ENDOFERON eritma 1ml N5

Инструкция ENDOFERON eritma 1ml N5

• Qadoqda soni

  5

• Umumiy ma'lumot

  ENDOFERON eritma 1ml N5 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA ENDOFERONTM ENDOFERONTM   Preparatning savdo nomi: Endoferontm Ta‘sir etuvchi moddalar: akridonsirka kislotasi, immunomodulin. Dori shakli: in‘eksiya uchun eritma. Tarkibi: faol moddalar: akridonsirka kislotasi 50 mg; immunomodulin 0,1 mg. yordamchi moddalar: N-metilglyukamin 38,5 mg; rux xloridi 0,021 mg; in‘eksiya uchun suv 1 litrgacha. Ta‘rifi: tiniq, yashil-sarik rangli eritma. Farmakoterapevtik guruhi: Immunomodulyasiyalovchi vosita.   Farmakologik xususiyatlari Endoferon o‘zining tarkibida akidonsirka kislotasi va immunomodulin saqlovchi majmuaviy preparatdir. Preparat immun tizimi faoliyatini buzilishini tuzatadi, interferonogenezni rag‘batlantiradi, virusli infeksiyani bostiradi, yallig‘lanishni susaytiradi, jigar fermentlari faolligini pasaytiradi, jigar monooksigenazalarini rag‘batlantirish yo‘li bilan detoksikasiyani kuchaytiradi, gepatositlarning faoliyatini rag‘batlantiradi, suyak ko‘migida qon yaratilishiga ijobiy ta‘sir ko‘rsatadi, immun tizimining bioritmlarini taklaydi. Preparatning samaradorligi keng biologik faollik doirasi: interferonogen, viruslarga qarshi, yallig‘lanishga qarshi, gepatoprotektor va immunomodulyator ta‘sirlari bilan bog‘liq. Preparatning ta‘siri ostida organizmda interferonlar – IFNα/β – viruslarga qarshi ta‘sirga ega bo‘lgan va IFNγ–T-xujayraviy immun reaksiyalarni rag‘batlantiruvchi va virusli, bakterial va zamburug‘li qo‘zg‘atuvchilarga nisbatan fagositozni rag‘batlantiruvchi interferonlarni ishlab chiqarilishini rag‘batlantirishi aniqlanadi. Endoferon va sikloferonni klinikada qo‘llanishi surunkali S va V gepatiti, gerpes virusli infeksiyalari bo‘lgan bemorlarda IFNα va IFNγ interferonogenezni statistik ishonchli ravishda induksiya qiladi, ayni paytda endoferonning interferonogen faolligi sikloferonning ta‘siridan kam emas. Endoferon yaqqo viruslarga qarshi ta‘sirga ega. Klinik tadqiqotlar shuni ko‘rsatdiki, Endoferonni qo‘llanishi surunkali V gepatiti va gerpesning DNK, surunkali S gepatiti virusi RNK miqdorini statistik ishonchli kamaytirdi. Immuntanqislik holatlarida Endoferon qonda T-limfositlar, T-regulyatorlar, T-xelperlar, fagositlar miqdorini tiklaydi, infeksion agentlar (viruslar, bakteriyalar, zamburug‘lar, parazitlar) ga qarshi immun javobni rag‘batlantiradi. Preparatning klinik samaradorligi pasientning holatini yaxshilanishi, kasallikning asosiy simptomlari: og‘riq, dispeptik holatlar, intoksikasiyani tezda yo‘qolishi bilan, shuningdek sog‘ayish muddatlarini qisqarishi va kasallikni qaytalanishini kamayishi bilan namoyon bo‘ladi. Farmakokinetikasi Tadqiqotlar o‘tkazilmagan. Ma‘lumotlar keltirilmagan.   Qo‘llanilishi IFNα/β va IFNγ interferonlarning induktori sifatida, viruslarga qarshi, yallig‘lanishga qarshi, gepatoprotektor va immunomodulyasiya qiluvchi vosita sifatida surunkali V va S gepatitlarda, gerpetik va boshqa virusli infeksiyalarda, shuningdek infeksion kasalliklar va holatlarda immun tizimi buzilishlarini tuzatish uchun qo‘llanadi.   Qo‘llash usuli va dozalar Preparat kattalarga bazis davolash fonida 10 ml li mushak ichiga in‘eksiyalar kursi bilan quyidagi sxema bo‘yicha buyurish tavsiya qilinadi: 2 ml dan davolashning 1, 2, 4, 6 va 8 kunlari mushak ichiga yuboriladi. Kattalar uchun sutkalik doza 2 ml ni tashkil qiladi. Surunkali kasalliklarda 2 ml li sutkalik dozada 3 oy davomida 5-7 kunlik interval bilan bir in‘eksiyadan qo‘shimcha tutib turuvchi davolash kurslari o‘tkaziladi. Yuborishga reaksiya Preparatni yuborilishiga reaksiya kuzatilmagan. Nojo‘ya ta‘sirlari Surunkali S va V gepatiti va gerpes virusli infeksiyalari bo‘lgan bemorlarda Endoferonning klinik sinovlari o‘tkazilgan vaqtda nojo‘ya samaralar kuzatilmagan. Kam hollarda preparatni qo‘llash fonida bosh og‘rig‘i, holsizlik, bo‘g‘imlar va mushaklarda og‘riq, ko‘ngil aynishi yuz berishi mumkin, ular preparat bekor qilinganidan keyin bartaraf etiladi. Allergik reaksiyalar aniqlanmagan, preparatning komponentlariga reaksiya kuzatilishi mumkin. Endoferon taklif etilgan sxema bo‘yicha klinik qo‘llanganda xavfsizdir. Qo‘llash mumkin bo‘lmagan holatlar – preparatga va preparatning komponentlariga o‘ta yuqori sezuvchanlik; – dekompensasiya bosqichidagi jigar sirrozi; – homiladorlik; – laktasiya davri; – 18 yoshgacha bo‘lgan bolalar va o‘rmirlarda (samaradorligi va xavfsizligi aniqlanmagan) qo‘llash mumkin emas.   Dorilarning o‘zaro ta‘siri Antibiotiklar va bazis davolashning boshqa preparatlari bilan mutanosib.   Maxsus ko‘rsatmalar Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin. Dozani oshirib yuborilishi Dozani oshirib yuborilishi to‘g‘risida xabarlar kelib tushmagan. Doza oshirib yuborilgan hollarda simptomatik davolashni buyurish kerak. Chiqarilish shakli In‘eksiya uchun eritma, 1-2 ml dan ampulalarda.   Saqlash sharoiti Yorug‘likdan himoyalangan joyda, +25°S dan yuqori bo‘lmagan haroratda saqlansin. Transportirovka qilish Dav.Stan. 17768-90 Ye ga muvofiq amalga oshirilishi mumkin. Yaroqlilik muddati 2 yil.   Dorixonalardan berish tartibi Resept bo‘yicha. Ulashish: