юқори дозалари билан даволанганда (хусусан, ҳам фуросемид, ҳам бошқа препаратлар билан даволанганда) қон зардобида моддаларнинг даражасини ва фуросемиднинг ва бир вақтда қўлланадиган воситаларнинг нохуш реакцияларини ривожланиш ҳавфи ошиши мумкин. Буйрак функциясини бузилиши фуросемид ва маълум цефалоспоринларнинг юқори дозалари қабул қилаётган пациентларда ривожланиши мумкин. Циклоспорин ва фуросемидни бир вақтда қўлланиши подагрик артритни ривожланиш ҳавфини оширади. Семилакт препаратини колестирамин билан бир вақтда қабул қилаётган пациентларда гиперхлоремик метаболик ацидоз фонида гиперкалиемия ривожланиши мумкин. Триметоприм/сульфаметоксазол (ко-тримоксазол) ва спиронолактонни бир вақтда қўллаш клиник жиҳатдан аҳамиятли гиперкалиемияга олиб келиши мумкин.

• Qo'llanilishi mumkin bo'lmagan holatlar

  •       фуросемидга, спиронолактонга, сульфонамидларга ёки уларнинг ҳосилаларига ёки препаратнинг ёрдамчи моддаларидан бирортасига ўта юқори сезувчанлик; •       буйрак функциясини бузилиши ва креатинин клиренсини 30 мл/мин/1,73 м2 дан паст бўлиши; •       анурия ёки анурия билан кечувчи, фуросемид билан даволашга жавоб реакциясини кўрсатмайдиган буйрак етишмовчилиги; •       нефротоксик ёки гепатотоксик моддалар билан заҳарланганда кузатиладиган буйрак етишмовчилиги/жигар комаси оқибатидаги буйрак етишмовчилиги; •       гиперкалиемия; •       оғир гипокалиемия; •       оғир гипонатриемия; •       Аддисон касаллиги; •       ҳомиладорлик; •       лактация даврида қўллаш мумкин эмас.

• Maxsus saqlash sharoitlari

  25°С дан юқори бўлмаган ҳароратда сақлансин. Болалар ололмайдиган жойда сақлансин!   Яроқлилик муддати Ишлаб чиқарилган санадан бошлаб 3 йил. Яроқлилик муддати тугаганидан сўнг қўлланилмасин.  

• Maxsus shartlar

  Спиронолактон овозни ўзгартириши мумкин. Препарат буюрилганида, ишлаш учун овоз жуда муҳим бўлган пациентлар (масалан, актёрлар, қўшиқчилар, ўқитувчилар) да ушбу кўринишга алоҳида эътибор бериш керак. Диурезни мониторингини таъминлаш керак. Сийдик чиқариш йўлларининг қисман обструкцияси бўлган пациентлар, масалан, простата бези гипертрофияси ёки сийишни бузилиши бўлган пациентларда сийдикни ўткир тутилиши ҳавфи юқори бўлади. Уларни синчиклаб кузатиш тавсия этилган. Даволашни бошлашдан олдин гипотензия ёки гиповолемияни коррекция қилиш учун чораларни кўриш керак. Даволаниш вақтида қуйидаги пациентлар гуруҳини синчиклаб кузатиш керак: -      гипотензияси бўлган пациентлар; -      артериал босимни аҳамиятли даражада пасайиш ҳавфи бўлган пациентлар; -      яширин диабетнинг кўринишлари бўлиши мумкин бўлган пациентлар, ва диабет билан хасталанган, инсулинга бўлган эҳтиёж ошиши мумкин бўлган пациентлар; -      подагра билан хасталанган пациентлар; -      жигар циррози билан хасталанган пациентлар буйрак функцияси бузилганида; -      гипопротеинемияси бўлган пациентлар, масалан, нефротоксик синдром оқибатида чақирилган гипопротеинемия (фуросемиднинг самараси сусаяди, унинг ототоксиклиги эса кучаяди). Дозасини эҳтиёткорлик билан титрлаш керак. -      фуросемидни қабул қилаётган пациентларда, айниқса кекса ёшдаги пациентларда; гипотензияни чақириши мумкин бўлган препаратларни қабул қилаётган пациентларда; гипотензияни чақириши мумкин бўлган бошқа ҳолатлари мавжуд бўлган пациентларда бош айланиши, хушдан кетиш ёки хушни йўқолишига олиб келувчи симптоматик гипотензия ривожланиши мумкин. Қон зардобида калийнинг даражаси ошганида препаратни қўллашдан сақланиш керак. Триамтерен, амилорид, калийли қўшимчалар ёки ностероид яллиғланишга қарши воситаларни бир вақтда қўллаш тавсия этилмаган, чунки гиперкалиемияга олиб келиши мумкин. Электролитлар танқислиги бўлган пациентларда эҳтиёткорликка риоя қилиш керак. Одатда, қон зардобида натрий, калий, креатинин ва глюкозанинг даражаларини мунтазам назорат қилиш тавсия этилади; электролитлар мувозанатини бузилиш ҳавфи юқори бўлган пациентларни ва суюқлик қўшимча аҳамиятли даражада йўқотилганида айниқса синчиклаб назорат қилиш керак. гиповолемия ёки сувсизланиш, шунингдек электролитлар ва кислота-ишқор мувозанатини аҳамиятли бузилишлари коррекция қилиниши керак. Бунинг учун препаратни қўллашни вақтинчалик тўхтатиш талаб этилиши мумкин. Буйрак функциясини бузилиши ва креатинин клиренси 60 мл/мин/1,73 м2 дан паст бўлган пациентларда, шунингдек Семилакт препарати калийнинг даражасини ошириши мумкин бўлган бошқа препаратлар билан бирга қабул қилинганида қон зардобида калийнинг даражасини мунтазам назорат қилиш керак. Радиоконтраст нефропатияни ривожланиш ҳавфи юқори бўлган пациентларда фуросемидни радиоконтраст нефропатияни олдини олиш чораси сифатида диурезни таъминлаш учун қўллаш тавсия этилмайди. Спиронолактон ва гиперкалиемияга олиб келадиган препаратларни бир вақтда қабул қилиш оғир гиперкалиемияга олиб келиши мумкин. Тизимли қизил югурикни зўрайиш ёки фаоллашиш эҳтимоли мавжуд. Галактозани ўзлаштиролмаслик, Лапп лактаза етишмовчилиги ёки глюкоза-галактоза мальабсорбцияси каби кам учрайдиган наслий муаммолари бўлган пациентларга ушбу препаратни қўллаш мумкин эмас. Рисперидон билан бир вақтда қўллаш Деменция билан хасталанган кекса ёшдаги пациентларда рисперидонни қўллаш билан ўтказилган плацебо-назоратли тадқиқотларда фақат рисперидон билан монотерапия олган пациентлар гуруҳига (3,1%, ўртача 84 ёш, диапазон 70-96 ёш) ёки фуросемид билан монотерапия олган пациентлар гуруҳига (4,1%; ўртача 80 ёш, диапазон 67-90 ёш) нисбатан фуросемид ва рисперидон билан даволанган гуруҳда (7,3%; ўртача 89 ёш, диапазон 75-97 ёш) ўлимни ошиши кузатилган. Рисперидонни бошқа диуретиклар (асосан тиазид диуретикларни кичик дозаларда қўллаш) бир вақтда қўллаш бундай натижаларни бермаган. Ўлимнинг сабабини аниқ қонуниятларини ва ушбу кўринишни тушунтирувчи патофизиологик механизм аниқланмаган. Шундай бўлса-да, эҳтиёткорликка риоя қилиш ва даволашга қарор қилишдан олдин бундай мажмуани қўллашдан ёки бошқа кучли диуретиклар билан бир вақтда даволашдан кутиладиган фойда ва ҳавф нисбатини баҳолаш керак. Бошқа диуретикларни рисперидон билан бир вақтда қабул қилаётган пациентлар ўртасида ўлим ҳавфини ошиши кузатилмаган. Даволаш усулидан қатъий назар сувсизланиш ўлим ҳавфини умумий омили ҳисобланади; деменция бўлган кекса ёшдаги пациентларда сувсизланиш кузатилишидан сақланиш керак. Ҳомиладорликда ва лактация даврида қўлланиши Ҳомиладорлик Умуман олганда ҳайвонларда ўтказилган экспериментларнинг натижаларида фуросемидни ҳомиладорликка ҳавфли таъсири аниқланмаган. Препарат ҳомиладорликнинг учинчи уч ойлигида қўлланганида унинг ҳавфсизлиги юзасидан клиник далиллар мавжуд. Фуросемид йўлдош тўсиғи орқали ўтади. Спиронолактон ва унинг метаболитлари йўлдош тўсиғи орқали ўтишлари мумкин. Ҳайвонларда ўтказилган тадқиқотларда эркак жинсидаги наслда гениталийни феминизация бўлиши аниқланмаган. Одамда янги туғилган ўғил болаларда икки хил ташқи жинсий аъзоларни ривожланиш ҳавфи бўлган антиандроген самаралари кузатилган. Агар асосли тиббий кўрсатмалар бўлмаса, ҳомиладорликда Семилакт препаратини қўллаш мумкин эмас. Ҳомиладорлик вақтида даволаш ҳомилани ўсишини мониторинг қилишни талаб этади. Лактация Фуросемид кўкрак сутига ўтади ва лактацияни сусайтириши мумкин. Спиронолактоннинг метаболити, канренон кўкрак сутида аниқланади, шунинг учун лактация даврида препаратни қабул қилиш мумкин эмас. Педиатрияда қўлланиши Препарат болаларда қўллаш учун тавсия этилмайди. Автотранспортни ҳайдаш ва механизмларни бошқариш қобилиятига таъсири Автотранспортни ҳайдашда ва механизмларни бошқаришда санаб ўтилган нохуш реакциялар бўлиши мумкинлигини эътиборга олиш керак. Бу айниқса даволашнинг бошланишида жуда муҳим.  

• Nojo'ya samaralari

  Нохуш реакцияларни учраш тезлигини кўрсаткичлари қуйидаги тарзда аниқланади: жуда тез-тез (≥ 1/10); тез-тез (≥ 1/100, аммо < 1/10); тез-тез эмас (≥ 1/1000, аммо < 1/100); кам ҳолларда (≥ 1/10000, аммо < 1/1000); жуда кам ҳолларда (< 1/10000); учраш тезлиги номаълум (мавжуд маълумотлар асосида баҳоланиши мумкин эмас). Фуросемид одатда яхши ўзлаштирилади. Қон ва лимфа тизимлари томонидан: учраш тезлиги номаълум – суяк кўмигининг функциясини, даволашни бекор қилишни талаб этувчи сусайиши, тромбоцитопения, лейкопения, агранулоцитоз, апластик анемия ёки гемолитик анемия, эозинофилия. Нерв тизими томонидан: учраш тезлиги номаълум – уйқучанлик, атаксия, онгни чалкашиши, бош оғриғи, парестезиялар, гепатоцеллюляр етишмовчилиги бўлган пациентларда жигар энцефалопатияси, бош айланиши, хушни йўқотиш, хушни йўқолиши (симптоматик гипотензия оқибатида чақирилган). Буйрак ва сийдик чиқариш йўллари томонидан: учраш тезлиги номаълум – қон зардобида кальцийнинг даражасини пасайиши, тетания, чала туғилган чақалоқларда нефрокальциноз/ нефролитиаз. Сийдик ҳосил бўлишини кучайиши сийдик чиқариш йўлларини обструкцияси бўлган пациентларда шикоятларни қўзғатиши ёки оғирлаштириши мумкин; шундай қилиб, қовуқни бўшашини бузилишлари, простата безининг гиперплазияси ёки уретрани торайиши бўлган пациентларда иккиламчи асоратларни ривожланиши билан кечувчи сийдикни ўткир тутилиши ривожланиши мумкин. Эшитиш ва мувозанат аъзолари томонидан: учраш тезлиги номаълум – эшитишни бузилиши ва қулоқларда шовқин, одатда ўткинчи, айниқса буйрак етишмовчилиги, гипопротеинемияси бўлган пациентларда (масалан, нефротик синдромда) ва/ёки фуросемид вена ичига тез юборилганида кузатилиши мумкин; тез-тез эмас – карлик, баъзида қайтувчан, фуросемид перорал ёки вена ичига юборилганидан кейин кузатилади. Қон-томирлари томонидан: учраш тезлиги номаълум – гипотензия, яққол даражада ифодаланганида диққатни жамлашни ва реакцияларни бузилиши, бошда енгиллик ёки оғирлик ҳисси, бош оғриғи, бош айланиши, уйқучанлик, ҳолсизлик, кўришни бузилиши, оғизни қуриши, ортостатик беқарорлик каби белгилар ва симптомларни чақириши мумкин. Жигар ва ўт чиқариш йўллари томонидан: учраш тезлиги номаълум – жигар ичи холестази, жигар трансаминазаларининг даражаларини ошиши ёки ўткир панкреатит. Тери ва тери ости тўқималари томонидан: учраш тезлиги номаълум – даволашни бекор қилишни талаб этадиган, тери тошмаси, ёруғликка сезувчанлик, васкулит, иситма ёки интерстициал нефрит каби аллергик реакциялар; қичишиш, эшакеми, бошқа кўринишдаги тошмалар ёки буллёз шикастланишлар, кўп шаклли эритема, буллёз пемфигоид, Стивенс-Джонсон синдроми, токсик эпидермал некролиз, эксфолиатив дерматит, пурпура, ўткир тарқалган экзактематоз пустулёз ва DRESS (дори воситалари таъсиридаги эозонофилия ва тизимли симптомлар билан кечувчи тошма). Метаболизмни ва озиқланишни бузилишлари: учраш тезлиги номаълум – узоқ муддат даволанганда сув-электролитлар мувозанатини бузилиши; натрий ва хлоридларни ва мувофиқ равишда сувни чиқарилишини кучайиши; бошқа электролитлар (хусусан, кальций ва магний) ни чиқарилишини кучайиши. Препаратнинг иккита фаол моддалари калийни чиқарилишига қарши таъсир кўрсатади. Калийнинг зардобдаги концентрацияси айниқса, даволашни бошланишида пасайиши (фуросемиднинг янада эртароқ таъсир қилиши сабабли) мумкин, даволаш давом эттирилганида калийнинг концентрацияси, айниқса буйрак етишмовчилиги бўлган пациентларда (спиронолактонннинг кечроқ таъсир қилиши сабабли) ошиши мумкин. Электролитлар мувозанатини симптоматик бузилишлари ва метаболик алкалоз электролитлар танқислигини доимий равишда кучайиши шаклида ва электролитларни ўткир оғир йўқолиши шаклида ривожланиши (буйрак функцияси нормал бўлган пациентлар томонидан фуросемиднинг янада юқори дозалари қўлланганида) мумкин. Электролитлар мувозанатини бузилишини огоҳлантирувчи белгилари: кучли чанқоқлик, бош оғриғи, гипотензия, онгни чалкашиши, мушакларни тиришишлари, тетания, мушакларни заифлиги, юрак ритмини бузилишлари ва меъда-ичак симптомлари бўлиши мумкин. Пульс номунтазам бўлганида, толиқиш ёки мушакни заифлигида (масалан, оёқлардаги мушаклар) гиперкалиемия бўлиши мумкинлигига алоҳида эътибор бериш керак. Мавжуд бўлган метаболик алкалоз (масалан, жигарни декомпенсацияланган циррозида) фуросемид билан даволанганда оғирлаши мумкин. Барттер сохта-синдроми фуросемид нотўғри ва/ёки узоқ муддат қўлланганида ривожланиши мумкин. Электролитлар мувозанатини бузилиши, айниқса яққол ифодаланган бузилиши коррекция қилиниши керак. Диуретик таъсири, айниқса кекса ёшдаги пациентларда гиповолемия ва сувсизланишга олиб келиши мумкин. Шунингдек гиповолемия, сувсизланиш ёки гиперкалиемия фонида бош айланиши ёки оёқларда тиришишлар ривожланиши мумкин. Бундай реакцияларни бартараф қилиш учун суюқликни ҳар қандай йўқотилишини (масалан, қусиш ёки диарея ёки кучли терлаш оқибатидаги) компенсация қилиш жуда муҳим. Суюқликни заҳирасини кучли йўқолиши тромбларни ҳосил бўлиш тенденцияси билан қонни қуйилишига олиб келиши мумкин. Фуросемид билан даволанганда қон зардобида холестерин ва тиглицеридларнинг даражаси ошиши мумкин, бу ҳолат узоқ муддат даволанганда 6 ой давомида нормал қийматларга қайтади. Фуросемид қўлланганида глюкозани ўзлаштирилиши пасайиши мумкин. Қандли диабет билан хасталанган пациентларда метаболик назоратни ёмонлашишига олиб келиши мумкин; яширин қандли диабет намоён бўлиши мумкин. Бошқа диуретиклар қўлланганида бўлгани каби, фуросемид билан даволаш қон зардобида креатинин ва мочевинанинг даражаларини вақтинчалик ошишига олиб келиши мумкин. Қон зардобидаги сийдик кислотасининг даражаси ошиши мумкин ва подагра ҳуружлари ривожланиши мумкин. Иммун тизими томонидан: учраш тезлиги номаълум – оғир даражадаги анафилактик ёки анафилактоид реакциялар (масалан, шок), тизимли қизил югурикни зўрайиши ёки фаоллашуви. Меъда-ичак йўллари томонидан: учраш тезлиги номаълум – кўнгил айниши, лоҳаслик ёки меъдани фаолиятини бузилиши (қусиш ёки диарея), аммо улар одатда яққол ифодаланмаган бўлади ва препаратни бекор қилишни талаб этмайди. Споронолактон меъда-ичакда ўзлаштиролмаслик ва меъда ярасини (баъзида қон кетиши билан кечувчи) чақириши мумкин. Репродуктив тизими ва сут безлари томонидан: учраш тезлиги номаълум – жинсий гормонлар билан кимёвий жиҳатдан ўхшаш бўлганлиги туфайли, спиронолактон сут без сўрғичларини тегиш сезгисини кучайтириши мумкин; ҳар иккала жинсдаги пациентларда дозага боғлиқ мастодиния ва қайтувчан гинекомастия; терида макулопапуляр ёки эритематоз тошма; гирсутизм ва ҳайз кўриш циклини бузилиши каби кучсиз андроген кўринишлар; эркакларда потенцияни бузилиши; фуросемид бола ҳаётининг биринчи ҳафталарида қабул қилинганида чала туғилган чақалоқларда артериал қон оқимини битмаслик ҳавфи кучайиши мумкин. Нафас, кўкрак қафаси ва кўкс оралиғи аъзолари томонидан: учраш тезлиги номаълум – спиронолактон овозни хириллаши ва тембрни пасайиши (аёлларда) ёки тембрни ошиши (эркакларда) каби овозни ўзгаришларини чақириши мумкин. Овозни ўзгариши препарат бекор қилинганидан кейин ҳам сақланиб туриши мумкин.

• Farmakokinetikasi

  Семилакт – мажмуавий препарат бўлиб, унинг диуретик ва гипотензив таъсири спиронолактон ва фуросемиднинг умумий ҳусусиятлари билан ифодаланади. Спиронолактон калийни тежовчи диуретик, альдостероннинг (буйрак усти безлари пўстлоқ қисмининг минералокортикостероид гормон) таъсири узайтирилган рақобатли ингибитори ҳисобланади. Альдостероннинг рецепторлари билан боғланиб, сув, натрий ионлари ва хлорни сийдик билан чиқарилишини кучайтиради, калий ионлари ва мочевинани чиқарилишини камайтиради, сийдикнинг кислоталигини пасайтиради. Фуросемид кучли таъсир қилувчи “халқали” диуретикларга киради, Генле қовузлоғининг юқори кўтарилувчи найида, шунингдек буйракнинг проксимал ва дистал эгри-бугри найчаларида натрий, калий, хлоридлар ва магнийни фаол қайта сўрилишини блоклайди; сувни экскрециясини оширади.

• Farmakodinamikasi

  Фуросемид Фуросемид қисқа таъсирга эга бўлган диуретик ҳисобланади; диурез одатда 1 соат давомида бошланади ва 4-6 соат давом этади. Спиронолактон Спиронолактон, альдостероннинг рақобатли ингибитори бўлиб, буйракнинг дистал найчаларида натрийни чиқарилишини кучайтиради ва калийни йўқотилишини пасайтиради. Фаол модданинг таъсири секин ва давомли; максимал жавоб реакциясига одатда 2-3 кун давомида даволашдан кейин эришилади. 

• Dozani oshirib yuborilishi

  Дозани ўткир ёки сурункали ошириб юборилишининг клиник манзараси асосан электролитлар ва суюқликни йўқотилиш даражасига ва оқибатларига: ҳаддан ташқари диурез оқибатидаги гиповолемия, сувсизланиш, қонни қуйилиши, юрак аритмияларига боғлиқ. Бундай бузилишларнинг симптомлари оғир гипотензия (шоккача зўрайиб борувчи), ўткир буйрак етишмовчилиги, тромбоз, алаҳлаш ҳолатлари, периферик фалаж, апатия ва онгни чалкашишини ўз ичига олади. Фуросемид учун махсус антидот маълум эмас. Агар препарат қабул қилинганидан сўнг кўп бўлмаган вақт ўтган бўлса, биринчи тиббий ёрдам сифатида меъдани ювиш ва пациентга фаоллаштирилган кўмир буюриш керак. Даволаш суюқликни ўрнини тўлдириш ва электролитлар мувозанатини бузилишини бартараф қилишга қаратилган бўлиши керак. Айрим ҳолларда стационар шароитларида жадал даволаш бўлимида кузатиш ва даволаш кўрсатилган.    

• Umumiy ma'lumot

  SEMILAKT tabletkalari 50 mg 50/20 mg N10 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA SEMILAKT SEMILACT Preparatning savdo nomi: Semilakt Ta‘sir etuvchi moddalar (XPN): spironolakton/furosemid Dori shakli: qobiq bilan qoplangan tabletkalar Tarkibi: Qobiq bilan qoplangan har bir tabletka saqlaydi: faol moddalar: spirinolakton – 50 mg yoki 100 mg; furosemid – 20 mg. yordamchi moddalar: laktoza monogidrati, mikrokristall sellyuloza, povidon K25, natriy kraxmalglikolyati, natriy laurilsulfati, magniy stearati. qobig‘ining tarkibi: gidroksipropilmetilsellyuloza Ye6, polietilenglikol 6000, titan dioksidi. Ta‘rifi: dumaloq, ikki tomonlama qavariq, oq rangdan deyarli oq ranggacha bo‘lgan tabletkalar. Farmakoterapevtik guruhi: diuretik vosita. ATX kodi: S03Ye Farmakologik xususiyatlari Semilakt – diuretik va gipotenziv ta‘siri spironolakton va furosemidning xususiyatlarini qo‘shilishi bilan bog‘liq bo‘lgan majmuaviy preparat. Spironolakton kaliyni tejovchi diuretik, uzoq muddatli ta‘sirga ega bo‘lgan aldosteronning (buyrak usti bezlari po‘stlog‘ining mineralokortikoid gormoni) spesifik antagonistidir. Aldosteronning reseptorlari bilan bog‘lanib, suv, natriy va xlor ionlarini siydik bilan chiqarilishini kuchaytiradi, kaliy ionlari va mochevinani chiqarilishini kamaytiradi, siydikning kislotaliligini kamaytiradi. Furosemid kuchli ta‘sir qiluvchi “halqali” diuretiklarga kiradi, natriy, kaliy ionlarini, xloridlarni va magniyni Genle halqasining ko‘tariluvchi bo‘g‘imida, shuningdek buyraklarning proksimal va distal egri naychalarida qayta so‘rilishini bloklaydi, suvni ekskresiyasini oshiradi. Farmakokinetikasi Og‘iz orqali qabul qilinganida spironolakton va furosemid me‘da-ichak yo‘llaridan yaxshi so‘riladi, yuqori darajada biokiraolishligi bilan xarakterlanadi. Spironolakton jigarda tez metabolizmga uchraydi. Asosiy farmakologik faol metabolitlari bo‘lib 7-α-tiospironolakton, 7-α-tiometilspironolakton va kanrenon (taxminan 50%) hisoblanadi. Kanrenonning maksimal konsentrasiyasi ichga qabul qilinganidan so‘ng 2-4 soatdan keyin erishiladi, uning yarim chiqarilish davri o‘rtacha 12,5 soatni tashkil etadi. Furosemid organizmda metabolizmga uchrab, glyukuronidni hosil qiladi. Yarim chiqarilish davri – taxminan 2 soatni tashkil etadi. Qo‘llanilishi yurak yetishmovchiligi, nefrotik sindromdagi (ayniqsa, agar boshqa dori vositalari yetarli darajada samarali bo‘lmasa yoki diuretiklar tomonidan chaqirilgan gipokaliemiya aniqlansa) shish sindromi; giperaldosteronizm oqibatida elektrolitlar almashinuvini buzilishlaridagi shishlar va assit; jigar sirrozida kuzatiladigan assit; arterial gipertenziyada qo‘llanadi. Qo‘llash usuli va dozalari Semilakt preparati ichga butun holda, chaynamasdan ovqatlanish vaqtida, yetarli miqdordagi suyuqlik bilan birga qabul qilinadi. Dozalash tartibi kasallikning nazologik shakli va suv-elektrolitlar almashinuvi buzilishining yaqqolligini hisobga olib, individual ravishda belgilanadi. Davolashning birinchi 3-6 kunlarida preparat har kuni o‘rtacha 4 tabletkagacha bo‘lgan sutkalik dozada buyuriladi. Samarani bir maromda saqlab turuvchi doza 1 tabletkadan sutkada 3 martagacha qabul qilinadigan dozani tashkil etadi. Klinik samaraning yaqqolligiga qarab bu doza har kuni yoki kunora, yoki 2 kundan keyin buyuriladi. Davolash davomiyligi individual belgilanadi. Nojo‘ya ta‘sirlari Suv-elektrolitlar almashinuvi tomonidan: uzoq vaqt qo‘llanganida giponatriemiya, gipo- yoki giperkaliemiya; kam hollarda – giperurikemiya, giperglikemiya, glyukozuriya. Markaziy nerv tizimi tomonidan (MNT): bosh aylanishi, uyquchanlik, bosh og‘rig‘i, ataksiya, ongni chalkashishi, quloqlarda shovqin, paresteziyalar, eishitishni pasayishi, ko‘rishning noaniqligi. Ovqat hazm qilish tizimi tomonidan: qorinda og‘riq, ko‘ngil aynishi, qusish, diareya, qabziyat, pankreatit, xolestatik sariqlik, anoreksiya, og‘iz bo‘shlig‘i va me‘da shilliq qavatini ta‘sirlanishi. Siydik-tanosil tizimi tomonidan: ereksiyani buzilishi, ginekomastiya (erkaklarda), sut bezlarida og‘riq, dismenoreya, amenoriya, girsutizm, ovozni dag‘allashishi (ayollarda). Allergik reaksiyalar: tizimli vaskulit, interstisial nefrit, nekrozlanuvchi angiit, eksfoliativ dermatit, ko‘p shaklli eritema, isitma, teri toshmalari, qichishish, eshakemi. Qon yaratish tizimi tomonidan: kam hollarda – aplastik anemiya, gemolitik anemiya, leykopeniya, agranulositoz, trombositopeniya. Qo‘llash mumkin bo‘lmagan holatlar spironolaktonga, furosemidga yoki sulfanilamidlarga o‘ta yuqori sezuvchanlik; o‘tkir buyrak yetishmovchiligi, anuriya; jigar faoliyatini yaqqol buzilishlari (jigar prekomasi va komasi); elektrolitlar almashinuvini to‘g‘rilanmaydigan buzilishlari: gipo- yoki giperkaliemiya, giperkalsiemiya, giponatriemiya. Dorilarning o‘zaro ta‘siri Kaliy preparatlari yoki kaliyni tejovchi diuretiklar (triamteren, amilorid), shuningdek angiotenzinga aylantiruvchi ferment ingibitorlari bilan birga qo‘llanganida giperkaliemiya rivojlanishi mumkin; Spironolakton glyukokortikoidlar, shuningdek surgi vositalari bilan birga qo‘llanganida gipokaliemiya rivojlanishi mumkin; Spironolakton me‘da-ichak yarasiga qarshi qo‘llanadigan karbenoksolon preparatining samarasini susaytirishi, noradrenalinning vazopressor samarasini kamaytirishi, digoksinning yarim chiqarilish davrini uzaytirishi mumkin; Salisilatlar spironolaktonning samarasini pasaytirishi mumkin; Furosemid gipoglikemik vositalar va pressor aminlarning ta‘sirini susaytirishi va salisilatlar, teofillin, litiy preparatlari va qutbsizlantirmaydigan miorelaksantlarning ta‘sirini kuchaytirishi mumkin; Nosteroid yallig‘lanishga qarshi vositalar (masalan, indometasin) furosemidning ta‘sirini pasaytirishi mumkin; Furosemid va aminoglikozid antibiotiklari bir vaqtda qo‘llanganida aminoglikozidlarning nefro- va ototoksik samaralari kuchayishi mumkin.   Maxsus ko‘rsatmalar Semilakt podagra, qandli diabet bilan xastalangan bemorlarga, jigar va/yoki buyraklar faoliyatini buzilishlarida, nafas va metabolik asidozni rivojlanish xavfi yuqori bo‘lgan pasientlarga ehtiyotkorlik bilan buyuriladi. Semilakt uzoq muddat qo‘llanganida zardobda elektrolitlarning, shuningdek mochevina, kreatinin, glyukoza va siydik kislotasining miqdorini vaqti-vaqti bilan nazorat qilish kerak. Semilaktni qabul qilish vaqtida alkogolni iste‘mol qilish ta‘qiqlanadi. Homiladorlik va emizish davrida qo‘llanishi Homiladorlik vaqtida preparatni shifokorning qat‘iy ko‘rsatmasi bo‘yicha kutilayotdigan foyda, potensial xavfdan ustun bo‘lganda qo‘llash mumkin. Semilaktni buyurish zarurati bo‘lganida emizishni to‘xtatish kerak. Avtotransportni haydash va mexanizmlarni boshqarish qobiliyatiga ta‘siri Preparatni qabul qilishda, ayniqsa davolashning boshida avtotransportni boshqarish va tezkor jismoniy va ruxiy reaksiyalarni talab qiluvchi boshqa ishlarni bajarish ta‘qiqlanadi. Keyinchalik ularni amalga oshirish ehtimoli individual ravishda aniqlanadi. Preparat bolalar olaolmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Simptomlari: degidratasiya, aylanib yurgan qon hajmini kamayishi, arterial gipotenziya, elektrolitlar muvozanatini buzilishi, shu jumladan gipokaliemiya, gipoxloremik alkaloz. Davolash: simptomatik – qon-tomirlar ichidagi suyuqlik hajmini va elektrolitlarning tanqisligini to‘ldirishdan tashkil topgan. Gemodializ furosemidning chiqarilishini tezlashtirmaydi. Chiqarilish shakli Qobiq bilan qoplangan tabletkalar. 10 tabletkadan blisterda. 1 blister qo‘llash bo‘yicha yo‘riqnomasi bilan birga karton qutida. Saqlash sharoiti Quruq joyda, 30°S dan yuqori bo‘lmagan xaroratda saqlansin. Yaroqlilik muddati 3 yil. Dorixonalardan berish tartibi Resept bo‘yicha.   Ulashish: