GEPA MERS granuli 5g N30

Инструкция GEPA MERS granuli 5g N30

• Qadoqda soni

  30

• Dozirovkasi

  200 ml suyuqlikda eritilgan 1–2 paketchadagi granula, sutkada 2–3 marta ovqatdan keyin ichga qabul qilinadi. Suyuqlik sifatida suv yoki sharbat ishlatish mumkin.

• Dori vositalarining o'zaro ta'siri

  Boshqa guruh dori preparatlari bilan o'zaro ta'siri aniqlanmagan.

• Qo'llanilishi mumkin bo'lmagan holatlar

  L-ornitin-L-aspartati yoki preparatning boshqa komponentlariga o'ta yuqori sezuvchanlik. Kreatininning ko'rsatkichi 3 mg/100 ml dan ko'proq bo'lgan yaqqol buyrak yetishmovchiligida qo'llash mumkin emas.

• Maxsus saqlash sharoitlari

  Saqlash sharoiti 25°S dan yuqori bo'lmagan haroratda. Bolalar ololmaydigan joyda saqlansin. Yaroqlilik muddati 5 yil. O'ramida ko'rsatilgan yaroqlilik muddati tugaganidan keyin qo'llanilmasin.

• Maxsus shartlar

  Diqqatni yuqori jamlash va psixomotor reaktsiyalarning tezligini talab qiluvchi potentsial xavfli faoliyat turlari bilan shug'ullanuvchi patsiyentlarga ehtiyotkorlik bilan buyuriladi. Granulali bir paketcha 1,13 g fruktoza (0,11 NB) saqlaydi, buni qandli diabeti bo'lgan patsiyentlar va fruktozani nasliy o'zlashtiraolmasligi bo'lgan shaxslar hisobga olishlari kerak. Preparatni uzoq vaqt davomida qo'llash kariyes chaqirishi mumkin. Preparatni bolalarda qo'llash bo'yicha ma'lumotlar yo'q. Buyraklar funktsiyasining og'ir buzilishlarida shifokor bilan maslahatlashing.

• Nojo'ya samaralari

  Allergik reaktsiyalar, ko'ngil aynishi, qusish, me'dada og'riq, meteorizm, diareya bo'lishi mumkin. Juda kam hollarda– qo'l va oyoqlarda og'riq. Ko'rsatilgan nojo'ya samaralari odatda o'tkinchi bo'lib, preparatni bekor qilishni talab etmaydi.

• Farmakokinetikasi

  Plazmada ammiakning ko'tarilgan miqdorini, xususan jigar kasalliklarida, pasaytiradi. Preparatning ta'siri, uning mochevina hosil bo'lishining (ammiakdan mochevina hosil bo'lishi) ornitin siklida ishtirok etishi bilan bog'liq. Parenteral oziqlantirish talab qilinadigan kasalliklarda oqsil almashinuvini yaxshilaydi.

• Farmakodinamikasi

  Ornitin aspartati uni hosil qiluvchi komponentlariga – ornitin va aspartat aminokislotalariga dissotsiyalanadi. Ular ingichka ichakda faol transport yo'li bilan ichak epiteliysi orqali so'riladi. Buyraklar orqali chiqariladi.

• Dozani oshirib yuborilishi

  Dozasi oshirib yuborilganida intoksikatsiya belgilari ta'riflanmagan. Dozani oshirib yuborilishi holatida simptomatik davolash ko'rsatilgan.