SINGLON tabletkalari 10mg N28

Инструкция SINGLON tabletkalari 10mg N28

• Dori shakli

  Плёнка қобиқ билан қопланган 7 таблетка Ал/Ал блистерда. 4 блистер қўллаш бўйича йўриқномаси билан картон қутида.

• Qadoqda soni

  28

• Dozirovkasi

  Дозалар Катталар ва 15 ёш ва ундан катта ўсмирларда бронхиал астмани ёки бронхиал астма ва ёндош мавсумий аллергик ринитни даволаш учун ичга, 10 мг ли бир таблеткадан ҳар куни кечқурун қабул қилинади. Навбатдаги доза ўтказиб юборилган бўлса, пациент кейинги дозани белгиланган вақтда қабул қилиши керак. Пациент икки дозани кетма-кет қабул қилмаслиги керак. Умумий тавсиялар Монтелукастнинг терапевтик самараси бронхиал астма билан боғлиқ кўрсаткичларга таъсири кун давомида намоён бўлади. Монтелукастни овқат қабул қилишдан қатъий назар қабул қилиш мумкин. Пациентга бронхиал астмани кечиши назорат қилинадиган даврда ҳам, шунингдек касалликни кечиши ёмонлашган даврларда ҳам монтелукаст қабул қилишни давом эттириши тавсия қилинади. Синглонни худди шундай фаол модда – монтелукаст сақловчи маҳсулотлар билан бирга қабул қилиш мумкин эмас. Енгил ва ўртача даражадаги буйрак ёки жигар етишмовчилиги бўлган пациентлар учун дозага тузатиш киритиш талаб қилинмайди. Оғир жигар етишмовчилиги бўлган пациентлар хақида маълумотлар йўқ. Препаратнинг дозаси эркак ва аёл пациентлар учун ҳам бир ҳилдир. Монтелукаст билан даволаш ва бронхиал астмани даволаш учун бошқа препаратлар Монтелукастни беморнинг оддий даволаниш схемасига қўшимча қилиб қабул қилиш мумкин. Ингаляцион глюкокортикостероилар Монтелукаст бронхиал астмани даволаш учун ингаляцион глюкокортикостероидлар ва зарурати бўлганида ишлатиладиган қисқа таъсирга эга бета-адреномиметиклар, касалликнинг зарурий клиник назоратини таъминламаган пациентларга қўшимча даволаш сифатида буюрилади. Монтелукастни ингаляцион глюкокортикостероидларнинг ўрнига ишлатиш мумкин эмас (“Эҳтиёткорлик чоралари” бўлимига қаранг). Болалар Синглон 10 мг плёнка қобиқ билан қопланган таблеткалари катталар ва 15 ёшдан катта ўсмирлар учун мўлжалланган. 6 ёшдан 14 ёшгача болалар учун 5 мг ли чайналадиган таблеткалар чиқарилади. 2 ёшдан 5 ёшгача болалар учун 4 мг ли чайналадиган таблеткалар чиқарилади. Синглон препарати 2 ёшдан кичик болаларда қўлланилмайди. Қўллаш усули Препарат кечки вақтда ичга қабул қилиш учун мўлжалланган. Синглон 10 мг плёнка қобиқ билан қопланган таблетка препаратини овқат қабул қилинишидан қатъий назар қабул қилиш мумкин.

• Dori vositalarining o'zaro ta'siri

  Монтелукастни бронхиал астмани даволаш ва профилактика қилиш учун мўлжалланган бошқа дори воситалари билан бирга қабул қилиш мумкин. Дори воситаларнинг ўзаро таъсирини аниқлаш бўйича тадқиқотларда, монтелукаст тавсия этилган дозаларда қуйидаги дори воситаларининг фармакокинетикасига клиник аҳамиятли таъсир кўрсатмаган: теофиллин, преднизон, преднизолон, перорал контрацептивлар (этинилэстрадиол/ норэтиндрон 35/1), терфенадин, дигоксин ва варфарин. Монтелукастнинг плазмадаги концентрациясининг ”концентрация вақт” фармакокинетик эгри чизиғи остидаги майдон (AUC), бир вақтда фенобарбитал қабул қилган пациентларда тахминан 40% га камайган. CYP3A4, 2C8 ва 2C9 монтелукастнинг метаболизмида иштирок этиши туфайли, монтелукаст, фенитоин, фенобарбитал ва рифампицин каби CYP3A4, 2C8 ва 2C9 индукторлари билан бирга, айниқса болаларда қўлланганида эҳтиёткорлик намоён қилиш керак. In vitro шароитдаги тадқиқотларда монтелукаст CYP2C8 нинг кучли ингибитори эканлиги аниқланган. Бироқ монтелукаст ва росиглитазон (асосий метаболизми CYP2C8 ферменти иштирокида амалга ошадиган дорилар учун маркер субстратларнинг вакили) нинг ўзаро таъсирини ўрганиш бўйича клиник тадқиқотларнинг натижалари, in vivo шароитида монтелукастнинг CYP2C8 га ингибиция қилувчи таъсирини аниқламаган. Шунинг учун монтелукаст ушбу фермент иштирокида метаболизмга учрайдиган препаратлар (масалан, паклитаксел, росиглитазон ва репаглинид) нинг метаболизмини сезиларли ўзгартирмаслиги кутилади. In vitro шароитдаги тадқиқотлар натижаларига кўра, монтелукаст CYP2C8 изоферменти субстрати ҳисобланишини кўрсатди, аммо камроқ даражада у 2C9, ва 3A4 изоферметлари субстрати бўлади. Монтелукаст ва гемфиброзил (CYP2C8 ва 2C9 изоферментлари ингибитори) ўзаро таъсирининг клиника тадқиқотида гемфиброзил монтелукастнинг тизимли экспозициясини 4,4 марта оширган. Бир вақтда гемфиброзил ёки CYP2C8 изоферментининг бошқа кучли ингибитори билан буюрганда монтелукаст дозаси ўзгартирилиши талаб этилмайди, аммо шифокор ножўя асоратлар ривожланиши эҳтимоли ошиши тўғрисида билиши шарт. Мазкур in vitro шароитдаги тадқиқотлар натижалари асосида CYP2C8 кучсизроқ ингибиторлари билан (масалан, триметоприм билан) клиник аҳамиятли ўзаро таъсирланиш кутилмайди. Бир вақтда монтелукаст CYP3A4 изоферментининг кучли ингибитори итраконазол билан буюрилиши, монтелукаст тизимли экспозицияси сезиларли ошишига олиб келмаган.

• Qo'llanilishi mumkin bo'lmagan holatlar

  Фаол моддага ёки “Таркиби” бўлимида қайд этилган ҳар қандай ёрдамчи моддаларга ўта сезувчанликда қўллаш мумкин эмас.

• Maxsus saqlash sharoitlari

  25°C дан юқори бўлмаган ҳароратда, ёруғлик ва намликдан ҳимоя қилиш учун оригинал ўрамида сақлансин. Яроқлилик муддати 2 йил.

• Nojo'ya samaralari

    Монтелукаст клиник тадқиқотларида доимий давом эутвчи бронхиал астмаси бўлган пациентларни жалб қилган ҳолда қуйидагича баҳоланган: 10 мг плёнка қобиқ билан қопланган таблеткалар – тахминан 4000 нафар катта пациентлар ва 15 ёшдан ошган ўсмирларда. 10 мг плёнка қобиқ билан қопланган таблеткалар – бронхиал астма билан боғлиқ мавсумий ринит билан касал тахминан 400 нафар катта пациентларда ва 15 ёшдан ошган ўсмирларда. 5 мг чайналадиган таблеткалар - бронхиал астмаси бўлган 6 ёшдан 14 ёшгача бўлган тахминан 1750 нафар болаларда. Клиник тадқиқотларда қуйидаги нохуш реакциялари таърифланган, улар одатда (≥1/100, ≤1/10) плацебо гуруҳи пациентларига қараганда монтелукастни қабул қилган бронхиал астмаси бўлган пациентларда катта тез-тезликда кузатилган: Организм тизимлари номи Катталар пациентлар ва 15 ёш ва ундан катта ўсмирлар (икки 12-ҳафталик тадқиқотлар; n=795) 6 ёшдан 14 ёшгача бўлган болалар (бир 8-ҳафталик тадқиқот; n=201) (икки 56-ҳафталик тадқиқотлар; n=615) Нерв тизими томонидан бузилишлар Бош оғриғи Бош оғриғи Меъда-ичак йўллари томонидан бузилишлар Қорин соҳасида оғриқ Пациентларнинг чекланган сони иштирок этган клиник тадқиқотлар вақтидаги давомли даволашда (катталар учун 2 йилгача ва 6 ёшдан 14 ёшгача бўлган болалар учун 6 ойгача) препаратнинг хавфсизлик профили ўзгармаган. Постмаркетинг қўлланилиши Постмаркетинг қўлланилишлар вақтида қуйидаги жадвалда нохуш реакциялар организм тизимлар синфи ва атамалари бўйича келтирилган. Тез-тезлик тоифалари тегишли клиник тадқиқотлар маълумотлари асосида баҳоланган. Ножўя самаралар тез-тезлигини таснифлаш учун қуйидаги атамалар қўлланган: жуда тез-тез (≥1/10), тез-тез (1/100 дан ≤l/10 гача), тез-тез эмас (≥1/1000 дан ≤1/100 гача), кам ҳолларда (≥1/10,000 дан ≤1/1000 гача), жуда кам ҳолларда (≤1/10000), тез-тезлиги номаълум (мавжуд маълумотлар асосида баҳолаш имконияти йўқ). Инфекциялар ва инвазиялар: Жуда тез-тез: юқори нафас йўлларининг инфекциялари * Қон ва лимфатик тизим томонидан бузилишлар: Кам ҳолларда: қон кетишларига юқори мойиллик Иммун тизими томонидан бузилишлар: Тез-тез эмас: ўта юқори сезувчанлик реакциялари, шу жумладан анафилактик реакциялар Жуда кам ҳолларда: жигарнинг эозинофилли инфильтрацияси Руҳий бузилишлар: Тез-тез эмас: одатдаги бўлмаган туш кўришлар, шу жумладан тунги даҳшатлар, уйқусизлик, уйқуда юриш (ойпарастлик), безовталик, қўзғалиш, шу жумладан тажавузкорлик ёки душман, депрессия, психомотор қўзғалиш (шу жумладан таъсирчанлик, бетоқатлик, тремор§) Кам ҳолларда: диққатни жамлашни бузилиши, хотирани ёмонлашиши Жуда кам ҳолларда: галлюцинация, дезориентация, ўз жонига қасд қилишга қаратилган фикрлар ва хулқ (суицидаллик) Нерв тизими томонидан бузилишлар: Тез-тез эмас: бош айланиши, уйқучанлик, парестезия/гипоестезия, тиришишлар Юрак томонидан бузилишлар: Кам ҳолларда: юрак уриб кетиши Нафас олиш тизими, кўкрак қафаси ва кўкс оралиғи аъзолари томонидан бузилишлар: Тез-тез эмас: бурундан қон кетиши. Жуда кам ҳолларда: Чарга-Стросс синдроми (ЧСС) (“Эҳтиёткорлик чоралари” бўлимига қаранг), ўпка эозинофилияси. Меъда-ичак йўллари томонидан бузилишлар: Тез-тез: диарея **, кўнгил айниши **, қусиш ** Тез-тез эмас: оғизни қуриши, диспепсия Гепатобилиар тизими томонидан бузилишлар: Жуда кам ҳолларда: гепатит (шу жумладан холестатик, гепатоцеллюляр ва жигар шикастланишининг аралашган кўриниши) Тез-тез: қон зардобида трансаминазаларни (АЛТ, АСТ) фаоллиги ошиши Тери ва тери ости тўқималар томонидан бузилишлар: Тез-тез: тошма** Тез-тез эмас: қонталашлар пайдо бўлиши, эшакеми, қичишиш Кам ҳолларда: ангионевротик шиш Жуда кам ҳолларда: тугунли эритема, кўп шаклли эритема Суяк-мушак тизими ва бириктирувчи тўқима томонидан бузилишлар: Тез-тез эмас: артралгия, миалгия, шу жумладан мушаклар спазмлари. Тизимли бузилишлар ва юбориш жойидаги асоратлар: Тез-тез: иситма** Тез-тез эмас: холсизлик / чарчоқлик, лоҳаслик, шишлар * Ушбу нохуш кўриниш монтелукаст қабул қилган пациентларда жуда тез-тез учрайдиган сифатида қайд этилиб, клиник тадқиқотларида плецебони қабул қилган пациентларда ҳам жуда тез-тез учрайдиган сифатида қайд этилган. ** Ушбу нохуш кўриниш монтелукаст қабул қилган пациентларда тез-тез учрайдиган сифатида қайд этилиб, клиник тадқиқотларида плецебони қабул қилган пациентларда ҳам тез-тез учрайдиган сифатида қайд этилган. § Тез-тезлик тоифаси: кам ҳолларда Айтиб ўтилган ножўя реакциялар вужудга келса, шунингдек йўриқномада кўрсатилмаган реакциялар вужудга келса, шифокорга мурожаат қилиш керак.

• Farmakokinetikasi

  Таъсир кўрсатиш механизми Цистеинил лейкотриенлар (LTC4, LTD4, LTE4) – турли хужайралардан, шу жумладан семиз ҳужайралар ва эозинофиллардан ажралиб чиқувчи яллиғланишнинг кучли эйкосаноидларидир. Бу муҳим про-астматик медиаторлар организмнинг нафас йўлларида жойлашган цистеинил лейкотриен рецепторлари (CysLT) билан боғланади. CysLT1-1-тур рецептори (CysLT1) одам организмининг нафас йўлларида (шу жумладан силлиқ мушак ҳужайралари ва нафас йўлларининг макрофагаларида) ва бошқа яллиғланишга мойил ҳужайраларнинг юзасида (шу жумладан эозинофиллар ва баъзи миелоид ўзак ҳужайралар) да мавжуд. CysLTs бронхиал астма ва аллергик ринитнинг патофизиологияси билан боғлиқдир. Бронхиал астмада лейкотриенга боғлиқ самаралар, шу жумладан бронхоспазм, шиллиқнинг секрецияси, қон томирлари ўтказувчанлигини ўзгариши ва эозинофилларнинг мобилизацияси юз беради. Аллергик ринитда CysLTs аллерген таъсиридан кейин реакциянинг эрта ва кечки фазасида бурун шиллиқ қавати томонидан чиқарилади; бу рецепторлар аллергик ринитнинг симптомлари билан боғлиқдир. CysLTs ни интраназал провокацион юборилиши юқори нафас йўлларининг қаршилигини оширади ва бурун битиши симптомларини кучайтиради. Монтелукаст – ичга қабул қилинганда фаолликка эга бўлган препарат бўлиб, у CysLT1 рецепторларига юқори даражадаги яқинликка эга ва у билан танлаб боғланади. Клиник самарадорлиги ва хавфсизлиги Клиник тадқиқотларида монтелукаст ҳатто 5 мг дан паст дозаларда ҳам LTD4 ингаляцияси билан қўзғатилган бронхоспазмга қаршилик кўрсатади. Препарат ичга қўлланганидан кейин 2 соат давомида бронходилатация кузатилган. Бета-адреномиметиклар билан қўзғатилган бронходилатация самараси монтелукаст билан қўзғатилган бронходилатация самарасига қўшимча бўлган. Монтелукаст билан даволаш антиген таъсири билан қўзғатилган ҳам эрта, ҳам кечиккан бронхоспазмни бостирган. Монтелукаст плацебо билан солиштирганда катта пациентлар ва болаларнинг периферик қонида эозинофилларнинг сонини камайтирган. Алоҳида тадқиқотда монтелукастни қўллаш нафас йўлларида (балғамда аниқланганда) эозинофилларнинг сонини аҳамиятли даражада камайтирган. Катта ёшдаги пациентларда ва 2 ёшдан 14 ёшгача бўлган болаларда монтелукаст плацебога нисбатан периферик қонда эозинофилларнинг сонини камайтирган ва бронхиал астманинг клиник кечиши устидан назоратни яхшилаган. Катталарда ўтказилган тадқиқотларда монтелукаст 10 мг дозада суткада бир марта плацебога нисбатан тонги жадал нафас чиқариш ҳажм (ЖНЧҲ1) кўрсаткичини сезиларли даражада (дастлабки даража 2,7% га нисбатан 10,4%), тонгги нафас чиқариш тезлигининг максимал (НЧТМ) кўрсаткичини (дастлабки даража минутига 3,3 л га нисбатан минутга 24,5 л) яхшилаган ва бета-адреномиметикларга эҳтиёжни сезиларли (дастлабки даража -4,6% га нисбатан-26,1%) пасайтирган. Пациентлар томонидан баҳоланган бронхиал астманинг кундузги ва тунги симптомларини яхшиланиши, плацебо гуруҳига нисбатан препарат қабул қилган пациентлар гуруҳида анча яққолроқ намоён бўлган. Катталарда ўтказилган тадқиқотлар монтелукастнинг ингаляцион глюкокортикостероидларнинг клиник таъсирини кучайтириш қобилиятини намоён этди (монтелукаст билан мажмуадаги ингаляцион беклометазон қўлланишидаги дастлабки даражага нисбатан, фақат беклометазоннинг ўзини қўллашдаги ўзгаришлар % : ЖНЧҲ1: 5,43% га қарши 1,04%; бета-адреномиметиклар қўлланилиши: -8,70% га қарши 2,64%). Гарчи 12- ҳафталик тадқиқотлар давомида беклометазон яққолроқ терапевтик самара кўрсатаётган бўлсада (беклометазонга қараганда монтелукаст қўлланганидаги дастлабки даражасига нисбатан ўзгаришлар % мувофиқ равишда ЖНЧҲ1 учун: 7,49% га қарши 13,3%; бета-адреномиметикларни қўлланиши: -28,28% га қарши -43,89%), монтелукаст ингаляцион беклометазонга (200 мкг дан суткада икки марта спейсерни қўллаганда) нисбатан тезроқ дастлабки жавобни намойиш этди. Бироқ беклометазон билан солиштирганда монтелукастни қабул қилган ва ўхшаш клиник самарага эришган пациентлар улуши етарли даражада сезиларли бўлган (масалан, беклометазон гуруҳида 50% пациентларда ЖНЧҲ1 ни дастлабки даражага нисбатан тахминан 11% га яхшиланишига эришилган, айни пайтда монтелукаст гуруҳидаги тахминан 42% пациентда худди шундай самара қайд этилган). Бронхиал астмаси бўлган 15 ёшдан ошган ўсмирлар ва катта ёшдаги пациентларда ёндош мавсумий аллергик ринитни симптоматик даволашда монтелукастнинг самарадорлигини баҳолаш учун клиник тадқиқотлар ўтказилган. Бу тадқиқотда кунига бир марта қабул қилинган 10 мг монтелукаст таблеткалари, плацебога нисбатан, ринитнинг суткалик симптомлари учун балл кўринишидаги баҳоларни статистик аҳамиятли яхшиланишини намойиш этди. Бу балл кўринишидаги баҳолар кундузги симптомлар (бурунни ўртача битиши, ринорея, аксириш ва бурунда қичишиш) ва тунги симптомлар (уйғонганда бурунни ўртача битиши, уйқуга кетишни қийинлашиши, тунда уйғонишлар) учун ўртача бўлган. Шифокорлар ва пациентлар томонидан аллергик ринитнинг симптомларини умумий баҳолаш, плацебога нисбатан жиддий яхшиланиши аниқланган. Бронхиал астма симптомларини баҳолаш ушбу тадқиқотда асосий мақсад ҳисобланмаган. Болалар 6-14 ёшдаги болаларда ўтказилган 8-ҳафталик тадқиқотларларда 5 мг монтелукаст кунига бир марта қабул қилинганида плацебога нисбатан нафас фаолиятини сезиларли даражада яхшилаган (ЖНЧҲ1: дастлабки даража 4,16% га нисбатан 8,71%; НЧТМ: куннинг биринчи ярмида: дастлабки даража 17,8 л/мин га нисбатан 27,9) ва қисқа муддат таъсирига эга бета-адреномиметикларга бўлган эҳтиёжни камайтирган (дастлабки даража +8,2% га нисбатан -11,7%). Жисмоний зўриқиш фонида юз берган бронхоспазмнинг сезиларли камайиши катта пациентларда ўтказилган 12-ҳафталик тадқиқотларда кузатилган, (ЖНЧҲ1 ни максимал пасайиши плацебо 32,40% га нисбатан монтелукаст учун 22,33%; ЖНЧҲ1 дастлабки даражага қайтишгача бўлган вақт ±5%: монтелукаст учун: 44,22 минут, плацебо учун эса 60,64 минут). Самара бутун 12 ҳафталик даври давомида ўзгармаган ҳолда қолган. Жисмоний зўриқиш фонида юз берган бронхоспазмнни кучсизланиши 6 ёшдан 14 ёшгача бўлган болаларда ўтказилган қисқа муддатли тадқиқотларда ҳам намоён бўлган (ЖНЧҲ1 ни максимал пасайиши 18,27% га қарши 26,11%; ЖНЧҲ1 дастлабки даражага қайтишгача бўлган вақт ±5%: 17,76 минутга нисбатан 27,98 минут). Иккала тадқиқотда хам самарага дори препаратини кунига бир марта қабул қилиш орасидаги оралиқлар охирида эришилган. Аспиринга сезувчан ва ингаляцион ва/ёки перорал глюкокортикостероидлар билан ёндош даволанаётган астмаси бўлган пациентларда, плацебога нисбатан монтелукаст билан даволаш, бронхиал астма симптомларининг назоратини сезиларли яхшиланишига олиб келган (ЖНЧҲ1 дастлабки даражага нисбатан - 1,74% га қарши 8,55% ва бета-адреномиметикларга умумий эҳтиёжни камайиши - дастлабки даражага нисбатан 2,09% га қарши 27,78% ).

• Farmakodinamikasi

  Сўрилиши Монтелукаст ичга қабул қилинганидан сўнг тез сўрилади. 10 мг ли плёнка қобиқ билан қопланган таблетка учун плазмадаги ўртача чўққи концентрациясига (Cmax) катта пациентлар оч қоринга препаратни қабул қилгандан кейин 3 соат (Tmax) ўтгач эришилади. Ичга қабул қилгандан кейин биокираолишлиги ўртача 64% ни ташкил қилади. Одатдаги озиқ-овқат маҳсулотлари препаратнинг биокираолишлигига ва Cmax га таъсир қилмайди. Клиник тадқиқотларда овқат қабул қилиш вақтидан қатъий назар, 10 мг плёнка қобиқ билан қопланган таблеткаларнинг хавфсизлиги ва самарадорлиги намойиш этилган. 5 мг чайналадиган таблеткалар учун Cmax катта пациентларда препарат оч қоринга қабул қилинганидан кейин 2 соат ўтгач эришилади. Препаратни ўртача биокираолишлиги 73% ни ташкил қилади; у, препарат стандарт овқат қабул қилгандан кейин қабул қилинганида 63% га камаяди. 2 ёшдан 5 ёшгача бўлган болаларда оч қоринга 4 мг чайналадиган таблеткани қабул қилгандан 2 соатдан кейин Cmax эришилган. 10 мг таблеткани қабул қилгандан кейин катталарга нисбатан ўртача Cmax 66% га кўпроқ, айни вақтда ўртача Cmin пастроқ бўлган. Тақсимланиши ва қон плазмаси оқсиллари билан боғланиши Монтелукаст плазма оқсиллари билан 99% дан ортиқ боғланади. Монтелукастнинг тақсимланиш ҳажми мувозанатли ҳолатда ўртача 8-11 литрни ташкил қилади. Нишонланган монтелукаст билан каламушларда ўтказилган тадқиқотлар препаратнинг гематоэнцефалик тўсиқдан минимал даражада ўтишини кўрсатди. Нишонланган радиофаол модданинг концентрацияси препарат қўлланганидан кейин 24 соатдан сўнг бошқа барча тўқималарда минимал бўлган. Биотрансформацияси Монтелукаст фаол метаболизмга учрайди. Терапевтик дозалари билан ўтказилган тадқиқотларда монтелукаст метаболитларининг концентрацияси плазмадаги барқарор ҳолатида катталар ва болаларда аниқлаш чегарасидан паст бўлган. Цитохром Р450 2C8 монтелукастнинг метаболизмида иштирок этувчи асосий фермент ҳисобланади. Бундан ташқари CYP3A4 ва 2С9 бироз ҳисса қўшиши мумкин, аммо CYP3A4 ингибитори итраконазол суткада 10 мг монтелукаст қабул қилган соғлом одамларда фармакокинетика кўрсаткичлари ўзгартирмаслиги аниқланган. Инсон жигар микросомаларидаги in vitro шароитдаги тадқиқотларда, плазмадаги монтелукастнинг терапевтик концентрацияси цитохром P450 3A4, 2C9, 1A2, 2A6, 2C19 ва 2D6 ларни ингибиция қилмаслиги аниқланган. Монтелукастнинг терапевтик таъсирида метаболитларининг ҳиссаси минимал. Чиқарилиши Катта ёшдаги соғлом одамларда монтелукастнинг плазма клиренси ўртача минутига 45 мл ни ташкил қилади. Нишонланган монтелукаст ичга қабул қилинганидан кейин препаратнинг 86% 5 кун давомида ахлатда ва < 0,2% сийдикда аниқланган. Монтелукаст ичга қабул қилинганидан кейин унинг биокираолишлиги билан боғлиқ натижалар, препарат ва унинг метаболитлари асосан сафро билан чиқарилишидан далолат беради. Алоҳида гуруҳ пациентларидаги фармакокинетикаси Кекса ёшдаги ёки енгил ва ўрта оғир жигар етишмовчилиги бўлган пациентлар учун дозага тузатиш киритиш талаб этилмайди. Буйрак етишмовчилиги бўлган беморларда тадқиқотлар ўтказилмаган. Монтелукаст ва унинг метаболитлари сафро билан чиқарилиши туфайли, буйрак етишмовчилиги бўлган пациентлар учун дозага тузатиш киритиш талаб қилинмайди. Оғир жигар етишмовчилиги бўлган пациентларда (Чайлд-Пью шкаласи бўйича ≥ 9 балл) монтелукаст фармакокинетикаси бўйича маълумотлар йўқ. Монтелукаст юқори дозаларда буюрилганда (катталар учун тавсия этилган дозадан 20 – 60 марта юқори) қон плазмасида теофиллин миқдори камайиши кузатилган. Бу самара суткада бир марта 10 мг тавсия этилган доза буюрилганда кузатилмаган.

• Dozani oshirib yuborilishi

  Монтелукаст дозаси ошириб юборилганда даволаш ҳақида алоҳида маълумот мавжуд эмас. Бронхиал астманинг узоқ муддатли тадқиқотлари монтелукаст катта пациентларга 22 ҳафта давомида суткада 200 мг гача дозада буюрилган, қисқа муддатли тадқиқотларда клиник аҳамиятли бўлган ножўя асоратларсиз бир ҳафта давомида суткада 900 мг гача дозада буюрилган. Симптомлар Клиник тадқиқотларида ва постмаркетинг текширишларда монтелукастни кескин дозасини ошириб юборишлиши ҳақида маълумотлар олинган. Улар катталарда ва болаларда (42 ҳафталик болада тахминан 61 мг/кг) 1000 мг дан ортиқ дозани қабул қилганлиги ҳақида маълумот бор. Клиник ва лаборатория кўрсаткичлари катталар ва болаларда хавфсизлик профилига мос келишини кўрсатди. Дозани ошириб юбориш тўғрисидаги кўпчилик хабарларда ҳеч қандай ножўя асоратлар ҳақида маълумот келтирилмаган. Кўплаб учрайдиган ножўя асоратлар монтелукаст хавфсизлиги профилига мос келган ва қоринда оғриқ, уйқучанлик, чанқоқлик, бош оғриғи, қусиш ва психомотор қўзғалишни ўз ичига олган. Даволаш Монтелукаст перитонеал диализ ёки гемодиализ орқали чиқарилиши номаълум.

• Umumiy ma'lumot

  SINGLON tabletkalari 10mg N28 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA SINGLON®                                                                                                      SINGLON   Preparatning savdo nomi: Singlon® Ta‘sir etuvchi modda (XPN): montelukast (montelukast) Dori shakli: chaynaladigan tabletkalar Tarkibi: Har bir chaynaladigan 4 mg tabletka quyidagilarni saqlaydi: faol modda: montelukast – 4 mg (4,16 mg natriy montelukast ko‘rinishida) yordamchi moddalar: mannit, mikrokristall sellyuloza 101, gidroksipropilsellyuloza, natriy kroskarmelloza, olcha aromatizatori, aspartam kukuni, temir II oksidi (Ye172), magniy stearati. Har bir chaynaladigan 5 mg tabletka quyidagilarni saqlaydi: faol modda: montelukast – 5 mg (5,20 mg natriy montelukast ko‘rinishida) yordamchi moddalar: mannit, mikrokristall sellyuloza 101, gidroksipropilsellyuloza, natriy kroskarmelloza, olcha aromatizatori, aspartam kukuni, temir II oksidi (Ye172), magniy stearati. Ta‘rifi: Chaynaladigan 4 mg tabletkalar Deyarli oval shaklli, ikki tomonlama qavariq, och-sariq rangli, uzunligi 11 mm, eni 8 mm chaynaladigan tabletkalar. Bir tomonida – R «13» gravirovkasi mavjud. Chaynaladigan 5 mg tabletkalar Dumaloq shaklli, ikki tomonlama qavariq, och-sariq rangli, diametri 10 mm chaynaladigan tabletkalar. Bir tomonida – R «14» gravirovkasi mavjud. Farmakoterapevtik guruhi: nafas yo‘llarining obstruktiv kasalliklarini davolash uchun vosita. Leykotrien reseptorlar antagonisti. ATX kodi: R03DC03   Farmakologik xususiyatlari Farmakodinamikasi Ta‘sir mexanizmi Sisteinil leykotrienlar (LTC4, LTD4, LTE4)  turli xujayralardan, shu jumladan semiz xujayralar va eozinofillardan ajralib chiquvchi yallig‘lanishning kuchli eykozanoidlaridir. Bu muhim pro-astmatik mediatorlar organizmning nafas yo‘llarida joylashgan sistenil-leykotrien reseptorlari (CysLT) bilan bog‘lanadi va ularning reaktivligiga, shu jumladan bronxospazmga, shilliqning sekresiyasiga, qon tomirlarning o‘tkazuvchanligini oshishiga, shuningdek eozinofillarning migrasiyasi uchun javob beradi. Montelukast ichga qabul qilinganda CysLT1 reseptorlariga yuqori darajadagi yaqinlik va u bilan tanlab bog‘lanadigan faol modda hisoblanadi. Klinik samaradorligi va xavfsizligi Klinik tadqiqotlarida montelukast 5 mg bo‘lgan kichik dozalarda ham LTD4 ingalyasiyasi chaqirgan bronxospazmga to‘sqinlik qiladi. Preparat ichga qabul qilingandan keyin 2 soat davomida bronxodilatasiya kuzatiladi. Beta-adrenomimetiklar chaqirgan bronxodilatasiya samarasi montelukast chaqirgan bronxodilatasiya samarasini to‘ldirgan. Montelukast bilan davolash antigen chaqirgan ham erta, ham kechikkan bronxospazmni susaytirgan. Montelukast plaseboga nisbatan katta pasientlar va bolalarning periferik qonida eozinofillarning sonini kamaytirgan. Alohida tadqiqotda montelukast bilan davolash nafas yo‘llarida (balg‘amda aniqlanganda) eozinofillarning sonini ahamiyatli darajada kamaytirgan. Katta yoshdagi pasientlarda va 2 yoshdan 14 yoshgacha bo‘lgan bolalarda montelukast plaseboga nisbatan periferik qonda eozinofillarning sonini kamaytirgan va bronxial astmaning klinik kechishi ustidan nazoratni yaxshilagan. Kattalarda o‘tkazilgan tadqiqotlarda montelukast 10 mg dozada sutkada bir marta plaseboga nisbatan tongi jadal nafas chiqarish hajm (JNCHH1) ko‘rsatkichini sezilarli darajada (dastlabki daraja 2,7% ga nisbatan 10,4%), tongi nafas chiqarishning cho‘qqi tezligi (NCHCHT) ko‘rsatkichini (dastlabki daraja 3,3 l/min ga nisbatan 24,5 l/min) yaxshilagan va beta-adrenomimetiklarni qo‘llashning yig‘indisini sezilarli (dastlabki daraja -4,6% ga nisbatan-26,1%) pasaytirgan. Pasientlar tomonidan baholangan bronxial astmaning kunduzgi va tungi simptomlarini yaxshilanishi, plasebo buyurilgandagiga nisbatan ishonchli ravishda yaxshiroq bo‘lgan. Kattalarda o‘tkazilgan tadqiqotlar montelukast ingalyasion glyukokortikosteroidlarning klinik samarasini to‘ldirish qobiliyatini namoshiy etgan (montelukast bilan majmuadagi ingalyasion beklometazon qo‘llanganidagi dastlabki darajaga nisbatan, faqat beklometazonning o‘zini qo‘llagandagi o‘zgarishlar % : JNCHH1: 5,43% ga qarshi 1,04%; beta-adrenomimetiklar qo‘llanilishi: -8,70% ga qarshi 2,64%).  Garchi 12- haftalik tadqiqotlar davomida beklometazon yaqqolroq terapevtik samara ko‘rsatayotgan bo‘lsada (beklometazonga qaraganda montelukast qo‘llanganidagi dastlabki darajasiga nisbatan o‘zgarishlar % muvofiq ravishda JNCHH1 uchun: 7,49% ga qarshi 13,3%; beta-adrenomimetiklarni qo‘llanganda: -28,28% ga qarshi -43,89%), montelukast ingalyasion beklometazonga (200 mkg dan sutkada ikki marta speyserni qo‘llaganda) nisbatan tezroq dastlabki javobni namoyish etdi. Shunga qaramasdan beklometazon bilan solishtirganda montelukastni  qabul qilgan pasientlarning katta qismi o‘xshash klinik samaraga erishgan (masalan, beklometazon qabul qilgan 50% pasientlarda JNCHH1 ni dastlabki darajaga nisbatan taxminan 11% ga yaxshilanishiga erishilgan, ayni paytda montelukast qabul qilgan taxminan 42% pasientda xuddi shunday ko‘rsatkichga erishgan). 2 yoshdan 5 yoshgacha bo‘lgan bolalarda o‘tkazilgan 12-haftalik plasebo nazoratli tadqiqotlarda, sutkada bir marta qabul qilingan 4 mg montelukast plaseboga nisbatan, yondosh bazis davolash (glyukokortikosteroidlar yoki  natriy kromoglikolyatini ingalyasion yoki nebulayzer orqali) dan qat‘iy nazar, bronxial astmaning ko‘rsatkichlarini nazoratini yaxshilagan. Pasientlarning oltmish foizi boshqa hech qanday bazis terapiya olmagan. Montelukast kunduzgi (shu jumladan yo‘tal, hansirash, nafas olishni qiyinlashishi va jismoniy faollik cheklanishi) va tungi simptomlarni plaseboga nisbatan yaxshiroq bartaraf qilgan. Shuningdek montelukast plaseboga nisbatan bronxial astma xurujini bartaraf etish uchun qisqa muddatli ta‘sirga ega beta-adrenomimetiklarga va tez ta‘sir etuvchi glyukokortikosteroidlarga ehtiyojni kamaytirgan. Montelukast qabul qilgan pasientlarda plasebo qabul qilgan pasientlarga nisbatan bronxil astma xurujisiz kunlar soni ko‘proq bo‘lgan. Davolash samarasiga birinchi dozadan so‘ng erishilgan. Yengil darajadagi bronxial astmasi va 12 oy davomiylikda epiziodik zo‘rayishlari bo‘lgan 2 yoshdan 5 yoshgacha bo‘lgan bolalarda o‘tkazilgan plasebo nazoratli tadqiqotlarda, 4 mg montelukast sutkada bir marta qabul qilinganida bir yilda bronxial astmaning zo‘rayish xurujlarini tez-tezligini plaseboga nisbatan sezilarli darajada kamaytirgan (p≤ 0,001) (2,34 zo‘rayish xurujlarga nisbatan muvofiq 1,60 zo‘rayish xurujlar) [zo‘rayish xurujlari beta-adrenomimetiklarni yoki glyukokortikosteroidlarni (tizimli yoki ingalyasion) qo‘llashni talab qiladigan bronxial astmaning kunduzgi simptomlarini ketma-ket ≥ 3 kun davom etadigan davri sifatida belgilangan]. Bir yilda bronxial astma zo‘rayish xurujlari soni 31.9% ga kamaygan, 95% II 16,9 dan 44,1 gacha. 6 oydan va 5 yoshgacha bo‘lgan va vaqti-vaqti bilan zo‘raydigan, ammo doimiy davom etmaydigan bronxial astmasi bo‘lgan bolalarda o‘tkazilgan o‘tkazilgan tadqiqotda montelukast 12 oy davomida buyurilgan yoki sutkada 4 mg dozada yoki vaqti-vaqti bilan zo‘raydigan bronxial astma boshlanishi bilan 12 sutka davom etgan kurs bilan buyurilgan. Shifokorga rejalashtirilmagan murojaat, shoshilinch yordam yoki kasalxonaga tashrif yoki ichga, vena ichiga yoki mushak ichiga glyukokortikosteroidlar buyurilishi talab etgan ko‘rinishdagi sog‘liqni saqlash tizimi resurslarini ishlatishni talab etadigan bronxial astma xurujlari soni 4 mg dozada montelukast yoki plasebo qabul qilinganida ahamiyatli farqlar kuzatilmagan. 6 yoshdan 14 yoshgacha bo‘lgan bolalarda o‘tkazilgan 8-haftalik tadqiqotlarlarda 5 mg montelukast kuniga bir marta qabul qilinganida plaseboga nisbatan tashqi nafas ko‘rsatkichlarini sezilarli darajada yaxshilagan (JNCHH1: dastlabki daraja 4,16% ga nisbatan 8,71%; NCHCHT: kunning birinchi yarmida: dastlabki daraja 17,8 l/min ga nisbatan 27,9 l/min) va qisqa muddat ta‘sir ko‘rsatuvchi beta-adrenomimetiklarga bo‘lgan ehtiyojni kamaytirgan (dastlabki daraja +8,2% ga  nisbatan -11,7%). Yengil og‘irlik darajadasidagi doimiy davom etuvchi bronxial astmasi bo‘lgan 6 yoshdan 14 yoshgacha bo‘lgan bolalarda bronxial astmaning simptomlarini nazorat qilish uchun montelukast va ingalyasion flutikazonning samaradorligini taqqoslash bo‘yicha o‘tkazilgan  12-oylik tadqiqotlarda, montelukast astmatik simptomlarsiz o‘tkazilgan kunlar sonini oshirishi bo‘yicha flutikazondan qolishmagan. O‘rtacha 12 oylik davolanish davrida bronxial astmani simptomlarisiz o‘tkazilgan kunlarning montelukast guruhida 61,6% dan  84,0% gacha va flutikazon guruhida esa 60,9% dan  86,7% gacha oshgan. Guruhlar orasidagi farq (eng kichik kvadratlar usuli bo‘yicha tenglashtirilgan bronxial astmani simptomlarsiz o‘tkazilgan kunlarning o‘rtacha oshishi) statistik ahamiyatli (-4,7 dan  -0,9 dagi 95% ishonch intervalida -2,8 ni tashkil qildi). 12 oylik davolash davri davomida montelukast va flutikazon bronxial astma bilan bog‘liq quyidagi ko‘rsatkichlar ustidan nazoratni yaxshiladi: JNCHH1 montelukast guruhida 1,83 dan 2,09 litr gacha va flutikazon guruhida 1,85 dan 2,14 litr gacha oshdi. Guruhlar orasidagi farq (eng kichik kvadratlar usuli bo‘yicha tenglashtirilgan JNCHH1 ni o‘rtacha oshishi) -0,06 dan 0,02 dagi 95% ishonch intervalida -0,02 litrni tashkil qildi. JNCHH1 ni o‘rtacha oshishi dastlabki darajaga nisbatan foiz ko‘rinishida montelukast uchun 0,6% ni va flutikazon uchun 2,7% ni tashkil qildi. JNCHH1 ni guruhlar orasidagi foizli ko‘rsatkichlardagi farqi (eng kichik kvadratlar usuli bo‘yicha tenglashtirilgan o‘rtacha oshishi) -3,6 dan -0,7 dagi 95% ishonch intervalida -2,2% ni tashkil qildi. beta-adrenomimetiklar qo‘llangan kunlar soni montelukast guruhida 38,0 dan 15,4% ga, flutikazon guruhida esa, 38,5 dan  12,8% ga kamaygan. Guruhlar orasida beta-adrenomimetiklar qo‘llangan kunlar (% da) sonini farqi (eng kichik kvadratlar usuli bo‘yicha tenglashtirilgan o‘rtacha ko‘rsatkich) 0,9 dan  4,5 dagi 95% ishonch intervalida 2,7 ni tashkil etdi. Bronxial astma xurujlari bo‘lgan pasientlar soni (bronxial astma xuruji, peroral tizimli glyukokortikosteroidlarni qabul qilish, shifokorga yoki shoshilinch yordam bo‘limiga rejalashtirilmagan murojaat qilish yoki gospitalizasiyani talab qiladigan astmatik simptomlarining yomonlashish davri sifatida belgilangan) montelukast guruhida 32,2% va flutikazon guruhida 25,6% tashkil qilgan; xavf nisbati 1,04 dan 1,84 dagi 95% ishonch intervalida 1,38 ni tashkil qiladi, bu statistik axamiyatli bo‘lgan. tadqiqotlar davomida tizimli (asosan peroral) glyukokortikosteroidlar buyurilgan pasientlar soni montelukast guruhida 17,8% va flutikazon guruhida 10,5% ni tashkil qilgan. Kichik kvadratlar usuli bo‘yicha aniqlangan guruhlar orasidagi o‘rtacha 2,9 dan 11,7 gacha 95% ishonch intervalida 7,3% ni tashkil qildi. Jismoniy zo‘riqish fonida yuz bergan bronxospazmning sezilarli kamayishi katta pasientlarda o‘tkazilgan 12-haftalik tadqiqotlarda kuzatilgan, (JNCHH1 ni maksimal pasayishi plasebo 32,40% ga nisbatan montelukast uchun  22,33%; JNCHH1 dastlabki darajaga qaytishgacha bo‘lgan vaqt ±5%: montelukast uchun: 44,22 minut, plasebo uchun esa 60,64 minut). Ushbu samara butun 12-haftalik davri davomida o‘zgarmagan holda qolgan. Jismoniy zo‘riqish fonida yuz bergan bronxospazmni kuchsizlanishi 6 yoshdan 14 yoshgacha bo‘lgan bolalarda o‘tkazilgan qisqa muddatli tadqiqotlarda ham namoyon bo‘lgan (JNCHH1 ni maksimal pasayishi 18,27% ga qarshi 26,11%; JNCHH1 dastlabki darajaga qaytishgacha bo‘lgan vaqt ±5%: 17,76 minutga nisbatan 27,98 minut). Ikkala tadqiqotda ham samaraga dori preparatini kuniga bir marta qabul qilish orasidagi oraliqlar oxirida erishilgan. Aspiringa sezuvchan va ingalyasion va/yoki peroral glyukokortikosteroidlar bilan yondosh davolanalayotgan bronxial astmasi bo‘lgan pasientlarda, plaseboga qaraganda montelukast bilan davolash, bronxial astma simptomlarining nazoratini sezilarli yaxshilanishiga olib kelgan (JNCHH1 dastlabki darajaga nisbatan -1,74% ga qarshi 8,55% va beta-adrenomimetiklarga umumiy ehtiyojni kamayishi – dastlabki darajaga nisbatan 2,09% ga qarshi 27,78% ). Farmakokinetika So‘rilishi Montelukast ichga qabul qilinganidan so‘ng tez so‘riladi. 10 mg li plyonka qobiq bilan qoplangan tabletka uchun plazmadagi o‘rtacha cho‘qqi konsentrasiyasiga (Cmax) katta pasientlar och qoringa preparatni qabul qilgandan keyin 3 soat (Tmax) o‘tgach erishiladi. Ichga qabul qilgandan keyin biokiraolishligi o‘rtacha 64% ni tashkil qiladi. Odatdagi oziq-ovqat mahsulotlari preparatning biokirishaolishligiga va Cmax ga ta‘sir qilmaydi. Klinik tadqiqotlarda ovqat qabul qilish vaqtidan qat‘iy nazar, 10 mg plyonka qobiq bilan qoplangan tabletkalarning xavfsizligi va samaradorligi namoyish etilgan. 5 mg chaynaladigan tabletkalar uchun Cmax katta pasientlarda preparat och qoringa qabul qilinganidan keyin 2 soat o‘tgach erishiladi. Preparatni o‘rtacha biokiraolishligi 73% ni tashkil qiladi; u, preparat standart ovqat qabul qilgandan keyin qabul qilinganida 63% ga kamayadi. 2 dan 5 yoshgacha bo‘lgan bolalarda och qoringa 4 mg chaynaladigan tablekani qabul qilgandan 2 soatdan keyin Cmax erishilgan. 10 mg tabletkani qabul qilgandan keyin kattalarga nisbatan o‘rtacha Cmax 66% ga ko‘proq, ayni vaqtda o‘rtacha Cmin pastroq bo‘lgan. Taqsimlanishi va qon plazmasi oqsillari bilan bog‘lanishi. Montelukast plazma oqsillari bilan 99% dan ortiq bog‘lanadi. Montelukastning taqsimlanish hajmi muvozanatli holatda o‘rtacha 8-11 litrni tashkil qiladi. Nishonlangan montelukast bilan kalamushlarda o‘tkazilgan tadqiqotlar preparatning gematoensefalik to‘siqdan minimal darajada o‘tishini ko‘rsatdi. Nishonlangan radiofaol moddaning konsentrasiyasi preparat qo‘llanganidan keyin 24 soatdan so‘ng boshqa barcha to‘qimalarda minimal bo‘lgan. Biotransformasiyasi Montelukast faol metabolizmga uchraydi. Terapevtik dozalari bilan o‘tkazilgan tadqiqotlarda montelukast metabolitlarining konsentrasiyasi plazmadagi barqaror holatida kattalar va bolalarda aniqlash chegarasidan past bo‘lgan. Sitoxrom R450 2C8 montelukastning metabolizmida ishtirok etuvchi asosiy ferment hisoblanadi. Bundan tashqari CYP3A4 va 2S9 biroz hissa qo‘shishi mumkin, ammo CYP3A4 ingibitori itrakonazol sutkada 10 mg montelukast qabul qilgan sog‘lom odamlarda farmakokinetika ko‘rsatkichlari o‘zgartirmasligi aniqlangan. Inson jigar mikrosomalaridagi in vitro sharoitdagi tadqiqotlarda, plazmadagi montelukastning terapevtik konsentrasiyasi sitoxrom P450 3A4, 2C9, 1A2, 2A6, 2C19 va 2D6 larni ingibisiya qilmasligi aniqlangan. Montelukastning terapevtik ta‘sirida metabolitlarining hissasi  minimal. Chiqarilishi Katta yoshdagi sog‘lom odamlarda montelukastning plazma klirensi o‘rtacha minutiga 45 ml ni tashkil qiladi. Nishonlangan montelukast ichga qabul qilinganidan keyin preparatning 86% 5 kun davomida axlatda va < 0,2% siydikda aniqlangan. Montelukast ichga qabul qilinganidan keyin uning biokirishaolishligi bilan bog‘liq natijalar, preparat va uning metabolitlari asosan safro bilan chiqarilishidan dalolat beradi. Alohida guruh pasientlaridagi farmakokinetikasi Keksa yoshdagi yoki yengil va o‘rta og‘ir jigar yetishmovchiligi bo‘lgan pasientlar uchun dozaga tuzatish kiritish talab etilmaydi. Buyrak yetishmovchiligi bo‘lgan bemorlarda tadqiqotlar o‘tkazilmagan. Montelukast va uning metabolitlari safro bilan chiqarilishi tufayli, buyrak yetishmovchiligi bo‘lgan pasientlar uchun dozaga tuzatish kitirish talab qilinmaydi. Og‘ir jigar yetishmovchiligi bo‘lgan pasientlarda (Chayld-Pyu shkalasi bo‘yicha > 9 ball) montelukast farmakokinetikasi bo‘yicha ma‘lumotlar yo‘q. Montelukast yuqori dozalarda buyurilganda (kattalar uchun tavsiya etilgan dozadan 20 – 60 marta yuqori) qon plazmasida teofillin miqdori kamayishi kuzatilgan. Bu samara sutkada bir marta 10 mg tavsiya etilgan doza buyurilganda kuzatilmagan.   Qo‘llanilishi Singlon®, 4 mg chaynaladigan tabletkalar 2 yoshdan 5 yoshgacha bolalar uchun mo‘ljallangan. Singlon®, 5 mg chaynaladigan tabletkalar 6 yoshdan 14 yoshgacha bolalar uchun mo‘ljallangan. Singlon® preparati yengil yoki o‘rtacha darajadagi doimiy davom etuvchi bronxial astmasi bo‘lgan, kasalligi ingalyasion kortikosteroidlarni qabul qilish bilan nazorat qilib bo‘lmaydigan pasientlarda va zarurati bo‘lganida qisqa ta‘sirga ega beta-adrenomimetiklarni ishlatilishi yetarli klinik samara ta‘minlanmaganida qo‘shimcha davolash sifatida qo‘llanadi. Singlon® preparati yengil darajali doimiy davom etuvchi bronxial astma, yaqin vaqtda bronxial astmaning jiddiy xurujlari bo‘lmagan, tizimli glyukokortikosteroidlar qo‘llanilishini talab qilgan, ammo ingalyasion glyukokortikosteroidlar qo‘llanilishi mumkin bo‘lmagan pasientlarga ingalyasion glyukokortikosteroidlar o‘rniga buyurilishi mumkin (“Qo‘llash usuli va dozalar” bo‘limiga qarang). Singlon® preparati jismoniy yuklama fonida paydo bo‘ladigan asosiy komponenti bronxospazm bo‘lgan bronxial astmani xurujlari profilaktikasi uchun qo‘llanadi. Qo‘llash usuli va dozalari Dozalar Bolalar 5 mg chaynaladigan tabletkalar: 6-14 yoshdagi bolalar uchun doza sutkada 5 mg bir chaynaladigan tabletkani tashkil etadi, uni kechki vaqtda qabul qilish kerak. Ushbu yosh guruhida dozaga tuzatish kiritish talab etilmaydi. 4 mg chaynaladigan tabletkalar: 2-5 yoshdagi bolalar uchun doza sutkada 4 mg bir chaynaladigan tabletkani tashkil etadi, uni kechki vaqtda qabul qilish kerak. Ushbu yosh guruhida dozaga tuzatish kiritish talab etilmaydi. 2 yoshdan kichik bolalar Singlon® preparatini, 4 mg chaynaladigan tabletkalarni 2 yoshgacha bolalarga berish tavsiya etilmaydi. Umumiy tavsiyalar: Preparatning bronxial astma bilan bog‘liq simptomlarga terapevtik ta‘siri bir kun davomida namoyon bo‘ladi. Pasient bronxial astmaning kechishi nazorat qilinadigan davrda ham, shuningdek kasallikni kechishi yomonlashgan davrlarida ham qabul qilishni davom ettirish kerak. Pasientlarning alohida guruhlari Yengil va o‘rtacha darajali buyrak yoki jigar yetishmovchiligi bo‘lgan pasientlar uchun dozaga tuzatish kiritish talab qilinmaydi. Og‘ir jigar yetishmovchiligi bo‘lgan pasientlar xaqida ma‘lumotlar yo‘q. Preparatning dozasi erkak va ayol pasientlar uchun ham bir hildir. Singlon® engil og‘irlik darajadagi doimiy davom etuvchi bronxial astmada ingalyasion glyukortikosteroidlarning past dozalariga muqobil davolash sifatida: Montelukastni o‘rtacha og‘irlik darajadagi doimiy davom etuvchi bronxial astmasi bo‘lgan pasientlarda monoterapiya sifatida qo‘llash tavsiya etilmaydi. Yengil og‘irlik darajadagi doimiy davom etuvchi bronxial astmasi bo‘lgan bolalarda montelukastni ingalasion glyukokortikosteroidlarning past dozalarini qabul qilishga muqobil davolash sifatida qo‘llashni, faqat peroral glyukokortikosteroidlarni qabul qilishni talab qiluvchi bronxial astmaning jiddiy xurujlari yaqin o‘tmishda bo‘lmagan pasientlar uchun yoki ingalyasion glyukortikosteroidlarni ishlata olmaydigan pasientlar uchun ko‘rib chiqish lozim (“Qo‘llanilishi” bo‘limiga qarang). Yengil og‘irlik darajadagi doimiy davom etuvchi bronxial astmasi tushunchasi ostida bir haftada bir martadan ko‘p, lekin kuniga bir martadan kam yuz beradigan bronxial astma simptomlari; bir oyda 2 martadan ortiq, lekin haftada o‘pkaning normal faoliyati sharoitida bir martadan kam tunda yuz beradigan simptomlar tushuniladi. Agar shifokor kuzatuvi davrida (odatda bir oy davomida) bronxial astmaning simptomlarini qoniqarli nazorat qilishni ta‘minlashning iloji bo‘lmasa, bronxial astmani bosqichma-bosqich davolashga asoslangan qo‘shimcha yoki boshqa yallig‘lanishga qarshi davolash zaruratini ko‘rib chiqish kerak. Bronxial astma simptomlarini nazorat qilish uchun pasientlarni muntazam kuzatuvi amalga oshiriladi. Singlon® preparati, 4 mg chaynaladigan tabletkalar, 2 yoshdan 5 yoshgacha bo‘lgan bolalarda ustuvor komponenti jismoniy yuklama chaqirgan bronxospazm bo‘lgan bronxial astma xurujlarini profilaktikasi sifatida. 2 yoshdan 5 yoshgacha bolalarda jismoniy yuklama bilan qo‘zg‘atilgan bronxospazm ingalyasion glyukokortikosteroidlar buyurilishi talab qiladigan doimiy davom etuvchi bronxial astmaning ustuvor ko‘rinishi bo‘lishi mumkin. Montelukast bilan davolash boshlanganidan 2-4 haftadan so‘ng takroriy ko‘rikni o‘tkazish kerak. Davolashning samarasi yetarli bo‘lmasa, qo‘shimcha preparatlar yoki boshqa usulda davolash imkoniyatlarini ko‘rib chiqish kerak. Bronxial astmani davolash uchun boshqa preparatlarga nisbatan Singlon® preparati bilan davolash. Agar Singlon® preparati ingalyasion glyukokortikosteroidlarni qabul qilish fonida buyurilgan bo‘lsa, ingalyasion glyukokortikosteroidlarni u bilan keskin almashtirish mumkin emas (“Ehtiyotkorlik choralari” bo‘limiga qarang). 10 mg montelukast saqlovchi boshqa dori vositalar (plyonka qobiq bilan qoplangan tabletkalar) kattalar va 15 yoshdan katta o‘smirlar uchun mo‘ljallangan. Bolalarda qo‘llanishi Singlon® chaynaladigan tabletka preparatini 2 yoshdan kichik bolalarda ushbu guruh uchun preparat xavfsizligi va samarasi to‘g‘risida ma‘lumotlar yo‘qligi sababli qo‘llash tavsiya etilmaydi. 6 yoshdan 14 yoshgacha bolalar uchun 5 mg li chaynaladigan tabletkalar chiqariladi. 2 yoshdan 5 yoshgacha bolalar uchun 4 mg li chaynaladigan tabletkalar chiqariladi. Qo‘llash usuli Ichga qabul qilish uchun buyuriladi. Yutishdan avval tabletkalarni chaynash kerak. Ovqat qabul qilinishi va Singlon preparati qabul qilinishi o‘rtasida bog‘liqlikka yuzasidan, Singlon preparatini ovqatdan 1 soat oldin yoki ovqatdan 2 soat keyin qabul qilish kerak. Bu dori vositasini bolalarga kattalar nazorati ostida berish kerak. Ushbu dori vositasini chaynaladigan tablektalarni qabul qilishni bilmaydigan yoki qabul qila olmaydigan bolalarga berish mumkin emas. Preparatni 2 yoshdan kichik bo‘lgan bolalarda qo‘llash tavsiya etilmaydi. Agar bemor preparatni qabul qilish vaqtini o‘tkazib yuborsa, navbatdagi dozani odatdagi vaqtda qabul qilishi kerak. Ikkita dozani ketma-ket qabul qilish mumkin emas.   Nojo‘ya ta‘sirlari Montelukast doimiy davom etuvchi bronxial astma bo‘lgan pasientlarni jalb qilgan holda o‘tkazilgan klinik tadqiqotlarda quyidagicha baholangan: plyonka qobiq bilan qoplangan 10 mg tabletkalar – taxminan 4000 nafar katta pasientlar va 15 yoshdan katta o‘smirlarda. chaynaladigan 5 mg tabletkalar – 6 yoshdan 14 yoshgacha bo‘lgan taxminan 1750 nafar bolalarda va chaynaladigan 4 mg tabletkalar – 2 yoshdan 5 yoshgacha bo‘lgan 851 nafar bolalarda. Vaqti-vaqti bilan qo‘zg‘aladigan bronxial astmasi bo‘lgan pasientlarda montelukastni klinik tadqiqotda quyidagicha baholangan: –           4 mg granula va chaynaladigan tabletkalar – 6 oylikdan 5 yoshgacha 1038 nafar bolalarda. Klinik tadqiqotlarda quyidagi noxush reaksiyalari ta‘riflangan, ular odatda (>1/100, <1/10) plasebo guruhi pasientlariga qaraganda montelukastni qabul qilgan pasientlarda tez-tez kuzatilgan: Guruhlash nomi Katta pasientlar va 15 yoshdan katta o‘smirlar (ikki 12 haftalik tadqiqot; n=795) Pediatrik pasientlar 6 yoshdan 14 yoshgacha (bir 8 haftalik tadqiqot; n=201) (ikki 56 haftalik tadqiqot; n=615) Pediatrik pasientlar 2 yoshdan 5 yoshgacha (bir 12 haftalik tadqiqot; n=461) (bir 48 haftalik tadqiqot; n=278) Nerv tizimi tomonidan buzilishlar Bosh og‘rig‘i Bosh og‘rig‘i   Me‘da-ichak yo‘llari tomonidan buzilishlar Qorinda og‘riq   Qorinda og‘riq Umumiy buzilishlar va yuborish joyidagi reaksiyalar     Chanqoqlik Pasientlarning cheklangan sonida o‘tkazilgan klinik tadqiqotlarda davomli davolashda (kattalar uchun 2 yilgacha va 6-14 yoshdagi pasientlar uchun 6 oygacha) preparatning xavfsizlik profili o‘zgarmagan. 2 yoshdan 5 yoshgacha jami 502 nafar bolalar montelukastni 3 oydan kam bo‘lmagan muddat davomida qabul qilgan, 338 nafar bolalar 6 oy va undan ortiq va 534 nafar bemor 12 oy va undan ortiq muddat preparatni qabul qilgan. Uzoq muddatli davolashda ushbu pasientlarda xavfsizlik profili o‘zgarmagan. Postmarketing qo‘llanilishi Postmarketing qo‘llanilishlar vaqtida quyidagi jadvalda noxush reaksiyalar organizm tizimlar sinfi va maxsus atamalari bo‘yicha keltirilgan. Tez-tezlik toifalari tegishli klinik tadqiqotlar ma‘lumotlari asosida baholangan. Guruhlash nomi Noxush ko‘rinishlar Tez-tezlik toifalari* Infeksiyalar va invaziyalar yuqori nafas yo‘llari infeksiyalari † Juda tez-tez Qon va limfatik tizim tomonidan buzilishlar ko‘p qon ketishiga moyillik Kam hollarda Immun tizimi tomonidan buzilishlar o‘ta yuqori sezuvchanlik reaksiyalar, shu jumladan anafilaktik reaksiyalar Tez-tez emas jigarning eozinofilli infiltrasiyasi Juda kam hollarda Ruhiy buzilishlar Odatdagi bo‘lmagan tush ko‘rish (shu jumladan tungi dahshatlar), uyqusizlik, uyquda yurish (oyparastlik), bezovtalik, qo‘zg‘alish, (shu jumladan tajovuzkor xulq yoki yovgarchilik), depressiya, psixomotor qo‘zg‘alish (shu jumladan ta‘sirchanlik, betoqatlik, tremor). Tez-tez emas Diqqatni jamlashni buzilishi, xotira yomonlashishi Kam hollarda gallyusinasiya, orientasiya yo‘qolishi, o‘ziga joniga qasd qilish fikri va xulq (o‘z joniga qasd qilish). Juda kam hollarda Nerv tizimi tomonidan buzilishlar bosh aylanishi, uyquchanlik, paresteziya/gipesteziya, tirishishlar Tez-tez emas Yurak tomonidan buzilishlar Yurakni tez urishi Kam hollarda Nafas tizimi, ko‘krak qafasi va ko‘ks oralig‘i a‘zolari tomonidan buzilishlar Burundan qon ketishi. Tez-tez emas Charga-Stross sindromi (CHSS) (“Ehtiyotkorlik choralari” bo‘limiga qarang), o‘pka eozinofiliyasi. Juda kam hollarda Me‘da-ichak yo‘llari tomonidan buzilishlar diareya **, ko‘ngil aynishi **, qusish ** Tez-tez og‘iz qurishi, dispepsiya Tez-tez emas Gepatobiliar tizimi tomonidan buzilishlar qon zardobida transaminazalar (ALT, AST) faolligi oshishi Tez-tez gepatit (shu jumladan xolestatik, gepatosellyulyar va jigar aralash shikastlanishining ko‘rinishi)   Juda kam hollarda Teri va teri osti to‘qimalar tomonidan buzilishlar toshma‡ Tez-tez qontalashlar paydo bo‘lishi, eshakemi, qichishish Tez-tez emas angionevrotik shish Kam hollarda tugunli eritemasi, ko‘p shaklli eritema Juda kam hollarda Suyak-mushak tizimi va biriktiruvchi to‘qima tomonidan buzilishlar artralgiya, mialgiya, shu jumladan mushak spazmi Tez-tez emas Tizimli buzilishlar va yuborish joyidagi asoratlar isitma‡ Tez-tez xolsizlik / toliqish, lohaslik, shishlar Tez-tez emas * Tez-tezlik toifalari: har bir noxush ko‘rinish uchun klinik tadqiqotlarning klinik bazasidagi ma‘lumotlar asosida aniqlangan: juda tez-tez (≥1/10), tez-tez (³1/100 dan * Montelukast qabul qilgan pasientlarda juda tez-tez uchraydigan sifatida qayd etilgan ushbu noxush ko‘rinish klinik tadqiqotlarida plaseboni qabul qilgan pasientlarda ham juda tez-tez uchraydigan sifatida qayd etilgan. ** Montelukast qabul qilgan pasientlarda tez-tez uchraydigan sifatida qayd etilgan ushbu noxush ko‘rinish klinik tadqiqotlarida plaseboni qabul qilgan pasientlarda ham tez-tez uchraydigan sifatida qayd etilgan. Tez-tezlik toifalari: Kam hollarda Sanab o‘tilgan nojo‘ya reaksiyalar, shuningdek yo‘riqnomada ko‘rsatilmagan reaksiyalar vujudga kelsa, shifokorga murojaat qilish kerak. Qo‘llash mumkin bo‘lmagan holatlar Faol moddaga yoki “Tarkibi” bo‘limida qayd etilgan har qanday yordamchi moddalarga o‘ta sezuvchanlikda qo‘llash mumkin emas. Ehtiyotkorlik choralari Pasientlar bronxial astmaning o‘tkir xurujlarini bartaraf qilish uchun montelukast peroral preparatlarini qo‘llash tavsiya etilmaydi va yonlarida doimo tez ta‘sir ko‘rsatadigan preparatlarni olib yurish tavsiya etiladi. Xuruj paydo bo‘lganida ingalyasion beta-adrenomimetiklarni ishlatish tavsiya etiladi. Qisqa ta‘sirga ega ingalyasion beta-adrenomimetiklarni ishlatishga extiyoj oshganida, pasientlar iloji boricha tezroq shifokorga murojaat qilishlari lozim. Ingalyasion yoki tizimli glyukokortikosteroidlarni montelukastga keskin almashtirish tavsiya etilmaydi. Montelukastni yondosh qo‘llanganida tizimli glyukokortikosteroidlarning dozalarini pasaytirish mumkinligidan dalolat beruvchi ma‘lumotlar yo‘q. Kam hollarda, astmaga qarshi preparatlarni, shu jumladan montelukastni qabul qilayotgan pasientlarda, ba‘zida vaskulit va Charga-Stross sindromining klinik ko‘rinishlari bilan birga kechuvchi tizimli eozinofiliya paydo bo‘lishi mumkin – bunday hollarda tizimli glyukokortikosteroidlar qo‘llanadi. Bunday holatlar odatda, lekin har doim bo‘lmasada, tizimli glyukokortikosteroidlarning dozasini kamaytirilishi yoki bekor qilinishi bilan bog‘liq bo‘ladi. Leykotrien reseptorlarining antagonistlarini qabul qilish Charga-Stross sindromini paydo bo‘lishi bilan bog‘liq bo‘lishi ehtimolini na inkor etish, na tasdiqlash mumkin emas. Shifokorlar bu pasientlarda eozinofiliya, vaskulit toshmalarini paydo bo‘lishi, o‘pka simptomlarini zo‘rayib borishi, yurak tomonidan asoratlar va/yoki neyropatiyani paydo bo‘lishi mumkinligi yuzasidan xabardor bo‘lishlar lozim. Yuqorida keltirilgan simptomlar paydo bo‘lgan pasientlar qayta tekshiruvdan o‘tishlari kerak, ularning davolash tartibi esa qayta ko‘rib chiqilishi kerak. Montelukastni qabul qilish bronxial astmasi bo‘lgan aspiringa yuqori sezuvchan pasientlarga aspirinni va boshqa nosteroid yallig‘lanishga qarshi preparatlarni qabul qilishdan saqlanish zaruratiga ta‘sir qilmaydi. 4 mg chaynaladigan tabletka Singlon® preparati, 4 mg li chaynaladigan tabletkalari fenilalaninning manbai – aspartam saqlaydi, shuning uchun u fenilketonuriyasi bo‘lgan bemorlarga zarar keltirishi mumkin. Fenilketonuriyasi bo‘lgan pasientlar, har bir 4 mg li chaynaladigan tabletkalarning bir dozasi 0,674 mg fenilalaninga ekvivalent fenilalanin saqlashini nazarda tutishlari kerak.   5 mg chaynaladigan tabletka Singlon® preparati, 5 mg li chaynaladigan tabletkalari fenilalaninning manbai – aspartam saqlaydi, shuning uchun u fenilketonuriyasi bo‘lgan bemorlarga zarar keltirishi mumkin. Fenilketonuriyasi bo‘lgan pasientlar, har bir 5 mg li chaynaladigan tabletkalarning bir dozasi 0,842 mg fenilalaninga ekvivalent fenilalanin saqlashini, nazarda tutishlari kerak. Dorilarning o‘zaro ta‘siri Montelukastni bronxial astmani davolash va profilaktika qilish uchun mo‘ljallangan boshqa dori vositalari bilan birga qabul qilish mumkin. Dori vositalarning o‘zaro ta‘sirini aniqlash bo‘yicha tadqiqotlarda, montelukast tavsiya etilgan dozalarda quyidagi dori vositalarining farmakokinetikasiga klinik ahamiyatli ta‘sir ko‘rsatmagan: teofillin, prednizon, prednizolon, peroral kontraseptivlar (etinilestradiol/ noretindron 35/1), terfenadin, digoksin va varfarin. Montelukastning plazmadagi konsentrasiyasining ”konsentrasiya vaqt” farmakokinetik egri chizig‘i ostidagi maydon (AUC), bir vaqtda fenobarbital qabul qilgan pasientlarda taxminan 40% ga kamaygan. CYP 3A4, 2C8 va 2C9 montelukastning metabolizmida ishtirok etishi tufayli, montelukast, fenitoin, fenobarbital va rifampisin kabi CYP 3A4, 2C8 va 2C9 induktorlari bilan birga, ayniqsa bolalarda qo‘llanganida ehtiyotkorlik namoyon qilish kerak. In vitro sharoitdagi tadqiqotlarda montelukast CYP 2C8 ning kuchli ingibitori ekanligi aniqlangan. Biroq montelukast va rosiglitazon (asosiy metabolizmi CYP 2C8 fermenti ishtirokida amalga oshadigan dorilar uchun marker substratlarning vakili) ning o‘zaro ta‘sirini o‘rganish bo‘yicha klinik tadqiqotlarning natijalari, in vivo sharoitida montelukastning CYP 2C8 ga ingibisiya qiluvchi ta‘sirini aniqlamagan. Shuning uchun montelukast ushbu ferment ishtirokida metabolizmga uchraydigan preparatlar (masalan, paklitaksel, rosiglitazon va repaglinid) ning metabolizmini sezilarli o‘zgartirmasligi kutiladi. In vitro sharoitdagi tadqiqotlar natijalariga ko‘ra, montelukast CYP2C8 izofermenti substrati hisoblanishini ko‘rsatdi, ammo kamroq darajada u 2C9, va 3A4 izofermetlari substrati bo‘ladi. Montelukast va gemfibrozil (CYP2C8 va 2C9 izofermentlari ingibitori) o‘zaro ta‘sirining klinika tadqiqotida gemfibrozil montelukastning tizimli ekspozisiyasini 4,4 marta oshirgan. Bir vaqtda gemfibrozil yoki CYP2C8 izofermentining boshqa kuchli ingibitori bilan buyurganda montelukast dozasi o‘zgartirilishi talab etilmaydi, ammo shifokor nojo‘ya asoratlar rivojlanishi ehtimoli oshishi to‘g‘risida bilishi shart. Mazkur in vitro sharoitdagi tadqiqotlar natijalari asosida CYP2C8 kuchsizroq ingibitorlari bilan (masalan, trimetoprim bilan) klinik ahamiyatli o‘zaro ta‘sirlanish kutilmaydi. Bir vaqtda montelukast CYP3A4 izofermentining kuchli ingibitori itrakonazol bilan buyurilishi, montelukast tizimli ekspozisiyasi sezilarli oshishiga olib kelmagan. Maxsus ko‘rsatmalar Homiladorlik va emizish davrida qo‘llash Homiladorlik Hayvonlarda o‘tkazilgan tadqiqotlarda hom