BRONXIKOLD sirop 50ml

Инструкция BRONXIKOLD sirop 50ml

• Umumiy ma'lumot

  BRONXIKOLD sirop 50ml qo'lanishi bo'yicha ko'rsatmalar QO‘LLASH BO‘YICHA YO‘RIQNOMA BRONXIKOLD BRONNICOLD   Preparatning savdo nomi: Bronxikold Ta‘sir etuvchi moddalar (XPN): parasetamol, gvayfenezin, fenilefrin gidroxloridi. Dori shakli: sirop. Tarkibi: xar bir 5 ml sirop quyidagilarni saqlaydi: faol moddalar: parasetamol – 125 mg; gvayfenezin – 50 mg; fenilefrin gidroxloridi – 2,5 mg; yordamchi moddalar: gliserin, sorbitol, natriya benzoat, natriy saxarin, limon kislotasi, propilenglikol, “Sansut Yellow” (E110) bo‘yog‘i. Ta‘rifi: to‘q-sariq-pushti rangdan sariq ranggacha bo‘lgan, o‘ziga xos hidli siropsimon suyuqlik. Farmakoterapevtik guruhi: O‘tkir respirator kasalliklarni simptomlarini bartaraf etish uchun vosita. ATX kodi: N02BE51 Farmakologik hususiyatlari Majmuaviy preparat, ta‘siri uni tashkil etuvchi komponentlarining farmakologik xususiyatlariga bog‘liq. Parasetamol asosan markaziy nerv tizimida prostaglandinlar sintezini tormozlanishi va kam darajada og‘riq impulslarni hosil bo‘lishini bloklanishi orqali og‘riq qoldiruvchi va isitma tushiruvchi ta‘sir ko‘rsatadi. Periferik ta‘siri shuningdek prostaglandinlar sintezini tormozlanishi yoki sintezini susayishi yoki og‘riq reseptorlarini mexanik yoki kimyoviy rag‘batlantirilishga sezgirligiga javobgar bo‘lgan boshqa substansiyalarning ta‘siri bilan bog‘liq bo‘lishi mumkin. Gvayfenezin – balg‘am ko‘chiruvchi vositadir, balg‘amning sirt tarangligini va adgeziv xususiyatini kamaytiradi, bu uni qovushqoqligini kamaytiradi va nafas yo‘llaridan chiqarilishini (evakuasiyasini) yengillashtiradi. Fenilefrin gidroxloridi – qon tomirlarini toraytiruvchi vosita, burun bitishini yo‘qotadi (burun shilliq qavati va burun atrofi yo‘llarining qon tomirlarini toraytiradi) va nafasni yengillashtiradi.   Farmakokinetikasi Parasetamol me‘da-ichak yo‘llaridan tez so‘riladi. 500 mg dozada ichga qabul qilinganidan keyin 10-60 minutdan so‘ng maksimal konsentrasiyaga (Cmax) erishiladi. Qon plazmasi oqsillari bilan bog‘lanishi 10% dan kamni tashkil kiladi. Jigarda metabolizmga uchraydi va yarim chiqarilish davri (T1/2) 1-3 soatni tashkil qiladi. Siydik bilan, asosan glyukuron kislotasi va sulfatlar bilan kon‘yugatlari ko‘rinishida chiqariladi. Gvayfenezin  ichga qabul qilinganidan keyin tez so‘riladi, 3-(2metoksi-fenoksi) sut kislotasigacha oksidlanib, tez metabolizmga uchraydi va siydik bilan chiqariladi. Fenilefrin gidroxloridi me‘da-ichak yo‘llarida doimiy bo‘lmagan tezlikda so‘riladi, ichakda va jigarda monoaminooksidaza (MAO) ishtirokida metabolizmga uchraydi. Siydik bilan sulfat kon‘yugatlari ko‘rinishida chiqariladi. Qo‘llanilishi Preparat gripp va shamollashning (bosh og‘rig‘i, isitma, mushaklar va bo‘g‘imlardagi og‘riq, burun bitishi, aksirish va nam yo‘tal kabi) ko‘rinishlarini simptomatik davolash uchun qo‘llanadi.   Qo‘llash usuli va dozalari Preparat ichga qabul qilinadi. Kattalarga (shu jumladan keksalar) va 12 yoshdan oshgan bolalarga siropni kuniga 3-4 marta 20 ml dan buyuriladi, 6-12 yoshli bolalarga kuniga 3-4 marta 10 ml dan buyuriladi, 2-6 yoshli bolalarga kuniga 3-4 marta 5 ml dan buyuriladi, 2 yoshdan kichik bolalarga esa faqat shifokorning ko‘rsatmasi bo‘yicha buyuriladi.   Nojo‘ya ta‘sirlari Preparat tavsiya qilingan dozalarda odatda yaxshi o‘zlashtiriladi. Ammo ba‘zida teri toshmasi, qorin sohasida og‘riqlar, diareya, arterial bosimning oshishi, bosh aylanishi va boshqa allergik reaksiyalar paydo bo‘lishi mumkin.   Qo‘llash mumkin bo‘magan holatlar Preparatning komponentlariga yuqori sezuvchanlik, yurak va qalqonsimon bezi kasalliklari, qandli diabet, surunkali alkogolizm, jigar va buyrak faoliyatini buzilishi, MAO ingibitorlarini, trisiklik antidepressantlarni va parasetamol saqlagan preparatlarni bir vaqtda qo‘llash, homiladorlik va laktasiya davrida qo‘llash mumkin emas.   Dorilarning o‘zaro ta‘siri Antasidlarni qabul qilish yoki ovqat iste‘mol qilish parasetamolni so‘rilishini sekinlashtirishi mumkin. Preparatni simetidin, fenotiazin bilan birga ehtiyotkorlik bilan qo‘llash va MAO ingibitorlari va trisiklik antidepressantlar bilan bir vaqtda qabul qilishdan saqlanish kerak. Maxsus ko‘rsatmalar Preparatni homiladorlik va laktasiya davrida qabul qilish mumkin emas. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.   Dozani oshirib yuborilish Kattalarda zaharli ta‘siri preparat tarkibida parasetamolni 10-15 g dan ko‘p qabul qilganda bo‘lishi mumkin: Simptomlari (parasetamol bilan bog‘liq bo‘lgan): teri qoplamalarini oqarishi, ishtahani pasayishi, ko‘ngil aynishi, qusish; gepatonekroz (zaxarlanish oqibatidagi nekrozning yaqqolligi bevosita dozani oshirib yuborish darajasiga bog‘liq), «jigar» transaminazalari faolligini oshishi, protrombin vaqtini (qabul qilishdan 12-48 soatdan keyin) uzayishi, jigarni shikastlanishini keng «klinik» manzarasi 1-6 kundan keyin namoyon bo‘ladi. Kam hollarda: jigar yetishmovchiligi yashin tezligida rivojlanadi va buyrak yetishmovchiligi (tubulyar nekroz) bilan asoratlanishi mumkin. Davolash: doza oshirib yuborilgandan keyin birinchi 6 soatda – me‘dani yuvish, SH-guruhi donatorlarini va glutation – metionin sintezi o‘tmishdoshlarini doza oshirib yuborilganidan 8-9 soatdan keyin va N-asetilsisteinni 12 soatdan keyin yuborish. Qo‘shimcha terapevtik tadbirlarni o‘tkazish zarurati (keyinchalik metionin, N-asetilsisteinni vena ichiga yuborish) parasetamolning qondagi konsentrasiyasiga, shuningdek uni qabul qilgandan keyin o‘tgan vaqtga qarab aniqlanadi.   Chiqarilish shakli Sirop 50, 60, 90 va 100 ml dan flakonlarda.   Saqlash sharoiti Quruq, yorug‘likdan himoyalangan joyda, 250S dan yuqori bo‘lmagan haroratda saqlansin. Yaroqlilik muddati 3 yil.   Dorixonalardan berish tartibi Reseptsiz. Ulashish: