KYUPEN FORTE tabletkalari 10mg N20

Инструкция KYUPEN FORTE tabletkalari 10mg N20

• Qadoqda soni

  20

• Dozirovkasi

  Dozalash tartibi og'riq sindromining jadalligiga qarab, individual ravishda belgilanadi. Kattalarga ichga qabul qilinganda – 10 mg dan har 4-6 soatda, zarurat bo'lganida – 20 mg dan sutkada 3-4 marta qo'llanadi. Maksimal sutkalik doza – 90 mg, mushak ichiga yoki vena ichiga in'ektsiya ko'rinishida majmuaviy qo'llanganida – 40 mg ni tashkil etadi. Davolash kursi 5 kundan oshmasligi kerak. 65 yoshdan oshgan yoki tana vazni 50 kg dan kam bo'lgan patsiyentlarga, shuningdek buyraklar faoliyatini buzilishi bo'lgan bemorlarga preparat kichikroq dozalarda buyuriladi, maksimal sutkalik doza – 60 mg ni tashkil etadi. Bolalar Bolalarga tavsiya etilgan sutkalik doza ichga qabul qilish uchun tana vazniga 0,25 mg/kg ni tashkil etadi. Maksimal dozasi sutkada 1,0 mg/kg ni tashkil etadi. Maksimal davolash davomiyligi 5 kunni tashkil etadi. Katta yoshdagi bolalar uchun organizmning metabolizm hususiyatlarini hisobga olib, dozasini kamaytirish talab etilishi mumkin. Ketorolak preparatini 1 yoshdan kichik bo'lgan bolalar uchun qo'llash tavsiya etilmaydi.

• Dori vositalarining o'zaro ta'siri

  Ketorolak boshqa NYaQV bilan bir vaqtda qo'llanganida additiv nojo'ya samaralar rivojlanishi mumkin; pentoksifillin, antikoagulyantlar (varfarin, geparin kichik dozalarda) bilan – qon ketishi havfi oshishi mumkin; AAF ingibitorlari bilan – buyrak faoliyatini buzilishini rivojlanish havfi oshishi mumkin; probenetsid bilan – plazmada ketorolakning kontsentratsiyasi oshadi va uni yarim chiqarilish davri uzayadi; litiy preparatlari bilan – litiyning buyrak klirensi pasayishi va plazmada uning kontsentratsiyasi oshishi mumkin; furosemid bilan – uning siydik haydovchi ta'siri kamayishi mumkin. Ketorolak qo'llanganida og'riq qoldirish maqsadida qo'llanadigan opioid analьgetiklarga bo'lgan ehtiyoj kamayadi.

• Qo'llanilishi mumkin bo'lmagan holatlar

  Me'da-ichak yo'llari (MIY) ning eroziv-yarali shikastlanishlarini zo'rayish bosqichi, “aspirinli” astma, buyrak faoliyatini yaqqol buzilishlari (plazmada kreatinin kontsentratsiyasi 5 mg/dl dan ortiq), homiladorlik, laktatsiya, tug'ruqdan keyingi dastlabki davrda, ketorolak, aspirin va boshqa nosteroid yallig'lanishga qarshi preparatlarga yuqori sezuvchanlikda qo'llash mumkin emas.

• Maxsus shartlar

  Jigar va buyrak faoliyatini buzilishlari, surunkali yurak yetishmovchiligi, arterial gipertenziyasi bo'lgan patsiyentlarda, anamnezida me'da-ichak yo'llari (MIY) ning eroziv-yarali shikastlanishlari va MIY dan qon ketishlari bo'lgan bemorlarda ehtiyotkorlik bilan qo'llanadi. Ketorolak preparatini akusherlik amaliyotida premedikatsiya, samarani bir maromda saqlab turuvchi anesteziya va og'riq qoldiruvchi vosita sifatida qo'llash tavsiya etilmaydi. Operatsiyadan keyingi davrda, ayniqsa izchil gemostaz talab etiladigan holatlarda (shu jumladan, prostata bezini rezektsiyasi, tonzillektomiyadan so'ng, kosmetik jarrohlikda), shuningdek keksa yoshdagi bemorlarda ehtiyotkorlik bilan qo'llanadi, chunki ketorolakning yarim chiqarilish davri uzayadi, plazma klirensi esa pasayishi mumkin. Ushbu toifadagi bemorlarda ketorolakning terapevtik diapazonini pastki chegarasiga yaqin bo'lgan dozalarda qo'llash tavsiya etiladi. Jigarning shikastlanish simptomlari, teri toshmalari, eozonofiliya paydo bo'lganida ketorolakni bekor qilish kerak. Avtotransportni haydash va mexanizmlarni boshqarish qobiliyatiga ta'siri Agar ketorolak bilan davolanish vaqtida uyquchanlik, bosh aylanishi, uyqusizlik yoki depressiya paydo bo'lsa, diqqatni jamlash va psixomotor reaktsiyalar tezligini talab etuvchi potentsial havfli faoliyat turlari bilan shug'ullanish vaqtida ayniqsa ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati tugaganidan so'ng ishlatilmasin.

• Nojo'ya samaralari

  Yurak-qon tomir tizimi tomonidan: kam hollarda – bradikardiya, arterial bosim (AB) ni o'zgarishi, yurakni tez urib ketishi, xushdan ketish. Ovqat hazm qilish tizimi tomonidan: ko'ngil aynishi, qorinda og'riq, diareya bo'lishi mumkin; kam hollarda – qabziyat, meteorizm, me'da-ichak yo'llari (MIY) ni to'lib ketish hissi, qusish, og'izni qurishi, chanqash, stomatit, gastrit, MIY ni eroziv-yarali shikastlanishlari, jigar faoliyatini buzilishlari. Markaziy nerv tizimi (MNT) va periferik nerv tizimi tomonidan: bezovtalanish, bosh og'rig'i, uyquchanlik bo'lishi mumkin; kam hollarda – paresteziyalar, depressiya, eyforiya, uyquni buzilishi, bosh aylanishi, ta'm bilish hissini o'zgarishi, ko'rishni buzilishi, harakat buzilishlari bo'lishi mumkin. Nafas tizimi tomonidan: kam hollarda – nafas faoliyatini buzilishi, bo'g'ilish hurujlari. Siydik chiqarish tizimi tomonidan: kam hollarda – siyishni tezlashishi, oliguriya, poliuriya, proteinuriya, gematuriya, azotemiya, o'tkir buyrak yetishmovchiligi. Qon ivishi tizimi tomonidan: kam hollarda – burundan qon ketishi, anemiya, eozonofiliya, trombotsitopeniya, operatsiyadan keyin jarohatlardan qon ketishi. Moddalar almashinuvi tomonidan: kuchli terlash, shish paydo bo'lishi mumkin; kam hollarda – oliguriya, qon plazmasida kreatinin va/yoki mochevinaning darajasini oshishi, gipokaliyemiya, giponatriyemiya. Allergik reaktsiyalar: terini qichishishi, gemorragik toshmalar bo'lishi mumkin; yakka hollarda – eksfoliativ dermatit, eshakemi, Layell sindromi, Stivens-Djonson sindromi, anafilaktik shok, bronxospazm, Kvinke shishi, mialgiyalar. Boshqalar: isitma ko'tarilishi mumkin. Mahalliy reaktsiyalar: in'ektsiya qilingan joyda og'riq bo'lishi mumkin.

• Farmakodinamikasi

  Ichga qabul qilingandan so'ng tez va to'liq so'riladi. 10 mg dozani qabul qilgandan so'ng Smax ga o'rtacha 40 minutdan keyin erishiladi va 0,7-1,1 mkg/ml ni tashkil etadi. Yog'ga boy ovqat Smax ni pasaytiradi va unga erishish vaqtini 1 soatga kechiktiradi. Antatsidlar so'rilish darajasiga ta'sir qilmaydi. Plazma oqsillari bilan bog'lanishi – 99,2%. Bog'lanish darajasi qon tomirlardagi kontsentratsiyasiga bog'liq emas. Jigarda kon'yugatsiyalangan va gidroksil guruhini biriktirgan shakllarini hosil qilib, metabolizmga uchraydi. Asosiy metaboliti – gidroksiketorolak farmakologik jihatdan faol emas. Asosan buyrak orqali chiqariladi. Buyrak faoliyati normal bo'lgan patsiyentlarda yarim chiqarilish davri T1/2 o'rtacha – taxminan 5 soat ni tashkil etadi. T1/2 keksa yoshdagi patsiyentlarda uzayadi va yoshlarda qisqaradi. Jigar faoliyati T1/2 ga ta'sir ko'rsatmaydi. Buyrak faoliyatini buzilishi bo'lgan patsiyentlarda plazmadagi kreatinin kontsentratsiyasi 19-50 mg/l (168-442 mkmolь/l) bo'lganida T1/2 10 soatgacha uzayadi, ammo yaqqol ifodalangan buyrak yetishmovchiligida – 13 soatdan ortiqni tashkil etadi. Siydikda yuborilgan dozaning 92%, ahlatda 6% aniqlanadi. Ko'p marta qo'llanganida ketorolakning klirensi o'zgarmaydi.

• Dozani oshirib yuborilishi

  Simptomlari: qorinda og'riq, ko'ngil aynishi, qusish, me'da-ichak yo'llarining eroziv-yarali shikastlanishlari, buyrak faoliyatini buzilishlari, metabolik atsidoz. Davolash: me'dani yuvish, adsorbentlarni (faollashtirilgan ko'mir) yuborish va simptomatik davolashni o'tkazish tavsiya etiladi. Ketorolak dializ yordamida yetarli darajada chiqarilmaydi.