MAGNE V6 FORTE tabletkalari 100mg/10mg N30

Инструкция MAGNE V6 FORTE tabletkalari 100mg/10mg N30

• Qadoqda soni

  30

• Umumiy ma'lumot

  MAGNE V6 FORTE tabletkalari 100mg/10mg N30 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA MAGNE V6® MAGNE B6®   Preparatning savdo nomi: Magne V6®. Dori shakli: qobiq bilan qoplangan tabletkalar. Tarkibi: 1 tabletkada quyidagilar saqlanadi Tabletkaning yadrosi: faol moddalar: magniy laktat digidrati* – 470 mg, piridoksin gidroxloridi – 5 mg; yordamchi moddalar: saxaroza – 115,6 mg, og‘ir kaolin – 40,0 mg, akasiya kamedi – 20,0 mg, karboksipolimetilen 934 – 10,0 mg, talk (magniy gidroksilati) – 42,7 mg, magniy stearati – 6.7 mg. Tabletkaning qobig‘i: akasiya kamedi – 3,615 mg, saxaroza – 214,969 mg, dioksid titani – 1,416 mg, talk (magniya gidrosilikat) – qoldiqlar, karnaub mumi (kukun) – qoldiqlar. * – saqlash bo‘yicha 48 mg magniy (Mg++) ga 48 mg ekvivalent. Ta‘rifi: oq rangli plyonka qobiq bilan qoplangan oval ikki yoqlama qavariq silliq yaltiroq yuzali tabletkalar. Farmakoterapevtik guruhi: magniy preparati. Kod ATX: A11JB. Farmakologik xususiyatlari Farmakodinamikasi Magniy hayotiy muhim elementdir, u hujayralarning normal faoliyati uchun zarur bo‘lib, ko‘pgina moddalar almashinuvi reaksiyalarida ishtirok etadi. Qisman, u nerv impulslarining o‘tkazilishini boshqarilishida va mushaklarning qisqarishida ishtirok etadi. Organizmga magniy ovqat bilan birga tushadi. Magniy yetishmovchiligi ovqatlanish tartibi buzilganda (parhez) yoki magniyga talab oshganda (yuqori jismoniy va aqliy yuklamalarda, stress, homiladorlik, diuretiklar qo‘llanilgan holatlarda) kuzatiladi. Piridoksin (vitamin V6) ko‘pgina metabolik jarayonlarda ishtirok etadi, u magniyning me‘da-ichak yo‘llaridan so‘rilishini va hujayralarga kirishini yaxshilaydi. Qon zardobidagi magniy miqdorlari: – 12 va 17 mg/l orasida (0,5–0,7 mmol/l): magniyning o‘rtacha miqdordagi yetishmovchiligini ko‘rsatadi; – 12 mg/l dan past (0,5 mmol/l): magniyning og‘ir tanqisligini ko‘rsatadi. Farmakokinetika Magniyning me‘da-ichak yo‘llaridan so‘rilishi qabul qilingan dozadan 50% dan ko‘pini tashkil qiladi. Magniyni 99% organizmning xujayra ichida joylashgan. Taxminan 2/3 xujayra ichidagi magniy suyak to‘qimalarida taqsimlanadi, boshqa 1/3 esa silliq va ko‘ndalang targ‘il mushak to‘qimalarida joylashgan. Magniy asosan siydik orqali chiqariladi. Magniyni qabul qilingan dozasini kamida 1/3 siydik bilan chiqariladi. Qo‘llanilishi Alohida yoki boshqa holatlar bilan bog‘liq bo‘lgan aniqlangan magniy tanqisligi, quyidagi belgilar bilan kechuvchi holatlar: yuqori ta‘sirchanlik, uyquni biroz buzilishi, me‘da-ichak spazmlari, yurakning tez urishi, tez charchash, mushaklarda og‘riq va sanchilish hissi kuzatilganda. Qo‘llash usuli va dozalari Tabletkalarni butunligicha, bir stakan suv bilan ichish lozim. Kattalar: sutkada 2-3 qabulga bo‘lingan 3-4 tabletka, ovqatlanish vaqtida buyuriladi. 6 yoshdan oshgan bolalar (taxminan 20 kg vaznli): sutkada 10-30 mg/kg, ya‘ni 6 yoshdan katta bolalar uchun (taxminan 20 kg vaznili) sutkada 2-3 qabulga bo‘lingan 2-4 tabletka, ovqatlanish vaqtida buyuriladi. Odatda davolanish davomiyligi bir oyni tashkil etadi. Nojo‘ya ta‘sirlari Immun tizimi tomonidan buzilishlar: Juda kam hollarda (<0.01%): allergik reaksiyalar, shu jumladan teri reaksiyalari; Me‘da-ichak yo‘llari tomonidan buzilishlar: Tez-tezligi noma‘lum (yuzaga chiqish tezligini baholash mavjud ma‘lumotlarga ko‘ra mumkin emas): diareya, qorinda og‘riq, ko‘ngil aynishi, qusish, meteorizm. Qo‘llash mumkin bo‘lmagan holatlar Preparatning har qanday komponentlariga yuqori sezuvchanlik. Og‘ir buyrak yetishmovchiligi (kreatinin klirensi minutiga 30 ml dan kam). Fenilkentonuriya. 6 yoshgacha bo‘lgan bolalar (samaradorligi va xavfsizligi aniqlanmagan). Nasliy galaktozemiya, glyukoza va galaktozaning malabsorbsiya sindromi yoki laktaza yetishmovchiligi (preparat tarkibida laktoza mavjudligi sababli). Bir vaqtda levodopa bilan qabul qilish (“Dorilarning o‘zaro ta‘siri” ga qarang) mumkin emas. Ehtiyotkorlik bilan O‘rtacha darajadagi buyrak yetishmovchiligi (gipermagniemiya rivojlanish xavfi) Dorilarning o‘zaro ta‘siri Qo‘llash mumkin bo‘lmagan majmualar Levodopa bilan: levodopa faolligi piridoksin yordamida ingibisiya qilinishi (agarda bu preparat aromatik L-aminokislotalarning periferik dekarboksilazasi ingibitorlari bilan birga qabul qilinmasa). Shuning uchun levodopa preparati aromatik L-aminokislotalarning periferik dekarboksilazasi ingibitorlari bilan birgalikda qabul qilinmasa, shu vaqtda istalgan miqdordagi piridoksinni qabul qilishdan saqlaning. Tavsiya etilmaydigan majmualar Fosfat yoki kalsiy tuzlarini saqlovchi dori vositalari bilan birga qabul qilingan magniyning ichak orqali so‘rilishini susaytiradi. E‘tiborga olish kerak bo‘lgan majmualar Tetrasiklinlarni ichga qabul qilish buyurilganda tetrasiklin va Magne V6® preparati orasida 3 soatlik intervalni saqlash lozim, chunki magniy preparatlari tetrasiklinlar so‘rilishini kamaytiradi. Maxsus ko‘rsatmalar Tabletkalar faqat kattalar va 6 yoshdan katta bolalar uchun mo‘ljallangan. Qandli diabeti bo‘lgan bemorlar uchun ma‘lumot: qobiq bilan qoplangan tabletkalar yordamchi modda sifatida saxaroza saqlaydi. Og‘ir darajadagi magniy tanqisligi yoki malabsorbsiya sindromi holatlarida davolanishni magniyni vena ichiga yuborish yo‘li bilan boshlash zarur. Kalsiy va magniyning bir vaqtdagi tanqisligi holatida magniy tanqisligini kalsiy preparati va kalsiy saqlovchi ozuqaviy qo‘shimchalar qabul qilishdan avval to‘ldirish tavsiya etiladi. Organizmda magniy tanqisligiga olib keluvchi surgi dori vositalarini, alkogolni tez-tez qo‘llash holatlarida, og‘ir jismoniy va ruhiy yuklamalar vaqtida magniyga muhtojlik ortib boradi. Uzoq vaqt davomida (bir necha oy yoki ayrim holatlarda – yillar) piridoksinni yuqori dozalarda (kuniga 200 mg dan ko‘p) qabul qilish tufayli uvishish va proprioseptiv sezuvchanlikning buzilishi, oyoq-qo‘llarning distal qismlarida tremor va sekin-asta rivojlanuvchi sensor ataksiya (harakat koordinasiyasining buzilishi) kabi simptomlar bilan kechuvchi sensor aksonal neyropatiya rivojlanishi mumkin. Bu o‘zgarishlar asosan o‘tkinchi bo‘lib, vitamin V6 vitaminini qabul qilish to‘xtatilishi bilan o‘tib ketadi. Homiladorlik va emizish davri Homiladorlik Yetarlicha miqdordagi homilador ayollarda o‘tkazilgan klinik tadqiqotlar preparatning  homila rivojlanishidagi nuqsonlarni kelib chiqishiga nojo‘ya ta‘siri yoki fetotoksik ta‘sirini aniqlamadi. Magne V6® preparati homiladorlik vaqtida faqat shifokorning tavsiyasi bilan zarur holatlarda qo‘llanilishi mumkin. Emizish davri Magniyning ko‘krak sutiga o‘tishini hisobga olib, preparatni qabul qilish zarurati bo‘lgan vaqtida emizishni to‘xtatish tavsiya etiladi. Transport vositalarini boshqarishga va boshqa potensial xavfli bo‘lgan faoliyat bilan shug‘ullanishga ta‘siri Ta‘sir qilmaydi. Alohida ko‘rsatmalar yo‘q. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin. Dozaning oshirib yuborilishi Simptomlari Buyrakning normal funksiyasida vaqtida magniyning ichga qabul qilinishi vaqtida dozaning oshirib yuborilishi toksik reaksiyalarning yuzaga kelishiga olib kelmaydi. Ammo buyrakning yetishmovchiligi holatida magniy bilan zaharlanish yuzaga kelishi mumkin. Dozaning oshirib yuborilgan belgilarining namoyon bo‘lishi magniyning qondagi konsentrasiyasiga bog‘liq: arterial bosimni pasayishi; ko‘ngil aynishi, qusish; markaziy tizimini susayishi, reflekslarni pasayishi; elektrokardiogrammada o‘zgarishlar kuzatilishi; nafasni susayishi, koma, yurak to‘xtab qolishi va nafasning falaji; anurik sindrom. Davolash Regidratasiya, kuchaytirilgan diurez. Buyrak yetishmovchiligida gemodializ yoki peritoneal dializ muhim. Chiqarilish shakli 10 tabletkadan PVX/alyumin folgali blisterlarda. 5 blisterdan qo‘llash bo‘yicha yo‘riqnomasi bilan karton qutida. Saqlash sharoiti Original o‘ramida 30°S dan yuqori bo‘lmagan haroratda saqlansin. Yaroqlilik muddati 2 yil. Dorixonalardan berish tartibi Reseptsiz beriladi. Ulashish: