MUSKOMED krem 30g 0,25%

Инструкция MUSKOMED krem 30g 0,25%

• Umumiy ma'lumot

  MUSKOMED krem 30g 0,25% qo'lanishi bo'yicha ko'rsatmalar QO‘LLASH BO‘YICHA YO‘RIQNOMA MUSKOMED MUSCOMED Preparatning savdo nomi: Muskomed Ta‘sir etuvchi modda (XPN): tiokolxikozid Dori shakli: krem Tarkibi: 1 g krem quyidagilarni saqlaydi: faol modda: 2,5 mg tiokolxikozid; yordamchi moddalar: polisorbat 80, gidrogenlangan lanolin, setil spirti, setilefir mumi, stearin kislotasi, metilparagidrosibenzoati, etilparagidroksibenzoati, natriy alginati, natriy laurilsulfati, jo‘ka daraxti essensiyasi, tozalangan suv. Ta‘rifi: och sariq rangli bir xil krem. Farmakoterapevtik guruhi: markaziy ta‘sirga ega miorelaksant. ATX kodi: M03VX05 Farmakologik hususiyatlari Farmadinamikasi Muskomed faol modda sifatida kolxikozidning tabiiy glikozididan olinadigan yarim sintetik miorelaksant tiokolxikozid saqlaydi. Gamma-aminomoy kislotasi (GAMK) va glisinergik reseptorlariga selektiv affinlik namoyon qiladi, bu preparatni nerv tizimining turli darajalarida, mahalliy xarakterga ega bo‘lgan spazmlarida ham, markaziy rivojlangan spazmlarda ham preparatning ta‘siri bilan ifodalanadi. Markaziy nerv tizimining ta‘siri bilan bog‘liq bo‘lgan mushak spazmlarini o‘rtacha darajada pasaytiradi yoki bartaraf qiladi. Spastik mushak gipertoniyasida bo‘g‘imlarni yozilishiga mushaklarning passiv qarshiligini pasaytiradi yoki og‘riqli ixtiyorsiz mushak spazmlarini kamaytiradi. Muskomed kuraresimon ta‘sir ko‘rsatmaydi, mushaklar falajini chaqirmaydi va yurak qon-tomir va nafas tizimlariga ta‘sir qilmaydi. Farmakokinetikasi Mahalliy qo‘llanganida tizimli qon oqimiga deyarli o‘tmaydi. Faol moddaning taxminan 70% preparat surtilgan sohada qoladi. Oqsillar (asosan albuminlar) bilan bog‘lanishi 13% ni tashkil etadi. Tiokolxikozid va uning metabolitlari asosan axlat bilan chiqariladi. Qo‘llanilishi Og‘riqli mushak spazmlarini simptomatik davolash uchun qo‘llanadi. Qo‘llash usuli va dozalari Muskomed krem sirtga qo‘llanadi. Muskomed krem kattalar va 15 yoshdan oshgan bolalarga davolovchi shifokorning nazorati ostida sutkada 2-3 marta qo‘llanadi. Kremning kerakli qismi teriga qo‘yiladi va yengil surtiladi. Qo‘llanayotgan preparatning miqdori og‘riqli sohaning o‘lchamiga bog‘liq. Preparat surtilganidan keyin qo‘llarni yuvish kerak. Davolash davomiyligi ko‘rsatmalarga va davolash samaradorligiga bog‘liq. Nojo‘ya ta‘sirlari Uzoq muddat qo‘llanganida o‘ta yuqori sezuvchanlik reaksiyalari (kontakt dermatit, teri toshmalari, eshakemi, bronxial astma, angionevrotik shish) rivojlanishi mumkin. Qo‘llash mumkin bo‘lmagan holatlar preparatning komponentlariga yuqori sezuvchanlik; teri qoplamlarining butunligini buzilishi; mushaklar gipotoniyasi; mushaklarni yengil falaji; homiladorlik; laktasiya davri; 15 yoshgacha bo‘lgan bolalarda qo‘llash mumkin emas. Dorilarning o‘zaro ta‘siri Dorilarning o‘zaro ta‘siri to‘g‘risida ma‘lumotlar yo‘q. Biroq boshqa miorelaksantlar bilan bir vaqtda qabul qilinganida ehtiyotkorlikka rioya qilish tavsiya etiladi. Markaziy nerv tizimining faoliyatini susaytiruvchi preparatlar, shu jumladan alkogol, antigipertenziv vositalar, kuraresimon preparatlar bilan bir vaqtda qo‘llanganida miorelaksasiyani kuchayishi va MNT faoliyatini susayishi, gipotoniya rivojlanishi mumkin. Antikoagulyantlar bilan bir vaqtda qo‘llanganida qon ketishini rivojlanish havfi oshadi. Maxsus ko‘rsatmalar O‘ta yuqori sezuvchanlik reaksiyalari rivojlanganida preparat bilan davolashni to‘xtatish kerak. Muskomed kremini faqat shikastlanmagan teriga surtish, ochiq jarohatlarga tushishidan saqlanish kerak. Surtilganidan so‘ng okklyuzion bog‘lov qo‘yish mumkin emas. Preparatni ko‘zlarga va shilliq qavatlarga tushishiga yo‘l qo‘yish kerak emas. Homiladorlikda va emizish davrida qo‘llanishi Homiladorlikda va laktasiya davrida Muskomed preparatini qo‘llash mumkin emas. Pediatriyada qo‘llanishi Preparatni 15 yoshgacha bo‘lgan bolalarga qo‘llash mumkin emas. Avtomobil va boshqa mexanizmlarni boshqarish qobiliyatiga ta‘siri Davolanish vaqtida avtotransportni boshqarishda va diqqatni yuqori jamlash hamda psixomotor reaksiyalar tezligini talab etuvchi boshqa potensial havfli faoliyat turlarini bajarishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Dozani oshirib yuborilishi xaqida ma‘lumotlar yo‘q. Simptomlari: nojo‘ya ta‘sirlari kuchayishi mumkin. Davolash: simptomatik va tutib turuvchi davolash o‘tkaziladi. Chiqarilish shakli Krem 30 g dan alyumin tubada. 1 alyumin tuba qo‘llash bo‘yicha yo‘riqnomasi bilan birga karton qutida. Saqlash sharoiti 25oS dan yuqori bo‘lmagan haroratda saqlansin. Yaroqlilik muddati 3 yil. Dorixonalardan berish tartibi Resept bo‘yicha Ulashish: