YODOMARIN 200 tabletkalari 200mkg N100

Инструкция YODOMARIN 200 tabletkalari 200mkg N100

• Qadoqda soni

  100

• Umumiy ma'lumot

  YODOMARIN 200 tabletkalari 200mkg N100 qo'lanishi bo'yicha ko'rsatmalar         ILOVA-VARAQA: PASIENT UCHUN MA‘LUMOT Yodomarin® 100 tabletkalar Kaliy yodidi   Ushbu dori preparatini qo‘llashni boshlash oldidan ushbu ilova-varaqani diqqat bilan to‘liq o‘qib chiqing, chunki unda Siz uchun muhim ma‘lumot saqlanadi –     Ushbu preparat reseptsiz beriladi. Shunga qaramay, yaxshiroq natijaga erishish uchun Yodomarin® 100 preparatini ehtiyotkorlik bilan qabul qilish kerak. –     Ushbu ilova-varaqani saqlab qo‘ying. Sizga uni o‘qib chiqish kerak bo‘lib qolishi mumkin. –     Agar Sizga qo‘shimcha ma‘lumot yoki maslaxat kerak bo‘lsa, dorixona xodimi bilan maslaxatlashing. –     Biron-bir nojo‘ya ta‘sirlar paydo bo‘lganida shifokor yoki dorixona xodimiga murojaat qiling. Bu har qanday bo‘lishi mumkin bo‘lgan – shu jumladan ushbu ilova-varaqada ta‘riflanmagan nojo‘ya samaralarga taalluqli.   Ushbu ilova-varaqaning mazmuni: Yodomarin® 100 o‘zi nima va u nima uchun ishlatiladi Yodomarin® 100 ni qabul qilishdan oldin nimani bilish kerak Yodomarin® 100 ni qanday qabul qilish kerak Bo‘lishi mumkin bo‘lgan nojo‘ya ta‘sirlari Yodomarin® 100 ni qanday saqlash kerak O‘ram ichidagisi va boshqa ma‘lumotlar YODOMARIN® 100 O‘ZI NIMA VA U NIMA UCHUN ISHLATILADI Yodomarin® 100 – qalqonsimon bez kasalliklarini davolash uchun vosita. Yodomarin® 100 quyidagilarda qo‘llanadi: yodning tanqisligi chaqirgan kasalliklarni oldini olish (masalan, tuproq va suvda yodning miqdori yetarli bo‘lmagan hududlarda, shuningdek yodning tanqisligi bilan bog‘liq bo‘lgan bo‘qoq rezeksiyasidan keyin bo‘qoqni oldini olish); yangi tug‘ilgan chaqaloqlar, bolalar, o‘smirlarda, shuningdek yoshroq kattalarda bo‘qoqni davolash. YODOMARIN® 100 NI QABUL QILISHDAN OLDIN NIMANI BILISH KERAK Yodomarin® 100 ni qabul qilmang Agar Sizda kaliy yodidiga yoki ushbu preparatning har qanday boshqa komponentiga allergiya kuzatilsa (6.1 bo‘limida sanab o‘tilgan) Qalqonsimon bezining faoliyatini yaqqol oshishida (shikoyatlar mavjud) Yodning sutkada 150 mkg dan yuqori dozalarida qalqonsimon bezining faoliyatini yashirin oshishida (shikoyatlar yo‘q), Xavfsiz gormon hosil qiluvchi o‘sma, shuningdek yodni sutkada 300 dan 1000 mkg gacha dozalarida (operasiyadan oldingi davrdagi davolashdan tashqari) qalqonsimon bezining nazorat qilinmaydigan gormon hosil qiluvchi sohalarining mavjudligi. Ogohlantirishlar va ehtiyotkorlik choralari Yodomarin® 100 preparatini qabul qilishdan oldin shifokor yoki dorixona ishchisiga maslahat uchun murojaat qiling. Yodomarin® 100 bilan boshqa dori preparatlarini qabul qilish Agar Siz xozirgi vaqtda har qanday dori vositalarini qabul qilayotgan, oldin qabul qilgan yoki qabul qilmoqchi bo‘lsangiz bu xaqida shifokorga yoki dorixona ishchisiga ma‘lum qiling. Yod tanqisligi gipertireozni (qalqonsimon bezining yuqori faoliyati) medikamentoz davolashga reaksiyasini oshiradi, ayni vaqtda yodning oshiqchasi esa uni pasaytiradi. Shuning uchun gipertireozni davolashdan oldin yoki davolash vaqtida, iloji boricha, yodni har qanday qabul qilishdan saqlanish kerak. Qalqonsimon bezi tomonidan yodid kabi mexanizm bo‘yicha (masalan, perxlorat) so‘riladigan moddalar, shuningdek o‘zlari so‘riladigan dori vositalari 5 ml/dl dan yuqori konsentrasiyalarda tiosianat, qalqonsimon bezi tomonidan yodni yutilishiga to‘sqinlik qiladilar. Qalqonsimon bezi tomonidan yodni so‘rilishi va bezda yodning metabolizmi endogen va ekzogen tireotrop gormoni (TTG) tomonidan rag‘batlantiriladi. Qalqonsimon bezi gormonlarining sekresiyasini susaytiruvchi yodning yuqori dozalari va odatda ruxiy buzilishlarni davolash uchun qo‘llanadigan litiy tuzlari bilan bir vaqtda davolash, bo‘qoq va gipotireozning rivojlanishiga olib kelishi mumkin. Kaliy yodidining yuqori dozalari kaliy tejovchi diuretiklar bilan birga giperkaliemiyani chaqirish qobiliyatiga ega. Homiladorlik, emizish davri va bola tug‘ish faoliyati Homiladorlik yoki emizish davrida, shuningdek homiladorlik bo‘lsa yoki rejalashtirilsa, ushbu preparatni qabul qilishdan oldin shifokorga yoki dorixona ishchisiga maslaxat uchun murojaat qiling. Homiladorlik va emizish davrida yodga ehtiyoj oshadi, shuning uchun bu davrda organizmga yetarli miqdorda yodni tushishini ta‘minlash ayniqsa muhim. Lekin yod preparatlarini va yod saqlovchi dori vositalarini faqat shifokorning ko‘rsatmasi bo‘yicha “foyda/xavf”ni nisbatini baholaganda keyin qabul qilish kerak. Transport vositalarini boshqarish va mexanizmlarga xizmat ko‘rsatish qobiliyatiga ta‘siri Maxsus ehtiyotkorlik choralariga rioya qilish talab qilinmaydi. Yodomarin® 100 preparati laktoza saqlaydi Agar Sizda qandning biron-bir turlarini o‘zlashtiraolmaslik aniqlangan bo‘lsa, ushbu preparatni qabul qilishdan oldin davolovchi shifokoringiz bilan maslahatlashing. YODOMARIN® 100 NI QANDAY QABUL QILISh KERAK Ushbu dori vositasini doim qat‘iy ilova-varaqasidagi ko‘rsatmalariga muvofiq yoki davolovchi shifokor yoki dorixona ishchisi ko‘rsatmalariga muvofiq qabul qilish kerak. Agar Sizda shubxangiz bo‘lsa, davolovchi shifokor yoki dorixona ishchisi bilan maslaxatlashing. Tavsiya etiladigan doza: Yod tanqisligida bo‘qoqni oldini olish Yangi tug‘ilgan chaqaloqlar va bolalar: Sutkada bir marta ½-1 tabletkadan Yodomarin® 100 (50-100 mkg yodga mos keladi). O‘smirlar va kattalar: Sutkada bir marta 1-2 tabletkadan Yodomarin® 100 (100-200 mkg yodga mos keladi). Homiladorlik va emizish davrida: Sutkada bir marta 2 tabletka Yodomarin® 100 (200 mkg yodga mos keladi). Medikamentoz davolashni yakunlanishi yoki yodning tanqisligi bilan bog‘liq bo‘lgan bo‘qoq bo‘yicha operasiyadan keyin qalqonsimon bezini takroriy o‘sishini oldini olish Sutkada bir marta 1-2 tabletkagacha Yodomarin® 100 (100-200 mkg yodga mos keladi). Yodning tanqisligi chaqirgan bo‘qoqni davolash Yangi tug‘ilgan chaqaloqlar, bolalar va o‘smirlar: Sutkada bir marta 1-2 tabletkadan Yodomarin® 100 (100-200 mkg yodga mos keladi). Yoshroq kattalar: Sutkada bir marta 3-5 tabletkadan Yodomarin® 100 (300-500 mkg yodga mos keladi) tavsiya etiladi. Qo‘llash usuli Ovqatdan keyin yetarli miqdordagi suv bilan birga qabul qilinadi (masalan, bir stakan suv). Davolash davomiyligi Oldini olish maqsadlarda Yodomarin® 100 muntazam bir necha yil davomida, ko‘pincha esa butun hayoti davomida qabul qilinadi. Yangi tug‘ilgan chaqaloqlardagi bo‘qoqni davolash uchun, odatda 2-4 hafta yetarli bo‘ladi. Bolalar, o‘smirlar va kattalardagi bo‘qoqni davolash uchun 6 oydan 12 oygacha talab qilinadi. Tabletkalarni bir xil dozali ikki qismga bo‘lish mumkin. Agar Siz Yodomarin® 100 preparatini keragidan ko‘p miqdorda qabul qilgan bo‘lsangiz Darxol shifokorga murojaat qiling. Shifokor kerakli choralar ko‘rish masalasini hal qiladi. Agar Siz Yodomarin® 100 preparatini qabul qilishni unutgan bo‘lsangiz O‘tkazib yuborgan dozani o‘rnini bosish uchun ikki barobar dozani qabul qilmang. Agar Siz Yodomarin® 100 ni qabul qilishni to‘xtatgan bo‘lsangiz Agar Siz Yodomarin® 100 ni qabul qilishni to‘xtatgan bo‘lsangiz, masalan nojo‘ya samaralarni paydo bo‘lishi sababli, bu haqida shifokoringizga xabar bering. Ushbu dori preparatini qabul qilish bo‘yicha yana savollar paydo bo‘lsa, shifokorga yoki dorixona xodimiga murojaat qiling. BO‘LISHI MUMKIN BO‘LGAN NOJO‘YA TA‘SIRLARI Barcha dori vositalari kabi Yodomarin® 100 ham nojo‘ya ta‘sirlar ko‘rsatishi mumkin, lekin ular har bir pasientlarda ham kuzatilmaydi. Har qanday yoshda yodid profilaktik qo‘llanganida, shuningdek yangi tug‘ilgan chaqaloqlar, bolalar va o‘smirlarda davolash uchun qo‘llanganida, odatda noxush samaralari kuzatilmaydi. Lekin qalqonsimon bezida katta nazorat qilinmaydigan gormon hosil qiluvchi avtonom joylar bo‘lganida va yod 150 mkg dan yuqori sutkalik dozalarda buyurilganida, qalqonsimon bezining faoliyatini oshishini klinik ko‘rinishlarini butunlay istisno qilib bo‘lmaydi. Juda kam xollarda (10000 pasientdan 1 nafaridan kamida kuzatiladi) Immun tizimi tomonidan buzilishlar Yod chaqirgan tumov, teri reaksiyalari (bullyoz yoki tuberoz yododerma, eksfoliativ dermatit), teri yoki shilliq qavatlarni shishi, (angionevrotik shish), isitma, xusnbuzar va so‘lak bezlarini shishi kabi yuqori sezuvchanlik reaksiyalari. Gormonal tizim tomonidan buzilishlar Kattalarda bo‘qoqni davolashda (sutkalik doza 300 dan 1000 mkg gacha yod) alohida hollarda yod chaqirgan qalqonsimon bezining faoliyatini oshishi mumkin. Ko‘pchilik hollarda bunga qalqonsimon bezida gormon hosil qiluvchi o‘choqlarining mavjudligi sabab bo‘ladi. Odatda xavfga uzoq muddat davomida bo‘qoq bilan kasallangan keksa yoshdagi pasientlar duchor bo‘ladilar. Biron-bir nojo‘ya ta‘sirlari paydo bo‘lganida shifokorga yoki dorixona xodimiga murojaat qiling. Bu har qanday bo‘lishi mumkin bo‘lgan nojo‘ya ta‘sirlarga – shu jumladan ilova-varaqada ta‘riflanmagan nojo‘ya samaralarga taalluqli. Yodomarin® 100 NI QANDAY SAQLASH KERAK Bolalar ololmaydigan joyda saqlansin. Yaroqlilik muddati: 36 oy. Ushbu dori vositasini tashqi o‘ramida va blisterida «gacha yaroqli» so‘zlaridan keyin ko‘rsatilgan yaroqlilik muddati o‘tgach ishlatmang. Yaroqlilik muddatini o‘tish sanasi ko‘rsatilgan oyning oxirgi kuni hisoblanadi. 30°S dan yuqori bo‘lmagan haroratda saqlansin! Hech qanday dori preparatlarini kanalizasiya yoki maishiy chiqindilarga tashlamang. Kerak bo‘lmagan dori preparatini qanday utilizasiya qilish xaqida dorixona ishchisi bilan maslaxatlashing. Bu choralar atrof muxitni ximoya qilishga yordam beradi.   O‘RAM ICHIDAGISI VA BOSHQA MA‘LUMOTLAR Yodomarin® 100 da saqlovchi moddalar Preparatning ta‘sir etuvchi moddasi kaliy yodididir. Bir tabletka 131 mkg kaliy yodidi saqlaydi (100 mkg yodga mos keladi). Boshqa komponentlar: Laktoza monogidrati, yengil magniy karbonati asosi, jelatin, karboksimetilkraxmalning natriyli tuzi (A turi), (Ph. Eur) suvsiz kolloid kremniy dioksidi, magniy stearati.   Yodomarin® 100 preparatining tashqi ko‘rinishi va o‘ram ichidagisi Yassi parallel yuzali, oqdan to deyarli oq rangligacha bo‘lgan, chetlari qiya, bo‘lish uchun bir tomonida o‘yiqchasi bo‘lgan tabletkalar. Bir jigarrang shisha flakonda 50 yoki 100 tabletka saqlanadi. Sotuvda o‘ramlarining barcha o‘lchamlari bo‘lmasligi mumkin.   Ulashish: