LINEKS kapsulalar N16

Инструкция LINEKS kapsulalar N16

• Dori shakli

  16 yoki 32 kapsuladan alyuminiy blister qutiga solingan.

• Qadoqda soni

  16

• Dozirovkasi

  To'g'ri foydalanish, dozalash va qo'llash muddati uchun quyidagi tavsiyalarga amal qiling.

• Dori vositalarining o'zaro ta'siri

  Linex bakteriyalarining ma'lum antibiotiklar va kemoterapevtik vositalarga chidamliligi isbotlangan. Linexni antibiotiklar va kemoterapevtik vositalar bilan qabul qilish mumkin, lekin bir vaqtning o'zida emas. Kattaroq samaradorlik uchun Linexni antibiotik yoki kimyoterapiya preparatini qabul qilganidan keyin kamida 3 soat o'tgach oling. Boshqa o'zaro ta'sir tadqiqotlari o'tkazilmagan.

• Qo'llanilishi mumkin bo'lmagan holatlar

  Preparatning faol yoki yordamchi moddalariga yuqori sezuvchanlik (allergiya).

• Maxsus saqlash sharoitlari

  Bolalar qo'li etmaydigan joyda saqlang. Asl o‘ramda 25 °C dan yuqori bo‘lmagan haroratda saqlang.

• Maxsus shartlar

  Linexni qabul qilishdan oldin shifokoringiz bilan maslahatlashing, agar: • tana harorati 38 °C dan oshadi; • axlatda qon yoki shilimshiq bo'lsa; • diareya ikki kundan ortiq davom etadi; • suvsizlanish va vazn yo'qotish bilan kechadigan og'ir diareya; • kuchli qorin og'rig'i bilan kechadigan diareya; • boshqa surunkali kasalliklar (masalan, qandli diabet, yurak-qon tomir kasalliklari) yoki immunitet tanqisligi holatlari (masalan, OIV infektsiyasi).

• Nojo'ya samaralari

  Barcha dorilar singari, Linex ham nojo'ya ta'sirlarni keltirib chiqarishi mumkin, ammo ular hammada ham kuzatilmaydi. Sut kislotasi bakteriyalari bilan nojo'ya reaktsiyalar juda kam uchraydi (10 000 bemorning bittadan kamida uchraydi). Yuqori sezuvchanlik reaktsiyalari mumkin.Agar biron-bir nojo'ya reaktsiyaning og'irligi oshsa yoki ushbu varaqada ko'rsatilmagan nojo'ya reaktsiyalar paydo bo'lsa, shifokor yoki farmatsevt bilan maslahatlashing.

• Farmakokinetikasi

  Linex - bu probiyotik. Linex tarkibida ichakdagi mikroorganizmlarning fiziologik muvozanatini (ichak mikroflorasini) tartibga soluvchi liyofillangan sut kislotali jonli bakteriyalarning uchta navi mavjud. Bu bakteriyalar ma'lum antibiotiklar va kimyoterapevtik vositalarga chidamli.

• Farmakodinamikasi

  Sut kislotasi bakteriyalarini qabul qilgandan so'ng, tizimli so'rilmaydi, shuning uchun klassik farmakokinetik tadqiqotlar o'tkazilmagan.  

• Dozani oshirib yuborilishi

  Dozani oshirib yuborishdan keyin istalmagan reaktsiyalar yuzaga kelsa, shifokor yoki farmatsevt bilan maslahatlashing. Dozani oshirib yuborish holatlari haqida xabarlar yo'q.  

• Umumiy ma'lumot

  LINEKS kapsulalar N16 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA LINEKS LINEX   Preparatni qo‘llashdan oldin ilova qilinayotgan yo‘riqnomani diqqat bilan o‘qib chiqing. U muhim ma‘lumotni saqlaydi. Ushbu dori vositasi reseptsiz beriladi. Shunga qaramay, optimal samaraga erishish uchun ushbu yo‘riqnomaga qat‘iy rioya qilish lozim. – Yo‘riqnomani saqlab qo‘ying. Ehtimol keyinchalik Siz uni yana bir bor o‘qib chiqishingiz talab qilinishi mumkin. – Qo‘shimcha ma‘lumot yoki maslahat uchun farmasevtga murojaat qiling. – Simptomlar kuchayganida yoki 2 kun ichida holatni yaxshilanishi yuz bermasa, davolovchi shifokorga murojaat qilish zarur. – Agar biror-bir nojo‘ya ta‘sir og‘irligi kuchaysa yoki ushbu yo‘riqnomada sanab o‘tilmagan nojo‘ya ta‘sirlar paydo bo‘lsa, shifokor yoki farmasevt bilan maslahatlashing. Mazmuni: Lineks o‘zi nima va undan nima uchun ishlatiladi Lineksni qo‘llashdan oldin Lineks qanday qabul qilinadi Bo‘lishi mumkin bo‘lgan nojo‘ya samaralari Saqlash sharoiti   LINEKS® kapsulalari liofilizasiya qilingan sut-kislotali bakteriyalari diareyaga qarshi probiotik   Tarkibi: Ta‘sir etuvchi modda: liofilizasiya qilingan cut-kislotali bakteriyalar. Bir kapsula antibiotiklar ta‘siriga chidamli bo‘lgan kamida 1,2 x 107 KOE Lactobacillus acidophilus (L. gasseri), Bifidobacterium infantis va Enterococcus faecium cut-kislotali bakteriyalarni saqlaydi. Yordamchi moddalar: kartoshka kraxmali, dekstrin, laktoza, magniy stearati, jelatin, titan dioksidi (E 171). Ta‘rifi: oq kukun saqlovchi, tiniq bo‘lmagan, oq rangli qattiq kapsula.   O‘rami 16 yoki 32 kapsuladan qutiga joylangan alyuminiy blisterlarda.     LINEKS O‘ZI NIMA VA UNDAN NIMA UCHUN ISHLATILADI Lineks probiotik bo‘lib hisoblanadi. Lineks tarkibi ichakda mikroorganizmlarning (ichak florasining) fiziologik muvozanatini tartibga soluvchi liofilizasiya qilingan tirik cut-kislotasi bakteriyalarning uch xil turidan iborat. Mazkur bakteriyalar ma‘lum antibiotiklarga va ximioterapevtik vositalarga chidamlidir. Sut-kislotali bakteriyalar normal sharoitlarda ingichka va yo‘g‘on ichakda mavjud bo‘ladi, u yerda ular ovqatni hazm qiluvchi fermentlar, immun tizimi va ichak peristaltikasining normal ishlashi uchun zarur bo‘lgan kislota-ishqor balansini saqlaydi. Agar cut-kislotasi bakteriyalarining tanqisligi kuzatilsa, ichak mikroflorasi muvozanati izdan chiqadi, bu esa ovqatni hazm qilishda turli buzilishlarga olib keladi. Lineks preparatining bakteriyalari liofilizasiya qilingan (ya‘ni past haroratda quritilgan), bu preparatni xona haroratida shakli va faolligini o‘zgartirmay saqlash imkoniyatini beradi. Lineks quyidagi hollarda: emizikli bolalarda, kattaroq yoshli bolalarda va kattalarda me‘da-ichak yo‘llaridagi virusli va bakterial infeksiyalarda (masalan, rotavirus infeksiyalari, sayyohlar diareyasi); ta‘sir doirasi keng bo‘lgan antibiotiklar va ximioterapiya vositalari bilan davolashda; qorin bo‘shlig‘i va tos a‘zolarini nurlantirish natijasida ichak mikroflorasi muvozanati buzilishi keltirib chiqargan diareyada, meteorizmda va ovqat hazm qilishning boshqa buzilishlarida profilaktika va davolash uchun qo‘llaniladi. Probiotiklar yoki cut-kislotali bakteriyalarni qabul qilish ichakda normal mikroflorani buzilishi tufayli yuzaga keladigan yengil va o‘rtacha darajada ovqat hazm qilishni buzilishlari tez-tezligini va darajasini samarali pasaytiradi.   LINEKSNI QO‘LLASHDAN OLDIN       Qo‘llash mumkin bo‘lmagan holatlar Preparatning ta‘sir etuvchi yoki yordamchi moddalariga yuqori sezuvchanlik (allergiya).   Maxsus ogohlantirishlar va ehtiyotkorlik choralari Lineksni qabul qilishdan oldin quyidagi hollarda: tana harorati 38°C dan oshganida; ahlatda qon yoki shilliqlar mavjud bo‘lganida; diareya ikki kundan ortiq davom etganida; suvsizlanish va tana vaznini yo‘qotish bilan kechuvchi og‘ir diareyada; qorinda kuchli og‘riq bilan kechuvchi diareyada; boshqa surunkali kasalliklarda (masalan, qandli diabet, yurak-qon tomir kasalliklarida) yoki immun tanqisligi holatlarida (masalan, OIV infeksiyasida) shifokor bilan maslahatlashing. 6 yoshdan kichik bo‘lgan bolalarda diareyani tibbiy nazoratsiz davolash mumkin emas. Diareyani pasientning o‘zi tomonidan davolanganida yo‘qotilgan suyuqlik va elektrolitlarni o‘rnini to‘ldirish birinchi va bosh tadbir bo‘lib hisoblanadi.   Boshqa dori vositalarini qabul qilish Lineks bakteriyalarini ma‘lum bir antibiotiklarga va ximioterapiya vositalariga chidamliligi isbotlangan. Lineksni antibiotiklar va ximioterapiya vositalari bilan birga, ammo boshqa-boshqa vaqtda qabul qilish mumkin. Samara ko‘proq bo‘lishi uchun Lineksni antibiotik yoki ximioterapiya preparati qabul qilinganidan keyin kamida 3 soat o‘tgach qabul qiling. O‘zaro ta‘sirlarga doir boshqa tadqiqotlar o‘tkazilmagan. Homiladorlik va emizish Har qanday preparatni qo‘llashdan oldin shifokor yoki farmasevt bilan maslahatlashing. Homiladorlik va emizish davrida diareyani davolash shifokor nazorati ostida amalga oshirilishi kerak. Homiladorlik va emizish davrida preparatning xavfsizligi haqidagi ma‘lumotlar yetarli emas, shu sababli homilador va emizikli ayollarga Lineksni qabul qilish tavsiya etilmaydi. Transportni boshqarish va texnika vositalari bilan ishlash qobiliyatiga ta‘siri Transportni boshqarish va texnika vositalari bilan ishlash qobiliyatiga ta‘siriga doir ma‘lumotlar yo‘q.   Yordamchi moddalar haqida ma‘lumot Lineks laktozani saqlaydi (98,28 mg/kapsula). Galaktozani o‘zlashtiraolmaslik, laktaza yetishmovchiligi yoki glyukoza/galaktoza so‘rilishini buzilishi kabi kam uchraydigan nasliy buzilishlari bo‘lgan pasientlar mazkur preparatni qabul qilmasliklari lozim. Lineks allergik reaksiyalarni (yuqori sezuvchanlik reaksiyalarini) keltirib chiqarishi mumkin bo‘lgan sut oqsillari izlarini saqlashi mumkin.   LINEKS QANDAY QABUL QILINADI To‘g‘ri qo‘llash, dozalash va qabul qilish davomiyligi bo‘yicha quyida keltirilgan tavsiyalarga aniq rioya qiling. To‘g‘ri qo‘llash bo‘yicha tavsiyalar Lineks ovqatlanish vaqtida (kislotali me‘da shirasining cut-kislotali bakteriyalarga salbiy ta‘siridan saqlanish maqsadida) ichga qabul qilish uchun mo‘ljallangan. Alkogol yoki issiq ichimliklar bilan bir vaqtda qabul qilinmasin. Agar bola kapsulani yutishni bilmasa yoki yuta olmasa, kapsulani ochish, ichidagini (kukunni) qoshiqqa solish va bola uni yuta olishi uchun yetarli bo‘lgan suyuqlik miqdori bilan aralashtirish zarur. Dozalash va qabul qilish davomiyligi Emizikli va 2 yoshgacha bo‘lgan bolalar: 1 kapsuladan sutkada 3 marta. 2 yoshdan 12 yoshgacha bo‘lgan bolalar: 1–2 kapsuladan sutkada 3 marta. Kattalar va 12 yoshdan oshgan bolalar: 2 kapsuladan sutkada 3 marta. Lineksni simptomlar yengillashmaguncha qo‘llash mumkin. Agar Lineksni qabul qilishdan 2 kun o‘tgach diareya to‘xtamasa, shifokorga murojaat qiling. Diareyani mustaqil davolashda yo‘qotilgan suyuqlik va elektrolitlarni o‘rnini tiklash birinchi va bosh tadbir bo‘lib hisoblanadi.   Dozani oshirib yuborilishi Agar doza oshirib yuborilganidan keyin nojo‘ya ta‘sirlar paydo bo‘lsa, shifokor yoki farmasevt bilan maslahatlashing. Dozani oshirib yuborilishi hollari haqidagi xabarlar yo‘q.   Qabul qilishni o‘tkazib yuborilishi Qabul qilish o‘tkazib yuborilgan dozani o‘rnini bosish uchun ikki dozani qo‘llamang. Preparatni keyingi dozani qabul qilish vaqti kelganida qabul qiling, so‘ngra preparatni odatdagi sxema bo‘yicha qabul qilishni davom ettiring.   BO‘LISHI MUMKIN BO‘LGAN NOJO‘YA SAMARALARI Barcha dori preparatlari kabi, Lineks ham nojo‘ya ta‘sirlarni keltirib chiqarishi mumkin, ammo ular hammada ham paydo bo‘lavermaydi. Sut-kislotali bakteriyalar qo‘llanganida nojo‘ya ta‘sirlar juda kam hollarda uchraydi (10 000 pasientdan bittasidan kam hollarda yuzaga keladi). Yuqori sezuvchanlik reaksiyalari yuz berishi mumkin. Agar biror-bir nojo‘ya samaralar og‘irligi kuchaysa yoki ushbu yo‘riqnomada keltirilmagan nojo‘ya ta‘sirlar paydo bo‘lsa, shifokor yoki farmasevt bilan maslahatlashing.   SAQLASH SHAROITI Bolalar ololmaydigan joyda saqlansin. 25°C yuqori bo‘lmagan haroratda, original o‘ramida saqlansin. Yaroqlilik muddati: 2 yil. O‘ramida ko‘rsatilgan yaroqlilik muddati tugaganidan keyin qo‘llanilmasin. Dorixonalardan berish tartibi Reseptsiz beriladi. Ulashish: