BIORAN gel 15g

Инструкция BIORAN gel 15g

• Dozirovkasi

  Sirtga qo'llanadi. Kattalar va 12 yoshdan oshgan bolalarga preparat teriga kuniga 3-4 marta qo'yiladi va yengil surtiladi. Preparatning kerakli miqdori og'riqli sohaning o'lchamiga bog'liq. Preparatning bir martalik dozasi – 2-4 g (bu hajmi bo'yicha olcha yoki grek yong'og'ini o'lchamiga to'g'ri keladi). Preparat surtilganidan so'ng qo'llarni yuvish kerak. Davolashning davomiyligi ko'rsatmalarga va kuzatiladigan samarasiga bog'liq. Preparat 2 hafta davomida ishlatilganidan so'ng shifokor bilan maslahatlashish kerak.

• Dori vositalarining o'zaro ta'siri

  Bioran preparati fotosensibilizatsiyani chaqiruvchi preparatlarning ta'sirini kuchaytirishi mumkin. Boshqa dori preparatlari bilan klinik ahamiyatli o'zaro ta'siri keltirilmagan.

• Qo'llanilishi mumkin bo'lmagan holatlar

  Diklofenakka yoki preparatning boshqa komponentlariga, atsetilsalitsil kislotasiga yoki boshqa NYaQPga yuqori sezuvchanlik, “aspirinli” astma, homiladorlik (III uch oyligi), laktatsiya davri, bolalar (12 yoshgacha), teri qoplamlari butunligini buzilishida qo'llash mumkin emas. Ehtiyotkorlik bilan: jigar porfiriyasi (zo'rayishi), me'da-ichak yo'llarini eroziv-yarali shikastlanishlari, jigar va buyraklar faoliyatini og'ir darajadagi buzilishlari, surunkali yurak yetishmovchiligi, bronxial astma, keksalik yoshi, homiladorlikni I va II uch oyliklarida ehtiyotkorlik bilan qo'llanadi.

• Maxsus saqlash sharoitlari

  Yaroqlilik muddati : 3 yil. Saqlash sharoiti : 25oS dan past haroratda saqlansin. Muzlatilmasin.

• Maxsus shartlar

  Bioran gelini faqat shikastlanmagan teriga surtish kerak, ochiq jarohatlarga tushishidan saqlanish kerak. Gelь surtilganidan so'ng okklyuzion bog'lov qo'yish mumkin emas. Preparatni ko'zlarga va shilliq qavatlarga tushishiga yo'l qo'ymaslik kerak. Avtomobil va boshqa mexanizmlarni boshqarish qobiliyatiga ta'siri: Preparat avtomobilni boshqarish va psixomotor reaktsiyalarning yuqori tezligini talab etuvchi ishlarni bajarish qobiliyatiga ta'sir qilmaydi.

• Nojo'ya samaralari

  Mahalliy reaktsiyalar: ekzema, fotosensibilizatsiya, kontakt dermatit (terining ishlov berilayotgan sohasini qichishishi, qizarishi, shishi, papulalar, vezikulalar, terini qipiqlanishi) bo'lishi mumkin. Tizimli reaktsiyalar: tarqoq teri toshmalari, allergik reaktsiyalar (eshakemi, angionevrotik shish, bronxospastik reaktsiyalar), fotosensibilizatsiya bo'lishi mumkin.

• Farmakodinamikasi

  Diklofenakning teri orqali so'riladigan miqdori u qo'yilgan maydonga proportsional, shuningdek preparatning yig'indi dozasi va terining gidratatsiyasi darajasiga bog'liq. Preparat sirtga qo'llanganida 6% dan ko'p bo'lmagan diklofenak so'riladi. Metabolizmi asosan gidroksidlanish yo'li orqali bir necha hosilalarini hosil bo'lishi bilan amalga oshiriladi, ulardan ikkitasi farmakologik jihatdan faoldir, lekin diklofenakka nisbatan ahamiyatli darajada kam. Diklofenak va uning metabolitlari asosan siydik bilan chiqariladi. Qon plazmasidagi diklofenakning umumiy tizimli klirensi minutiga o'rtacha 263 ± 56 ml, yakuniy yarim chiqarilish davri esa - 1-3 soatni tashkil etadi.

• Dozani oshirib yuborilishi

  Preparat sirtga qo'llanganida uning faol komponentlarini tizimli so'rilishi juda past bo'lganligi sababli, dozani oshirib yuborilish imkoni deyarli yo'q.