EMKOR tabletkalari 5mg N30

Инструкция EMKOR tabletkalari 5mg N30

• Qadoqda soni

  30

• Dozirovkasi

  Doza shaxsiy, davolashning samaradorligi va pulsning tez-tezligini hisobga olib tanlanadi. Arterial gipertenziya va yurak ishemik kasalligi boʻlgan bemorlarga 2,5-10 mg sutkalik doza, sutkada 1-marta buyuriladi. Boshlangʻich doza 2,5 mg, sutkada 1-marta maksimal sutkalik doza – 10 mg sutkada 1-marta. Doza asta-sekin titrlash usuli bilan oshiriladi. Jigar yoki buyraklar faoliyatini yengil yoki oʻrtacha buzilishlari boʻlgan patsiyentlarda, shuningdek keksa bemorlarda odatda dozani tanlash talab etilmaydi. Surunkali yurak yetishmovchiligini davolashda (soʻnggi 6 hafta davomida zoʻrayishsiz barqaror holatda boʻlgan) quyidagi dozalash tartibi tavsiya qilinadi: boshlangʻch doza 1,25 mg ni tashkil qiladi, birinchi hafta davomida sutkada 1-marta, qabul qilishni ikkinchi haftasi davomida sutkada 2,5 mg, uchinchi haftasi davomida – sutkada 3,75 mg, toʻrtinchi haftadan sakkizinchi haftasigacha - 5 mg, soʻngra doza 7,5 mg gacha oshiriladi, davolashning oʻn ikkinchi haftasidan soʻng 10 mg maksimal doza buyuriladi. Shifokor shaxsiy oʻzlashtirilishiga qarab dozalash tartibini oʻzgartirishi mumkin. Emkorni ertalab, och qoringa yoki nonushta vaqtida koʻp boʻlmagan miqdordagi suyuqlik bilan qabul qilish tavsiya etiladi. Emkor preparati bilan davolashni birdan toʻxtatish mumkin emas, davolash kursini odatda, dozani asta-sekin kamaytirish bilan tugatish lozim. Barcha hollarda preparat bilan davolashning davomiyligini shifokor belgilaydi.

• Dori vositalarining o'zaro ta'siri

  Bisoprolol boshqa gipotenziv vositalarning, shuningdek gipotenziv taʼsir koʻrsatishi mumkin boʻlgan preparatlarning taʼsirini kuchaytirishi mumkin. Rezerpin, alfa-metildopa, klonidin, angishvonagul yoki guanfatsin bilan bir vaqtda qoʻllanganida, yaqqol bradikardiya boʻlishi mumkin. Bisoprololni qabul qilish fonida kalsiy kanallarining blokatorlari va aritmiyaga qarshi vositalarni vena ichiga buyurish mumkin emas. Ergotamin hosilalarini bir vaqtda qabul qilish, periferik qon aylanishini buzilishini kuchaytirishi mumkin. Insulin yoki boshqa gipoglikemik vositalar bir vaqtda qoʻllanganida ularning taʼsiri kuchayishi mumkin.

• Qo'llanilishi mumkin bo'lmagan holatlar

  Kardiogen shok, II va III darajali AV-blokada, sinus tugunining kuchsizligi sindromi, sinoatrial blokada, bradikardiya (puls minutiga 50 zarbdan kam), arterial gipotenziya (SAB 90 mm sim. ust. dan past); bronxospazmga moyillik (bronxial astma va bronxoobsturktiv sindromli boshqa kasalliklar), periferik qon aylanishini ogʻir buzilishlari; MAO ingibitorlarini bir vaqtda qabul qilish (MAO-V ingibitorlaridan tashqari), bisoprololga va boshqa beta-adrenoblokatorlarga yuqori sezuvchanlik. Surunkali yurak yetishmovchiligi boʻlgan bemorlarda yurak yetishmovchiligi zoʻrayganida yoki inotrop preparatlarni vena ichiga yuborish talab etiladigan yurak yetishmovchiligining dekompensatsiyasi epizodlari vaqtida, shuningdek bradikardiyada (puls minutiga 60 ta zarbdan kam) va gipotenziyada (SAB 100 mm sim. ust. dan past) preparatni qabul qilish mumkin emas.

• Maxsus shartlar

  Yoʻldosh psoriazda, oilaviy anamnezda psoriyaga ishoralar boʻlganida, dekompensatsiya bosqichidagi qandli diabetda, allergik reaksiyalarga moyil patsiyentlarda ehtiyotkorlik bilan qoʻllanadi. Feoxromotsitomada bisoprololni faqat alfa-adrenoblokatorlarni qabul qilgandan keyin qoʻllash mumkin. Jarrohlik aralashuvi oldidan bisoprolol bilan davolanganlik toʻgʻrisida anesteziologni xabardor qilish lozim. Davolash davrida alkogol isteʼmol qilishga yoʻl qoʻymaslik lozim. Faoliyati diqqat-eʼtiborni jamlanishi va psixomotor reaksiyalarning yuqori tezligining zarurati bilan bogʻliq patsiyentlarda ehtiyotkorlik bilan qoʻllanadi.

• Nojo'ya samaralari

  Davolash kursining boshida markaziy nerv tizimini vaqtinchalik buzilishlari paydo boʻlishi mumkin: holsizlik, charchoqlik, bosh aylanishi, bosh ogʻrigʻi, uyquni buzilishi, ruhiyat tomonidan buzilishlar. Yurak-tomir tizimi tomonidan: ortostatik gipotenziya, bradikardiya, AV – oʻtkazuvchanlikni buzilishi, qoʻl-oyoqlarda sovuq his qilish va parasteziyalar, oʻzgarib turuvchi choʻloqlik va Reyno sindromidagi asosiy klinik simptomlarni ogʻirlashishi; Tayanch-harakat tizimi tomonidan: alohida hollarda mushak kuchsizligi, mushaklarni tirishishi. Koʻrish aʼzolari tomonidan: koʻz yoshi suyuqligi sekretsiyasini kamayishi, konyunktivit. Meʼda-ichak yoʻllari tomonidan: alohida hollarda diareya, qabziyatlar, koʻngil aynashi, qorin ogʻriqlari. Alohida hollarda: terini qichishishi va terini qizarishi, koʻp terlash, qandli diabeti boʻlgan bemorlarda glyukozaga tolerantlikni pasayishi, allergik reaksiyalar; psoriaz koʻrinishlarini kuchayishi, psoriazga oʻxshash toshmalarni paydo boʻlishi. Moyilligi boʻlgan patsiyentlarda bronxial obstruksiya simptomlari paydo boʻlishi mumkin.

• Farmakodinamikasi

  Ichga qabul qilganidan soʻng bisoprolol MIY dan yaxshi soʻriladi, biokirishaolishligi taxminan 90% ni tashkil qiladi va ovqat qabul qilishga bogʻliq emas. Smax 1-3 soatdan soʻng erishiladi. Qon plazmasi oqsillari bilan bogʻlanishi taxminan 30% ni tashkil qiladi. Jigardan «birinchi oʻtish» samarasi biroz namoyon boʻladi. T1/2 10-12 soatni tashkil qiladi.

• Dozani oshirib yuborilishi

  Bradikardiya, arterial gipotenziya, yurak yetishmovchiligi, bronxospazm yoki yurak qisqarishlar sonini xavfli sekinlashishi bilan namoyon boʻladigan preparatning dozasini oshirib yuborishda davolash toʻxtatilishi kerak. Bunday hollarda meʼdani yuvishni oʻtkazish, faollashtirilgan koʻmir qabul qilish va darhol shifokorga murojaat qilish lozim.