NITRESAN tabletkalari 10mg N30

Инструкция NITRESAN tabletkalari 10mg N30

• Qadoqda soni

  30

• Dozirovkasi

  Dozalar Katta yoshdagi patsiyentlarga tavsiya etilgan dozalar Nitresan 10 mg: 1 tabletka sutkada 2 marta (ertalab va kechqurun), bu sutkada 20 mg nitrendipinni tashkil qiladi. Arterial bosim yetarli darajada pasaymaganida, shifokor sutkalik dozani 2 marta ikki tabletkagacha oshirish mumkin, bu sutkada 40 mg nitrendipin qabul qilishga ekvivalentdir. Nitresan 20 mg: 1 tabletka sutkada 1 marta, bu sutkada 20 mg nitrendipinni tashqil qiladi. Arterial bosim yetarli darajada pasaymaganida, sutkalik doza ikki marta oshirilishi mumkin, ya'ni sutkada 1 tabletkadan 2 maxal buyuriladi, bu sutkada 40 mg nitrendipin qabul qilishga ekvivalentdir. Maksimal sutkalik doza kuniga 40 mg nitrendipinni tashkil qiladi. Qo'llash usuli Ichga, ertalab ovqatdan keyin yoki ovqat vaqtida, tabletka butunligicha yutiladi va yetarli miqdorda suyuqlik ichiladi. Tabletkalarni greypfrut sharbati bilan ichish mumkin emas (“Maxsus ko'rsatmalar” bo'limiga qarang). Faol modda nitrendipin yorug'likka sezgir, shuning uchun tabletkalar blisterdan bevosita qabul qilishdan oldin olinishi kerak. Preparatni qabul qilish davomiyligi Davolash kasallikning og'irligiga qarab, qat'iy shaxsiy va uzoq muddatga buyurilishi kerak. Mahsus patsiyentlar guruxi Keksa yoshdagi patsiyentlar Keksa patsiyentlarda va jigar faoliyati buzilgan patsiyentlarda nitrendipinning metabolizmi sekinlashgan bo'lishi mumkin, bu qon bosimini kutilmagan pasayishiga olib kelishi mumkin. Bunday patsiyentlarda nitrendipinni davolovchi samarasi kuchayishi va/yoki davomli bo'lishi mumkinligi tufayli, davolashni bemorning holatini sinchkov kuzatuvida kichik dozalarda (10 mg/sut) boshlash tavsiya qilinadi. Bunday hollarda xatto kichik dozalarda ham arterial bosimni kuchli pasayishida davolashni o'zgartirish lozim. Jigar faoliyati buzilgan patsiyentlarda Nitrendipin jigarda metabolizmga uchraydi, shuning uchun jigar yetishmovchiligi bo'lgan patsiyentlarda Nitresanni qabul qilish muolajasini 10 mg dan sutkada 1 marotaba arterial bosimini tez-tez nazorati ostida boshlash lozim, chunki dori vositasining ta'siri kuchayishi yoki pasayishi mumkin. Biroq, arterial bosimni keskin pasayib ketishi holatida muolajani o'zgartirish lozim ( “Qo'llash mumkin bo'lmagan holatlar” bo'limiga qarang). Buyrak yetishmovchiligi bo'lgan patsiyentlar Bunday patsiyentlarda dozaga tuzatish kiritish talab etilmaydi. Bolalar va o'smirlar (18 yoshgacha) 18 yoshgacha bo'lgan o'smirlarda va bolalarda Nitresanni xavfsizligi va samaradorligi isbotlanmagan.

• Dori vositalarining o'zaro ta'siri

  Nitrendipin jigarda va ichakning shilliq qavatidagi sitoxrom R450 3A4 ferment tizimi yordamida metabolizmga uchraydi. Bu ferment tizimini bostiruvchi yoki rag'batlantiruvchi dori vositalari, nitrendipinning jigar orqali “birinchi o'tish” samarasiga yoki plazma klirensiga ta'sir qilishi mumkin. Bir vaqtda qo'llanganida nitrendipin: plazmada xinidin, teofillin va digoksinning kontsentratsiyasini oshiradi (deyarli 2 marta). Nitrepdipinning gipotenziv samarasini susaytiradilar: nosteroid yallig'lanishga qarshi preparatlar (NYaQP) –natriyni tutib qoladilar va buyraklar tomonidan prostaglandinning sintezini bloklaydilar; estrogenlar – natriyni tutib qoladilar; simpatomimetiklar, jigarning mikrosomal fermentlarining induktorlari, shu jumladan rifampitsin, rifampin, fenitin, karbamazepin va fenobarbital – nitrendipinning biokiraolishligini ahamiyatsiz pasaytiradilar; kalьtsiy preparatlari. Nitrendipinning gipotenziv samarasini kuchaytiradilar: alьfa va beta-adrenoblokatorlar va/yoki antigipertenziv dori vositalari: buyraklarga qon oqimini kamaytirib, plazmada nitrendipinning kontsentratsiyasini oshiradilar; ingalyatsion anestetiklar; diuretiklar: siydik bilan natriyning ekskretsiyasini oshishiga olib kelishlari mumkin; miorelaksantlar (pankuroniy, vekuroniy): nitrendipin olayotgan patsiyentlarda ularning ta'sirining davomiyligi va jadalligi oshgan; simetidin va ranitidin: kam darajada bo'lsa ham nitrendipinning plazmadagi darajasini oshiradi; tritsiklik antidepressantlar: sitoxrom R450 3A4 ning kuchli ingibitorlari hisoblanib, plazmada nitrendipinning kontsentratsiyasini oshishiga olib keladilar; viruslarga qarshi preparatlar (amprenavir, atazanavir, ritonavir, indinavir, nelfinavir, sakvinavir), zamburug'larga qarshi preparatlar (ketokonazol, itrakonazol, flukonazol), tutqanoqqa qarshi vositalar (valьproat kislotasi), mikroblarga qarshi preparatlar (kvinupristin, dalьfopristin), antibiotiklar (eritromitsin, troleandomitsin, klaritromitsin, riksitromitsin): sitoxrom R450 3A4 ning faol ingibitori bo'lib, jigarda nitrendipinning metabolizmini pasayishi natijasida uning biokiraolishligini oshiradilar va plazmada uning kontsentratsiyasini oshishiga olib keladilar; Nitratlar, litiy preparatlari nitrendipinni toksik samaralarini (ko'ngil aynishi, qusish, diareya, ataksiya, tremor, quloqlarda shovqin) kuchaytiradilar. Prokainamid, xinidin va Q-T intervalning uzayishini chaqiruvchi dori vositalari, manfiy inotrop samarasini kuchaytiradilar va Q-T intervalning ahamiyatli uzayish xavfini oshirishlari mumkin.

• Qo'llanilishi mumkin bo'lmagan holatlar

  Faol modda (nitrendipin)ga, preparatning komponentlariga va 1,4-digidropiridinning boshqa tipdagi kalьtsiy antagonistiga o'ta yuqori sezuvchanlik; Kardiogen shok; Aorta klapani stenozining og'ir darajasi; Miokard infarktining o'tkir davri (birinchi 4 hafta davomida); Nostabil stenokardiya; Galaktozani o'zlashtiraolmaslik, laktoza tanqisligi yoki glyukoza-galaktozani kam so'rilishi; Homiladorlik va emizish; Bolalik yoshi (18 yoshgacha) da qo'llash mumkin emas. Ehtiyotkorlik bilan Gipertrofik obstruktiv kardiomiopatiya (GOKMP); Sinus tugunining kuchsizligi sindromi (STKS); Aorta og'zining yaqqol stenozi yoki mitral stenoz; Surunkali yurak yetishmovchiligi; Chap qorincha yetishmovchiligi bilan bo'lgan miokard infarkti; Arterial gipotenziya; Jigar, buyrak yetishmovchiligi; Doza kuchaytrilganda keksalik yoshida extiyotkorlik bilan qo'llash lozim.

• Maxsus saqlash sharoitlari

  4 yil. Yaroqlilik muddati o'tgach ishlatilmasin. Dorixonalardan berish tartibi Retsept bo'yicha.

• Maxsus shartlar

  Vazospastik stenokardiyada Nitresan preparatini buyurishga diagnostik mezonlar bo'lib hisoblanadilar: S-T segmentining oshishi bilan kechuvchi klassik klinik manzara; endometrin-induktsiyalangan stenokardiyani yoki toj arteriyalarni spazmini rivojlanishi; angiografiyada koronarospazmni yoki tasdiqlanmagan angiospastik komponentni aniqlash (masalan, EKG ma'lumotlari o'tkinchi angiospazmdan dalolat bergan holdagi, turli zo'riqish bo'sag'asidagi yoki noturg'un stenokardiyada). Digidropiridinlarni qabul qilish ovqat qabul qilish va ichimliklarni iste'mol qilishga nisbatan jiddiy standartizatsiyani talab qiladi. Greypfrut sharbati nitrendipinning metabolik transformatsiyasini pasaytiradi, me'da-ichak yo'llarida uning so'rilishini kuchayishiga yordam berib, plazmada preparatning kontsentratsiyasini oshishiga olib keladi. Davolash vaqtida preparatni alkogolь bilan birga qabul qilishdan saqlanish kerak. “Kalьtsiy” kanallarining blokatorlari preparatlarida “bekor qilish” sindromi yo'qligiga qaramasdan, davolashni to'xtatishdan oldin dozani asta-sekin pasaytirish tavsiya qilinadi. O'tkazib yuborilgan dozani o'rnini qoplash uchun, preparatning ikkilangan dozasini qabul qilish mumkin emas: navbatdagi qabulda preparat qabul qilishning tavsiya qilingan tartibiga rioya qilish kerak. Kompensatsiyalanmagan yurak yetishmovchiligi bo'lgan hollarda, shuningdek sinus tugunining kuchsizligi sindromida (sick-sinus sindromi), kardiostimulyatsiya bo'lmaganida, patsiyentning holatiga alohida e'tibor berish va yurak faoliyatini sinchiklab monitoring qilish talab qilinadi. Jigar faoliyati buzilgan, shuningdek keksa yoshli patsiyentlar nazoratga va nitrendipinning dozasini to'g'rilashga muhtojdirlar: ularning holati uchun mumkin bo'lgan minimal doza buyuriladi. Buyraklar faoliyati buzilgan patsiyentlar dozani maxsus to'g'rilashga muhtoj emaslar. Bolalar va o'smirlarga (<18 yosh), ushbu yosh guruhida preparatni qabul qilishning oqibatiga nisbatan yetarlicha tajriba yo'qligi sababli buyurilmaydi. Nitresan preparati yordamchi modda sifatida laktoza monogidrati saqlaydi. Galaktozani o'zlashtiraolmaslikning kam uchraydigan nasliy kasalliklari, Lappa laktozani yetishmovchiligi yoki glyukoza va galaktozaning so'rilishini buzilishi bo'lgan patsiyentlarga preparatni qabul qilish tavsiya qilinmaydi. Homiladorlik va emizish davrida qo'llanishi. Nitrendipinni homiladorlik va emizish davrida qo'llash mumkin emas. Homiladorlik Hayvonlarda o'tkazilgan tekshirishlarda, nitrendipinning testlangan dozalari ona uchun ham, nasl uchun ham toksik bo'lganligi ko'rsatilgan, bu bolalarda rivojlanishning qator yengil nuqsonlarida namoyon bo'lgan. Emizish Laboratoriya kalamushlarida o'tkazilgan eksperimentlarda nitrendipinni ko'krak sutiga o'tishi ko'rsatilgan. Sutdagi nitrendipinning kontsentratsiyasi uning plazmadagi kontsentratsiyasiga mos kelgan. Odamlarda maxsus klinik tekshirishlar o'tkazilmagan. Bolani emizishda samarasini namoyon bo'lishi bo'yicha ma'lumotlarning yetishmasligi sababli, emizishni to'xtatish tavsiya qilinadi. Avtotransport/harakatlanayotgan mexanizmlarni boshqarish qobiliyatiga ta'siri Davolash davrida (ayniqsa boshida, boshqa davolashga o'tishi sababli dozasi to'g'rilanganida) avtotransportni boshqarish va diqqatni yuqori jamlash va psixomotor reaktsiyalar tezligini talab qiluvchi faoliyatning boshqa potentsial xavfli ko'rinishlarini bajarishda ehtiyotkorlikka rioya qilish kerak.

• Nojo'ya samaralari

  Nojo'ya samaralarini uchrash tez-tezligi (hollar miqdori/kuzatishlar soni):juda tez-tez – (≥1/10), tez-tez ( ≥1/100, lekin <1/10), tez-tez emas(≥1/1000 , lekin <1/100), kam hollarda (≥1/10 000 - <1/1000 gacha), juda kam hollarda (<1/10 000), aniq emas (mavjud bo'lgan natijalar bo'yicha aniqlash mumkin emas) Yurak-qon tomir tizimi tomonidan o'zgarishlar: Tez-tez: asosan davolashni boshida stenokardiya diagnozi bo'lgan patsiyentlarda zabrlar kuchayishi davomiyligi va og'irligi kuchayishi mumkin, aritmiya, taxikardiya. Juda tez-tez: yuz terisiga va tananing yuqori qismiga qonni “oqib kelishi”, periferik shishishlar (ayniqsa davolash boshida, o'tib ketadigan). Tez-tez emas: gipotoniya Kam hollarda: leykotsitoklastik vaskulit Juda kam hollarda: miokard infarkti Nerv tizimi tomonidan: Juda tez-tez: bosh og'rig'i (ayniqsa davolash boshida, o'tib ketadigan). Tez-tez emas: paresteziyalar, bosh aylanishi, charchoqlik, xushni vaqtinchalik yo'qolishi, asabiylik. Tayanch-harakat apparati tomonidan: tez-tez emas – artrit (artralgiya, bo'g'imlarda og'riq va shish), mialgiya. Me'da-ichak yo'llari tomonidan: tez-tez emas: ko'ngil aynishi, qusish, qorin og'rishi, qabziyat yoki diareya; juda kam: milklar giperplaziyasi, meteorizm, “jigar” transaminazalari faolligini oshishi. Qon yaratish a'zolari tomonidan: Juda kam hollarda: leykopeniya, agranulotsitoz. Nafas tizimi tomonidan: tez-tez emas: hansirash; kam hollarda: burundan qon ketishi Ko'rish a'zolari tomonidan: tez-tez emas: ko'rishni buzilishi, ko'rishni noaniqligi Eshitish organlari tomonidan: Tez-tez emas: quloqda shang'illash Siydik jinsiy tizimi tomonidan: tez-tez emas : siyishga qistovlarni tezlashishi, poliuriya. Reproduktiv tizimi va sut bezlari tomonidan: Juda kam hollarda-erektil disfunktsiya, erkaklarda ko'kraklarni kattalashishi (ginekomastiya), davomli og'ir hayz ko'rish qon ketishi (menorragiyalar). Allergik reaktsiyalar: tez-tez emas teri toshmasi, qichishish, eshakemi, terining yorug'likka nisbatan sezuvchanligi (fotosensibilizatsiya) kabi o'ta yuqori sezuvchanlikning teri reaktsiyalari; kam hollarda – eksfoliativ dermatit, angioedema. Boshqalar: tez-tez emas – sanchilish va terining sezuvchanligini o'zgarish (paresteziya), tana vaznini o'zgarishi, ko'p terlash; kam hollarda – galaktoreya, lablar, til, milklar va hiqildoqning giperplaziyasi, isitma. Agar sizda, preparat o'ramiga joylashtirilgan yo'riqnomada ko'rsatilmagan nojo'ya ta'sirlar kuzatilsa, iltimos bu haqida sizni davolovchi shifokor yoki farmatsevtga murojat qiling .

• Dozani oshirib yuborilishi

  Simptomlari: bosh og'rig'i, yuz terisining giperemiyasi, AB ni davomli pasayishi, sinus tuguni faoliyatini bostirilishi, bradikardiya, bradiaritmiya. Davolash: og'ir zaharlanishda (kollaps, sinus tugunini susayishi) me'da yuviladi, faollashtirilgan ko'mir buyuriladi. Antidoti bo'lib kalьtsiy preparatlari hisoblanadi: keyinchalik uzoq muddatli infuziyaga o'tish bilan 10% kalьtsiy xlorid yoki kalьtsiy glyukonatni v/i sekin yuborish ko'rsatilgan. AB – yaqqol pasayganida – v/i dopamin yoki dobutamin yuboriladi. O'tkazuvchanlik buzilganida – atropin, izoprenalin yoki ritmning sun'iy boshqaruvchisi qo'yiladi. YuE rivojlanganida – v/i strofantinni yuborish, katexolaminlarni faqat hayotga xavf bo'lganida qo'llash kerak (ularning samaradorligi pasayganligi sababli, dozani oshirish talab qilinadi, natijada aritmiyani rivojlanish xavfi oshadi). Qonda glyukoza (insulinni ajralib chiqishi pasayishi mumkin) va elektrolitlarning (kaliy, kalьtsiy) kontsentratsiyasini nazorat qilish tavsiya qilinadi. Gemodializ samarasiz.