BUFESAL eritma dlya ingalyasiy 2ml 7% N10

Инструкция BUFESAL eritma dlya ingalyasiy 2ml 7% N10

• Dori shakli

  4 мл дан тиббий полипропилен/полиэтиленли небулалар (ампулалар) да.

• Qadoqda soni

  10

• Dozirovkasi

  Буфесал препарати ингаляцион қўллаш учун мўлжалланган. Катталарда ва болаларнинг биринчи куниданоқ қўллаш мумкин. Буфесал эритмасининг ингаляциясини небулайзер ёрдамида  махсус юз никоби,  оғиз ёки бурун канюласи орқали қўллаш мумкин. Болаларда қўлланиши Буфесални болаларнинг биринчи куниданоқ қўллаш мумкин. Болаларда қўллаш катталар назорати остида олиб борилиши керак! Болаларга 1 мл дан 4 мл гача эритмаси тавсия этилади. Давони кичик дозаларда, аста-секин дозани ошириш билан бошлаш мумкин. Доза, даво муддати ва қўллаш тез-тезлиги шифокор тавсиясига кўра белгиланади. Катталар Кунига 4 мл – 1 небула (ампула) дан 2 маҳал қўлланилади. Зарур бўлганда қўллаш сони кунига 4 мартагача оширилиши мумкин.    Қўллаш тартиби: -              Препаратни қўллашдан олдин небулайзер ишлаб чиқарувчисининг кўрсатмаларини ўқиб чиқиш керак. -              Небулайзерни ишлаб чиқарувчининг кўрсатмасига кўра тайёрлаш керак. -              Стерил эритма сақлаган небулани (ампула) блокдан ажратилсин, бунинг учун уни айлантирилади ва тортилади. Ампуланинг қопқоғи вертикал ушлаб, қопқоқ синдирилади. -              Небулани (ампула) небулайзерга очиқ қисми билан пастга қўйинг ва небулайзер резервуарига эритмани киритиш учун енгил босинг. -               Небулайзерни ишлаб чиқарувчи кўрсатмасига биноан қўлланг. -              Ингаляция ўтказилгандан кейин оғиз сув билан чайилади. Ингаляция ўтказиш учун ниқобни қўллаганда муолажадан кейин эритма қолдиқларини йўқотиш учун юз терисини нам салфетка билан артилади. -              Небулайзер камерасидаги ишлатилмаган қолдиқ эритма тўкиб юборилиши керак. -              Небулайзер яхшилаб ювилади.

• Dori vositalarining o'zaro ta'siri

  Бошқа эритма ёки дори воситалари билан аралаштириш тавсия этилмайди! Бир вақтнинг ўзида бошқа препаратларни ингаляцион йўл билан қабул қилётган беморлар, ингаляцион препаратларни Буфесал билан қўллаш тартиби ва кетма-кетлиги ҳақида шифокор билан маслахатлашишлари керак. Ингаляция шаклидаги бронходилататорни Буфесал эритмаси ингаляцияси ёки бошқа ингаляцион муколитиклардан олдин қўллаш тавсия этилади.

• Qo'llanilishi mumkin bo'lmagan holatlar

  Препарат компонентларини индивидуал ўзлаштира олмаслик.

• Maxsus saqlash sharoitlari

  25°С дан юқори бўлмаган ҳароратда сақлансин. Музлатиш ва қуёш нурини бевосита таьсир этишига йўл қўйилмасин. Болалар оломайдиган жойда сақлансин.   Яроқлилик муддати:   2 йил. Яроқлилик муддати ўтгандан сўнг қўлланилмасин.

• Maxsus shartlar

  Махсус кўрсатмалар Эритма фақат ингаляция йўли билан қўллаш учун мўлжалланган. Бронхоспазм ёки йўтал пайдо бўлиш холларида қўллашни тўхтатиш ва шифокорга хабар бериш керак. Болаларда қўллаш катталар назорати остида олиб борилиши керак! Агар, препаратни очиш пайтида ампула зарарланган ёки тўлиқ ёпилмаган бўлса, небула (ампула) ишлатилмасин. Ампулани қадоқда кўрсатилган яроқлилик муддати тугагандан кейин ишлатилмасин.   

• Nojo'ya samaralari

  Препарат одатда яхши ўзлаштирилади. Камдан кам ҳолларда йўтал ёки бронхоспазм келиб чиқиши мумкин.

• Farmakokinetikasi

  Буфесал- ингаляцион муколитик восита бўлиб, натрий бикарбонат билан буферланган, ингаляция йўли билан юбориладиган 7% ли гипертоник стерил тузли эритма. Буфесал осмотик таъсири туфайли нафас аъзоларининг яллиғланиш касаллиги бўлган беморларда пастки нафас йўлларининг шиллиқ қавати секретини юмшатиш ва чиқишини яхшилаш йўли билан нафас олишни енгиллаштиради. Ингаляция учун буферланган  натрий хлориднинг 7% ли гипертоник эритмаси нафас йўлларининг  нормал pH (pH 7,3-7,5) га  мос келувчи бироз ишқорий реакцияга (рН 7,4) эга. Буфесал эритмасининг кучсиз ишқорий реакцияси (рН  7,4) 24 соат мобайнида бактерияларнинг зичлигини самарали камайтиришга имкон беради, чунки айрим бактериялар (масалан, Pseudomonas aeruginosa) кислотали муҳитни афзал кўради.  Буферланган 7% ли натрий хлорид эритмасининг ушбу таьсири муковисцидози бўлган беморларда алоҳида аҳамиятга эга, чунки ушбу категориядаги беморларда  рН нинг физиологик даражагача ортиши дастлабки инфекцияни олдини олиши мумкин. Натрий хлориднинг буферланган шакли шунингдек, ингаляцияда ноқулайликни камайишини таьминлайди.

• Farmakodinamikasi

  Маҳаллий юборилганда фармакокинетикаси текширилмаган.

• Dozani oshirib yuborilishi

  Дозани ошириб юборилиш ҳолатлари қайд қилинмаган.