EKSFORJ tabletkalari 5mg/160mg N14

Инструкция EKSFORJ tabletkalari 5mg/160mg N14

• Qadoqda soni

  14

• Umumiy ma'lumot

  EKSFORJ tabletkalari 5mg/160mg N14 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA EKSFORJ EXFORGE®   Preparatning savdo nomi: Eksforj Ta‘sir etuvchi moddalar (XPN): amlodipin besilati va valsartan Dori shakli: plyonka qobiq bilan qoplangan tabletkalar Tarkibi: 1 tabletka quyidagilarni saqlaydi: faol moddalar: 5 mg amlodipinga qayta hisoblaganda 6,94 mg amlodipin besilati va 80 mg valsartan yoki 5 mg amlodipinga qayta hisoblaganda 6,94 mg amlodipin besilati va 160 mg valsartan yoki 10 mg amlodipinga qayta hisoblaganda 13,87 mg amlodipin besilati va 160 mg valsartan; yordamchi moddalar: mikrokristall sellyuloza, krospovidon, magniy stearati, suvsiz kolloid kremniy dioksidi, polietilenglikol (makrogol) 4000, talk, gipromelloza, titan dioksidi (Ye 171), temir II oksidi (Ye 172), temir III oksidi (Ye 172) (faqat 10/160 mg doza uchun). Ta‘rifi: tabletkalar 5 mg/80 mg: to‘q-sariq, dumaloq shaklli, plyonka qobiq bilan qoplangan, chetlari qiya, bir tomonida ”NVR“ va boshqa tomonida –  “NV“ yozuvi bor; tabletkalar 5 mg/160 mg: to‘q-sariq, oval, plyonka qobiq bilan qoplangan, chetlari qiya, bir tomonida ”NVR“ va boshqa tomonida – “YeSE“ yozuvi bor; tabletkalar10 mg/160 mg: och-sariq, oval, plyonka qobiq bilan qoplangan, chetlari qiya, bir tomonida ”NVR“ va boshqa tomonida – “UIC“ yozuvi bor. Farmakoterapevtik guruhi: angiotenzin II ingibitorlarining majmuaviy preparatlari. ATX kodi: C09D B01 Farmakologik xususiyatlari Farmakodinamikasi Eksforj essensial gipertenziyasi bo‘lgan pasientlarda arterial bosimning nazoratini qo‘shimcha mexanizmlari bo‘lgan ikki antigipertenziv komponentlar saqlaydi: amlodipin kalsiy antagonistlari sinfiga, valsartan esa – angiotenzin II antagonistlari sinfiga kiradi. Bu ikki ingredientlarning majmuasi, alohida xar bir komponentga qaraganda kattaroq darajada arterial bosimni pasaytirib, additiv antigipertenziv samaraga ega. Amlodipin Amlodipin yurak va qon tomirlarning silliq mushaklariga kalsiy ionlarini membrana orqali kirishini susaytiradi. Amlodipinning antigipertenziv ta‘sir mexanizmi qon tomirlarning silliq mushaklariga bevosita bo‘shashtiruvchi ta‘siri bilan bog‘liq, bu periferik qon tomirlar qarshiligini kamayishiga sabab bo‘ladi va arterial bosimni pasayishiga olib keladi. Eksperimental ma‘lumotlar amlodipinni digidropiridinli va nodigidropiridinli bog‘lanish joylari bilan bog‘lanishini tasdiqlaydi. Yurak mushagi va qon tomirlarning silliq mushaklarini qisqaruvchanlik jarayonlari xujayradan tashqari kalsiyni bu xujayralarga spesifik ion kanallari orqali kirishiga bog‘liq. Essensial gipertenziyasi bo‘lgan pasientlarga terapevtik dozalar yuborilganidan keyin amlodipin vazodilatasiyani chaqiradi, bu yotgan va turgan holatlarda arterial bosimni pasayishini chaqiradi. Davomli dozalashda arterial bosimni bunday pasayishi yurak qisqarishlari tezligini yoki plazmadani katexolaminlarning darajalarini ahamiyatli o‘zgarishlari bilan birga kechmaydi. Samara yoshlar va keksa pasientlarda plazmadagi konsentrasiyalari bilan korrelyasiya qiladi. Buyrak faoliyati normal bo‘lgan pasientlarda amlodipinning terapevtik dozalari buyrak qon tomirlarining qarshiligini pasayishiga va glomerulyar filtrasiyaning darajasini oshishiga, shuningdek filtrlanayotgan fraksiyani yoki proteinuriyani o‘zgarishisiz plazmani buyrak bo‘ylab samarali oqishiga olib keladi. Amlodipin bilan davolangan, yurak qorinchalari faoliyati normal bo‘lgan pasientlarda tinchlik va yuklamada yurak faoliyatining gemodinamikasini o‘zgarishlari, umuman dp/dt yoki yurak chap qorinchasi va diastolik bosim yoki xajmga ahamiyatli ta‘sirsiz, yurak indeksini biroz oshishini ko‘rsatadi. Gemodinamik tekshirishlarda amlodipin intakt xayvonlar va odamlarda, hatto beta-blokatorlar bilan yuborilganida ham, manfiy inotrop samara ko‘rsatmagan. Amlodipin sog‘lom xayvonlar yoki odamda sinus-bo‘lmacha tugunini yoki bo‘lmacha-qorincha o‘tkazuchanlik faoliyatini o‘zgartirmaydi. Essensial gipertenziyasi yoki stenokardiyasi bo‘lgan pasientlarda amlodipin beta-blokatorlar bilan majmuada qo‘llangan klinik tadqiqotlarda, elektrokardiogramma ko‘rsatkichlarini o‘zgarishlari aniqlanmagan. Surunkali stabil stenokardiyasi, vazospastik stenokardiyasi va ishemik kasalligi bo‘lgan pasientlarda amlodipinni angiografik tasdiqlangan ijobiy klinik samaralari kuzatilgan. Valsartan Valsartan ichga qo‘llash uchun mo‘ljallangan angiotenzin II reseptorlarining faol va spesifik antagonisti hisoblanadi. U kam tarqalgan va angiotenzin II ning samaralariga javobgar bo‘lgan kichik tur AT1 reseptorlariga tanlab ta‘sir qiladi. Valsartan tomonidan AT1-reseptorlarining blokadasi oqibatida angiotenzin II ning yuqori darajalari erkin AT2-reseptorlarini rag‘batlantiraolmaydi, bu AT1-reseptorlarining samaralarini tenglashtiradi. Valsartan AT1-reseptorlariga nisbatan agonistni biron-bir qisman faolligiga ega emas va AT2-reseptorlariga nisbatan AT1-reseptorlari bilan ancha katta (taxminan 20000 marta) yaqinlikka ega. Valsartan angiotenzin I ni angiotenzin II ga aylantiradigan va bradikininni parchalaydigan, shuningdek kinaza II nomi bilan ma‘lum bo‘lgan AAF ni susaytiradi. Valsartan AAF ingibitori bilan solishtirilgan klinik tadqiqotlarda, quruq yo‘tal xollarining tez-tezligi valsartan bilan davolangan pasientlarda, AAF ingibitorini qabul qilgan pasientlarga qaraganda ahamiyatli kam (R<0,05) bo‘lgan (muvofiq 7,9% bilan solishtirganda 2,6%). Ilgari AAF ingibitori bilan davolangan pasientlarda quruq yo‘tal rivojlangan, valsartan bilan davolashda bu asorat 19,5% hollarda, tiazidli diuretik bilan davolashda esa – 19% hollarda, ayni vaqtda esa AAF ingibitorlari bilan davolangan pasientlar guruhida yo‘tal 68,5% xollarda kuzatilgan (R<0,05). Valsartan yurak-tomir tizimining faoliyatini boshqarilishida muhim rol o‘ynovchi boshqa gormonlarning reseptorlari yoki kalsiy kanallari bilan o‘zaro ta‘sirga kirishmaydi va bloklamaydi. Arterial gipertenziyasi bo‘lgan pasientlarga valsartanni buyurish, pulsning tez-tezligiga ta‘sir qilmasdan, arterial bosimni pasayishiga olib keladi. Preparatning bir martalik dozasi ichga buyurilganidan keyin ko‘pchilik pasientlarda antigipertenziv faollikni boshlanishi 2 soat chegaralarida aniqlanadi, arterial bosimni maksimal pasayishiga esa 4-6 soatlar chegarasida erishiladi. Bir martalik doza qabul qilinganidan keyin antigipertenziv samara 24 soatdan ko‘proq saqlanadi. Preparatni muntazam qo‘llash sharoitida maksimal terapevtik samaraga odatda 2-4 hafta davomida erishiladi va davomli davolash davomida erishilgan darajada tutib turiladi. Valsartanni birdan bekor qilish arterial gipertenziyani qaytalanishiga yoki boshqa nojo‘ya klinik ko‘rinishlarga olib kelmaydi. Surunkali yurak yetishmovchiligi (NYHA II-IV sinfi) bo‘lgan pasientlarda gospitalizasiya darajasini axamiyatli pasaytirishi aniqlangan. AAF ingibitorlarini yoki beta-blokatorlarni qabul qilmagan pasientlarda ahamiyatliroq samaraga erishilgan. Shuningdek chap qorincha patologiyasi yoki miokard infarktidan keyingi chap qorincha disfunksiyasi bo‘lgan klinik turg‘un pasientlarda, valsartanni yurak-qon tomir o‘limini pasaytirishi ham aniqlangan. Valsartan/amlodipin Ikki plasebo-nazoratlangan tadqiqotlarda arterial gipertenziyasi bo‘lgan 1400 dan ko‘proq pasientlar Eksforjni sutkada 1 marta qabul qilganlar. Preparatning yakka dozasini antigipertenziv samarasi taxminan 24 soat davom etgan. Eksforj (amlodipin besilati/valsartan)  gipertenziyasi va diastolik bosimi ≥ 95 mmHg va <110 mmHg bo‘lgan pasientlarda ikki plasebo-nazoratlangan tadqiqotlarda o‘rganilgan. Tadqiqotning birinchi bosqichida (boshlang‘ich arterial bosim 153/99 mmHg) Eksforj 5/80 mg, 5/160 mg va 5/320 mg dozalarda arterial bosimni plasebo uchun 7/7 mmHg bilan solishtirganda 20-23/14-16 mmHg ga pasaytirgan. Tadqiqotning ikkinchi bosqichida (boshlang‘ich arterial bosim 157/99 mmHg) Eksforj 10/160 mg va 10/320 mg dozalarda arterial bosimni plasebo uchun 13/9 mmHg bilan solishtirganda 28/18-19 mmHg ga pasaytirgan. Ko‘p markazli, randomizasiyalangan, ikki tomonlama yashirin, faol nazoratlangan tadqiqotlarda parallel guruxlarda arterial bosimni normallashishi, faqat 10 mg amlodipin qo‘llashni davom ettirayotgan pasientlardagi 67% bilan solishtirganda, 10 mg/160 mg amlodipin/valsartan qo‘llangan 75% pasientlarda aniqlangan (sinovning oxirida diastolik bosim < 90 mmHg gacha kelishi bilan). 160 mg valsartanni qo‘shish, faqat 10 mg amlodipin qo‘llangan pasientlar bilan solishtirganda sistolik/diastolik bosimni 2,9/2,1 mmHg ga qo‘shimcha pasayishini sababi bo‘lgan. Eksforj diastolik bosimi ≥110 mmHg va <120 mmHg bo‘lgan essensial gipertenziyasi bo‘lgan 130 pasientlarda faol nazoratlangan tadqiqotlarda o‘rganilgan. Bu tadqiqotda (boshlang‘ich arterial bosim 171/113 mmHg) Eksforjni 5 mg/160 mg dan 10 mg/160 mg gacha dozalash tartibida, lizinapril/gidroxlortiazidni 10 mg/12,5 mg dan  20 mg/12,5 mg gacha dozalash tartibi qo‘llanganidagi 32/28 mmHg bilan solishtirganda, doimiy arterial bosimni 36/29 mmHg ga pasaytirgan. Ikki uzoq muddatli tadqiqotlarda Eksforjning samarasini bir yildan ko‘proq saqlanishi isbotlangan. Preparatni birdan bekor qilish, arterial bosimni tez oshishiga olib kelmagan. Arterial bosimi amlodipin bilan adekvat nazoratlangan pasientlarda, to‘g‘ri kelmaydigan shishlarda majmuaviy davolash, shishlar kamayganida arterial bosimni o‘xshash nazoratini ta‘minlashi mumkin. Farmakokinetikasi To‘g‘ri proporsionallik Valsartan va amlodipin farmakokinetikani to‘g‘ri proporsionallikni namoyon qiladi. Amlodipin So‘rilishi. Amlodipin terapevtik dozalarda ichga qo‘llanganidan keyin, uning plazmadagi cho‘qqi konsentrasiyasiga 6-12 soat davomida erishiladi. Hisoblangan mutloq biokiraolishligi 64% dan 80% gachani tashkil qiladi. Ovqat amlodipinning biokiraolishligiga ahamiyatsiz ta‘sir qiladi. Taqsimlanishi. Taqsimlanish xajmi taxminan 21 l/kg ni tashkil qiladi. Amlodipinning in vitro sharoitdagi tekshirishlarida essensial gipertenziyasi bo‘lgan pasientlarda aylanib yuruvchi preparatning taxminan 97,5% plazma oqsillari bilan bog‘lanishi isbotlangan. Biotransformasiyasi. Amlodipin jigarda jadal (taxminan 90%) nofaol metabolitlarigacha metabolizmga uchraydi. Chiqarilishi. Amlodipinni plazmadan chiqarilishi taxminan 30-50 soat yarim chiqarilish davri bilan ikki fazali. Plazmadagi muvozanat darajalariga 7-8 kun davomida doimo yuborilganidan keyin erishiladi. Boshlang‘ich amlodipinni 10% va amlodipinning metabolitlarini 60% siydik bilan chiqariladi. Valsartan So‘rilishi. Valsartan ichga qabul qilinganidan keyin, valsartanning plazmadagi cho‘qqi konsentrasiyasiga 2-4 soat davomida erishiladi. Preparatning mutloq biokiraolishligini o‘rtacha ko‘rsatkichi 23% ni tashkil qiladi. Valsartanning farmakokinetik egri chizig‘i pastga tushuvchi multieksponensial xarakterga ega (yarim chiqarilish vaqti T1/2ά < 1 soat va T1/2β taxminan 9 soat). AUC (plazmadagi konsentrasiya-vaqt) ko‘rsatilishicha ovqat valsartanning ekspozisiyasini bo‘yicha taxminan 40% ga, plazmadagi konsentrasiyasini cho‘qqisi (Smax) esa – 50% ga pasaytiradi, garchi qo‘llanganidan keyin 8 soat o‘tgach plazmadagi valsartanning konsentrasiyasi, preparatni och qoringa qabul qilgan guruxlar va preparatni ovqatdan keyin qabul qilgan pasientlar guruxlar uchun bir xil bo‘lgan. AUC ni pasayishi terapevtik samarasini klinik ahamiyatli pasayishi bilan birga kechmaydi, shuning uchun valsartanni ovqat qabul qilishdan qat‘iy nazar qabul qilish mumkin. Taqsimlanishi. Vena ichiga yuborilganidan keyin valsartanni taqsimlanishining muvozanat xajmi taxminan 17 l ni tashkil qiladi, bu valsartanni to‘qimalarda jadal bo‘lmagan taqsimlanishini ko‘rsatadi. Valsartan plazma oqsillari bilan, asosan zardob albumini bilan mustahkam bog‘lanadi. Biotransformasiyasi. Valsartan ahamiyatli darajada transformasiya qilmaydi, chunki dozaning faqat 20% metabolitlariga o‘tadi. Plazmada past konsentrasiyalarda (valsartanning AUC dan 10% dan kamroq) gidroksimetaboliti aniqlangan, u farmakologik faol emas. Chiqarilishi. Valsartan asosan o‘zgarmagan holda axlat bilan (dozaning taxminan 83%) va siydik bilan (dozaning taxminan 13%) chiqariladi. Vena ichiga yuborilganidan keyin valsartanning plazmadagi klirensi taxminan soatiga 2 l, uning buyrak klirensi esa – taxminan soatiga 0,62 l (umumiy klirensidan taxminan 30%) tashkil qiladi. Valsartanning yarim chiqarilish davri – 6 soat. Valsartan/Amlodipin Eksforj peroral qabul qilinganidan keyin plazmadagi valsartan va amlodipinning cho‘qqi konsentrasiyalariga muvofiq 3 va 6-8 soatlarda erishiladi. Eksforjni so‘rilish tezligi va darajasi valsartan va amlodipinning biokiraolishligiga ekvivalent. Buyrak yetishmovchiligi Buyrak faoliyatini buzilishi amlodipinning farmakokinetikasiga ahamiyatli ta‘sir qilmaydi. Buyrak faoliyatini turli darajali buzilishlari bo‘lgan pasientlarda, buyrak faoliyatining holati (kreatinin klirensi bo‘yicha o‘lchanadi) va ekspozisiyasi (AUC bo‘yicha aniqlanadi) orasida real korrelyasiya yo‘q. Shuning uchun buyrak faoliyatini kuchsiz va o‘rtacha buzilishlari bo‘lgan pasientlar odatda boshlang‘ich dozani qabul qiladilar. Jigar faoliyatini buzilishi Jigar yetishmovchiligi bo‘lgan pasientlarda amlodipinning klirensi pasayadi, bu AUC ni taxminan 40-60% ga oshishiga olib keladi. Jigarning kuchsiz va o‘rtacha surunkali kasalliklari bo‘lgan pasientlarda valsartanning ekspozisiyasi (AUC qiymatlari bo‘yicha aniqlangan) sog‘lom ko‘ngillilardagidan o‘rtacha ikki marta yuqori (yosh, jins va tana vazni bo‘yicha tanlab olingan). Jigar kasalliklari bo‘lgan pasientlarda preparat qo‘llanganida ehtiyotkorlikka rioya qilish kerak. Qo‘llanilishi Monopreparat bilan arterial bosimi boshqarilmaydigan pasientlardagi essensial gipertenziyani davolashda qo‘llanadi. Qo‘llash usuli va dozalari Amlodipin yoki valsartan monopreparatlari bilan arterial bosimi noadekvat boshqariladigan pasientlar, Eksforj preparati bilan majmuaviy davolashga o‘tkazilishlari mumkin. Tavsiya etilgan doza – sutkada 1 tabletkani tashkil etadi. Eksforjni suv bilan birga qabul qilish tavsiya etiladi. Valsartan va amlodipinni alohida qabul qilayotgan pasientlarni, komponentlarning xuddi shunday dozalarini saqlovchi Eksforjga o‘tkazish mumkin. Arterial bosimni kerakli darajasiga erishish uchun bir necha preparatlarni qo‘llash kerak bo‘lgan pasientlarga, Eksforjni birinchi qator davolash sifatida buyurish mumkin. Essensial gipertenziyani davolash uchun birinchi qator davolash sifatida Eksforjni tanlashda, preparatni qo‘llashdan xavf/foyda nisbatini baholash kerak. Sutkalik doza – 1 tabletka Eksforj 5 mg/80 mg, yoki 1 tabletka Eksforj 5 mg/160 mg yoki 1 tabletka Eksforj 10 mg/160 mgni tashkil etadi. Doza 1 yoki 2 hafta davolashdan keyin maksimal 10 mg/160 mg gacha oshirilishi mumkin. Preparatning komponentlarini maksimal yo‘l qo‘yiladigan dozalari – amlodipinni saqlanishi bo‘yicha 10 mg, valsartanni saqlanishi bo‘yicha 320 mg. Pasientlarning alohida guruhlari Buyrak faoliyatini buzilishi Yengildan to o‘rtacha og‘irlik darajasidagi buyrak faoliyatini buzilishi bo‘lgan pasientlar uchun dozaga tuzatish kiritish talab qilinmaydi. Jigar faoliyatini buzilishi Jigar faoliyatini buzilishi yoki o‘t chiqarish yo‘llarining obstruksiyasi bo‘lgan pasientlarda Eksforj preparatini ehtiyotkorlik bilan qo‘llash kerak. Amlodipinning minimal dozasidan boshlashni ko‘rib chiqish kerak. Eksforj preparatining minimal dozasi 5 mg amlodipin saqlaydi. Pediatrik populyasiya (18 yoshgacha) Xafvsizligi va samaradorligi bo‘yicha ma‘lumotlar yetarli bo‘lmaganligi tufayli, Eksforj preparatini 18 yoshgacha bo‘lgan pasientlarda qo‘llash tavsiya etilmaydi. Keksa yoshdagi pasientlar (65 yosh va undan katta) Majmuaning ikkala komponenti bir xil dozada keksalar (65 yosh va undan kattalar) tomonidan ham, yoshroq pasientlar tomonidan ham qo‘llanilganda yaxshi o‘zlashtirilganligi tufayli, keksa pasientlar uchun boshlang‘ich dozaga tuzatish kiritish talab qilinmaydi. Amlodipinning minimal dozasidan boshlashni ko‘rib chiqish kerak. Eksforj preparatining minimal dozasi 5 mg amlodipin saqlaydi. Nojo‘ya ta‘sirlari Quyida keltirilgan nojo‘ya reaksiyalari a‘zolar, tizimlar va paydo bo‘lishini tez-tezligi bo‘yicha tasniflanadi, bunda eng tarqalganlari birinchi ko‘rsatilgan. Nojo‘ya reaksiyalar paydo bo‘lish tez-tezligini baholashda quyidagi mezonlar ishlatilgan: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam (<1/10000), shu jumladan alohida xabarlar. Har bir tez-tezlik uchun guruxda nojo‘ya reaksiyalar jiddiyligini kamayib borishi tartibida joylashgan. Infeksiyalar Tez-tez   Nazofaringit, grippsimon simptomlar Immun tizimi tomonidan buzilishlar Kam hollarda   O‘ta yuqori sezuvchanlik Ko‘rish a‘zolari tomonidan buzilishlar Kam hollarda   Ko‘rishni buzilishi Ruxiyat tomonidan buzilishlar Kam hollarda   Qo‘zg‘alish Nerv tizimi tomonidan buzilishlar Tez-tez Tez-tez emas   Bosh og‘rig‘i Bosh aylanishi, uyquchanlik, postural bosh aylanishi, parasteziya Eshitish a‘zosi tomonidan Tez-tez emas Kam hollarda   Vertigo Quloqlarda shovqin Yurak tomonidan buzilishlar Tez-tez emas Kam hollarda   Taxikardiya, yurakni tez urishi Xushdan ketish Tomirlar tomonidan buzilishlar Tez-tez emas Kam hollarda   Ortostatik gipotenziya Arterial gipotenziya Nafas tizimi tomonidan buzilishlar Tez-tez emas   Yo‘tal, tomoq va xalqumda og‘riq Gastrointestinal buzilishlar Tez-tez emas   Diareya, ko‘ngil aynishi, qorin og‘rig‘i, qabziyat, og‘izni qurishi Teri va teri osti to‘qimalari tomonidan buzilishlar Tez-tez emas Kam hollarda     Toshmalar, eritema Ko‘p terlash, ekzantema, qichishish Suyak-mushak tizimi tomonidan buzilishlar Tez-tez emas Kam hollarda   Bo‘g‘imlarni shishi, belda og‘riq, artralgiya Mushak tirishishlari, og‘irlik xissi Buyrak va siydik chiqarish tizimi tomonidan buzilishlar Kam hollarda     Siyishni tezlashishi, siydikni chiqishini ko‘payishi, mochevina azotini ko‘payishi Reproduktiv tizimining buzilishlari Kam hollarda   Erektil faoliyatni buzilishi Umumiy buzilishlar Kam hollarda   Shishlar, yengil shish, yuzni shishi, oyoqlarning shishi, toliqish, oqib kelishlar, asteniya, “issiq” oqib kelishlar Komponentlari bo‘yicha qo‘shimcha ma‘lumot Eksforj xatto agar klinik sinovlarda bunday reaksiyalar kuzatilmagan bo‘lsa ham, komponentlardan biri uchun ilgari aniqlangan nojo‘ya reaksiyalarni chaqirishi mumkin. Amlodipin Amlodipin bilan monoterapiyadagi klinik sinovlarda aniqlangan, o‘rganilgan preparat bilan sabab-oqibat aloqasidan qat‘iy nazar, qo‘shimcha nojo‘ya reaksiyalari quyidagi jadvalda keltirilgan. Amlodipinning klinik sinovlari keng doira variasiyalar sharoitida o‘tkazilganligi tufayli, preparatni klinik sinovlarida kuzatilgan nojo‘ya reaksiyalari haqidagi ma‘lumotlar, boshqa preparat klinik sinovlarini ma‘lumotlari bilan bevosita qiyoslash mumkin emas va amaliyotda kuzatilgan ma‘lumotlarga muvofiq kelmasligi mumkin. Amlodipin bilan monoterapiyadagi nojo‘ya reaksiyalar haqidagi ma‘lumotlar Ko‘rish tomonidan buzilishlar Tez-tez emas   Diplopiya Qon va limfatik tizimi tomonidan buzilishlar Juda kam hollarda Trombositopeniya, leykositopeniya Immun tizimi tomonidan buzilishlar Juda kam hollarda Allergik reaksiyalar Metabolizm va ovqatlanish tomonidan buzilishlar Juda kam hollarda Giperglikemiya Ruxiy buzilishlar Tez-tez emas Uyqusizlik, kayfiyatni o‘zgarishlari Nerv tizimi tomonidan buzilishlar Tez-tez emas Tremor, gipoesteziya, disgveziya Juda kam hollarda Periferik nevropatiya, gipertoniya Kardiologik buzilishlar Juda kam hollarda Aritmiya, bradikardiya, yurak bo‘lmachalarining fibrillyasiyasi, yurak qorinchasi taxikardiyasi, miokard infarkti Tomirli buzilishlar Juda kam hollarda Vaskulit Nafas, ko‘krak qafasi va ko‘ks oralig‘i a‘zolari tomonidan buzilishlar Tez-tez emas Xansirash, rinit Me‘da-ichak yo‘llari tomonidan buzilishlar Tez-tez emas Qusish, dispepsiya Juda kam hollarda Pankreatit, gastrit, milklarning giperplaziyasi Gepatobiliar tizimi tomonidan Juda kam hollarda Gepatit, sariqlik Teri va teri osti to‘qimalari tomonidan Tez-tez emas Alopesiya, purpura, teri rangini o‘zgarishi, fotosensibilizasiya Juda kam hollarda Angionevrotik shish, eshakemi, ko‘p shaklli eritema, Stivens-Djonson sindromi Suyak-mushak tizimi va biriktiruvchi to‘qima tomonidan buzilishlar Tez-tez emas Mialgiya Buyrak va siydik chiqarish tizimi tomonidan buzilishlar Tez-tez emas Siyishni buzilishi, nikturiya Reproduktiv tizimi va sut bezlari tomonidan buzilishlar Tez-tez emas Ginekomastiya Umumiy buzilishlar va yuborilgan joyning xolati Tez-tez emas Og‘riq, lohaslik, ko‘krakda og‘riq Tekshirishlarning ma‘lumotlari bo‘yicha buzilishlar Tez-tez emas Tana vaznini kamayishi, tana vaznini oshishi Juda kam hollarda Jigar fermentlarini oshishi (ko‘pincha xolestaz oqibatida) Valsartan Valsartan bilan klinik sinovlarda, o‘rganilayotgan preparat bilan sabab-oqibat bog‘lanishidan qat‘iy nazar, aniqlangan qo‘shimcha nojo‘ya ko‘rinishlar quyidagi jadvalda keltirilgan. Post-marketing tadqiqotlarda qayd qilingan va laboratoriya ko‘rsatgichlari bo‘yicha barcha nojo‘ya reaksiyalar uchun, nojo‘ya reaksiyalarning biron-bir tez-tezligining ko‘rsatishni iloji yo‘q va demak, bunday reaksiyalar “noma‘lum” tez-tezlik bilan ko‘rsatiladi. Valsartan bilan monoterapiyadagi preparatga nojo‘ya reaksiyalar Qon va limfatik tizimi tomonidan buzilishlar Noma‘lum Gemoglobinni pasayishi, gematokritni pasayishi, neytropeniya, trombositopeniya Immun tizimi tomonidan buzilishlar Noma‘lum O‘ta yuqori sezuvchanlik, shu jumladan zardob kasalligi Metabolizm va ovqatlanish tomonidan buzilishlar Noma‘lum Qon zardobida kaliyning darajasini oshishi Tomirli buzilishlar Noma‘lum Vaskulit Gepatobiliar tizimi tomonidan buzilishlar Noma‘lum Jigar faoliyatining ko‘rsatgichlarini oshishi, shu jumladan qon zardobidagi bilirubinni oshishi Teri va teri osti to‘qimalari tomonidan buzilishlar Noma‘lum Angionevrotik shish, bullyoz dermatit Suyak-mushak tizimi va biriktiruvchi to‘qima tomonidan buzilishlar Noma‘lum Mialgiya Buyrak va siydik chiqarish yo‘llari tomonidan buzilishlar Tez tez emas Buyrak yetishmovchiligi va buyrak faoliyatini yomonlashishi, qon zardobida kreatininning darajasini oshishi Tekshirilayotgan preparat bilan ularni sabab bog‘lanishidan qat‘iy nazar, gipertoniya kasalligi bo‘lgan pasientlarda klinik sinovlar vaqtida shuningdek, quyidagi nojo‘ya reaksiyalar ham kuzatilgan: uyqusizlik, libidoni pasayishi, faringit, rinit, sinusit, yuqori nafas yo‘llarining infeksiyalari, virusli infeksiyalar. Qo‘llash mumkin bo‘lmagan holatlar Amlodipinga, valsartanga yoki yordamchi moddalardan birontasiga yuqori sezuvchanlik. Angiotenzin reseptorlarining antagonistlarini, shu jumladan valsartanni yoki angiotenzinga-aylantiruvchi ferment (AAF) ingibitorlarini aliksiren bilan II tur qandli diabeti bo‘lgan pasientlarda bir vaqtda qo‘llash mumkin emas. Dorilarning o‘zaro ta‘siri Amlodipin Amlodipin bilan monoterapiyada quyidagi preparatlar bilan klinik ahamiyatli o‘zaro ta‘siri aniqlanmagan: tiazidli diuretiklar, beta-blokatorlar, AAF ingibitorlari, davomli ta‘sirli nitratlar, sublingval nitrogliserin, digoksin, varfarin, atorvastatin, sildenafil, maaloks (alyuminiy gidroksidi geli, magniy gidroksidi, simetikon), simetidin, NYAQV, antibiotiklar, peroral gipoglikemik vositalar. Simvastatin: Amlodipinning 10 mg va simvastatinning 80 mg ko‘p martalik dozalarini birga yuborish, bir simvastatinni yuborish bilan solishtirganda, simvastatinning ekspozisiyasini 77% oshishiga olib kelgan. Amlodipin qabul qilayotgan pasientlarda simvastatinning dozasini 20 mg gacha cheklash tavsiya etiladi. CYP3A4 ingibitorlari: Diltiazemning 180 mg sutkalik va amlodipinning 5 mg dozalarini gipertoniya kasalligi bo‘lgan keksa pasientlarga birga yuborish, amlodipinning tizimli ekspozisiyasini 1,6 marta oshishiga olib kelgan. Shunga qaramasdan, CYP3A4 ning kuchli ingibitorlari (masalan, ketokonazol, itrakonazol, ritonavir), qon plazmasidagi amlodipinning konsentrasiyasini, diltiazemga qaraganda kattaroq darajada oshirishi mumkin. Shuning uchun, amlodipin CYP3A4 ingibitorlari bilan birga qo‘llanganida ehtiyotkorlik ko‘rsatish kerak. Greypfrut sharbati: greypfrut sharbati bilan birga qo‘llanilganda CYP3A4 ni ingibisiya qilinishi tufayli, amlodipinning ekspozisiyasi oshishi mumkin. Shunga qaramasdan, 240 ml greypfrut sharbatini 10 mg amlodipinning bir martalik peroral dozasi bilan birga qo‘llanilganda 20 nafar sog‘lom ko‘ngillilarda amlodipinning farmakokinetikasiga ahamiyatli darajada ta‘sir ko‘rsatmagan. CYP3A4 induktorlari: CYP3A4 induktorlarini amlodipinga nisbatan miqdoriy samaralari haqida ma‘lumotldar yo‘q. Amlodipin CYP3A4 induktorlari bilan bir vaqtda qo‘llanganida pasientlarni adekvat klinik samaraga nisbatan nazorat qilish kerak. Litiy: Litiy AAF ingibitorlari yoki angiotenzin II reseptorlarining antagonistlari bilan birga qo‘llanganida litiyning zardobdagi konsentrasiyasini va toksikligi ko‘rinishlarini qaytuvchan oshishi haqida xabar berilgan. Demak, birga qo‘llanganida litiyning zardobdagi konsentrasiyalarini sinchiklab monitoring qilish tavsiya etiladi. Xatto diuretik qo‘llanganida, litiyning toksikligini xavfi Eksforj preparati bilan ehtimol oshishi mumkin. Valsartan Angiotenzin reseptorlarining antagonistlari, AAF ingibitorlari yoki aliksiren tomonidan renin-angiotenzin tizimini (RAT) ikkilangan blokadasi: angiotenzin reseptorlarining antagonistlarini, shu jumladan valsartanni RAT ga ta‘sir qiluvchi boshqa moddalar bilan bir vaqtda qo‘llash, monoterapiya bilan solishtirganda gipotenziyalar, giperkaliemiyalar va buyrak faoliyatini o‘zgarishlari xollari miqdorini oshishi bilan bog‘liq. Eksforj va RAT ga ta‘sir qiluvchi boshqa moddalarni qabul qilayotgan bemorlarda arterial bosim, buyrak faoliyati va elektrolitlar darajasini nazorat qilish kerak. Og‘ir buyrak yetishmovchiligi (kreatinin klirensi <30 ml/minut) bo‘lgan bemorlarda angiotenzin reseptorlarining antagonistlari, shu jumladan valsartan yoki AAF ingibitorlarini aliksiren bilan bir vaqtda qo‘llashdan saqlanish kerak. Valsartan bilan monoterapiyada quyidagi preparatlar bilan klinik ahamiyatli o‘zaro ta‘siri aniqlanmagan: simetidin, varfarin, furosemid, digoksin, atenolol, indometasin, gidroxlortiazid, amlodipin, glibenklamid. Kaliyli qo‘shimchalar, kaliyni tejovchi diuretiklar, kaliy saqlovchi tuzlar o‘rnini bosuvchi yoki kaliyning darajasini oshirishi mumkin bo‘lgan boshqa preparatlar (geparin va boshqalar) bir vaqtda qo‘llanganida, ehtiyotkorlik talab qilinadi. Kaliyning miqdori darajalarini tez-tez nazorat qilishni ko‘zda tutish kerak. Nosteroid yallig‘lanishga qarshi vositalar (NYAQV), shu jumladan siklooksigenaza-2 ning (SOG 2 ingibitorlari) selektiv ingibitorlari: angiotenzin II antagonistlari NYAQV bilan bir vaqtda yuborilganida, antigipertenziv samarasini susayishi kuzatilishi mumkin. Bundan tashqari, suyuqlikning xajmi pasaygan (shu jumladan diuretiklar bilan davolashda bo‘lgan pasientlarda) yoki buyrak faoliyatini buzilishi bo‘lgan keksa yoshli pasientlarda angiotenzin II antagonistlari va NYAQV ni bir vaqtda qo‘llash, buyrak faoliyatini yomonlashishini yuqori xavfiga olib kelishi mumkin. Shunday qilib, bir vaqtda NYAQV qabul qilayotgan valsartan bilan davolanayotgan pasientlarda, boshida yoki davolash o‘zgartirilganida buyrak faoliyatini nazoratini o‘tkazish tavsiya etiladi. Tashuvchilar: odam jigari to‘qimasida in vitro sharoitda tadqiqotlar natijasi valsartanni jigar qamrab olish OAT1V1 transportyori substrati va jigardan oqib chiqish MRP2 transpartyori substrati hisoblanadi. Qamrab olish transpartyori ingibitorlari (rifampisin, siklosporin) yoki oqib chiqish transpartyorini (ritonavir) bir vaqtda buyurish, valsartinning tizimli ta‘sirini oshirishi mumkin. Maxsus ko‘rsatmalar Organizmida natriy va/yoki aylanayotgan qon xajmini tanqisligi bo‘lgan pasientlar Angiotenzin-reseptorlarining blokatorlarini qabul qilayotgan, asoratlanmagan arterial gipertenziyasi bo‘lgan pasientlarda xaddan ziyod gipotenziya kuzatilgan. Renin-angiotenzin tizimi faollashgan pasientlarda (natriy va/yoki aylanayotgan qon xajmi past bo‘lgan va diuretiklarning yuqori dozalarini qabul qilayotgan), simptomatik gipotenziya paydo bo‘lishi mumkin. Eksforjni qo‘llashdan oldin bunday holatni muvofiqlashtirish yoki davolashni boshida sinchkov tibbiy kuzatuv tavsiya etiladi. Eksforj qo‘llanganida arterial gipotenziya paydo bo‘lganida, pasientni chalqancha yotqizish va agar kerak bo‘lsa, vena ichiga fiziologik eritmaning infuziyasini o‘tkazish lozim. Arterial bosim barqarorlashganidan keyin davolash davom ettirilishi mumkin. Giperglikemiya Kaliyli qo‘shimchalar, kaliy tejovchi diuretiklar, kaliy saqlovchi tuzlar o‘rnini bosuvchilar, yoki kaliyning darajasini oshirishi mumkin bo‘lgan boshqa preparatlar (geparin va boshqalar) bilan bir vaqtda davolashni extiyotkorlik bilan o‘tkazish kerak, shuningdek qon zardobida kaliyning miqdorini ko‘proq nazorat qilishni ko‘zda tutish kerak. Beta-blokatorlarni bekor qilish Amlodipin beta-blokator emas va shuning uchun beta-blokatorlarni birdan bekor qilish xavfidan himoya qilmaydi, shuning uchun beta-blokatorning dozasini asta-sekin bekor qilish kerak. Buyrak arteriyasining stenozi Buyrak arteriyasining bir tomonlama yoki ikki tomonlama stenozi bo‘lgan pasientlarda Eksforjni qo‘llash bo‘yicha ma‘lumotlar yo‘q. Buyrakni ko‘chirib o‘tkazish Yaqinda buyrak ko‘chirib o‘tkazilishini o‘tkazgan pasientlarda Eksforjni qo‘llashning xavfsizligini tajribasi yo‘q. Jigar faoliyatini buzilishi Valsartan asosan o‘zgarmagan holda safro bilan chiqariladi, amlodipin esa jigarda jadal metabolizmga uchraydi. Jigar faoliyatini buzilishi yoki o‘t qopini obstruktiv buzilishlari bo‘lgan pasientlarda Eksforj qo‘llanganida alohida ehtiyotkorlik kerak. Buyrak faoliyatini buzilishi Buyrak faoliyatini kuchsiz va o‘rtacha buzilishlari bo‘lgan pasientlar uchun Eksforjning dozasiga tuzatish kiritish zarurati yo‘q. Buyrak faoliyatini og‘ir buzilishlari (kreatinin klirensi minutiga 10 ml/ dan kam) bo‘lgan pasientlar uchun preparatni qo‘llash bo‘yicha ma‘lumotlar yo‘q, shuning uchun ehtiyot bo‘lish tavsiya etiladi. Og‘ir buyrak yetishmovchiligi (kreatinin klirensi <30 ml/minut) bo‘lgan pasientlarda angiotenzin reseptorlarining antagonistlarini, shu jumladan valsartanni, yoki AAF ingibitorlarini aliksiren bilan bir vaqtda qo‘llashdan saqlanish kerak. Aorta va mitral klapan klapan stenozi, obstruktiv gipertrofik kardiomiopatiya. Boshqa vazodilatatrolar bilan davolashdagi kabi, aorta stenozi yoki mitral klapan stenozi bo‘lgan pasientlarda yoki obstruktiv gipertrofik kardiomiopatiyada aloxida extiyotkorlikka rioya qilish kerak. Nostabil stenokardiyada preparatni ehtiyotkorlik bilan qo‘llash kerak. Angionevrotik shish Valsartan qabul qilgan pasientlarda nafas yo‘llarining obstruksiyasiga va/yoki yuz, lablar, tomoq va/yoki tilni shishiga olib keluvchi xalqum va tovush yoriqlarining shishini o‘z ichiga oluvchi, angionevrotik shish haqida xabarlar bor. Bu pasientlardan ayrimlarining anamnezida boshqa preparatlar, shu jumladan AAF ingibitorlari chaqirgan angionevrotik shish rivojlanishi haqida ko‘rsatmalar bor. Angionevrotik shish rivojlanayotgan pasientlarda Eksforjni darxol bekor qilish kerak va bu preparatni qayta buyurish mumkin emas. Yurak yetishmovchiligi bo‘lgan/o‘tkazilgan miokard infarktidan keyingi pasientlar Umuman kalsiy kanallarining blokatorlarini, shu jumladan amlodipin, jiddiy dimlangan yurak yetishmovchiligi (Nyu-York kardiologik assosiasiyasi (NYNA) tasnifi bo‘yicha III-IV funksional sinfi) bo‘lgan pasientlarda extiyotkorlik bilan ishlatish kerak. Buyrak faoliyati renin-angiotenzin-aldosteron tizimining faolligiga bog‘liq bo‘lgan pasientlarda (masalan, og‘ir dimlangan yurak yetishmovchiligi), angiotenzinga-aylantiruvchi ferment ingibitorlari yoki angiotenzin reseptorlarining antagonistlari bilan davolash, oliguriya va/yoki progressiv azotemiya va kam hollarda o‘tkir buyrak yetishmovchiligi va/yoki  o‘lim bilan bog‘liq bo‘lgan. Yurak yetishmovchiligi bo‘lgan yoki o‘tkazilgan miokard infarktidan keyingi pasientlarni baholash, doimo buyrak faoliyatini baholashni o‘z ichiga olishi kerak. O‘tkir miokard infarkti bo‘lgan pasientlar Stenokardiyani yomonlashishi va o‘tkir miokard infarkti amlodipinning boshlang‘ich dozasini qabul qilgandan yoki uni oshirgandan keyin rivojlanishi mumkin, ayniqsa koronar arteriyalarning og‘ir obstruktiv kasalliklari bo‘lgan pasientlarda. Renin-angiotenzin tizimini (RAT) ikkilangan blokadasi. Angiotenzi