LEVOMEREM maz 10g

Инструкция LEVOMEREM maz 10g

• Umumiy ma'lumot

  LEVOMEREM maz 10g qo'lanishi bo'yicha ko'rsatmalar QO‘LLASH BO‘YICHA YO‘RIQNOMA LEVOMEREM® LAEVOMEREM   Preparatning savdo nomi: Levomerem® Ta‘sir etuvchi modda (XPN): Xloramfenikol, metilurasil Dori shakli: Surtma Tarkibi: Faol moddalar: Xloramfenikol – 0,75 g, metilurasil – 4 g. Yordamchi moddalar: polietilenoksid (polietilenglikol) – 100 g gacha. Ta‘rifi: Oq yoki sarg‘ish tusli oq rangli surtma. Farmakoterapevtik guruhi: Antiseptik va dezinfeksiyalovchi vosita. ATX kodi: D06S   Farmakologik xususiyatlari Farmakodinamika Xloramfenikol (sinonimi Levomisetin) mikroblarga qarshi ta‘sir ko‘rsatadi. Mikroblarga qarshi ta‘sir mexanizmi mikroorganizmlar oqsillari sintezini buzilishi bilan bog‘liq. Bakteriostatik ta‘sir ko‘rsatadi. Grammusbat (stafilokokklar va streptokokklar) va grammanfiy (gonokokklar, meningokokklar) kokklarga, ko‘pchilik bakteriyalar (ichak, ko‘k yiring va gemofil tayoqchalari, salmonellalar, shigellalar, klebsiellalar, serrasiyalar, iersiniyalar, proteylar), rikketsiyalar, spiroxetalar, ayrim yirik viruslarga nisbatan faol. Penisillin, streptomisin, sulfanilamidlarga chidamli shtammlarga nisbatan faol. Biologik membranalarni shikastlamasdan to‘qimalarga oson o‘tadi. Yiring va nekrotik to‘qimalar mavjudligida preparatning bakteriyalarga qarshi ta‘siri saqlanadi. Metilurasil hujayra regenerasiyasi jarayonlarini tezlashtiradi, yallig‘lanishga qarshi va fotohimoyalovchi ta‘sir ko‘rsatadi. Polietilenglikol osh tuzining gipertonik eritmasining ta‘siriga qaraganda o‘n marta ko‘p degidratasion ta‘sirga ega.   Farmakokinetika Preparat biologik membranalarni shikastlamasdan to‘qimalarga oson o‘tadi. Preparatniteriga, yaralarga va shilliq qavatga qo‘llangandan so‘ng tizimli so‘rilish darajasi aniq emas. Qo‘llanilishi Infeksiyalangan yaralar (shikastlanish jarayonini birinchi yiringli-nekrotik bosqichida), furunkullar va boshqa yiringli teri jarohatlari, uzoq muddat bitmaydigan trofik yaralar, II va III darajadagi kuyishlarni davolashda qo‘llaniladi. Qo‘llash usullari va dozalari Sirtga. Yaraga standart ishlov berilgandan keyin (nekrotik to‘qimalarni mexanik olib tashlash, vodorod peroksidi bilan yuvish) surtma bilan shimdirilgan steril doka salfetkalar bilan yara g‘ovakli to‘ldiriladi. Kateter (drenaj trubka) orqali yiring bo‘shlig‘iga shpris yordamida preparat yuborilishi mumkin. Bunday hollarda surtma oldindan 35-360S gacha isitiladi. Har kuni yara yiringli-nekrotik massalardan toza bo‘lguncha bog‘lov o‘tkaziladi. Nojo‘ya ta‘sirlari Teri toshmasi kabi allergik reaksiyalar. Bunday hollarda preparatni qo‘llash to‘xtatiladi va desensibilizasiyalovchi davolash o‘tkaziladi. Qo‘llash mumkin bo‘lmagan holatlar Preparat komponentlariga bo‘lgan shaxsiy yuqori sezuvchanlik.   Dorilarning o‘zaro ta‘siri: Dorlarning o‘zaro ta‘siri xolatlari xozirgi vaqtgacha kuzatilmadi.   Maxsus ko‘rsatmalar Avtomobil va boshqa mexanizmlarni boshqarish qobiliyatiga ta‘siri: Preparatni qo‘llash avtomobil va boshqa mexanizmlarni boshqarish qobiliyatiga ta‘sir qilmaydi. Xomiladorlik va emizish davrida agar ona uchun kutilayotgan foyda xomila uchun potensial xavfdan yuqoribo‘lgan xolatlarda qo‘llaniladi. Preparatni bolalar olaolmaydigan joyda saqlash va uni yaroqlilik muddati o‘tgach ishlatmaslik lozim.   Dozani oshirib yuborilishi Xozirgi vaqtda dozani oshrib yuborilish xolatlari kuzatilmagan.   Chiqarilish shakli Surtma tubalarda yoki bankalarda. Saqlash sharoiti Yorug‘likdan himoyalangan joyda, 25oS dan yuqori bo‘lmagan haroratda saqlansin. Yaroqlilik muddati 3 yil. Dorixonalardan berish tartibi Reseptsiz. Ulashish: