KLINLAK sirop 120ml

Инструкция KLINLAK sirop 120ml

• Dozirovkasi

  Qabziyatni davolashda Klinlak kuniga bir marta ertalab ovqat vaqtida qabul qilinadi. Kattalar – 15-45 ml; 7-14 yoshdagi bolalar – 15 ml; 3-6 yoshdagi bolalar – 5-10 ml; 3 yoshgacha bo'lgan bolalar – 5 ml. Jigar entsefalopatiyasini davolashda Klinlak 30 dan 50 ml gacha miqdorda kuniga uch marta qabul qilinadi.

• Qo'llanilishi mumkin bo'lmagan holatlar

  Preparatni galaktozemiya, ichak tutilishi, preparatning komponentiga yuqori sezuvchanlikda qo'llash mumkin emas.

• Maxsus saqlash sharoitlari

  Quruq, yorug'likdan himoyalangan joyda 30oS dan yuqori bo'lmagan haroratda saqlansin. Muzlatilmasin. Preparatni suyultirish va saqlashni davom ettirish tavsiya etilmaydi. Yaroqlilik muddati 2 yil.

• Maxsus shartlar

  Bir necha kundan so'ng terapevtik samara kuzatilmaganida shifokor bilan maslahatlashish kerak. Laktozani o'zlashtirolmasligi bo'lgan patsiyentlarga laktulozani ehtiyotkorlik bilan buyurish kerak. Preparat bog'lanmagan qandlarni (masalan, laktoza, galaktoza, epilaktoza) oz miqdorda saqlashi mumkinligini hisobga olish kerak. Odatda qabziyatni davolash uchun qo'llanadigan dozasini qandli diabet bilan xastalangan bemorlar uchun to'g'rilash talab qilinmaydi. Jigar komasi (koma oldi holati) ni davolashda odatda preparatning yuqoriroq dozalari buyuriladi, buni qandli diabeti bo'lgan patsiyentlarda hisobga olish kerak. Bolalarni davolashda surgi vositalari kamdan-kam hollarda va shifokor nazorati ostida qo'llanishi kerak. Davolash vaqtida bo'shanish refleksini buzilishlari ro'y berishi mumkin. Galaktozani o'zlashtirolmaslik, Lapp laktazasi tanqisligi yoki glyukoza-galaktoza malьabsorbtsiyasi kabi kam uchraydigan tug'ma buzilishlari bo'lgan patsiyentlar ushbu dori preparatini ishlatishlari mumkin emas. Homiladorlik va laktatsiya davrida qo'llanishi: Zarurat bo'lganida laktulozani homiladorlik vaqtida va emizish davrida buyurish mumkin. Avtomobilni va boshqa mexanizmlarni boshqarish qobiliyatiga ta'siri Preparatni qo'llash avtomobilni va mexanizmlarni boshqarish qobiliyatiga ta'sir qilmaydi yoki juda oz ta'sir qiladi. . Preparat bolalar olaolmaydigan joyda saqlansin va yaroqlilik muddati o'tgach qo'llanilmasin.

• Nojo'ya samaralari

  Laktulozani qabul qilishni birinchi kunlarida meteorizm bo'lishi mumkin. Odatda u bir necha kundan keyin o'tib ketadi. Jigar entsefalopatiyasini davolashda, yuqori dozalarda uzoq vaqt davomida qo'llash hollarida patsiyentlarda diareya oqibatida elektrolit muvozanatini buzilishi rivojlanishi mumkin. Me'da-ichak yo'llari tomonidan buzilishlar: meteorizm, qorinda og'riq, ko'ngil aynishi, qusish. Juda yuqori dozalarda ishlatilganida – diareya kuzatiladi. Boshqa buzilishlar: diareya oqibatida elektrolitlar muvozanatini buzilishi.

• Dozani oshirib yuborilishi

  Simptomlari: haddan tashqari yuqori dozalar qabul qilinganida qorinda og'riq va diareya ro'y berishi mumkin. Davolash: dozani kamaytirish yoki preparatni qabul qilishni to'xtatish kerak. Diareya yoki qusish oqibatida ko'p miqdorda suyuqlik yo'qotilganida elektrolit disbalansini to'g'rilash kerak.